ᒨᓯᓯ ᓯᕗᓪᓖᑦ 22:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐂᑉᕋᕼᐋᒻᓕ ᑭᐅᕚ, “ᒎᑎᐅᑉ ᑐᓂᕐᕈᑎᒃᓴᖅ ᑐᓂᓂᐊᕐᐹ ᐃᕐᓃᒃ.” ᑕᕝᕙ ᐱᓱᖃᑎᒌᓕᕐᐴᒃ.

ᒨᓯᓯ ᓯᕗᓪᓖᑦ 22:8 Iomraidhean Croise

ᒨᓯᓯ ᓯᕗᓪᓖᑦ 18:14

ᐊᑕᓂᕐᒧᑦ ᐊᔪᕐᓇᓗᐊᕐᑐᖃᕐᐹ? ᐅᖃᖅᑲᐅᒐᒪ, ᐱᕕᒃᓴᖅ ᓈᒻᒪᒃᓯᒃᐸᑦ ᐅᑎᓛᕆᕗᖓ, ᓵᕋᓗ ᐃᕐᓂᖃᓕᓛᕐᐳᖅ.”

ᒨᓯᓯ ᓯᕗᓪᓖᑦ 22:14

ᐂᑉᕋᕼᐋᒻᓗ ᑖᓐᓇ ᓇᔪᕐᑕᓂ ᐊᑦᓯᕐᐹ, ᐊᑕᓂᖅ ᐱᒃᓴᖃᕐᑎᑦᓯᓂᐊᕐᐳᖅ; ᐅᓪᓗᒥᒧᑦ ᑎᑭᓪᓗᒍ ᐅᖃᐅᓯᐅᕙᓕᕐᐳᖅ, “ᐊᑕᓂᐅᑉ ᖃᖅᑲᖁᑎᖓᓂ ᐱᒃᓴᖃᕐᑎᑕᐅᓇᕐᐳᖅ.”

ᒨᓯᓯ ᓯᕗᓪᓖᑦ 22:7

ᐂᓴᑭᓕ ᐅᖃᕐᐳᖅ, ᐊᑖᑕᒥᓄᑦ ᐂᑉᕋᕼᐋᒻᒧᑦ, “ᐊᑖᑕᒃ!” ᑖᑦᓱᒪ ᑭᐅᕚ, “ᓱᕙ ᐃᕐᓃᒃ.” ᐂᓴᑭᓗ ᐅᖃᕐᐳᖅ, “ᑕᑯᒋᑦ, ᐃᑯᒪ ᕿᔪᐃᓪᓗ ᐃᑯᐊᓚᑦᔪᑎᒃᓮᓪᓗ; ᓇᐅᒡᓕ ᑍᒪ ᓄᕐᕋᐅᔭᖅ ᑐᓂᕐᕈᑎᒃᓴᖅ?”

ᒨᓯᓯ ᓯᕗᓪᓖᑦ 22:9

ᒎᑎᐅᓪᓗ ᐃᓂᒋᔭᐅᖁᔭᖓ ᑎᑭᓐᓇᒥᒃᑯᒃ, ᐂᑉᕋᕼᐋᒻ ᑐᓂᕐᕈᓯᕐᕕᒃᓴᒥᒃ ᓴᓇᕗᖅ; ᕿᔪᐃᓪᓗ ᖄᖓᓄᑦ ᐋᖅᑭᒃᓱᑦᓯᐊᕐᓗᒋᑦ, ᐃᕐᓂᓂᓗ ᐂᓴᑭ ᕿᓚᒃᓱᕐᐹ, ᕿᔪᐃᓪᓗ ᑐᓂᕐᕈᓯᕐᕕᐅᑉ ᖄᖓᓃᑦᑐᑦ ᖄᖓᓄᐊᕐᓗᓂᐅᒃ,

ᐊᑕᓃᑦ ᐂᑉᐸᖏᑦ 2:6

ᐃᓔᑦᔭᐅᑉ ᐊᒻᒪ ᐅᖃᐅᑎᓕᕆᕚ, “ᑕᒫᓂᒋᑦ, ᐊᑕᓂᐅᑉ ᑰᖕᒧᑦ ᔪᐊᕐᑕᓂᓕᐊᖁᖕᒪᖔ.” ᐃᓔᓴᐅᑉ ᑭᐅᕚ, “ᐊᑕᓂᖅ ᐃᓅᖕᒪᑦ, ᐃᕝᕕᓪᓗ ᐃᓅᓂᕐᓂ, ᕿᒪᖕᓂᐊᓐᖏᓚᒋᑦ.” ᑕᕝᕙ ᑕᒪᕐᒥᒃ ᐱᓱᖃᑎᒌᓕᕐᐴᒃ.

ᑯᕉᓂᑲ ᐂᑉᐸᖏᑦ 25:9

ᐊᒪᔧᐊᓗ ᐅᖃᕐᐳᖅ ᒎᑎᐅᑉ ᐃᓄᖁᑎᖓᓄᑦ, “ᖃᓄᐃᓕᐅᕐᑐᒃᓴᐅᓕᕐᐱᑕᓕ ᐊᑭᓕᐅᑎᒋᓚᐅᕐᑕᒃᑲ 100 ᑖᓚᓐᑏᑦ ᐅᓇᑕᕐᑐᒃᓴᓄᑦ ᐃᓴᕆᐊᓕᒥᐅᓅᑦ ᐱᑦᔪᑎᒋᓗᒋᑦ?” ᒎᑎᐅᑉ ᐃᓄᖁᑎᖓ ᑭᐅᕗᖅ, “ᐊᑕᓂᐅᑉ ᑖᒃᑯᓇᓐᖓᑦ ᐅᓄᕐᓂᕐᓴᓂᒃ ᑐᓂᓯᕕᒋᔪᓐᓇᕐᐹᑎᑦ.”

ᒫᑎᐅᓯᐅᑉ ᐊᒡᓚᖏᑦ 19:26

ᔩᓱᓯᐅᑉ ᑕᑯᓴᕐᓗᒋᑦ ᐅᖃᐅᑎᕔᑦ, “ᑕᒪᓐᓇ ᐃᓄᖕᓄᑦ ᐊᔪᕐᓇᕐᐳᖅ; ᒎᑎᒧᓪᓕ ᓱᓇᓕᒫᓂᒃ ᐊᔪᕐᓇᕐᑐᖃᓐᖏᓚᑦ.”

ᔪᐊᓇᓯᐅᑉ ᐊᒡᓚᖏᑦ 1:29

ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᕐᔪᐊᕐᒥᐅᑦ ᐊᔪᕐᓂᖏᓐᓂᒃ ᐲᔧᔪᖅ!

ᔪᐊᓇᓯᐅᑉ ᐊᒡᓚᖏᑦ 1:36

ᔩᓱᓯ ᐱᓱᒃᑐᖅ ᑕᑯᓈᕋᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:8

ᐃᓅᖃᑎᒌᒡᔪᐊᓕᒫᓪᓗ ᓄᓇᕐᔪᐊᒦᑦᑐᑦ ᑖᑦᓱᒥᖓ ᑐᒃᓯᐊᕐᕕᖃᕈᒫᕐᐳᑦ, ᐊᑎᖏᑦ ᑎᑎᕋᕐᑕᐅᓯᒪᖏᑦᑐᓕᒫᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ ᒪᒃᐱᕐᑐᖃᓂ ᐃᓅᓯᕾᓐᓇᕈᒫᕐᑐᑦ ᓄᕐᕋᐅᔭᐅᑉ ᑐᖁᑕᐅᓚᐅᕐᑑᑉ ᐊᑎᒃᑯᑎᖏᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:12

ᓂᐱᖅᑯᕐᑐᔪᐊᓘᓪᓗᑎᒃ ᐅᖃᕐᐳᑦ: “ᓄᕐᕋᐅᔭᖅ ᑐᖁᑕᐅᓚᐅᕐᑐᖅ, ᐱᔪᓐᓇᕐᓂᕐᑖᕈᓐᓇᕐᑐᑐᕗᖅ ᐊᔪᕐᓴᖏᓐᓂᕐᒥᒃ ᓯᓚᑐᓂᕐᒥᒃ ᐊᔪᒐᖃᖏᓐᓂᕐᒥᒃ, ᐅᐱᒋᔭᐅᓂᕐᒥᒃ ᐱᓐᓇᕐᓇᕐᓂᕐᒥᒃ, ᓂᕐᑐᕐᑕᐅᓂᕐᒥᒡᓗ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:6

ᑕᕝᕙ ᑕᑯᕗᖓ ᓄᕐᕋᐅᔭᒥᒃ ᓇᖏᕐᑐᒥᒃ ᐃᒃᓯᕙᐅᑕᕐᔪᐊᑦ ᐊᑯᕐᖓᓐᓂ ᐆᒪᔪᓄᑦ ᓯᑕᒪᓄᑦ ᐊᖓᔪᖅᑳᓄᓪᓗ ᐊᕙᓗᔭᐅᓯᒪᔪᒥᒃ, ᑖᓐᓇ ᓄᕐᕋᐅᔭᖅ ᑐᖁᑕᐅᓯᒪᔪᕕᓂᐅᔮᕐᐳᖅ, 7ᓂᒃ ᓇᒡᔪᖃᕐᐳᖅ 7ᓂᒡᓗ ᐃᔨᖃᕐᓗᓂ, ᑖᒃᑯᐊ ᑕᕝᕙ ᒎᑎᐅᑉ ᐊᓂᕐᓂᖏᑦ 7 ᑎᓕᔭᐅᓯᒪᔪᑦ ᓄᓇᕐᔪᐊᓕᒫᒧᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:14

ᑭᐅᕙᕋᓗ, “ᐊᖓᔪᖅᑳᖅ, ᐃᕝᕕᑦ ᖃᐅᔨᒪᕙᑎᑦ.” ᐅᖃᐅᑎᕚᖓᓗ, “ᑖᑯᐊ ᑕᕝᕙ ᑲᑉᐱᐊᓇᕐᑐᕐᔪᐊᕐᒥᒃ ᐊᓂᒍᐃᔪᑦ; ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᕗᑦ ᖃᑯᕐᓯᑎᓪᓗᒋᒡᓗ ᓄᕐᕋᐅᔭᐅᑉ ᐊᐅᖓᓄᑦ.