ᒨᓯᓯ ᓯᕗᓪᓖᑦ 24:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐊᑕᓂᐅᑉ, ᕿᓚᐅᑉ ᒎᑎᖓᑕ, ᑕᒪᐅᓐᖓᕐᑎᓚᐅᕐᒪᖓ ᐊᑖᑕᒪ ᐊᖏᕐᕋᖓᓂᑦ ᓄᓇᒥᓪᓗ ᐃᓅᓕᕐᕕᒋᓚᐅᕐᑕᓐᓂᑦ, ᑖᑦᓱᒪ ᐅᖃᕕᒃᓗᓂ ᐅᖃᕐᕕᒋᓚᐅᕐᒪᖓ, ‘ᑭᖑᕚᒃᓴᕐᓄᑦ ᑕᒪᓐᓇ ᓄᓇ ᑐᓂᔪᒪᕙᕋ,’ ᐂᖏᓕᖁᑎᓂᓗ ᓯᕗᓂᕐᓂ ᑎᓕᓂᐊᕐᐹ, ᐃᕐᓂᕐᒪ ᓄᓕᐊᒃᓴᖓᓂᒃ ᓇᓂᓯᓂᐊᕐᐳᑎᑦ ᑕᐅᕙᓐᖓᑦ.

ᒨᓯᓯ ᓯᕗᓪᓖᑦ 24:7 Iomraidhean Croise

ᒨᓯᓯ ᓯᕗᓪᓖᑦ 13:15

ᑕᒪᓐᓇ ᓄᓇ ᑕᑯᔧᑦ ᑕᒪᕐᒥᒃ ᑐᓂᓂᐊᕐᐸᕋ ᐃᓕᖕᓄᑦ ᑭᖑᕚᕐᓄᓪᓗ, ᑕᒪᓐᓇᓗ ᐱᒋᔪᒫᕐᐸᑦ ᐃᓱᖃᖏᑦᑐᒧᑦ.

ᒨᓯᓯ ᓯᕗᓪᓖᑦ 15:18

ᑕᕝᕙ ᐊᑕᓂᖅ ᐅᓪᓗᒥ ᑕᕝᕙᓂ ᐂᑉᕋᒻᒥᒃ ᐊᖏᖃᑎᒌᒍᑎᓕᐅᕐᐳᖅ. ᐅᖃᕐᓗᓂ, “ᑭᖑᕚᕐᓄᑦ ᑕᒪᓐᓇ ᓄᓇ ᑐᓂᕙᕋ, ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓂᑦ ᐱᒋᐊᕐᓗᒍ ᑰᒡᔪᐊᕌᓗᒃ, ᐃᕗᕅᑎᐅᑉ ᑰᖓ ᑎᑭᓪᓗᒍ,

ᒨᓯᓯ ᓯᕗᓪᓖᑦ 16:7

ᑕᕝᕙ ᐊᑕᓂᐅᑉ ᐂᖏᓕᖓᑕ ᐂᒡᒐ ᐅᐸᒃᐹ ᐃᒥᕐᑕᕐᕕᖕᒦᑎᓪᓗᒍ ᐊᖅᑯᑎᒥ ᐃᓄᖃᖏᑦᑐᒥ ᓲᕐᒧᐊᕆᐊᒥ.

ᒨᓯᓯ ᓯᕗᓪᓖᑦ 17:8

ᑕᒪᓐᓇᓗ ᓄᓇ ᐃᓕᖕᓄᑦ ᑐᓂᓂᐊᕐᐸᕋ, ᑭᖑᕚᒃᓴᕐᓄᓪᓗ ᑭᖑᓂᕐᓂ. ᑕᒪᓐᓇ ᓄᓇ ᓂᐅᕐᕈᐊᖑᕕᒋᔧᑦ, ᑕᒪᓐᓇᓕᒫᕐᓗ ᓄᓇ ᑬᓇᓂ, ᓄᓇᒋᔪᒫᕐᐸᓯ ᐃᓱᖃᖏᑦᑐᒧᑦ; ᐅᕙᖓᓗ ᑖᒃᑯᓄᖓ ᒎᑎᒋᔭᐅᔪᒫᕐᐳᖓ.”

ᒨᓯᓯ ᓯᕗᓪᓖᑦ 21:17

ᒎᑎᐅᓪᓗ ᓄᑲᑉᐱᐊᑉ ᓂᐱᖓ ᑐᓴᕐᐹ; ᕿᓚᖕᒥᓪᓗ ᒎᑎᐅᑉ ᐂᖏᓖᖓᑕ ᐂᒡᒐ ᐅᖃᕐᕕᒋᕚ, “ᐂᒡᒑ, ᓱᓇᒥᒃ ᖁᕕᐊᓱᖏᑦᔪᑎᖃᕐᐲᑦ? ᑲᑉᐱᐊᓱᖕᓂᐊᕐᓇᒃ, ᒎᑎᐅᑉ ᓄᑲᑉᐱᐊᑉ ᕿᐊᓂᖓ ᑐᓴᕐᒪᒍ.

ᒨᓯᓯ ᓯᕗᓪᓖᑦ 22:11

ᐊᑕᓂᐅᓪᓕ ᐂᖏᓕᖓᑕ ᕿᓚᖕᒥᑦ ᓂᓪᓕᕐᕕᒋᕚ, ᐅᖃᕐᓗᓂᓗ, “ᐂᑉᕋᕼᐋᒻ, ᐂᑉᕋᕼᐋᒻ!” ᑖᓐᓇᓗ ᑭᐅᕗᖅ, “ᒫᓃᑉᐳᖓ.”

ᒨᓯᓯ ᓯᕗᓪᓖᑦ 24:3

ᐅᖃᕕᒃᑎᓐᓂᐊᕋᒃᑭᑦ ᐊᑕᓂᐅᑉ ᐊᑎᖓᓂ ᕿᓚᐅᑉ ᓄᓇᐅᓪᓗ ᒎᑎᖓᓄᑦ, ᐃᕐᓂᕐᒪ ᓄᓕᐊᒃᓴᖓᓂᒃ ᓂᕈᐊᖁᓇᒃ ᑬᓇᓂᒥᐅᑦ ᐸᓂᖓᓐᓂᒃ ᓄᓇᖅᑲᑎᖏᔭᓐᓂᒃ.

ᒨᓯᓯ ᓯᕗᓪᓖᑦ 24:40

ᑖᑦᓱᒪ ᑭᐅᓚᐅᕐᐹᖓ, ‘ᐊᑕᓂᐅᑉ, ᑍᒪᓐᖓᑦ ᒪᓖᓐᓇᕐᑕᒪ, ᐂᖏᓕᖁᑎᓂ ᑎᓕᓂᐊᕐᐹ ᑕᓯᐅᕐᑕᐅᖁᓪᓗᑎᑦ ᐊᖅᑯᑎᖕᓂ; ᐃᕐᓂᕐᒪᓗ ᓄᓕᐊᒃᓴᖓᓂᒃ ᓇᓂᓯᔪᒫᕐᐳᑎᑦ ᓇᖕᒥᓂᖅ ᐃᓚᒋᔭᓐᓂᑦ, ᐊᑖᑕᒪᓗ ᐃᓚᒋᔭᖏᓐᓂᑦ.

ᒨᓯᓯ ᓯᕗᓪᓖᑦ 26:24

ᑕᒪᑐᒪᓂᓗ ᐅᓐᓄᐊᒥ ᐊᑕᓂᖅ ᓴᖅᑭᑉᐳᖅ ᑖᑦᓱᒧᖓ ᐅᖃᕐᓗᓂᓗ, “ᐊᑖᑕᕕᑦ ᐂᑉᕋᕼᐋᒻ ᒎᑎᒋᕚᖓ; ᑲᑉᐱᐊᓱᖕᓂᐊᕐᓇᒃ, ᐃᓚᒋᕙᒋᑦ ᓮᒻᒪᕐᑎᓐᓂᐊᕐᐸᒋᓪᓗ ᑭᖑᕚᑎᓪᓗ ᐅᓄᕐᓯᑎᑦᓱᒫᕐᐸᒃᑲ ᐱᔨᒐ ᐂᑉᕋᕼᐋᒻ ᐱᑦᔪᑎᒋᓪᓗᒍ.”

ᐄᓱᕋᐅᑉ ᐊᒡᓚᖏᑦ 1:2

“ᐅᓇ ᓮᕋᓯᐅᑉ ᑎᓕᓯᑦᔪᑎᖓ ᐊᖓᔪᖅᑳᕐᔪᐊᖑᔫᑉ ᐴᕐᓯᐊᒥ. ᐊᑕᓂᐅᑉ, ᕿᓚᐅᑉ ᒎᑎᖓᑕ ᐊᐅᓚᑦᓯᔨᓐᖑᕐᑎᓚᐅᕐᐹᖓ ᓯᓚᕐᔪᐊᕐᒥᐅᓕᒫᓄᑦ ᐱᔭᒃᓴᕐᑖᕐᑎᓚᐅᕐᐹᖓᓗ ᑐᒃᓯᐊᕐᕕᓕᐅᖁᓪᓗᖓ ᔨᕉᓴᓕᒥ ᔫᑎᐊᒦᑦᑐᒥ.

ᐃᓐᖏᕈᑎᑦ 103:20

ᐊᑕᓂᖅ ᓂᕐᑐᕐᓯᐅᒃ, ᐃᓕᑦᓯ ᐂᖏᓕᖁᑕᐅᔪᓯ ᑖᑦᓱᒧᖓ, ᐃᓕᑦᓯ ᐊᔪᖏᑦᑐᕐᔪᐊᖑᔪᓯ ᐅᖃᐅᓯᖓᓂᒃ ᓈᓚᒃᑐᓯ, ᒪᓕᑦᓯᐊᕐᑐᓯ ᐅᖃᐅᓯᖓᑕ ᓂᐱᖓᓂᒃ!

ᐃᓐᖏᕈᑎᑦ 136:26

ᕿᓚᐅᑉ ᒎᑎᖓ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

ᐃᓐᖏᕈᑎᑦ 32:8

ᐊᔪᕆᕐᑐᕐᓂᐊᕐᐸᒋᑦ ᐃᓕᓐᓂᐊᕐᑎᓪᓗᑎᓪᓗ ᐊᖅᑯᑎᒃᑯᑦ ᓇᐅᒃᑰᕆᐊᖃᕐᒪᖔᕐᐱᑦ; ᐃᓱᒻᒥᕐᑐᕐᓂᐊᕐᐸᒋᑦ ᐃᔨᓐᓄᑦ ᑕᑯᓐᓇᕐᓗᑎᑦ.

ᐃᓐᖏᕈᑎᑦ 34:7

ᐊᑕᓂᐅᑉ ᐂᖏᓕᖓᑕ ᐊᕙᓗᓯᒪᕔᑦ ᑖᑦᓱᒥᖓ ᓯᕘᕋᔪᓕᒫᑦ, ᓴᐳᑎᓪᓗᒋᓪᓗ.

ᐃᓐᖏᕈᑎᑦ 73:24

ᑕᓯᐅᕋᕕᖓ ᐅᖃᐅᑦᔪᐃᖃᑦᑕᕐᓂᒃᑯᑦ, ᐱᓐᓇᕐᓇᕐᑐᕐᔪᐊᒧᓪᓗ ᐃᓚᓕᐅᕈᒫᕋᕕᖓ.

ᒨᓯᓯ ᐂᑉᐸᖏᑦ 13:5

ᐊᑕᓂᐅᑉ ᓱᓕᓪᓚᕆᒃᑐᒥᒃ ᐊᖏᕐᕕᒋᓯᒪᖕᒪᒋᑦ ᓯᕗᓕᕕᓂᓯ ᓄᓇᒥᒃ ᑕᒪᑐᒥᖓ ᑬᓇᓂᒥᐅᑦ ᓄᓇᖓᓂᒃ ᑐᓂᓯᕕᒋᔪᒪᓪᓗᒋᑦ, ᕼᐃᑍᑎᒥᐅᓪᓗ ᓄᓇᖓᓂᒃ, ᐊᒧᕅᑎᒥᐅᓪᓗ ᓄᓇᖓᓂᒃ, ᕼᐃᕔᑎᒥᐅᓪᓗ ᓄᓇᖓᓂᒃ, ᔨᐳᓮᑎᒥᐅᓪᓗ ᓄᓇᖓᓂᒃ, ᑕᒪᓐᓇ ᓄᓇ ᐱᕈᕐᑐᓂ ᐊᔪᕐᓴᕐᓇᖏᑦᓯᐊᕐᒪᑦ, ᑍᒤᒻᒪᑦ ᐊᕐᕌᒍᑕᒫᑦ ᓇᓪᓕᐅᓐᓂᕐᓯᐅᕐᑕᒃᓴᕆᕙᓯ ᖁᕕᐊᓲᑎᒋᓗᒍ ᑕᕝᕙᓂ ᑕᖅᑭᒥ.

ᒨᓯᓯ ᐂᑉᐸᖏᑦ 32:13

ᐱᔨᒋᓚᐅᕐᑕᑎᑦ ᐃᖅᑲᐅᒪᓚᐅᒃᑭᑦ, ᐂᑉᕋᕼᐋᒻ, ᐂᓴᑭᓗ, ᔧᑯᓗ, ᑖᒃᑯᓄᖓ ᐊᖏᒻᒪᕆᓚᐅᕋᕕᑦ ᑭᖑᕚᖃᕈᒫᕐᓂᕋᕐᓗᒋᑦ ᐅᓪᓗᕆᐊᑎᑐᑦ ᐅᓄᕐᑎᒋᔪᓂᒃ ᑭᖑᕚᖏᓪᓗ ᓄᓇᒥᒃ ᐊᖏᕈᑎᒋᓯᒪᔭᕐᓂᒃ ᑐᓂᓯᕕᒋᓂᐊᕐᓂᕋᕐᓗᒋᑦ ᓄᓇᒋᓂᐊᕐᑕᖏᓐᓂᒃ ᐃᓱᖃᖏᑦᑐᒧᑦ.”

ᒨᓯᓯ ᐂᑉᐸᖏᑦ 33:2

ᐂᖏᓕᖁᑎᒐᓗ ᑎᓕᓂᐊᕐᐸᕋ ᐃᓕᑦᓯᓐᓂᒃ ᓯᕗᓕᖁᓪᓗᒍ, ᕿᒫᑎᓐᓂᐊᕐᐸᒃᑲᓗ ᑬᓇᓂᒥᐅᑦ, ᐊᒧᕅᑎᒃᑯᓪᓗ, ᕼᐃᑍᑎᒃᑯᓪᓗ, ᐱᕆᔧᑎᒃᑯᓪᓗ, ᕼᐃᕔᑎᓪᓗ, ᔨᐳᓮᑎᓪᓗ.

ᐂᓮᐊᓯᐅᑉ ᐊᒡᓚᖏᑦ 63:9

ᐋᓐᓂᐊᑎᑕᐅᔭᕌᖓᑕ ᑕᒫᑦ ᐋᓐᓂᐊᖃᑕᐅᕙᓚᐅᕐᐳᖅ, ᓇᔫᑎᓂᖓᑕ ᐂᖏᓕᖓᓄᑦ ᓴᐳᑎᕙᓚᐅᕐᐰᑦ; ᓇᒡᓕᒍᓱᖕᓂᕐᒥᓄᑦ ᓂᑲᒍᓱᖕᓂᕐᒥᓄᓪᓗ ᐃᒻᒥᓄᑦ ᐅᑎᕐᑎᖃᑦᑕᓚᐅᕐᐰᑦ, ᑎᒍᓪᓗᒋᑦ ᐊᒡᔭᖃᑦᑕᓚᐅᕐᐰᑦ ᐅᓪᓗᓂ ᑍᒃᑯᓇᓂ.

ᑖᓂᐊᓕᐅᑉ ᐊᒡᓚᖏᑦ 2:44

ᑖᒃᑯᐊ ᐊᖓᔪᖅᑳᕐᔪᐊᑦ ᑭᖑᓕᕇᒃᑕᕐᓗᑎᒃ ᐊᖓᔪᖅᑲᐅᑎᓪᓗᒋᑦ, ᒎᑎ ᕿᓚᖕᒦᑦᑐᖅ ᐊᖓᔪᖅᑲᐅᕕᓕᐅᕈᒫᕆᕗᖅ ᓯᖁᒥᑕᐅᓂᐊᖏᑦᑐᒥᒃ, ᐃᓄᐃᓪᓗ ᐊᓯᖏᓐᓄᑦ ᐱᔭᐅᓂᐊᖏᑦᑐᒥᒃ. ᑖᓐᓇ ᓵᓚᖃᕈᒫᕐᐳᖅ ᐊᖓᔪᖅᑲᐅᕕᖕᓂᒃ ᐊᓯᒥᓂᒃ ᑖᒃᑯᓂᖓ ᐃᓱᓕᑎᓪᓗᒋᓪᓗ, ᐊᖓᔪᖅᑲᐅᕕᒡᓕ ᑖᓐᓇ ᐃᓱᓕᓐᓂᐊᓐᖏᓚᖅ ᐃᓱᖃᖏᑦᑐᒧᑦ.

ᔫᓇᐅᑉ ᐊᒡᓚᖏᑦ 1:9

ᐅᖃᐅᑎᕔᓪᓗ: “ᐄᑉᕈᐃᖑᕗᖓ, ᓯᕘᕋᒋᕙᕋ ᐊᑕᓂᖅ ᕿᓚᐅᑉ ᒎᑎᖓ ᐃᒪᕐᒥᒃ ᓄᓇᒥᒡᓗ ᐱᓐᖑᑎᑦᓯᓯᒪᔪᖅ.”

ᒨᓯᓯ ᓯᑕᒪᖏᑦ 11:12

ᐅᑯᐊ ᐃᓄᓕᒫᑦ ᕿᑐᕐᖓᕐᑖᕆᓚᐅᕋᒃᑮᑦ? ᑖᒃᑯᓂᖓ ᐃᕐᓂᕐᑖᓚᐅᕋᒫ? ᐅᕙᓐᓄᑦ ᐅᖃᕈᓐᓇᓕᕐᐲᑦ, ‘ᐅᑯᐊ ᐃᕿᒻᒥᓗᒋᑦ ᐊᒡᔭᒃᑭᑦ, ᓲᕐᓗ ᓄᑕᕋᑯᓗᒃ ᐊᒫᒪᒃᑐᖅ ᑲᒪᔨᒥᓄᑦ ᐊᒡᔭᕐᑕᐅᖕᒪᑦ,’ ᓄᓇᒧᑦ ᓯᕗᓕᖏᓐᓄᑦ ᐊᖏᕈᑎᒋᓚᐅᕐᑕᕐᓄᑦ ᑎᑭᐅᑎᓗᒋᑦ?

ᒨᓯᓯ ᓯᑕᒪᖏᑦ 14:16

‘ᐊᑕᓂᐅᑉ ᐃᓄᖁᑎᓂ ᓄᓇᒧᑦ ᑖᒃᑯᓄᖓ ᐊᖏᕈᑎᒋᓯᒪᔭᒥᓄᑦ ᑎᑭᑎᑦᓱᓐᓇᖏᓐᓇᒥᒋᑦ, ᑐᖁᓴᑐᐃᓐᓇᓕᕐᐰᑦ ᐃᓄᖃᒋᑦᑐᒥ.’

ᒨᓯᓯ ᓯᑕᒪᖏᑦ 14:30

ᑬᓚᐱ ᔨᐳᓂᐊᐅᑉ ᐃᕐᓂᖓ ᔮᓱᐊᓗ ᓈᓂᐅᑉ ᐃᕐᓂᖓ, ᐱᓐᖏᑕᑐᐊᕆᓗᒋᒃ, ᓇᓕᕐᓯᓘᓐᓃᑦ ᐃᑎᕐᓂᐊᓐᖏᓚᓯ ᓄᓇᒧᑦ ᐃᓕᑦᓯᓐᓄᑦ ᐃᓂᒋᔭᒃᓴᐅᖁᓪᓗᒍ ᐊᖏᕈᑎᒋᓚᐅᕐᑕᓐᓄᑦ.

ᒨᓯᓯ ᓯᑕᒪᖏᑦ 32:11

‘ᓱᓕᓪᓗᖓ, ᐄᑦᔨᑉᑎᒥᑦ ᐊᐅᓪᓚᓚᐅᕐᑐᓕᒫᑦ, ᐊᕐᕌᒍᖃᕐᑐᑦ 20ᓂᒃ ᐅᖓᑖᓄᑦ ᑎᑭᓪᓗᒍ, ᑕᑯᓂᐊᓐᖏᓚᑦ ᓄᓇᒥᒃ ᐊᖏᕈᑎᒋᓚᐅᕐᑕᓐᓂᒃ ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ, ᐊᑕᖏᕐᑐᒥᒃ ᐅᕙᓐᓂᒃ ᒪᓕᓚᐅᖏᒻᒪᑕ,

ᐋᐴᓯᑕᓖᑦ ᐱᓂᐊᕐᓂᖏᑦ 7:5

ᒎᑎᐅᑉ ᐂᑉᕋᕼᐋᒻ ᓄᓇᒥᒃ ᓇᖕᒥᓂᕐᑖᕐᑎᓚᐅᓐᖏᓛ ᒥᑭᔪᒥᒡᓘᓐᓃᑦ, ᒎᑎᐅᑉ ᐊᖏᕐᕕᒋᓚᐅᕐᐹ ᑕᒪᑐᒥᖓ ᓄᓇᒥᒃ ᑭᖑᕚᒃᓴᖏᓪᓗ ᓇᖕᒥᓂᖃᖁᓪᓗᒋᑦ, ᑍᑦᓱᒪᓂ ᑕᒪᑐᒥᖓ ᐊᖏᕐᕕᐅᑎᓪᓗᒍ ᐂᑉᕋᕼᐋᒻ ᕿᑐᕐᖓᖃᓚᐅᓐᖏᓚᖅ.

ᒨᓯᓯ ᑕᓪᓕᒪᖏᑦ 1:8

ᑕᒪᓐᓇᓕᒫᖅ ᑕᕝᕙ ᓄᓇ ᐅᕙᖓ ᐊᑕᓂᐅᔪᖓ, ᑐᓂᓂᐊᕐᓂᕋᕐᓗᒍ ᐊᖏᕈᑎᒋᓯᒪᔭᕋ ᓯᕗᓕᕕᓂᑦᓯᓐᓄᑦ, ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ, ᑭᖑᕚᓕᒫᖏᓐᓄᓪᓗ, ᑍᒤᒻᒪᑦ ᑕᒪᐅᖓ ᓄᓇᒧᑦ ᐂᓕᕆᑦᓯ ᓄᓇᑖᕆᓗᒍᓗ.”

ᒨᓯᓯ ᑕᓪᓕᒪᖏᑦ 34:4

ᑕᕝᕙ ᐊᑕᓂᐅᑉ ᐅᖃᐅᑎᕚ, “ᑕᒪᓐᓇ ᑕᕝᕙ ᓄᓇ ᐅᖃᕕᒃᓗᖓ ᐊᖏᕈᑎᒋᓚᐅᕐᑕᕋ ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ, ᐅᖃᐅᑎᓪᓗᒋᑦ, ‘ᑭᖑᕚᕐᓄᑦ ᑕᒪᓐᓇ ᑐᓂᔪᒫᕐᐸᕋ.’ ᐃᓕᖕᓄᑦ ᑕᑯᔭᐅᑎᑉᐸᕋ, ᑕᒪᐅᖓᓕ ᓄᓇᒧᑦ ᐃᑎᕐᓂᐊᓐᖏᓚᑎᑦ.”

ᐄᑉᕈᐃᓄᑦ 1:14

ᐂᖏᓖᓪᓕ ᐊᓂᕐᓂᐅᕗᑦ ᑎᓕᔭᐅᓯᒪᔪᑦ ᐱᔨᑦᓯᖁᓪᓗᒋᑦ, ᐃᑲᔪᕐᑎᐅᖁᓪᓗᒋᑦ ᐱᐅᓕᔭᐅᓂᕐᒥᒃ ᑭᖑᕐᖑᑦᔨᓂᐊᕐᑐᓄᑦ.

ᐄᑉᕈᐃᓄᑦ 11:9

ᐅᒃᐱᕐᓂᑯᑦ ᓄᓇᖃᓚᐅᕐᐳᖅ ᐊᖏᕈᑕᐅᓯᒪᔪᒥ, ᓄᓇᑐᖃᖃᖏᒃᑲᓗᐊᕐᓗᓂ, ᑐᐱᑐᐃᓐᓇᕐᒥ ᐊᖏᕐᕋᖃᕐᓗᓂ ᐂᓴᑭᓗ ᔧᑯᓗ ᑍᒫᒃ ᐱᓚᐅᕆᕘᒃ, ᑖᒃᑯᐊᒃ ᐊᖏᕈᑕᐅᓯᒪᔪᒥᒃ ᑭᖑᕐᖑᑦᔨᖃᑕᐅᔫᒃ.

ᔮᓱᐊᑉ ᐊᒡᓚᖏᑦ 1:6

ᓲᖑᓂᖃᓕᕆᑦ ᖁᓚᖏᓪᓗᑎᓪᓗ; ᓯᕗᓕᕐᑎᐅᓛᕋᕕᑦ ᐃᓄᖕᓄᑦ ᓄᓇᑖᓕᕐᑎᓪᓗᒋᑦ ᑕᒪᓐᓇ ᑍᒫᒃ ᓯᕗᓕᖏᓐᓄᑦ ᐊᖏᕈᑎᒋᓚᐅᕋᒃᑯ.

ᔮᓱᐊᑉ ᐊᒡᓚᖏᑦ 24:3

ᐊᑖᑕᓯᓗ ᐂᑉᕋᕼᐋᒻ ᕾᖁᓚᐅᕐᐸᕋ ᑰᑉ ᐊᑭᐊᓂᑦ, ᑕᓯᐅᓚᐅᕐᐸᕋᓗ ᑬᓇᓂᐅᑉ ᓄᓇᖓᒍᑦ ᓇᐅᒃᑯᑐᐃᓐᓇᖅ, ᑭᖑᕚᖏᓪᓗ ᐅᓄᕐᓯᕙᓪᓕᐊᑎᓚᐅᕐᐸᒃᑲ ᑐᓂᓚᐅᕐᐸᕋᓗ ᐂᓴᑭᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:13

ᑕᕝᕔᓐᓇᕐᓗ ᓄᓇ ᓴᔪᒃᐱᓪᓚᒃᐳᖅ ᐊᖏᔪᒥᒃ; ᐃᒡᓗᒐᓴᒡᔪᐊᓪᓗ ᑕᓪᓕᒪᐅᔪᕐᑐᖏᑦ ᐊᓯᕈᕐᑕᐅᕗᑦ; 7,000ᓪᓗ ᑐᖁᕗᑦ ᓴᔪᒃᐱᓪᓚᒃᑐᒧᑦ, ᐃᓄᐃᓪᓗ ᐊᒥᐊᒃᑯᑦ ᑲᑉᐱᐊᓱᓕᕐᐳᑦ ᓂᕐᑐᐃᓕᕐᓗᑎᒡᓗ ᒎᑎᒥᒃ ᕿᓚᖕᒦᑦᑐᒥᒃ.

ᐃᓗᐊᕐᓮᔩᑦ ᐊᒡᓚᖏᑦ 2:1

ᐊᑕᓂᐅᑉ ᐂᖏᓕᖓ ᒋᐅᓪᒐᐅᓪᒥ ᐱᓪᓗᓂ ᐴᑭᒻᒨᓚᐅᕐᐳᖅ ᐃᓴᕆᐊᓕᒥᐅᓪᓗ ᐅᖃᐅᑎᓪᓗᒋᑦ, “ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ, ᐂᑎᓪᓗᓯᓗ ᓄᓇᒧᑦ ᓯᕗᓕᑦᓯᓐᓄᑦ ᐊᖏᕈᑎᒋᓚᐅᕐᑕᓐᓄᑦ, ᐅᖃᓚᐅᕋᒪ, ‘ᐊᖏᕈᑎᒋᓚᐅᕐᑕᕋ ᐃᓕᑦᓯᓐᓄᑦ ᓯᖁᒥᓐᓂᐊᓐᖏᓚᕋ.