ᒨᓯᓯ ᓯᕗᓪᓖᑦ 22:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᒎᑎᐅᓪᓗ ᐅᖃᐅᑎᓕᕐᐹ, “ᐃᕐᓂᑐᐊᑦ ᓇᒡᓕᒋᒻᒪᕆᒃᑕᑦ ᐂᓴᑭ ᓇᒃᓴᕐᓗᒍ ᒧᕅᐊᑉ ᓄᓇᖓᓄᓐᖓᐅᒋᑦ, ᐃᕐᓃᑦ ᐂᓴᑭ ᐃᑯᐊᓪᓚᒡᓗᒍ ᑐᓂᕐᕈᓯᐅᑎᔭᕐᑐᕈᒃ ᖃᖅᑲᓂ ᐃᓂᒋᓂᐊᕐᑕᑦᓯᓐᓂᒃ ᑍᑲᓂ ᐅᖃᐅᑎᔪᒫᕐᐸᒋᑦ.”

ᒨᓯᓯ ᓯᕗᓪᓖᑦ 22:2 Iomraidhean Croise

ᒨᓯᓯ ᓯᕗᓪᓖᑦ 17:19

ᒎᑎᐅᑉ ᑭᐅᕚ, “ᑍᒫᖑᓐᖏᓚᖅ, ᓄᓕᐊᕕᑦ ᓵᕋᐅᑉ ᐃᕐᓂᕐᑖᕐᑎᑦᓱᒫᕐᐹᑎᑦ, ᐊᑎᖃᕐᑎᑦᓱᒫᕐᐸᓪᓗ ᐂᓴᑭᒥᒃ, ᐊᖏᖃᑎᒌᒃᓯᒪᓂᕋ ᑲᔪᓯᑎᓐᓂᐊᕋᒃᑯ ᑖᑦᓱᒨᓇ ᑭᖑᕚᒃᓴᖏᓐᓄᑦ ᐊᖏᖃᑎᒌᒍᑎᓕᐊᕋ ᑕᒪᓐᓇ ᐃᓱᖃᖏᑦᑑᖕᒪᑦ ᑭᖑᕚᖏᓐᓄᓪᓗ ᑐᕌᖓᔪᒫᕆᕗᖅ ᑭᖑᓂᖓᓂ.

ᒨᓯᓯ ᓯᕗᓪᓖᑦ 21:12

ᒎᑎᐅᓪᓕ ᐂᑉᕋᕼᐋᒻ ᐅᖃᐅᑎᕚ, “ᐃᓱᒫᓘᑎᒋᓂᐊᕐᓇᒋᒃ ᑖᓐᓇ ᓄᑲᑉᐱᐊᖅ ᐊᕐᓇᕐᓗ ᐱᔨᒋᔧᑦ; ᐱᓇᓱᐊᓕᕆᓪᓕ ᓵᕋᐅᑉ ᐅᖃᐅᓯᖓ ᒪᓕᒡᓗᒍ; ᑖᑦᓱᒨᓇ ᐂᓴᑭᒃᑯᑦ ᑭᖑᕚᒃᓴᑎᑦ ᐊᑎᖃᕈᒫᕐᒪᑕ ᐃᓕᖕᓂᒃ.

ᒨᓯᓯ ᓯᕗᓪᓖᑦ 21:3

ᐂᑉᕋᕼᐋᒻᓗ ᐃᕐᓂᕐᑖᓂ ᐂᓴᑭᒥᒃ ᐊᑦᓯᕐᐹ, ᑖᓐᓇ ᓵᕋᒃᑯᑦ ᐃᕐᓂᕐᑖᕆᔭᓂ.

ᒨᓯᓯ ᓯᕗᓪᓖᑦ 22:12

ᐅᖃᐅᑎᕚᓗ, “ᓄᑲᑉᐱᐊᖅ ᐋᓐᓂᕐᑍᓕᒍᒃ ᖃᓄᐃᓕᑦᑍᓕᓗᒍᓗ; ᒫᓐᓇ ᖃᐅᔨᕗᖓ ᒎᑎ ᓯᕘᕋᒋᒐᕕᐅᒃ, ᐃᕐᓃᓪᓗ ᐊᓐᓂᕆᖏᓐᓇᕕᐅᒃ, ᐃᕐᓂᑐᐊᑦ.”

ᒨᓯᓯ ᓯᕗᓪᓖᑦ 22:16

ᐅᖃᕐᓗᓂᓗ, “ᐅᕙᖓᐅᓂᕋ ᐊᑐᕐᓗᒍ ᐅᖃᕕᓚᐅᕐᐳᖓ, ᐊᑕᓂᖅ ᐅᖃᕐᐳᖅ, ᑍᒤᓕᐅᓚᐅᕐᓂᕐᓄᑦ, ᐃᕐᓃᓪᓗ ᐊᓐᓂᕆᓚᐅᖏᓐᓇᕕᐅᒃ, ᐃᕐᓂᑐᐊᑦ,

ᒨᓯᓯ ᓯᕗᓪᓖᑦ 22:3

ᐅᓪᓛᕌᕐᔪᒃᑯᑦ ᖃᐅᑎᓪᓗᒍ ᐂᑉᕋᕼᐋᒻ ᒪᑭᑉᐳᖅ, ᓯᐅᑎᖅᑯᕐᑐᔪᖁᑎᓂᓗ ᓇᖕᒥᕐᓱᕐᓗᒍ, ᐱᔩᖕᓂᓗ ᒪᕐᕉᒃ, ᐃᕐᓂᓂᓗ ᐂᓴᑭ ᓇᒃᓴᕐᓗᒋᑦ, ᕿᔪᖕᓂᒡᓗ ᓇᑲᑎᕆᓪᓗᓂ ᑐᓂᕐᕈᓯᕐᓗᓂ ᐃᑯᐊᓪᓚᖅᑯᑎᒃᓴᒥᓂᒃ, ᐊᐅᓪᓚᕐᐳᑦ ᒎᑎᐅᑉ ᐅᐸᒃᑕᐅᖁᔭᖓᓄᑦ.

ᒨᓯᓯ ᓯᕗᓪᓖᑦ 22:9

ᒎᑎᐅᓪᓗ ᐃᓂᒋᔭᐅᖁᔭᖓ ᑎᑭᓐᓇᒥᒃᑯᒃ, ᐂᑉᕋᕼᐋᒻ ᑐᓂᕐᕈᓯᕐᕕᒃᓴᒥᒃ ᓴᓇᕗᖅ; ᕿᔪᐃᓪᓗ ᖄᖓᓄᑦ ᐋᖅᑭᒃᓱᑦᓯᐊᕐᓗᒋᑦ, ᐃᕐᓂᓂᓗ ᐂᓴᑭ ᕿᓚᒃᓱᕐᐹ, ᕿᔪᐃᓪᓗ ᑐᓂᕐᕈᓯᕐᕕᐅᑉ ᖄᖓᓃᑦᑐᑦ ᖄᖓᓄᐊᕐᓗᓂᐅᒃ,

ᒨᓯᓯ ᓯᕗᓪᓖᑦ 8:20

ᑕᕝᕙ ᓄᐊ ᑐᓂᕐᕈᓯᕐᕕᓂᐅᕐᐳᖅ ᐊᑕᓂᕐᒧᑦ, ᐆᒪᔪᓪᓗ ᑕᒪᕐᒥᒃ ᓴᓗᒪᓂᕋᕐᑕᐅᔪᑦ ᐱᕝᕕᒋᓪᓗᒋᑦ ᑎᖕᒥᐊᓂᓪᓗ ᓴᓗᒪᓂᕋᕐᑕᐅᔪᓂᒃ, ᑐᓂᕐᕈᓯᕐᐳᖅ ᐃᑯᐊᓚᑎᑦᓯᓪᓗᓂ ᑐᓂᕐᕈᓯᕐᕕᖕᒥ.

ᐊᑕᓃᑦ ᐂᑉᐸᖏᑦ 3:27

ᑕᕝᕙ ᐃᕐᓂᓂ ᐊᖓᔪᒃᓕᕐᐹᖅ, ᐊᖓᔪᖅᑳᕐᔪᐊᖑᓂᖓᓂᒃ ᑭᖑᕝᕕᐅᑎᔪᒃᓴᖅ ᑎᒍᓪᓗᓂᐅᒃ ᑐᖁᓪᓗᒍ ᑐᓂᕐᕈᓯᕈᑎᒋᕚ ᐃᒡᓗᒐᓴᒡᔪᐊᑦ ᐊᕙᓗᕐᔪᐊᖏᓐᓂ; ᑕᕝᕙ ᐃᓴᕆᐊᓕᒥᐅᑦ ᑲᑉᐱᐊᓇᕐᑐᕐᔪᐊᕐᒧᑦ ᑎᑭᑕᐅᕗᑦ. ᐅᓇᑕᕋᓱᒍᓐᓃᕐᓗᑎᒃ ᓄᓇᒥᖕᓄᑦ ᐅᑎᑐᐃᓇᓕᕐᐳᑦ.

ᑯᕉᓂᑲ ᐂᑉᐸᖏᑦ 3:1

ᑕᕝᕙ ᓲᓗᒨᓂ ᓴᓇᒋᐊᓯᕗᖅ ᐊᑕᓂᐅᑉ ᐃᒡᓗᖓᓂᒃ ᔨᕉᓴᓕᒥ ᖃᖅᑲᐅᑉ ᒧᕅᐊᑉ ᖄᖓᓂ, ᑕᕝᕙᓂ ᐊᑕᓂᐅᑉ ᓴᖅᑭᕝᕕᒋᓚᐅᕐᑕᖓᓂ ᐊᑖᑕᖓᓄᑦ ᑍᕕᑎᒧᑦ, ᑕᕝᕙᓂᓗ ᑍᕕᑎᐅᑉ ᓴᓇᔭᐅᖁᓚᐅᕐᒪᒍ, ᐅᐊᕐᓇᓂᐅᑉ ᔨᐳᓮᑎᒥᐅᑕᐅᑉ ᐃᕖᔧᕕᖓᑕ ᓇᑎᖓᓂ.

ᒤᑲᐅᑉ ᐊᒡᓚᖏᑦ 6:7

ᐊᑕᓂᖅ ᖁᕕᐊᓱᖕᓂᐊᕐᐹ ᑐᓂᒍᒃᑯ ᑕᐅᓴᑏᑦ ᐅᖓᑖᓂ ᓰᐲᑦ ᐊᖑᓴᓪᓗᖏᓐᓂᒃ? 10,000ᓂᒡᓘᓐᓃᑦ ᐸᐅᕐᖎᑦ ᐅᕐᓱᖏᓐᓂᒃ? ᕿᑐᕐᖓᕐᑖᕆᐅᕈᑎᒐᓘᓐᓃᑦ ᑐᓂᕐᕈᑎᒋᒍᒃᑰ ᐊᔪᕐᓂᒃᑲ ᐱᓪᓗᒋᑦ, ᓇᖕᒥᓂᖅ ᑎᒥᓐᓂᑦ ᐱᔪᖅ ᑕᕐᓂᕐᒪ ᐊᔪᕐᑐᓕᓂᖏᓐᓄᑦ?

ᔪᐊᓇᓯᐅᑉ ᐊᒡᓚᖏᑦ 3:16

ᒎᑎᐅᑉ ᓯᓚᕐᔪᐊᕐᒥᐅᑦ ᓇᒡᓕᒋᓪᓚᕆᒃᑲᒥᒋᑦ ᐃᕐᓂᑐᐊᓂ ᑐᓂᓚᐅᕐᐹ, ᑕᒪᕐᒥᒃ ᑖᑦᓱᒧᖓ ᐅᒃᐱᕐᑐᑦ ᐊᓯᐅᖁᓇᒋᑦ ᓄᖑᓱᐃᑦᑐᒥᒡᓕ ᐃᓅᓯᖃᖁᓪᓗᒋᑦ.

ᕉᒪᒥᐅᓄᑦ 5:8

ᒎᑎᐅᓪᓕ ᓇᒡᓕᖕᓂᓂ ᐅᕙᑦᑎᓐᓄᑦ ᓴᖅᑭᑎᓚᐅᕐᐹ ᓱᓕ ᐊᔪᕐᑐᓕᔨᐅᑎᓪᓗᑕ ᙭ᔅᑑᓯᐅᑉ ᑐᖁᑦᔪᑎᒋᓚᐅᕐᐹᑎᒍᑦ.

ᕉᒪᒥᐅᓄᑦ 8:32

ᑖᑦᓱᒪ ᓇᖕᒥᓂᖅ ᐃᕐᓂᓂ ᐊᓐᓂᕆᓇᒍ ᐅᕙᑦᑎᓐᓄᓕᒫᖅ ᑐᓂᓚᐅᕐᒪᒍ, ᑕᕝᕙᓖ ᑐᓂᓯᓂᐊᓐᖏᓛᑎᒍᑦ ᓱᓇᓕᒫᓂᒃ ᑖᑦᓱᒨᓇ?

ᐄᑉᕈᐃᓄᑦ 11:17

ᐅᒃᐱᕐᓂᑯᑦ ᐂᑉᕋᕼᐋᒻ, ᐃᕐᓂᕐᒥᓂᒃ ᐂᓴᑭᒥᒃ ᑐᓂᕐᕈᓯᕋᓱᐊᓚᐅᕐᐳᖅ, ᒎᑎᒧᑦ ᖃᐅᔨᓴᕐᑕᐅᓪᓗᓂ, ᐊᖏᕐᕕᐅᓯᒪᒐᓗᐊᕐᓗᓂ ᐃᕐᓂᑐᐊᓂ ᑐᓂᕐᕈᓯᐅᑎᑐᐃᓐᓇᕆᐊᖃᓕᓚᐅᕐᐹ.

ᐃᓗᐊᕐᓮᔩᑦ ᐊᒡᓚᖏᑦ 11:31

ᑐᓂᕐᕈᓯᕐᓂᐊᕐᐳᖓ ᐃᓄᖕᒥᒃ ᐃᒡᓗᓐᓂᑦ ᓯᕗᓪᓕᕐᐸᐅᓗᓂ ᐅᒃᑯᐊᑎᒍᑦ ᐊᓂᔪᒥᒃ, ᓂᐅᕝᕕᐅᕆᐊᕐᑐᒥᒃ ᐅᕙᓐᓂᒃ, ᐅᑎᕈᒪ ᓵᓚᖃᕐᓯᒪᓗᖓ ᐊᒧᓁᑎᓂᒃ. ᑍᓐᓇ ᐃᓄᒃ ᐊᑕᓂᐅᑉ ᐱᒋᓂᐊᕐᐹ, ᑐᓂᕐᕈᑎᒋᓂᐊᕐᐸᕋᓗ ᑖᑦᓱᒧᖓ ᐃᑯᐊᓚᑦᓯᓂᒃᑯᑦ.”

ᐃᓗᐊᕐᓮᔩᑦ ᐊᒡᓚᖏᑦ 11:39

ᑕᖅᑮᒃ ᒪᕐᕉᒃ ᐊᓂᒍᕐᒪᑎᒃ ᐊᑖᑕᒥᓄᑦ ᐅᑎᓚᐅᕐᐳᖅ. ᐊᖏᕈᑎᒋᓚᐅᕐᑕᓂᓗ ᐊᑕᓂᕐᒧᑦ ᒪᓕᒡᓗᒍ ᑲᔪᓯᕗᖅ, ᑖᓐᓇᓗ ᑐᖁᓚᐅᕐᐳᖅ ᐅᐃᒡᒐᓲᖏᓐᓇᕐᓗᓂ. ᑕᒪᓐᓇ ᐱᐅᓯᐅᓕᓚᐅᕐᐳᖅ ᐃᓴᕆᐊᓕᒥᐅᓂᑦ.