ᒨᓯᓯ ᓯᕗᓪᓖᑦ 24:61 - ᐊᒡᓔᑦ ᐃᑦᔪᕐᖕᓁᑦᑐᑦ

⁶¹ ᑕᕝᕙ ᕇᐱᑲ ᐱᔨᖏᓪᓗ ᐊᕐᓁᑦ ᐃᓅᓱᒃᑐᑦ ᐸᕐᓇᓕᕐᐳᑦ, ᑳᒥᓕᖕᓂᓗ ᐃᑭᒪᓪᓗᑎᒃ ᐊᖑᑦ ᒪᓕᒃᐹᑦ; ᑍᒤᒻᒪᑦ ᐱᔨᐅᑉ ᕇᐱᑲ ᓇᒃᓴᕐᐹ, ᐊᐅᓪᓚᓕᕐᓗᑎᒡᓗ.

ᒨᓯᓯ ᓯᕗᓪᓖᑦ 24:61 Iomraidhean Croise

ᒨᓯᓯ ᓯᕗᓪᓖᑦ 2:24

ᑍᒤᓐᓂᖓᓄᑦ ᐊᖑᑎᐅᑉ ᐊᑖᑕᓂ ᐊᓈᓇᓂᓗ ᕿᒪᖕᓂᐊᕐᐹᒃ ᓄᓕᐊᓂ ᑲᑎᖔᕐᓗᓂᐅᒃ, ᑖᒃᑯᐊᒡᓗ ᐅᕕᓂᒃᑯᑦ ᐊᑕᐅᓯᐅᓕᕐᐴᒃ.

ᒨᓯᓯ ᓯᕗᓪᓖᑦ 24:60

ᑖᒃᑯᐊᓗ ᕇᐱᑲ ᓮᒻᒪᕐᑎᑉᐹᑦ ᐃᒫᒃ ᐅᖃᕐᓗᑎᒃ, “ᓇᔭᒃᐳᑦ, ᐅᓄᕐᑐᕐᔪᐊᓄᑦ ᐊᓈᓇᐅᓕᕆᑦ ᓈᓴᒐᒃᓴᐅᖏᑦᑐᓄᑦ; ᑭᖑᕚᒃᓴᑎᓪᓗ ᐱᖃᕈᒫᕐᓕᑦ ᐊᑭᕋᕐᑐᕐᑎᖏᑕ ᐃᑎᕐᑕᕐᕕᖏᓐᓂᒃ!”

ᒨᓯᓯ ᓯᕗᓪᓖᑦ 24:62

ᐂᓴᑭᓕ ᑎᑭᓚᐅᕐᐳᖅ ᐱᐊᕐ-ᓚᕼᐂ-ᕈᐂᒥᑦ, ᓄᓇᖃᓕᕐᓗᓂᓗ ᓯᕿᓂᐅᑉ ᓇᓛᓂ ᓂᒋᑉᒥ.

ᒨᓯᓯ ᓯᕗᓪᓖᑦ 31:34

ᕅᒋᓕᐅᓪᓕ ᒎᑎᓐᖑᐊᑦ ᐃᔨᕐᓯᒪᓚᐅᕐᐰᑦ ᑳᒥᓕᐅᑉ ᐃᑭᒪᕕᖓᓄᑦ, ᖄᖓᓂᓗ ᐃᒃᓯᕚᕐᓗᓂ. ᓔᐸᓂᓗ ᑐᐱᐅᑉ ᐃᓗᓕᒫᖓ ᕿᓂᓚᐅᕐᐹ, ᓇᓂᓯᓚᐅᓐᖏᓚᕐᓕ.

ᐃᔅᑕᐅᑉ ᐊᒡᓚᖏᑦ 8:10

ᒧᐊᑎᑬᓗ ᑎᑎᕋᕐᑕᐅᑎᑦᓯᕗᖅ ᐊᖓᔪᖅᑳᕐᔪᐊᑉ ᐊᕼᐊᓱᐃᕋᓯᐅᑉ ᐱᔪᓐᓇᕐᓂᖓ ᐊᑐᕐᓗᒍ, ᐊᖓᔪᖅᑳᕐᔪᐊᓪᓗ ᓇᒡᒍᐊᕐᒥᖓᓄᑦ ᓇᕿᑦᔪᓯᕐᓗᒋᑦ, ᑖᒃᑯᐊ ᑎᑎᖅᑲᑦ ᐊᐅᓪᓚᕐᑎᑉᐰᑦ ᕿᒻᒥᕐᔪᐊᕐᒥ ᐃᑭᒪᔪᑎᒍᑦ, ᐊᖓᔪᖅᑳᕐᔪᐊᑉ ᐊᑐᖃᑦᑕᕐᑕᖏᓐᓄᑦ ᕿᒻᒥᕐᔪᐊᑎᒍᑦ ᓱᒃᑲᓂᕐᐹᑎᒍᑦ.

ᐃᔅᑕᐅᑉ ᐊᒡᓚᖏᑦ 8:14

ᑖᒃᑯᐊ ᑎᑎᖅᑲᓂᒃ ᓇᒃᓴᓚᐅᕐᑐᑦ, ᐊᖓᔪᖅᑳᕐᔪᐊᑉ ᕿᒻᒥᕐᔪᐊᖁᑎᖏᓐᓄᑦ ᓱᒃᑲᓂᕐᐹᓄᑦ ᓯᕗᒧᓚᐅᕐᐳᑦ, ᑐᐊᕕᕐᓗᑎᒡᓗ ᑎᓕᐅᕆᕗᑦ ᐊᖓᔪᖅᑳᕐᔪᐊᑉ ᐱᖁᔨᓂᖓᒍᑦ; ᑕᒪᓐᓇᓗ ᐱᖁᔭᖅ ᑎᑎᕋᕐᓯᒪᔪᖅ ᓴᖅᑭᑎᑕᐅᓚᐅᕆᕗᖅ ᓄᓇᒥ ᐊᖓᔪᖅᑳᕐᔪᐊᒃᑯᕕᖕᒥ ᓲᓴᒥ.

ᐃᓐᖏᕈᑎᑦ 45:10

ᐊᖓᔪᖅᑳᕐᔪᐊᑉ ᓄᓕᐊᒃᓴᖓ, ᓈᓚᒋᑦ, ᐃᓱᒪᑦᓯᐊᕆᑦ ᓯᐅᑏᒃᑭᒡᓗ ᒪᓂᓗᒋᒃ; ᐃᓅᖃᑎᑎᑦ ᐳᐃᒍᕐᓗᒋᑦ, ᓇᖕᒥᓂᕐᓗ ᐃᓚᑎᑦ;

ᐃᓗᐊᕐᓮᔩᑦ ᐊᒡᓚᖏᑦ 5:30

“ᕿᓂᑐᐃᓐᓇᓐᖏᓛᑦ ᑎᒍᔭᒃᓴᒥᖕᓂᒃ ᐊᕕᒃᑐᒐᒃᓴᒥᖕᓂᒃ ᓵᓚᖃᕐᓂᕐᒥᖕᓄᑦ? ᐊᕐᓇᒥᒃ ᒪᕐᕉᖕᓂᒡᓘᓐᓃᑉ ᐊᖑᒻᒧᑦ ᐊᑕᐅᓯᕐᒧᑦ ᑕᒤᓐᓄᑦ ᐊᓐᓄᕌᒃᓴᓂᒡᓗ ᐱᐅᔪᓂᒃ ᓯᓰᕋᒧᑦ, ᓄᕕᕐᓴᕐᓯᒪᔪᓂᒡᓘᓐᓃᑦ ᐊᖓᔪᖅᑳᕐᔪᐊᖅ ᓄᓕᐊᖓᑕ ᖁᖓᓯᖓᓅ.”

ᓴᒧᐃᓕ ᓯᕗᓪᓖᑦ 25:42

ᐊᐱᒊᓕᓗ ᒪᑭᑦᓴᐅᑎᒋᓚᐅᕐᐳᖅ ᓯᐅᑎᖅᑯᕐᑐᔪᒧᓪᓗ ᐃᑭᓪᓗᓂ, ᐃᓚᖃᕐᓗᓂ ᐊᕐᓇᓂᒃ ᑕᓪᓕᒪᓂᒃ ᐱᔨᒥᓂᒃ; ᑍᕕᑎᐅᓪᓗ ᐱᔨᖏᑦ ᐱᖃᑎᒋᓪᓗᓂᒋᑦ ᐂᕗᖅ, ᑍᕕᑎᐅᓪᓗ ᓄᓕᐊᕐᑖᕆᓚᐅᕐᐹ.

ᓴᒧᐃᓕ ᓯᕗᓪᓖᑦ 30:17

ᖃᐅᑎᓪᓗᒍ ᖃᐅᒻᒪᓕᕐᑎᓪᓗᒍ ᑍᕕᑎᐅᑉ ᐅᓇᑕᕆᐊᓚᐅᕐᐰᑦ ᐅᓇᑕᓚᐅᕐᐰᓪᓗ ᐅᓐᓄᒧᑦ ᑎᑭᓪᓗᒍ; ᐅᕕᒃᑬᓪᓕ 400 ᕿᒪᒃᓯᓚᐅᕐᐳᑦ ᑳᒥᓕᒃᑎᒍᑦ, ᐊᓯᓕᒫᖏᓪᓕ ᐊᖑᑎᑦ ᑐᖁᑕᐅᓚᐅᕐᐳᑦ.