ᒨᓯᓯ ᓯᕗᓪᓖᑦ 24:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐅᖃᕕᒃᑎᓐᓂᐊᕋᒃᑭᑦ ᐊᑕᓂᐅᑉ ᐊᑎᖓᓂ ᕿᓚᐅᑉ ᓄᓇᐅᓪᓗ ᒎᑎᖓᓄᑦ, ᐃᕐᓂᕐᒪ ᓄᓕᐊᒃᓴᖓᓂᒃ ᓂᕈᐊᖁᓇᒃ ᑬᓇᓂᒥᐅᑦ ᐸᓂᖓᓐᓂᒃ ᓄᓇᖅᑲᑎᖏᔭᓐᓂᒃ.

ᒨᓯᓯ ᓯᕗᓪᓖᑦ 24:3 Iomraidhean Croise

ᒨᓯᓯ ᓯᕗᓪᓖᑦ 14:19

ᓮᒻᒪᕐᑎᓪᓗᒍᓗ ᐅᖃᐅᑎᕚ, “ᐂᑉᕋᒻ ᒎᑎᐅᑉ ᖁᑦᓯᖕᓂᕐᐹᖑᔫᑉ ᓮᒻᒪᕐᑎᓪᓕᐅᒃ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑑᑉ!

ᒨᓯᓯ ᓯᕗᓪᓖᑦ 14:22

ᐂᑉᕋᐅᑉ ᑭᐅᕚ ᓱᑑᒪᐅᑉ ᐊᖓᔪᖅᑳᕐᔪᐊᖓ, “ᐊᑕᓂᐅᑉ, ᒎᑎᐅᑉ ᖁᑦᓯᖕᓂᕐᐹᖑᔫᑉ, ᕿᓚᖕᒥᒡᓗ ᓄᓇᒥᒡᓗ ᓴᓇᓚᐅᕐᑑᑉ ᓵᖓᓂ ᐅᖃᕕᒃᐳᖓ,

ᒨᓯᓯ ᓯᕗᓪᓖᑦ 21:23

ᑍᒤᒻᒪᑦ ᐊᖏᒻᒪᕆᒃᓗᑎᑦ ᐅᖃᕕᓚᐅᕆᑦ ᒎᑎᐅᑉ ᓵᖓᓂ ᓇᓗᓁᕐᓯᓗᑎᑦ ᐅᕙᓐᓄᑦ ᓱᓕᖏᓐᓂᒃᑯᑦ ᐱᓂᐊᖏᓐᓂᕋᕐᓗᑎᑦ, ᕿᑐᕐᖓᓐᓄᓪᓘᓐᓃᑦ, ᐃᓕᖕᓄᑦ ᐱᑦᓯᐊᕐᓯᒪᒐᒪ, ᑍᒫᑦᓮᓐᓇᖅ ᐱᓇᓱᐊᕐᕕᒋᓚᐅᓐᖓ, ᓄᓇᑦᑎᓐᓄᓪᓗ ᑕᒪᐅᖓᓗ ᓇᔪᕐᑕᕐᓄᑦ.”

ᒨᓯᓯ ᓯᕗᓪᓖᑦ 24:7

ᐊᑕᓂᐅᑉ, ᕿᓚᐅᑉ ᒎᑎᖓᑕ, ᑕᒪᐅᓐᖓᕐᑎᓚᐅᕐᒪᖓ ᐊᑖᑕᒪ ᐊᖏᕐᕋᖓᓂᑦ ᓄᓇᒥᓪᓗ ᐃᓅᓕᕐᕕᒋᓚᐅᕐᑕᓐᓂᑦ, ᑖᑦᓱᒪ ᐅᖃᕕᒃᓗᓂ ᐅᖃᕐᕕᒋᓚᐅᕐᒪᖓ, ‘ᑭᖑᕚᒃᓴᕐᓄᑦ ᑕᒪᓐᓇ ᓄᓇ ᑐᓂᔪᒪᕙᕋ,’ ᐂᖏᓕᖁᑎᓂᓗ ᓯᕗᓂᕐᓂ ᑎᓕᓂᐊᕐᐹ, ᐃᕐᓂᕐᒪ ᓄᓕᐊᒃᓴᖓᓂᒃ ᓇᓂᓯᓂᐊᕐᐳᑎᑦ ᑕᐅᕙᓐᖓᑦ.

ᒨᓯᓯ ᓯᕗᓪᓖᑦ 27:46

ᕇᐱᑲᓗ ᐂᓴᑭᒧᑦ ᐅᖃᓕᕐᐳᖅ, “ᐃᓱᒫᓗᒍᑎᖃᕋᒪ ᐃᓅᓯᓐᓂ ᐊᕐᓁᑦ ᕼᐃᑍᑎᒥᐅᑦ ᐱᓪᓗᒋᑦ, ᔧᑯᓕ ᓄᓕᐊᓂᖕᓂᐊᕐᒥᒃᐸᑦ ᕼᐃᑍᑎᒥᐅᑦ ᐊᕐᓇᖏᓐᓂᑦ ᑕᒫᓂ ᓄᓇᖃᕐᑐᓂᑦ, ᐃᓄᓯᕋ ᓱᓇᐅᔪᓐᓃᑦᓯᐊᕐᓂᐊᕐᐳᖅ.”

ᒨᓯᓯ ᓯᕗᓪᓖᑦ 28:1

ᐂᓴᑭᐅᑉ ᔧᑯ ᕾᖁᕚ ᓱᖏᕐᑐᕈᒪᓪᓗᒍ, ᐱᖁᔨᓂᕐᒥᓂᒡᓗ ᐅᖃᐅᑎᕚ, “ᓄᓕᐊᓂᒃᑍᓕᒋᑦ ᑬᓇᓂᒥᐅᑦ ᐊᕐᓇᖏᓐᓂᑦ.

ᒨᓯᓯ ᓯᕗᓪᓖᑦ 28:8

ᐄᓴᓗ ᑐᑭᓯᓪᓗᓂ ᐊᑖᑕᖓ ᐂᓴᑭ ᖁᕕᐊᒋᔭᖃᖏᓐᓂᖓᓂᒃ ᐊᕐᓇᓂᒃ ᑬᓇᓂᒥᐅᑕᕐᓂᒃ.

ᒨᓯᓯ ᓯᕗᓪᓖᑦ 34:9

ᓄᓕᐊᓂᖃᑦᑕᐅᑎᔪᓐᓇᕐᓯᓚᐅᕐᑕ; ᐸᓂᓯ ᐅᕙᑦᑎᓐᓄᑦ ᑐᓂᓕᕐᓯᐅᒃ, ᐸᓂᕗᓪᓗ ᐱᓂᐊᕆᕙᓯ.

ᒨᓯᓯ ᓯᕗᓪᓖᑦ 38:2

ᑕᕝᕙᓂᓗ ᔫᑕ ᑲᑎᓯᕗᖅ ᑬᓇᓂᒥᐅᑕᐅᑉ ᓱᐊᑉ ᐸᓂᖓᓂᒃ; ᓄᓕᐊᕐᑖᕆᒐᒥᐅᒡᓗ ᐃᓐᓇᖓᖃᑎᒋᕚ,

ᒨᓯᓯ ᓯᕗᓪᓖᑦ 47:31

ᔧᑯᓗ ᐅᖃᕐᐳᖅ, “ᐊᖏᒻᒪᕆᒡᕕᒋᓕᓐᖓ”; ᑕᕝᕙ ᔫᓯᐱ ᐊᖏᒻᒪᕆᒃᐳᖅ ᑖᑦᓱᒧᖓ. ᐃᓴᕆᐊᓕᐅᓪᓗ ᓂᐊᖁᓂ ᐅᑯᕚ ᓇᓪᓚᖓᕕᖕᒥᓂ.

ᒨᓯᓯ ᓯᕗᓪᓖᑦ 50:25

ᑕᕝᕙ ᔫᓯᐱ ᐅᖃᕕᖁᔨᕗᖅ ᐃᓴᕆᐊᓕᐅᑉ ᑭᖑᕚᖏᓐᓂᒃ, ᐅᖃᕐᓗᓂ, “ᒎᑎᐅᑉ ᑎᑭᕝᕕᒋᔪᒫᕐᒪᓯ, ᑕᕝᕙ ᓴᐅᓂᒃᑲ ᓇᒃᓴᕆᐊᖃᕈᒫᕐᐸᓯ ᑕᒫᓐᖓᑦ ᐊᐅᓪᓚᓕᕈᑦᓯ.”

ᒨᓯᓯ ᓯᕗᓪᓖᑦ 6:2

ᒎᑎᐅᑉ ᐃᕐᓂᖏᑦ ᑕᑯᓐᓇᓕᕋᒥᒃ ᐊᕐᓇᑦᓯᐊᓂᒃ ᐃᓄᐃᑦ ᐸᓂᖏᓐᓂᒃ; ᑖᒃᑯᓇᓐᖓᑦ ᓄᓕᐊᕐᑖᓚᐅᕐᐳᑦ ᓂᕈᐊᕐᑕᒥᖕᓂᒃ.

ᒨᓯᓯ ᓯᕗᓪᓖᑦ 6:4

ᑍᑦᓱᒪᓂᐅᑎᓪᓗᒍ ᐃᓄᖃᓚᐅᕐᐳᖅ ᓄᓇᒥ ᐊᖏᔪᐊᓗᖕᓂᒃ ᑍᔭᐅᔪᓂᒃ ᓂᕕᓕᒻᓂᒃ, ᒎᑎᐅᑉ ᐃᕐᓂᖏᑦ ᐱᖃᑎᖃᖃᑦᑕᓕᕐᑎᓪᓗᒋᑦ ᐃᓄᐃᑦ ᐸᓂᖏᓐᓂᒃ, ᑖᒃᑯᓂᖓ ᕿᑐᕐᖓᕐᑖᓚᐅᕐᐳᑦ, ᑖᒃᑯᐊᓗ ᐱᔪᓐᓇᕐᓂᕐᐹᖑᓚᐅᕐᐳᑦ ᑍᑦᓱᒪᓂᐅᑎᓪᓗᒍ, ᖃᐅᔨᒪᔭᐅᑦᓯᐊᕐᓗᑎᒃ ᐊᔪᖏᑦᑐᑦ.

ᐊᑕᓃᑦ ᐂᑉᐸᖏᑦ 19:15

ᕼᐃᓯᑬᐊᓗ ᑐᒃᓯᐊᕐᓗᓂ ᐊᑕᓂᕐᒧᑦ ᐅᖃᕐᐳᖅ, “ᐊᑕᓃᖅ, ᐃᓴᕆᐊᓕᒥᐅᑦ ᒎᑎᖓᑦ, ᓯᕈᐲᒻ ᖁᓛᓂ ᐃᒃᓯᕙᐅᑕᕐᔪᐊᖃᕐᑐᑎᑦ, ᒎᑎᐅᕗᑎᑦ ᐊᓯᖃᕐᓇᒃ, ᓄᓇᒥᐅᑦ ᐊᖓᔪᖅᑳᕐᔪᐊᖃᕐᕕᓕᒫᖏᓐᓄᑦ; ᕿᓚᒡᓗ ᓄᓇᓗ ᓴᓇᓯᒪᒐᕕᒋᒃ.

ᑯᕉᓂᑲ ᐂᑉᐸᖏᑦ 2:12

ᕼᐅᕋᒻ ᐅᖃᓚᐅᕆᕗᖅ: “ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓ ᓂᕐᑐᕐᑕᐅᓕ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑐᖅ, ᐊᖓᔪᖅᑳᕐᔪᐊᖅ ᑍᕕᑎ ᐃᕐᓂᕐᑖᕐᑎᓚᐅᕐᒪᒍ ᓯᓚᑐᔪᒥᒃ, ᓇᓗᓁᕐᓯᑦᓯᐊᕈᓐᓇᕐᑐᒥᒃ ᑐᑭᓯᓯᒪᑦᓯᐊᕐᑐᒥᒡᓗ, ᓴᓇᓂᐊᕐᑐᒥᒃ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓂᒃ, ᐃᒡᓗᕐᔪᐊᒃᓴᒥᓂᒡᓗ ᓴᓇᓂᐊᕐᑐᒥᒃ.

ᐄᓱᕋᐅᑉ ᐊᒡᓚᖏᑦ 5:11

ᑭᐅᓚᐅᕐᐳᑦ, ᐅᖃᕐᓗᑎᒃ: ‘ᒎᑎᐅᑉ ᕿᓚᖕᒧᑦ ᓄᓇᒧᓪᓗ ᑭᒡᒐᕆᕚᑎᒍᑦ, ᓴᓇᒋᐊᓪᓚᓕᕐᑕᕗᑦ ᑐᒃᓯᐊᕐᕕᒃ ᑍᑦᓱᒪᓂᐊᓗᒃ ᓴᓇᔭᐅᓚᐅᕐᓯᒪᔪᖅ ᐱᓯᑎᐊᓗᖕᓄᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᓐᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 13:25

ᓱᐊᓚᐅᕐᐸᒃᑲᓕ ᐅᖃᕐᓂᕐᓗᒡᕕᒋᓪᓗᒋᓪᓗ, ᐃᓚᖏᓪᓗ ᐋᓐᓂᕐᓯᓚᐅᕐᐸᒃᑲ ᓄᔮᕐᑐᕐᓗᒋᓪᓗ; ᐊᖏᒻᒪᕆᒃᑎᓚᐅᕐᐸᒃᑲ ᒎᑎᐅᑉ ᐊᑎᖓᓂ, ᐅᖃᐅᑎᓪᓗᒋᓪᓗ, “ᐸᓂᓯ ᑐᓂᔭᒃᓴᕆᓐᖏᓚᓯ ᑍᒃᑯᐊ ᐃᕐᓂᖏᓐᓄᑦ, ᐅᕝᕙᓗ ᑍᒃᑯᐊ ᐸᓂᖏᓐᓂᒃ ᑎᒍᓯᔪᒃᓴᐅᓐᖏᓚᓯ ᐃᕐᓂᑦᓯᓐᓄᑦ, ᓇᖕᒥᓂᑦᓯᓐᓄᓪᓘᓐᓃᑦ.

ᓂᕼᐃᒤᐊᐅᑉ ᐊᒡᓚᖏᑦ 9:6

“ᐃᕝᕕᑦ ᑭᓯᕕᑦ ᐊᑕᓂᑑᕗᑎᑦ; ᕿᓚᖕᒥᒃ ᓴᓇᓚᐅᕐᐳᑎᑦ, ᕿᓔᓪᓗ ᕿᓚᖏᓐᓂᒃ, ᕿᓚᖕᒦᑦᑐᓕᒫᓂᓪᓗ, ᓄᓇᒥᒃ ᓄᓇᒥᐅᑕᓕᒫᓂᒡᓗ, ᐃᒪᕕᒡᓗ ᐃᓘᓐᓇᑎᒡᓗ ᐃᒪᐅᑉ ᐃᓗᐊᓃᑦᑐᑦ ᓴᓇᓚᐅᕐᐸᑎᑦ; ᐃᓅᓯᕐᒥᒃ ᐃᓘᓁᓐᓄᑦ ᑐᓂᓯᕗᑎᑦ, ᕿᓚᖕᒥᐅᑕᓕᒫᑦᓯᐊᑦ ᐃᓕᖕᓄᑦ ᐅᑯᕗᑦ ᑐᒃᓯᐊᕐᓗᑎᒡᓗ.

ᐃᓐᖏᕈᑎᑦ 115:15

ᐊᑕᓂᕐᒧᑦ ᓮᒻᒪᕐᑎᑕᐅᒋᑦᓯ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑐᒧᑦ!

ᐃᓐᖏᕈᑎᑦ 136:26

ᕿᓚᐅᑉ ᒎᑎᖓ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

ᒨᓯᓯ ᐂᑉᐸᖏᑦ 20:7

“ᐊᑕᓂᐅᑉ ᒎᑎᕕᑦ ᐊᑎᖓᓂᒃ ᐊᑐᕐᓂᕐᓗᒃᑐᒃᓴᐅᓐᖏᓚᑎᑦ; ᐊᑕᓂᐅᑉ ᓱᒋᐊᕐᑍᓕᓂᐊᓐᖏᓛ ᓇᓪᓕᐊᑦ ᐊᑎᖓᓂᒃ ᐊᑐᕐᓂᕐᓗᒃᑐᖅ.

ᒨᓯᓯ ᐂᑉᐸᖏᑦ 22:11

ᑕᕝᕙ ᐊᖑᑦ ᐰᕆᒃᓯᓚᐅᕐᑐᖅ ᑐᒃᓯᐊᕐᕕᖕᒧᐊᕐᓗᓂ ᐊᑕᓂᐅᑉ ᓵᖓᓂ ᓱᓕᓪᓚᕆᖕᓂᕐᒥᓂᒃ ᓇᓗᓁᕐᓯᔭᕆᐊᖃᕋᔭᕐᐳᖅ ᑎᒡᓕᓚᐅᖏᓐᓂᕐᒥᓂᒃ; ᑕᒪᓐᓇᓗ ᑖᑦᓱᒪ ᐱᖁᑎᓕᐅᑉ ᐊᖏᕆᐊᖃᕋᔭᕐᐹ, ᑖᓐᓇᓗ ᐊᖑᑦ ᐱᓯᒪᒃᓯᓚᐅᕐᑐᖅ ᐊᑭᓖᔭᕆᐊᖃᕋᔭᓐᖏᓚᖅ ᑖᑦᓱᒧᖓ ᐱᖁᑎᓕᖕᒧᑦ.

ᒨᓯᓯ ᐂᑉᐸᖏᑦ 23:13

“ᑕᒪᒃᑯᐊ ᐃᓕᑦᓯᓐᓄᑦ ᐅᖃᐅᓯᕆᔭᓕᒫᒃᑲ ᓈᓚᒃᓯᒋᒃ; ᐊᓯᓐᓂᒃ ᒎᑎᐅᓂᕅᔪᒃᓴᐅᓐᖏᓚᓯ ᑐᒃᓯᐊᕐᕕᖃᕐᓂᐊᕋᓯᓗ ᑍᒤᑦᑐᓂᒃ, ᐊᑎᖏᓐᓂᒃ ᐊᒡᓛᑦ ᐅᖃᕐᑐᖃᕐᑐᒃᓴᐅᓐᖏᓚᖅ ᖃᓂᑦᓯᒍᑦ.”

ᒨᓯᓯ ᐂᑉᐸᖏᑦ 34:16

ᐃᕐᓂᓯᓗ ᑖᒃᑯᓇᓐᖓᑦ ᓄᓇᖃᑎᒃᓴᔭᕆᓐᖏᑕᑦᓯᓐᓂᑦ ᓄᓕᐊᓂᑐᐃᓐᓇᕆᐊᖃᕐᒪᑕ, ᓄᓕᐊᒥᓄᓪᓗ ᑕᓯᐅᕐᑕᐅᓕᕋᔭᕐᓗᑎᒃ ᐅᕙᓐᓂᒃ ᑲᒪᔪᓐᓃᕐᑎᑕᐅᓗᑎᒃ ᒎᑎᓐᖑᐊᖏᓐᓄᑦ ᑐᒃᓯᐊᕐᕕᖃᖔᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 45:23

ᓇᖕᒥᓂᖅ ᐅᕙᒃᑯᑦ ᐅᖃᕕᒃᓯᒪᒐᒪ ᓴᖑᑎᓐᓂᐊᓐᖏᑕᓐᓂᒃ; ᐅᖃᐅᓯᖅ ᖃᓂᒃᑯᑦ ᐊᓂᓯᒪᔪᖅ ᓇᓛᒎᕐᓂᒃᑯᑦ, ᐅᖅᑭᓐᓇᕐᓂᐊᓐᖏᓚᖅ ᐅᕙᓐᓄᑦ, ᓵᓐᓂ ᓰᖅᑯᓕᒫᑦ ᓰᖅᑯᕐᑐᒃᓴᐅᕗᑦ, ᐅᖃᓕᒫᓪᓗ ᐅᖃᕕᒃᑐᒃᓴᐅᕗᑦ.

ᐂᓮᐊᓯᐅᑉ ᐊᒡᓚᖏᑦ 48:1

“ᐆᒥᖓ ᑐᓴᓕᕆᑦᓯ, ᔧᑯᒃᑯᑦ ᑭᖑᕚᖏᑦ, ᐄᓴᕆᐅᓪ ᐊᑎᖓᓂᒃ ᑍᔭᐅᔪᑦ, ᐃᕐᓂᐊᖑᓯᒪᔪᓪᓗ ᔫᑕᐅᑉ ᑭᖑᕚᖏᓐᓂᑦ ᐱᓯᒪᓪᓗᑎᒃ; ᐊᖏᕈᑎᖃᕐᓯᒪᔪᓪᓗ ᐊᑕᓂᐅᑉ ᐊᑎᖓᓂᒃ ᐅᖃᐅᓯᖃᕐᑐᓪᓗ ᐃᓴᕆᐊᓕᐅᑉ ᒎᑎᖓᓂᒃ, ᓱᓕᔪᒃᑰᕋᑎᒃ ᓇᓛᒎᕋᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 65:16

ᓇᓪᓕᐊᑦ ᓄᓇᒥᓂᒃ ᓮᒻᒪᕐᑎᑕᐅᖁᔨᓗᓂ ᕿᓄᔪᖅ, ᓮᒻᒪᕐᑎᑕᐅᔪᒫᕐᐳᖅ ᒎᑎᒧᑦ ᓱᓕᑦᓯᐊᕐᑐᒧᑦ; ᐅᖃᕕᒍᒪᔪᖅ ᓴᖑᑎᓐᓂᐊᖏᓪᓗᒍ, ᐅᖃᕕᖕᓂᐊᕐᐳᖅ ᒎᑎᐅᑉ ᓱᓕᑦᓯᐊᕐᓂᖓᒍᑦ; ᐃᓱᐊᖏᑦᑐᕐᓯᐅᕐᓂᐅᓚᐅᕐᑐᑦ ᐃᖅᑲᐅᒪᔭᐅᔪᒫᖏᒻᒪᑕ, ᐃᔨᒪᓗ ᓵᖓᓂ ᑕᑯᒃᓴᐅᔪᓐᓃᕐᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 10:11

ᐃᒫᒃ ᐅᖃᐅᑎᔭᒃᓴᕆᕙᑎᑦ, “ᒎᑎᓯ ᑕᒪᒃᑯᐊ, ᓴᓇᓚᐅᖏᓐᓇᒥᒃ ᕿᓚᖕᒥᒃ ᓄᓇᒥᒡᓗ, ᐊᓯᐅᔪᒫᕐᐳᑦ ᓄᓇᒥ ᕿᓚᐅᓪᓗ ᐊᑖᓂ.”

ᔨᕆᒤᐊᐅᑉ ᐊᒡᓚᖏᑦ 12:16

ᑕᒪᑐᒪ ᑭᖑᕐᖓᒍᑦ, ᐊᒃᓱᕈᕐᓗᑎᒃ ᐃᓄᖁᑎᒪ ᐱᐅᓯᖏᓐᓂᒃ ᐃᓕᓐᓂᐊᕋᔭᕐᐸᑕ, ᐅᖃᕕᒍᑎᖃᕐᓗᑎᒡᓗ ᐊᑎᓐᓂ, ‘ᐊᑕᓂᖅ ᐃᓅᖕᒪᑦ,’ ᑍᒫᒃᑕᐅᖅ ᐃᓄᖁᑎᒃᑲ ᐃᓕᓐᓂᐊᕐᑎᓚᐅᕐᒪᒋᑦ ᐅᖃᕕᒡᕕᖃᖁᓪᓗᒋᑦ ᐰᓕᒧᑦ, ᑖᒃᑯᐊ ᒪᑭᑦᓱᒫᕐᐳᑦ ᐃᓄᖁᑎᒪ ᐊᑯᕐᖓᓐᓂ.

ᔨᕆᒤᐊᐅᑉ ᐊᒡᓚᖏᑦ 29:6

ᐂᑉᐸᕐᑖᕐᑐᕆᑦᓯ ᕿᑐᕐᖓᕐᑖᕐᓂᐊᕋᑦᓯ, ᕿᑐᕐᖓᓯᓗ ᐂᑉᐸᕐᑖᕐᑎᓪᓗᓯᐅᒃ ᕿᑐᕐᖓᕐᑖᖁᓪᓗᒋᑦᑕᐅᖅ, ᐅᓄᕐᓯᕙᓪᓕᐊᖁᓪᓗᓯ ᓄᖑᑉᐸᓪᓕᐊᖏᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 4:2

ᓱᓕᑦᓯᐊᕈᒪᓕᕐᓗᓯ, ᐊᑲᐅᔪᒥᒡᓗ ᐱᓇᓱᐊᕈᒪᒍᑦᓯ, ᐊᖏᒻᒪᕆᓚᐅᕆᑦᓯ ᐊᑕᓂᐅᑉ ᐊᑎᖓᓂ, ᑕᕝᕙ ᐃᓅᖃᑎᒌᒡᔪᐊᑦ ᓮᒻᒪᕐᑎᑕᐅᓂᐊᕐᐳᑦ, ᐊᑕᓂᕐᓗ ᓂᕐᑐᕐᓂᐊᕐᐹᑦ.

ᒨᓯᓯ ᐱᖓᔪᖏᑦ 19:12

ᐊᖏᕐᓗᑎᑦ ᓱᓕᓂᕋᕈᑎᖃᕆᐊᖃᓐᖏᓚᑎᑦ ᐅᕙᖓ ᐊᑎᓐᓂᒃ, ᐊᖏᕈᑎᒋᔭᕐᓂᒃ, ᓱᓕᖏᒃᑯᕕᑦ ᒎᑎᕕᑦ ᐊᑎᖓ ᓇᕐᕈᓇᕐᓯᑎᓐᓂᐊᕋᕕᐅᒃ, ᐅᕙᖓ ᐊᑕᓂᐅᒐᒪ.

ᔨᐸᓁᐊᐅᑉ ᐊᒡᓚᖏᑦ 1:5

ᑐᒃᓯᐊᕐᐸᒃᑐᓪᓗ ᕿᓚᐅᑉ ᐊᑖᓃᑦᑐᓄᑦ ᐃᒡᓗᒥᑦᑕ ᖄᖏᓐᓂ; ᐹᒻᒪᒃᑎᕐᐸᒃᑐᓪᓗ ᐅᖃᕕᒃᓗᑎᒃ ᐊᑕᓂᕐᒧᑦ ᒧᓛᒃᒥᒃ ᒎᑎᓐᖑᐊᒥᒃ ᐱᖃᓯᐅᑦᔨᓪᓗᑎᒃ.

ᒨᓯᓯ ᓯᑕᒪᖏᑦ 5:21

ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐊᖏᒻᒪᕆᖕᓂᕐᒧᑦ ᐱᑎᑕᒃᓴᕆᕚ ᐃᑦᔪᕐᓇᕐᑎᑕᐅᓂᖅ ᐱᓪᓗᒍ, ᐊᕐᓇᒧᑦ ᐅᖃᕐᓗᓂ, ‘ᐊᑕᓂᐅᑉ ᐃᑦᔪᕐᓇᕐᑎᓪᓕᑎᑦ, ᐃᓅᖃᑎᕕᑦ ᐊᑯᕐᖓᓐᓂ ᐊᖏᒻᒪᕆᖕᓂᕐᒧᑦ, ᓇᓕᒃᑳᕕᓪᓗ ᐊᑯᓐᓂᖓ ᓱᕈᕐᑎᓪᓕᐅᒃ, ᓈᖅᑯᕐᑐᓯᑎᓪᓗᑎᓪᓗ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:39

ᐊᕐᓇᖅ ᐅᐃᓕᒃ ᐅᐃᒥᓄᑦ ᕿᓚᒃᓱᕐᓯᒪᕗᖅ ᐃᓅᓂᖓᓂ. ᐅᐃᖓᓕ ᑐᖁᒃᐸᑦ, ᓇᓪᓕᐊᓐᓂᑐᐃᓐᓇᖅ ᐅᐃᑖᕆᔪᒪᔭᒥᓂᒃ ᐅᐃᑖᕈᓐᓇᕐᓯᕗᖅ, ᑭᓯᐊᓂᓕ ᐊᑕᓂᕐᒥᐅᑕᐅᔪᒃᓴᐅᕗᖅ.

ᒨᓯᓯ ᑕᓪᓕᒪᖏᑦ 10:20

ᐊᑕᓂᖅ ᒎᑎᒋᔭᓯ ᓈᓚᒐᒃᓴᕆᕙᓯ ᑖᓐᓇᓗ ᑭᓯᒥ ᑐᒃᓯᐊᕐᕕᒋᓗᒍ. ᑖᑦᓱᒧᖓᓗ ᓱᖁᓯᔪᐃᑦᑑᔪᒃᓴᐅᕗᓯ ᑖᑦᓱᒪᓗ ᐊᑎᖓᒍᑦ ᑭᓯᐊᓂ ᐊᖏᒻᒪᕆᒃᑐᒃᓴᐅᕗᓯ.

ᒨᓯᓯ ᑕᓪᓕᒪᖏᑦ 6:13

ᐊᑕᓂᖅ ᒎᑎᓯ ᓯᕘᕋᒋᔭᒃᓴᕆᕙᓯ, ᑖᓐᓇᑐᐊᕐᓗ ᑐᒃᓯᐊᕐᕕᒋᓗᒍ, ᐊᖏᒻᒪᕆᓕᕈᑦᓯᓗ ᐊᑎᖓ ᑖᓐᓇᑐᐊᖅ ᐊᑐᕐᑕᒃᓴᕆᕙᓯ.

ᐄᑉᕈᐃᓄᑦ 6:16

ᐃᓄᒃ ᐅᖃᕕᒡᓗᓂ ᐊᖏᒻᒪᕆᒑᖓᒥ ᐊᑎᕐᒥᒃ ᑍᓯᖃᓯᐅᑦᔨᓲᖑᕗᖅ ᐊᖏᖅᑭᔭᒥᓂᒃ, ᐅᖃᕕᒡᓗᑎᒡᓗ ᐊᖏᒻᒪᕆᒍᑎᖃᕌᖓᑕ ᐂᕙᔭᐅᔪᓐᓇᓐᖏᓚᑦ.

ᔮᓱᐊᑉ ᐊᒡᓚᖏᑦ 2:12

ᒫᓐᓇᓕ ᐊᖏᕐᕕᒋᓚᐅᕐᓯᓐᖓ ᐊᑕᓂᕐᒧᑦ ᐱᑦᓯᐊᕐᕕᒋᓚᐅᕋᑦᓯᒃ ᑍᒫᒃᑕᐅᖅ ᐅᕙᓐᓂᒃ ᐱᑦᓯᐊᖁᓪᓗᓯ ᐃᓚᓐᓂᒡᓗ, ᓱᓕᑦᔪᑎᑦᓯᓐᓂᒃ ᓇᓗᓁᒃᑯᑕᖃᖁᔨᔪᖓ ᐅᒃᐱᕈᓱᒍᓐᓇᖁᓪᓗᖓ.

ᐃᓗᐊᕐᓮᔩᑦ ᐊᒡᓚᖏᑦ 14:3

ᐊᑖᑕᖓᑕᓗ ᐊᓈᓇᖓᑕᓗ ᐊᐱᕆᕚ, “ᓇᓂᓯᓐᖏᓚᑏᑦ ᐊᕐᓇᒥᒃ ᐃᓚᕕᑦ ᐸᓂᖏᓐᓂᑦ, ᐃᓅᖃᑎᑦᑎᓐᓂᒡᓘᓐᓃᑦ ᓇᓪᓕᐊᓐᓂᑦ? ᑍᒫᒃ ᑭᐱᓯᒪᖏᑦᑐᓂᑦ ᐱᓕᔅᑍᓂᒥᐅᑕᕐᓂᑦ ᓄᓕᐊᓂᒋᐊᖃᕐᐲᑦ?” ᓵᒻᓲᓂᐅᓪᓕ ᐊᑖᑕᓂ ᐅᖃᐅᑎᕚ, “ᑍᓐᓇ ᐊᕐᓇᖅ ᐂᓚᐅᕈᒃ ᐱᐅᒋᒐᒃᑯ.”

ᓴᒧᐃᓕ ᓯᕗᓪᓖᑦ 20:17

ᔫᓇᑕᓂᐅᓪᓗ ᑍᕕᑎ ᐊᖏᕐᑎᒃᑲᓐᓂᕐᐹ ᓇᒡᓕᒋᒐᒥᐅᒃ; ᔫᓇᑕᓂᐅᑉ ᓇᒡᓕᒋᓚᐅᕐᐹ ᑕᕐᓂᕐᒥᓂᒃ ᓇᒡᓕᒋᓂᕐᒥᑐᑦ.

ᓴᒧᐃᓕ ᓯᕗᓪᓖᑦ 30:15

ᑍᕕᑎᐅᑉ ᐊᐱᕆᕚ, “ᑍᒃᑯᓄᓐᖓᐅᑎᔪᓐᓇᕐᐱᖔ ᐅᓇᑕᕆᐊᓚᐅᕐᑐᓄᑦ?” ᑖᓐᓇ ᑭᐅᕗᖅ, “ᐱᔪᓐᓇᕐᐳᖓ ᐊᖏᕐᕕᒋᓂᐊᑐᐊᕈᕕᖓ ᒎᑎᐅᑉ ᐊᑎᖓᓂ, ᑐᖁᓐᓂᐊᓐᖏᓐᓂᕋᕐᓗᖓ ᐅᕝᕙᓗ ᐊᖓᔪᖅᑳᓐᓄᑦ ᐂᑦᑑᑎᒋᓂᐊᓐᖏᑐᐊᕈᕕᖓ.”