15 ᐊᑕᓂᐅᓪᓗ ᐂᖏᓖᖓᑕ ᐂᑉᕋᕼᐋᒻ ᐅᖃᕐᕕᒋᒃᑲᓐᓂᕐᐹ ᕿᓚᖕᒥᑦ;
ᐊᑕᓂᐅᓪᓗ ᐂᓐᖏᓕᖓ ᐅᖃᒃᑲᓐᓂᕐᐳᖅ, “ᐅᓄᕐᑐᕐᔪᐊᓂᒃ ᑭᖑᕚᕐᑖᕐᑎᑦᓱᒫᕐᐸᒋᑦ ᑭᓇᒧᓪᓘᓐᓃᑦ ᓈᓴᕐᑕᐅᔪᓐᓇᖏᑦᑐᓂᒃ.”
ᑕᕝᕙ ᐊᑕᓂᐅᑉ ᐂᖏᓕᖓᑕ ᐂᒡᒐ ᐅᐸᒃᐹ ᐃᒥᕐᑕᕐᕕᖕᒦᑎᓪᓗᒍ ᐊᖅᑯᑎᒥ ᐃᓄᖃᖏᑦᑐᒥ ᓲᕐᒧᐊᕆᐊᒥ.
ᑖᒃᑯᐊᓗ ᐃᓚᖓᑦᑕ ᐅᖃᐅᑎᕚ, “ᐱᕕᒃᓴᖅ ᓇᓪᓕᐅᑎᒃᐸᑦ ᐅᑎᓛᕆᕗᖓ, ᓄᓕᐊᓪᓗ ᓵᕋ ᐃᕐᓂᕐᑖᓛᕐᐳᖅ.” ᓵᕋᓗ ᐂᑉᕋᕼᐋᒻ ᑐᓄᐊᓂ ᑐᐱᐅᑉ ᐹᖓᑕ ᐃᓗᐊᓃᑉᐳᖅ ᑐᓵᓪᓗᓂ.
ᐂᑉᕋᕼᐋᒻᓗ ᑖᓐᓇ ᓇᔪᕐᑕᓂ ᐊᑦᓯᕐᐹ, ᐊᑕᓂᖅ ᐱᒃᓴᖃᕐᑎᑦᓯᓂᐊᕐᐳᖅ; ᐅᓪᓗᒥᒧᑦ ᑎᑭᓪᓗᒍ ᐅᖃᐅᓯᐅᕙᓕᕐᐳᖅ, “ᐊᑕᓂᐅᑉ ᖃᖅᑲᖁᑎᖓᓂ ᐱᒃᓴᖃᕐᑎᑕᐅᓇᕐᐳᖅ.”
ᐅᖃᕐᓗᓂᓗ, “ᐅᕙᖓᐅᓂᕋ ᐊᑐᕐᓗᒍ ᐅᖃᕕᓚᐅᕐᐳᖓ, ᐊᑕᓂᖅ ᐅᖃᕐᐳᖅ, ᑍᒤᓕᐅᓚᐅᕐᓂᕐᓄᑦ, ᐃᕐᓃᓪᓗ ᐊᓐᓂᕆᓚᐅᖏᓐᓇᕕᐅᒃ, ᐃᕐᓂᑐᐊᑦ,
ᒎᑎᐅᓪᓗ ᐂᖏᓕᖓᑕ ᐅᖃᐅᑎᕚᖓ ᓯᓐᓇᕐᑑᒪᑎᓪᓗᖓ, ‘ᔧᑰ!’ ᑭᐅᕙᕋᓗ, ‘ᒫᓃᑉᐳᖓ.’
ᐂᖏᓕᐅᓪᓗ ᓴᐳᑦᔨᔨᒋᓯᒪᔭᒪ ᐱᐅᖏᑦᑐᓂᑦ ᑕᒤᓐᓂᑦ, ᐅᑯᐊᒃ ᐃᓅᓱᒃᑑᒃ ᓮᒻᒪᕐᑎᓪᓕᒋᒃ! ᑖᒃᑯᓇᓂᓗ ᐊᑎᕋ ᑲᔪᓯᑎᑕᐅᓕ, ᓯᕗᓕᕐᒪᓗ ᐂᑉᕋᕼᐋᒻ ᐂᓴᑭᐅᓪᓗ ᐊᑎᖏᒃ; ᐅᓄᕐᓯᕙᓪᓕᐊᑎᒃᑭᑦ ᐃᓄᒐᓴᒡᔪᐊᓐᖑᓕᖁᓪᓗᒋᑦ ᑕᒫᓂ ᓄᓇᒥ.”
ᑕᕝᕙᓂᓗ ᐊᑕᓂᐅᑉ ᐂᖏᓖᖓᑕ ᓴᖅᑭᕝᕕᒋᕚ ᐃᑯᐊᓚᔪᑎᑐᑦ ᐅᕐᐱᒊᑦ ᕿᑎᖓᓐᓂᑦ. ᒨᓯᓯᐅᓪᓗ ᐅᕐᐱᒊᑦ ᐃᑯᐊᓚᔪᑦ ᑕᐅᑐᒃᑲᓗᐊᕐᐰᑦ ᐃᑭᑉᐸᓕᐊᖏᑦᑐᑦ.
ᓇᖕᒥᓂᖅ ᐅᕙᒃᑯᑦ ᐅᖃᕕᒃᓯᒪᒐᒪ ᓴᖑᑎᓐᓂᐊᓐᖏᑕᓐᓂᒃ; ᐅᖃᐅᓯᖅ ᖃᓂᒃᑯᑦ ᐊᓂᓯᒪᔪᖅ ᓇᓛᒎᕐᓂᒃᑯᑦ, ᐅᖅᑭᓐᓇᕐᓂᐊᓐᖏᓚᖅ ᐅᕙᓐᓄᑦ, ᓵᓐᓂ ᓰᖅᑯᓕᒫᑦ ᓰᖅᑯᕐᑐᒃᓴᐅᕗᑦ, ᐅᖃᓕᒫᓪᓗ ᐅᖃᕕᒃᑐᒃᓴᐅᕗᑦ.
ᑕᕝᕙ ᐃᖅᑬᓕᕋᔭᕐᐳᖓ ᐊᖏᖃᑎᒌᒍᑎᒋᓯᒪᔭᓐᓂᒃ ᔧᑯᒧᑦ, ᐂᓴᑭᒧᓪᓗ, ᐂᑉᕋᕼᐋᒻᒧᓪᓗ, ᐊᖏᕈᑎᒋᓯᒪᔭᕋ ᓄᓇ ᐃᓄᖁᑎᓐᓄᑦ ᓄᑖᓐᖑᕐᑎᓕᕋᔭᕐᐸᕋ.
ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᔨᕉᓴᓕᒥ ᓄᓇᖃᕐᑐᑦ ᓴᐴᓗᑕᖃᕐᑎᑦᓱᒫᕐᐰᑦ; ᑕᕝᕙᓂ ᓴᖕᒌᓐᓂᐸᖑᔪᑦ ᑍᕕᑎᑐᑦ ᑍᒤᑦᓱᒫᕐᐳᑦ; ᑍᕕᑎᐅᓪᓗ ᑭᖑᕚᖏᑦ ᒎᑎᑐᑦ ᑍᒤᓕᕐᓗᑎᒃ, ᐊᑕᓂᐅᑉ ᐂᖏᓕᖓᓂᑦ ᑕᓯᐅᕐᑕᐅᔪᑎᑐᑦ.
ᐂᖏᓕᐅᓪᓗ ᔮᓱᐊ ᐅᖃᐅᑎᓕᕐᐹ ᐅᖃᕐᓗᓂ,
“ᐊᕐᕌᒍᑦ 40 ᐊᓂᒍᕐᑎᓪᓗᒋᑦ, ᓴᖅᑭᕝᕕᐅᓚᐅᕐᐳᖅ ᐂᖏᓕᒧᑦ ᐃᓄᖃᖏᑦᑐᒥ ᖃᖅᑲᐅᑉ ᓮᓁᑉ ᓴᓂᐊᓂ, ᐅᕐᐱᒐᕐᓂ ᐃᑯᐊᓚᔪᒥ.
ᒎᑎ ᐂᑉᕋᕼᐋᒻᒧᑦ ᐊᖏᕈᑎᖃᓕᕋᒥ, ᓱᓕᑎᓐᓂᐊᕐᓂᕋᕐᑕᒥᓂᒃ ᐊᖏᕈᑎᖃᓚᐅᕐᐳᖅ, ᐊᓯᒥᓂᒡᓕ ᑍᔭᒃᓴᒥᒃ ᐊᖏᓂᕐᓴᕐᑕᖃᖏᒻᒪᑦ, ᓇᖕᒥᓂᖅ ᐊᑎᕐᒥᓂᒃ ᐊᑐᕐᓗᓂ ᐊᖏᕈᑎᖃᓚᐅᕐᐳᖅ.
ᐂᖏᓕᓗ ᑕᑯᖅᑲᐅᔭᕋ ᓇᖏᕐᑐᖅ ᐃᒡᓗᐊᓂᒃ ᑐᑎᒻᒥᔪᖅ ᐃᒪᕐᕕᖕᒧᑦ ᐃᒡᓗᐊᓂᒡᓗ ᓄᓇᒧᑦ ᑕᓕᓂ ᑕᓕᕐᐱᒃ ᐃᓵᒃᐹ ᕿᓚᖕᒧᑦ
