ᒨᓯᓯ ᓯᕗᓪᓖᑦ 23:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᓵᕋᓗ ᑐᖁᓚᐅᕐᐳᖅ ᓄᓇᒥ ᑭᕆᐊᑦ-ᐊᕋᐸᒥ (ᑍᔭᐅᔪᖅ ᕼᐃᐸᕋᓐᒥᒃ) ᑬᓇᓂᒥ, ᐂᑉᕋᕼᐋᒻᓗ ᐅᐸᒃᓗᒍ ᕿᒃᓵᒍᑎᒋᕚ ᓵᕋ ᕿᐊᑦᔪᑎᒋᓪᓗᒍ.

ᒨᓯᓯ ᓯᕗᓪᓖᑦ 23:2 Iomraidhean Croise

ᒨᓯᓯ ᓯᕗᓪᓖᑦ 13:18

ᑕᕝᕙ ᐂᑉᕋᒻ ᑕᕝᕙᓐᖓᑦ ᓅᓪᓗᓂ, ᓄᓇᑖᕐᐳᖅ ᓇᐹᕐᑐᓕᖕᒥ ᐆᒃᓂᒃ ᐊᑎᖃᕐᑐᓂᒃ ᒪᒻᕆᒦᑦᑐᒥ ᕼᐃᐸᕋᓐᓂᒥ; ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ.

ᒨᓯᓯ ᓯᕗᓪᓖᑦ 23:1

ᓵᕋᓗ ᐃᓅᓚᐅᕐᐳᖅ ᐊᕐᕌᒍᓂᒃ 127ᓂᒃ; ᑖᒃᑯᐊ ᑕᕝᕙ ᓵᕋᐅᑉ ᐊᕐᕌᒍᒋᓚᐅᕐᑕᖏᑦ.

ᒨᓯᓯ ᓯᕗᓪᓖᑦ 23:19

ᑭᖑᓂᖓᒍᑦ, ᐂᑉᕋᕼᐋᒻ ᓄᓕᐊᓂ ᓵᕋ ᑕᕝᕗᖓ ᕾᕈᓱᖕᒧᑦ ᐃᓗᕕᕐᐹ ᐱᕈᕐᓰᕕᖕᒥ ᒪᒃ-ᐲᓚᒥ ᒪᒻᕆᐅᑉ ᓯᕿᓂᐊᑕ ᓇᓛᓃᑦᑐᒥ ᕼᐃᐸᕋᓐᒥ ᑬᓇᓂᐅᑉ ᓄᓇᖓᓃᑦᑐᒥ.

ᒨᓯᓯ ᓯᕗᓪᓖᑦ 24:67

ᑕᕝᕙ ᐂᓴᑭᐅᑉ ᕇᐱᑲ ᑐᐱᕐᒧᐊᕈᑎᕚ ᐊᓈᓇᖓᑕ ᓵᕋᐅᑉ ᐊᖏᕐᕋᕆᖃᑦᑕᓚᐅᕐᑕᖓᓄᑦ, ᓄᓕᐊᕐᑖᕆᓪᓗᒍᓗ; ᐂᓴᑭᐅᓪᓗ ᕇᐱᑲ ᓇᒡᓕᒋᒻᒪᕆᒃᐹ, ᐂᓴᑭᓗ ᒪᓂᒍᕐᑕᐅᕗᖅ ᐊᓈᓇᒥ ᑐᖁᓂᖓᑕ ᑭᖑᕐᖓᓂ.

ᒨᓯᓯ ᓯᕗᓪᓖᑦ 27:41

ᐄᓴᐅᓪᓗ ᔧᑯ ᐆᒥᒋᓕᕐᐹ ᓮᒻᒪᕐᑎᑕᐅᓯᒪᓂᖓᓄᑦ ᐊᑖᑕᖓᑕ ᓮᒻᒪᕐᑎᓚᐅᕐᒪᒍ, ᐄᓴᓗ ᓂᐱᖃᕐᓗᓂ ᐃᒻᒥᓄᑦ ᐅᖃᓕᕐᐳᖅ, “ᐊᑖᑕᒪ ᕿᒃᓵᒍᑕᐅᕕᒃᓴᖓ ᖃᒡᓕᖕᒪᑦ; ᑭᖑᕐᖓᒍᑦ ᓄᑲᕋ ᔧᑯ ᑐᖁᓛᓕᕐᐸᕋ.”

ᒨᓯᓯ ᓯᕗᓪᓖᑦ 35:27

ᔧᑯᓗ ᐊᑖᑕᒥᓄᐊᕐᐳᖅ ᐂᓴᑭᒧᑦ ᓄᓇᒥ ᒪᒻᕆᒦᑦᑐᒧᑦ, ᐅᕝᕙᓗ ᑭᕆᐊᑦ-ᐊᕋᐸᒧᑦ ᕼᐃᐸᕋᓐᒥᒃ ᑍᔭᐅᔪᒧᑦ, ᑕᕝᕗᖓ ᐂᑉᕋᕼᐋᒻ ᐂᓴᑭᐅᓪᓗ ᓄᓇᑖᕆᓚᐅᕐᑕᖓᓄᑦ.

ᒨᓯᓯ ᓯᕗᓪᓖᑦ 37:14

ᐅᖃᐅᑎᕚᓗ, “ᑍᒃᑯᓄᓐᖓᓚᐅᕆᑦ, ᑕᑯᔭᕐᑐᕐᓗᑎᑦ ᐊᖓᔪᑎᑦ ᓰᐱᖁᑎᕗᓪᓗ ᖃᓄᐃᖏᑦᓯᐊᕋᓗᐊᕐᒪᖔᑕ; ᐅᑎᕈᕕᑦ ᑐᓴᕐᑎᑦᓱᒫᕋᕕᖓ.” ᑕᕝᕙᓐᖓᑦ ᕼᐃᐸᕋᓂᐅᑉ ᓇᕐᓴᖓᓂᑦ ᑎᓕᖕᒪᒍ, ᓯᑭᒻᒧᐊᓕᕐᐳᖅ.

ᒨᓯᓯ ᓯᕗᓪᓖᑦ 50:1

ᑕᕝᕙ ᔫᓯᐱ ᐊᑖᑕᖓᑕ ᑮᓇᖓᓄᑦ ᐳᓪᓗᓂ, ᕿᐊᕕᒋᓕᕐᐹ, ᑯᓂᒃᓗᒍᓗ.

ᒨᓯᓯ ᓯᕗᓪᓖᑦ 50:10

ᓇᑎᕐᓇᒧᓪᓕ ᑎᑭᓐᓇᒥᒃ ᑍᔭᐅᔪᒧᑦ ᐊᑖᑎᐅᑉ ᓂᐊᖂᔭᒃᓴᓕᐅᕐᕕᖓᓂᒃ, ᔪᐊᕐᑕᓂᐅᑉ ᐅᖓᑖᓃᑦᑐᒧᑦ, ᑕᕝᕙᓂ ᕿᐊᔪᐊᓘᕗᑦ ᕿᒃᓵᖕᓂᕐᒧᓪᓗ ᐅᒡᒍᐊᕐᑐᐊᓘᓪᓗᑎᒃ; ᑕᕝᕙᓂᓗ ᔫᓯᐱ ᐅᓪᓗᓂᒃ 7ᓂᒃ ᓄᖅᑲᖓᑎᑦᓯᓚᐅᕐᐳᖅ ᕿᒃᓵᒍᑎᖃᕐᓗᑎᒃ ᐊᑖᑕᒥᖕᓂᒃ.

ᓴᒧᐃᓕ ᐂᑉᐸᖏᑦ 1:12

ᕿᒃᓵᒡᓗᑎᒡᓗ ᕿᐊᓚᐅᕐᐳᑦ ᓂᕆᑦᑍᓕᓪᓗᑎᒡᓗ ᐅᓐᓄᒧᑦ ᑎᑭᓪᓗᒍ, ᓴᐅᓕ ᔫᓇᑕᓂᓗ ᐃᓴᕆᐊᓕᒥᐅᓕᒫᓪᓗ ᐱᓪᓗᒋᑦ ᐊᑕᓂᐅᑉ ᐃᓄᖁᑎᖏᑦ, ᐅᓇᑕᕐᓂᒃᑯᑦ ᐅᓄᕐᑐᐊᓗᐃᑦ ᑐᖁᑕᐅᓚᐅᕐᒪᑕ.

ᓴᒧᐃᓕ ᐂᑉᐸᖏᑦ 1:17

ᑍᕕᑎᓗ ᐅᒡᒍᐊᕈᑎᒥᒃ ᐃᓐᖏᓚᐅᕐᐳᖅ ᓴᐅᓕᒧᑦ ᐃᕐᓂᖓᓄᓪᓗ ᔫᓇᑕᓂᒧᑦ,

ᓴᒧᐃᓕ ᐂᑉᐸᖏᑦ 2:11

ᑍᕕᑎᓗ ᐊᐅᓚᑦᓯᓚᐅᕐᐳᖅ ᕼᐃᐸᕋᓐᒥ ᔫᑕᐅᑉ ᑭᖑᕚᖏᓐᓂᒃ ᐊᕐᕌᒍᓂᒃ 7ᓂᒃ ᑕᖅᑭᓂᒡᓗ ᐱᖓᓲᔪᕐᑐᓂᒃ.

ᓴᒧᐃᓕ ᐂᑉᐸᖏᑦ 5:3

ᑍᒤᒻᒪᑦ ᐃᓴᕆᐊᓕᒥᐅᑦ ᐃᓄᖏᑕ ᐊᖓᔪᖅᑳᓕᒫᖏᑦ ᐊᖓᔪᖅᑳᕐᔪᐊᒧᐊᓚᐅᕐᐳᑦ ᑍᕕᑎᒧᑦ ᕼᐃᐸᕋᓐᒦᑦᑐᒧᑦ; ᑍᕕᑎᐅᓪᓗ ᐊᖏᖃᑎᒋᓚᐅᕐᐰᑦ ᐊᑕᓂᐅᑉ ᓵᖓᓂ, ᑖᒃᑯᓇᓐᖓᓪᓗ ᓇᐹᕐᑑᑉ ᐅᕐᓱᖓᓄᑦ ᑕᕝᕙᓂ ᐅᕐᓱᕐᑎᕐᑕᐅᕗᖅ, ᐊᖓᔪᖅᑳᕐᔪᐊᓐᖑᕐᑎᓪᓗᒍ ᐃᓴᕆᐊᓕᒥᐅᓄᑦ.

ᓴᒧᐃᓕ ᐂᑉᐸᖏᑦ 5:5

ᐊᐅᓚᑦᓯᓚᐅᕐᐳᖅ ᔫᑕᒥᒃ ᕼᐃᐸᕋᓐᒦᓪᓗᓂ ᐊᕐᕌᒍᓂᒃ 7ᓂᒃ ᑕᖅᑭᓂᒡᓗ ᐱᖓᓲᔪᕐᑐᓂᒃ; ᔨᕉᓴᓕᒥᓗ ᐊᐅᓚᑦᓯᓚᐅᕐᐳᖅ ᐃᓴᕆᐊᓕᒥᐅᓕᒫᓂᒃ ᔫᑕᒥᒡᓗ ᐊᕐᕌᒍᓂᒃ 33ᓂᒃ.

ᑯᕉᓂᑲ ᓯᕗᓪᓖᑦ 6:57

ᐂᕉᓂᐅᑉ ᐃᕐᓂᖏᑦ ᑐᓂᔭᐅᕗᑦ ᐃᒡᓗᒐᓴᖕᓂᒃ ᕿᒫᕕᖕᓂᒃ; ᕼᐃᐸᕋᓐᒥᒃ, ᓕᑉᓇᒥᒃ ᓄᓇᒥᒡᓗ ᓂᕿᒃᓴᓕᖕᒥᒃ, ᔮᑎᐊᕐᓗ, ᐃᔅᑎᒧᐊᓗ ᓄᓇᒥᒡᓗ ᓂᕿᒃᓴᓕᖕᒥᒃ.

ᑯᕉᓂᑲ ᐂᑉᐸᖏᑦ 35:25

ᔨᕆᒤᐊᓗ ᐅᒡᒍᐊᕐᓗᓂ ᕿᒃᓵᒃᐳᖅ ᔫᓮᐊ ᐱᓪᓗᒍ; ᐊᖑᑎᑦ ᐊᕐᓁᓪᓗ ᐃᓐᖏᕐᑏᑦ ᔫᓮᐊᒥᒃ ᐅᖃᐅᓯᖃᕐᐳᑦ ᐅᒡᒍᐊᕈᑎᒋᓪᓗᒍ ᕿᒃᓵᓂᒃᑯᑦ ᐅᓪᓗᒥᒧᑦ ᑎᑭᓪᓗᒍ. ᐃᓴᕆᐊᓕᒥᐅᓂᑦ ᑕᒪᓐᓇ ᐱᐅᓯᕐᑖᕆᔭᐅᑎᑕᐅᓚᐅᕐᐳᖅ; ᑕᑯᒋᑦ, ᑕᒪᒃᑯᐊ ᐊᒡᓚᒃᓯᒪᕗᖅ ᐅᒡᒍᐊᕈᑎᐅᓪᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 11:25

ᐃᓄᐃᑦ ᐅᓄᕐᑐᑦ ᓇᓂᑐᐃᓐᓇᖅ ᓄᓇᖃᓚᐅᕐᐳᑦ ᐱᕈᕐᓰᕕᖁᑎᖏᑕ ᖃᓂᒋᔭᖓᓂ, ᔫᑕᐅᑉ ᑭᖑᕚᖏᑕ ᐃᓚᖏᑦ ᓄᓇᖃᓚᐅᕐᐳᑦ ᑭᕆᐊᑦ-ᐊᕋᐸᒥ ᖃᓂᒋᔭᓂᓗ ᓄᓇᓕᐅᔪᓂ, ᑎᐴᓂᒥᓗ ᖃᓂᒋᔮᓂᓗ ᓄᓇᓕᐅᔪᓂ, ᔨᑲᐱᔨᐅᓪᒥᓗ ᖃᓂᒋᔭᓂᓗ ᓄᓇᓕᐅᔪᓂ;

ᔨᕆᒤᐊᐅᑉ ᐊᒡᓚᖏᑦ 22:10

ᕿᐊᑦᔪᑎᒋᑦᑍᓕᓯᐅᒃ ᑐᖁᖓᔪᖅ, ᕿᒃᓴᐅᑎᒋᓇᒍᓗ, ᕿᐊᑦᔪᑎᖃᖔᕐᑐᒃᓴᐅᕗᓯᓕ ᐊᐅᓪᓚᕈᑦᔭᐅᓯᒪᔪᓂᒃ, ᐅᑎᕐᓂᐊᕈᓐᓁᕐᒪᑕ ᓄᓇᑐᖃᕐᒥᖕᓂᒃ ᑕᑯᓂᐊᕈᓐᓁᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 22:18

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ ᔨᕼᐅᐃᐊᑭᒻ ᐱᑦᔪᑎᒋᓪᓗᒍ ᔫᑕᒧᑦ ᐊᖓᔪᖅᑳᕐᔪᐊᖑᔪᖅ ᔫᓮᐊᐅᑉ ᐃᕐᓂᖓ, “ᑐᖁᒃᐸᑦ ᕿᒃᓵᒍᑕᐅᔪᒫᓐᖏᓚᖅ ᖃᑕᓐᖑᑎᖏᓐᓄᑦ ᓇᔭᖏᓐᓄᓪᓗ ᐅᒡᒍᐊᕐᓇᕋᔭᕋᓗᐊᕐᐳᖅ, ᕿᐊᑦᔪᑕᐅᓐᖏᓚᕐᓕ, ᐊᖓᔪᖅᑳᕐᔪᐊᖃᕐᑐᓄᑦ ᐅᒡᒍᐊᕐᓇᕋᓗᐊᕐᐳᖅ, ᐊᖓᔪᖅᑳᕐᔪᐊᖑᓂᖓ ᐱᑦᔪᑎᒋᓪᓗᒍ.

ᒨᓯᓯ ᓯᑕᒪᖏᑦ 13:22

ᐂᓚᐅᕐᐳᑦ ᓯᕿᓂᐅᑉ ᓇᓛᓂᑦ ᓂᒋᑉᒥᑦ ᕼᐃᑉᐳᕌᓂ ᑎᑭᓪᓗᒍ; ᐊᕼᐂᒪᓐ, ᓯᓮᓗ, ᑕᓪᒤᓗ ᐊᓇᑭᐅᑉ ᑭᖑᕚᖏᑦ ᑍᑲᓃᓚᐅᕐᐳᑦ. (ᕼᐃᐸᕋᓐ ᓴᓇᔭᐅᓚᐅᕐᑐᖅ ᔪᐊᓂ ᐄᑦᔨᑉᑎᒦᑦᑐᖅ ᐊᕐᕌᒍᑦ 7ᐃᑦ ᓴᓇᔭᐅᓚᖅᑳᕐᑎᓐᓇᒍ.)

ᒨᓯᓯ ᓯᑕᒪᖏᑦ 20:29

ᐃᓄᒋᐊᒃᑐᕐᔪᐊᓪᓕ ᖃᐅᔨᒐᒥᒃ ᐂᕉᓂ ᑐᖁᖕᒪᑦ ᕿᒃᓵᓚᐅᕐᐳᑦ ᐅᓪᓗᓂᒃ 30ᓂᒃ, ᐃᓴᕆᐊᓕᒥᐅᓕᒫᑦ.

ᔪᐊᓇᓯᐅᑉ ᐊᒡᓚᖏᑦ 11:31

ᔫᑎᓪᓕ ᐃᒡᓗᒦᑦᑐᑦ, ᐃᑲᔪᕆᐊᕐᓯᒪᔪᑦ ᑖᑦᓱᒥᖓ, ᒥᐊᕆ ᑕᑯᒐᒥᑦᔪᒃ ᑐᐊᕕᕐᓗᓂ ᐊᓂᖕᒪᑦ, ᒪᓕᒃᓴᕐᐹᑦ, ᕿᐊᔭᕐᑐᕋᓱᒋᓪᓗᒍ ᐃᓗᕕᕐᒧᑦ.

ᔪᐊᓇᓯᐅᑉ ᐊᒡᓚᖏᑦ 11:35

ᔩᓱᓯᓗ ᕿᐊᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 8:2

ᐅᒃᐱᑦᓯᐊᕐᑐᑦ ᐊᖑᑎᑦ ᓯᑎᐹᓇᓯᐅᑉ ᑎᒥᖓ ᐃᓗᕕᕐᐹᑦ ᐊᖏᔪᒥᒡᓗ ᐅᒡᒍᐊᕈᑎᒋᓪᓗᒍ ᕿᐊᑦᔪᑎᒋᕚᑦ.

ᒨᓯᓯ ᑕᓪᓕᒪᖏᑦ 34:8

ᐃᓴᕆᐊᓕᒥᐅᓂᑦ ᕿᒃᓵᒍᑕᐅᓚᐅᕐᐳᖅ ᐅᓪᓗᓂᒃ 30ᓂᒃ ᒧᐊᐱᐅᑉ ᓇᕐᓴᖓᓃᓪᓗᑎᒃ; ᐊᒻᒪ ᐅᓪᓗᐃᑦ ᕿᐊᕖᑦ ᕿᒃᓵᒡᕖᓪᓗ ᐃᓱᓕᒻᒪᑕ.

ᔮᓱᐊᑉ ᐊᒡᓚᖏᑦ 10:39

ᓵᓚᒋᕚᓗ ᐊᖓᔪᖅᑳᕐᔪᐊᖓᓪᓗ ᓄᓇᓖᓪᓗ ᖃᓂᒋᔭᖓᓃᑦᑐᓕᒫᑦ ᑐᖁᕋᕐᐰᑦ; ᐊᑕᐅᓯᕐᒥᒡᓘᓐᓃᑦ ᐊᓐᓇᒃᑐᖃᓚᐅᓐᖏᓚᖅ; ᑍᒫᑦᓮᓐᓇᖅ ᕼᐃᐸᕋᓐᒧᑦ ᓕᑉᓇᒧᓪᓗ ᐊᖓᔪᖅᑳᕐᔪᐊᖏᓐᓄᓪᓗ ᑍᒤᓕᐅᓚᐅᕋᒥ, ᑍᒫᑦᓮᓐᓇᖅ ᐱᓇᓱᐊᓚᐅᕐᐳᖅ ᑎᐱᕆᒥᐅᓄᑦ ᐊᖓᔪᖅᑳᕐᔪᐊᖓᓄᓪᓗ.

ᔮᓱᐊᑉ ᐊᒡᓚᖏᑦ 15:13

ᐊᑕᓂᐅᑉ ᔮᓱᐊᒥᒃ ᐱᖁᔨᓂᖓ ᒪᓕᒡᓗᒍ, ᔫᑕᐅᑉ ᓄᓇᖁᑎᖓᑕ ᐃᓚᖓ ᑐᓂᔭᐅᕗᖅ ᑬᓚᐱᒧᑦ ᔨᐳᓂᐊᐅᑉ ᐃᕐᓂᖓᓄᑦ, ᑭᕆᐊᑦ-ᐊᕋᐸᒥᒃ ᑖᓐᓇ ᕼᐃᐸᕋᓐᖑᕗᖅ, (ᑖᓐᓇ ᐋᕐᐸ ᐊᓇᑭᒃᑯᑦ ᐊᑖᑕᒋᓚᐅᕐᐹᑦ).

ᔮᓱᐊᑉ ᐊᒡᓚᖏᑦ 15:54

ᕼᐅᒻᑕ, ᑭᕆᐊᑦ-ᐊᕋᐸ (ᑖᓐᓇ ᕼᐃᐸᕋᓐ), ᔨᐅᕆᓗ: ᐃᒡᓗᒐᓮᑦ 9ᖑᕗᑦ, ᓄᓇᓖᓪᓗ ᐊᓯᖏᑦ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ.

ᔮᓱᐊᑉ ᐊᒡᓚᖏᑦ 20:7

ᑍᒤᒻᒪᑦ ᑭᑎᔅ ᒐᓕᓕᐊᒦᑦᑐᖅ ᓴᓂᕐᕙᒃᑕᐅᕗᖅ ᖃᖅᑲᓃᑦᑐᖅ ᓈᑉᑕᓕᒥ, ᓯᑭᒻᓗ ᐃᕗᕅᑎᐅᑉ ᖃᖅᑲᖏᓐᓃᑦᑐᖅ; ᑭᕆᐊᑦ-ᐊᕋᐸᓗ ᑖᓐᓇ ᕼᐃᐸᕋᓐ, ᔫᑕᐅᑉ ᖃᖅᑲᖏᓐᓃᑦᑐᖅ.

ᔮᓱᐊᑉ ᐊᒡᓚᖏᑦ 21:11

ᑐᓂᔭᐅᕗᑦ ᐃᒡᓗᒐᓴᖕᓂᒃ ᑭᕆᐊᑦ-ᐊᕋᐸᒥᒃ (ᑖᓐᓇ ᐋᕐᐸ ᐋᓇᑭᐅᑉ ᐊᑖᑕᒋᓚᐅᕐᑕᖓ), ᒫᓐᓇ ᑍᔭᐅᔪᖅ ᕼᐃᐸᕋᓐᒥᒃ, ᔫᑕᐅᑉ ᓄᓇᖓᓂ ᖃᖅᑲᓃᑦᑐᖅ, ᓄᓇ ᐱᕈᕐᑐᓕᒃ ᐊᕙᑖᓃᑦᑐᖅ ᐃᓚᒋᔭᐅᑎᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 1:10

ᔫᑕᒥᐅᓪᓗ ᑲᔪᓯᓚᐅᕐᐳᑦ ᑬᓇᓂᒥᐅᓄᑦ ᓄᓇᓕᖕᓄᑦ ᐃᒡᓗᒐᓴᖕᓄᑦ ᕼᐃᐸᕋᓐᒥᑦ, ᓯᕗᓂᖓᒍᑦ ᑍᔭᐅᓚᐅᕐᑑᒐᓗᐊᖅ ᑭᕆᐊᑦ-ᐊᕋᐸᒥᒃ, ᓵᓚᒋᓚᐅᕐᐰᓪᓗ ᐃᓚᒌᑦ ᓯᓮᒃᑯᑦ, ᐊᕼᐂᒪᓐᑯᑦ, ᑕᓪᒤᒃᑯᓪᓗ.

ᓴᒧᐃᓕ ᓯᕗᓪᓖᑦ 20:31

ᖃᐅᔨᒪᓐᖏᓚᑏᑦ ᔨᓯᐅᑉ ᐃᕐᓂᖓ ᐃᓅᑎᓪᓗᒍ ᓄᓇᕐᔪᐊᕐᒥ, ᐊᖓᔪᖅᑳᕐᔪᐊᓐᖑᕈᓐᓇᑦᔮᖏᓐᓇᕕᑦ, ᐊᖓᔪᖅᑲᐅᕕᖃᑦᔮᓇᒡᓘᓐᓃᑦ? ᑍᒤᒻᒪᑦ ᒫᓐᓇ ᕾᑎᓚᐅᕈᒃ ᐅᕙᓐᓄᑦ, ᑖᓐᓇ ᑐᖁᔪᒃᓴᐅᖕᒪᑦ.”

ᓴᒧᐃᓕ ᓯᕗᓪᓖᑦ 25:1

ᓴᒧᐃᓕᓕ ᑐᖁᖕᒪᑦ; ᐃᓴᕆᐊᓕᒥᐅᓕᒫᑦ ᑲᑎᕗᑦ ᕿᒃᓴᐅᑎᒋᓪᓗᒍ. ᑭᖑᓂᖓᒍᓪᓗ ᐃᓗᕕᕐᐹᑦ ᐊᖏᕐᕋᖓᓂ ᕌᒪᒥ. ᑍᕕᑎᓗ ᓇᔪᕐᑕᒥᓂᑦ ᐊᐅᓪᓚᕐᐳᖅ ᐊᒻᒧᐊᒡᓗᓂᓗ ᐃᓄᖃᔪᐃᑦᑐᒧᑦ ᐸᕌᓂᒧᑦ.

ᓴᒧᐃᓕ ᓯᕗᓪᓖᑦ 28:3

ᑍᑦᓱᒪᓂ ᓴᒧᐃᓕ ᑐᖁᖓᓕᓚᐅᕐᒪᑦ, ᐃᓴᕆᐊᓕᒥᐅᓕᒫᓪᓗ ᕿᒃᓵᐅᑎᒋᓚᐅᕐᐹᑦ ᐃᓗᕕᓚᐅᕐᐹᓪᓗ ᓄᓇᖓᓂ ᕌᒪᒥ. ᓴᐅᓕᐅᓪᓗ ᓯᕗᓂᕐᒥᒃ ᖃᐅᔨᓇᓱᐊᕐᑏᑦ ᐊᖓᒃᑰᓇᓱᐊᕐᑏᓪᓗ ᐊᐅᓪᓚᕐᑎᓚᐅᕐᓯᒪᕔᑦ ᐃᓴᕆᐊᓕᒥᑦ.