ᒨᓯᓯ ᓯᕗᓪᓖᑦ 24:49 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁹ ᒫᓐᓇᓕ, ᐊᖓᔪᖅᑳᕋ ᐱᓂᐊᕕᒋᔪᒪᒍᑦᓯᐅᒃ ᐅᐱᒋᓗᒍ ᓱᓕᑦᓯᐊᕐᕕᒋᓗᒍᓗ, ᐅᖃᐅᑎᓚᐅᕐᓯᓐᖓ; ᑍᒤᖏᑉᐸᓪᓗ, ᐅᖃᑦᓯᐊᕐᓗᓯ, ᑕᕝᕙ ᓴᖑᓂᐊᕐᐳᖓ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ.”

ᒨᓯᓯ ᓯᕗᓪᓖᑦ 24:49 Iomraidhean Croise

ᒨᓯᓯ ᓯᕗᓪᓖᑦ 32:10

ᓂᑲᒋᔭᒃᓴᐅᖏᒃᑲᓗᐊᕐᑎᓪᓗᖓ ᐱᑦᓯᐊᕐᕕᒋᓯᒪᒐᕕᖓ ᓇᒡᓕᖕᓂᕐᓄᑦ ᓱᖁᓯᔪᐃᑦᑐᒧᑦ, ᑲᔪᓯᑦᓮᓐᓇᕐᓂᕐᓂᒃ ᐱᔩᑦ ᑕᑯᑎᓯᒪᒐᕕᐅᒃ, ᑰᒃ ᔪᐊᕐᑕᓂ ᐃᑳᓚᐅᕐᓯᒪᕙᕋ ᐊᔭᐅᑉᐱᐊᓕᔭᑐᐃᓐᓇᕐᓗᖓ, ᒫᓐᓇᓕ ᐅᑎᓕᕐᐳᖓ ᒪᕐᕈᐃᓕᖓᔪᓂᒃ ᐃᓚᖃᓕᕐᓗᖓ.

ᒨᓯᓯ ᓯᕗᓪᓖᑦ 47:29

ᐃᓴᕆᐊᓕᐅᓪᓕ ᐃᓅᓯᖓᑦ ᐃᓱᓕᓕᕐᒪᑦ, ᐃᕐᓂᓂ ᔫᓯᐱ ᕾᖁᓪᓗᒍ ᐅᖃᐅᑎᕚ, “ᐃᓕᖕᓄᑦ ᖁᕕᐊᒋᔭᐅᒍᒪ, ᐊᒡᒐᑎᑦ ᖁᒃᑐᕋᕐᒪ ᐊᑖᓄᐊᓚᐅᒃᑭᑦ, ᐅᖃᕕᒡᓗᑎᓪᓗ ᑲᔪᓯᑦᓯᐊᕐᓗᑎᑦ ᓱᓕᓂᐊᕐᓂᕋᕐᓗᑎᑦ ᐅᕙᓐᓄᑦ. ᐄᑦᔨᑉᑎᒥ ᐃᓗᕕᕐᓂᐊᕐᓇᖓ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:3

ᑲᒪᑦᓯᐊᕐᓂᐅᑉ ᓱᕐᕋᔪᐃᑦᑑᓂᐅᓪᓗ ᕿᒪᒃᑍᓕᓛᑎᑦ; ᖁᖓᓯᕐᓄᑦ ᕿᓚᒃᓯᒪᒃᑭᑦ, ᐆᒻᒪᑎᖕᓄᓪᓗ ᑎᑎᕋᕐᓗᒋᑦ.

ᒨᓯᓯ ᓯᑕᒪᖏᑦ 20:17

ᓄᓇᖁᑎᑦᓯᒍᑦ ᐊᖅᑯᓵᕈᓐᓇᕐᑎᓚᐅᕐᑎᒍᑦ. ᐱᕈᕐᓰᕕᖁᑎᑦᓯᒍᑦ ᓂᐊᖂᔭᒃᓴᓕᐅᕐᕕᒃᑎᒍᑦ ᕔᓂᒃᓴᓕᐅᕐᕕᒃᑎᒍᓪᓗ ᐊᖅᑯᓵᕐᓂᐊᓐᖏᓚᒍᑦ, ᐃᒥᕐᑕᕐᕕᒃᓯᓐᓂᓪᓘᓐᓂᑦ ᐃᒥᕐᓂᐊᓐᖏᓚᒍᑦ; ᐊᖓᔪᖅᑳᕐᔪᐊᑉ ᐊᖅᑯᑎᐅᖁᔭᖓᒍᑦ ᐃᖏᕐᕋᓂᐊᕐᐳᒍᑦ; ᓴᖑᓂᐊᓐᖏᓚᒍᓪᓘᓐᓂᑦ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ, ᓄᓇᖁᑎᓯ ᑭᓯᐊᓂ ᖄᖏᕐᓯᒪᓕᕈᑎᑦᒍ ᓴᖑᔪᒫᕐᐳᒍᑦ.’”

ᒨᓯᓯ ᑕᓪᓕᒪᖏᑦ 2:27

‘ᓄᓇᑦᓯᒍᑦ ᐊᖅᑯᓵᑐᐃᓐᓇᕈᓐᓇᕐᑎᓚᐅᕐᑎᒍᑦ, ᐊᖅᑯᑎᒃᑰᑐᐃᓐᓇᕐᓗᑕ ᐃᖏᕐᕋᓂᐊᕐᐳᒍᑦ, ᐊᖅᑯᑎᐅᑉ ᓯᓚᑖᓄᑦ ᓴᖑᓂᐊᓐᖏᓚᒍᑦ ᓴᐅᒥᒧᑦ ᑕᓕᕐᐱᒧᓪᓘᓐᓃᑦ.

ᔮᓱᐊᑉ ᐊᒡᓚᖏᑦ 2:14

ᐊᖑᑏᒡᓗ ᐅᖃᕐᐴᒃ ᑖᑦᓱᒧᖓ, “ᒎᑎᐅᑉ ᑐᖁᓪᓕᑎᒍᒃ ᐅᖃᐅᓯᑦᑎᓐᓂᒃ ᐊᑐᖏᒃᑯᓐᓄᒃ! ᐅᖃᐅᓯᖃᕐᓂᐊᓐᖏᑐᐊᕈᕕᑦ ᐱᓇᓱᐊᕐᓂᕆᔭᑦᑎᓐᓂᒃ, ᑕᕝᕙ ᐃᓕᖕᓄᑦ ᐱᑦᓯᐊᕐᓂᐊᕐᐳᒍᒃ ᑲᔪᓯᑦᓯᐊᕐᓗᓄᒡᓗ ᐊᖏᕈᑎᒋᔭᑦᑎᓐᓂᒃ ᐊᑕᓂᐅᑉ ᑐᓂᒃᐸᑎᒍᑦ ᓄᓇᒥᒃ ᑕᒪᑐᒥᖓ.”