ᒨᓯᓯ ᓯᕗᓪᓖᑦ 21:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓵᕋᓗ ᐅᖃᕐᐳᖅ, “ᒎᑎᐅᑉ ᖁᖓᒍᓐᓇᕐᓯᑎᑉᐹᖓ, ᑐᓴᕐᑐᓪᓗ ᑕᒪᕐᒥᒃ ᐅᕙᓐᓄᑦ ᖁᖓᖃᑕᐅᔪᒫᓕᕐᐳᑦ.”

ᒨᓯᓯ ᓯᕗᓪᓖᑦ 21:6 Iomraidhean Croise

ᒨᓯᓯ ᓯᕗᓪᓖᑦ 17:17

ᐂᑉᕋᕼᐋᒻᓗ ᐅᑯᕗᖅ ᑮᓇᓂ ᒪᓂᖅᑲᒧᑦ ᐊᒃᑐᕐᑎᓪᓗᒍ, ᐃᒡᓚᕈᓱᓕᕐᐳᖅ, ᐃᓱᒪᓕᕋᒥ, “ᐊᖑᑦ ᕿᑐᕐᖓᕐᑖᕈᓐᓇᕐᐹ 100ᓂᒃ ᐊᕐᕌᒍᖃᓕᕐᓗᓃ? ᓵᕋᓗ ᕿᑐᕐᖓᕐᑖᕈᓐᓇᕐᐹ 90ᓂᒃ ᐊᕐᕌᒍᖃᓕᕐᓗᓂ?”

ᐃᓐᖏᕈᑎᑦ 113:9

ᐊᕐᓇᒥᒃ ᕿᑐᕐᖏᓱᐃᑦᑐᒥᒃ ᐊᖏᕐᕋᕐᑖᑦᑎᑦᓯᔪᖅ, ᖁᕕᐊᓱᒻᒪᕆᒡᓗᓂ ᐊᓈᓇᒋᔭᐅᖁᓪᓗᒍ ᕿᑐᕐᖓᖏᓐᓄᑦ. ᐊᑕᓂᖅ ᓂᕐᑐᕐᑕᐅᓕ!

ᐃᓐᖏᕈᑎᑦ 126:2

ᐃᔪᓚᐅᕐᐳᒍᑦ ᖁᕕᐊᓱᖕᓂᕐᒧᓪᓗ ᕾᒐᓛᓚᐅᕐᐳᒍᑦ ᓂᕐᑐᐃᓂᕐᒥᒃ; ᐃᓅᖃᑎᒌᒡᔪᐊᑦ ᑕᕝᕙ ᐅᖃᕐᑐᖃᓚᐅᕐᐳᑦ, “ᐊᑕᓂᐅᑉ ᐊᖏᔪᕐᔪᐊᒥᒃ ᐱᓇᓱᐊᕐᕕᒋᓯᒪᕔᑦ.”

ᐂᓮᐊᓯᐅᑉ ᐊᒡᓚᖏᑦ 49:15

“ᐊᕐᓇᐅᑉ ᕿᑐᕐᖓᓂ ᐊᒫᒪᒃᑎᑕᓂ ᐳᐃᒍᕈᓐᓇᕐᐸᐅᒃ? ᐃᕐᓂᐊᕆᓚᐅᕐᑕᓂ ᓇᒡᓕᒋᖏᑦᓱᓐᓇᕐᐸᐅᒃ? ᐊᒡᓛᑦ ᐳᐃᒍᑐᐃᓇᕆᐊᖃᕐᐳᑦ, ᐅᕙᖓᓕ ᐳᐃᒍᕐᓂᐊᓐᖏᓚᒋᑦ.

ᐂᓮᐊᓯᐅᑉ ᐊᒡᓚᖏᑦ 49:21

ᐃᓱᒪᒃᑯᑦ ᐅᖃᕈᒫᕐᐳᑎᑦ: ‘ᑭᐊ ᒪᑯᓂᖓ ᕿᑐᕐᖓᕐᑖᕐᑎᓐᓂᕐᐹᖓ? ᖁᕕᐊᓇᖏᑦᑐᕐᓯᐅᕐᓗᑕ ᕿᑐᕐᖓᖃᕆᐊᒥᒃ ᐃᓱᒪᓚᐅᖏᒃᑲᓗᐊᕐᑐᖓ, ᓄᓇᒋᓐᖏᑕᑦᑎᓐᓄᓪᓗ ᐊᐅᓪᓚᕈᑦᔭᐅᓯᒪᓪᓗᑕ ᖁᔭᓈᕐᑕᐅᓪᓗᑕᓗ, ᑭᐊᓕ ᒪᑯᐊ ᐱᕈᕐᓴᔭᕕᓂᖏᑦ? ᑕᑯᒋᑦ, ᐃᓄᑑᓚᐅᕐᑐᖓ; ᒪᑯᐊᓕ ᓇᑭᑦ ᓴᖅᑭᑦᑐᐊᓗᐃᑦ?’”

ᐂᓮᐊᓯᐅᑉ ᐊᒡᓚᖏᑦ 54:1

“ᐃᓐᖏᓕᕆᑦ ᕿᑐᕐᖏᓱᐃᑦᑑᒐᕕᑦ, ᕿᑐᕐᖓᕐᑖᓚᐅᕐᓯᒪᖏᑦᑐᑎᑦ ᐃᓐᖏᕐᓯᓗᑎᑦ ᕾᒐᓛᓕᕆᑦ ᖁᕕᐊᓱᖕᓂᕐᒧᑦ, ᐃᕐᓂᓱᖕᓂᐅᑉ ᐋᓐᓂᐊᓇᕐᓂᖓᓂᒃ ᖃᐅᔨᓚᐅᕐᓯᒪᖏᑦᑐᑎᑦ! ᕿᑐᕐᖏᓱᐃᑦᑐᖅ ᑭᖑᕚᖃᕐᓂᕐᓴᐅᓂᐊᕐᒪᑦ ᐅᐃᓕᖕᒥᑦ,” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 20:15

ᐱᐅᒋᓐᖏᓚᕋ ᐊᑖᑕᓐᓂᒃ ᑐᓴᕐᑎᑦᓯᔭᕐᑐᓚᐅᕐᑐᕕᓂᖅ, “ᐃᕐᓂᕐᑖᕐᐳᑎᑦ,” ᐊᑖᑕᒪᓗ ᖁᕕᐊᓱᓚᐅᕐᓂᖓ.

ᓘᑲᓯᐅᑉ ᐊᒡᓚᖏᑦ 1:14

ᖁᔭᓕᓂᕐᒧᑦ ᖁᕕᐊᓱᒍᒫᕐᐳᑎᑦ, ᐅᓄᕐᑐᓄᑦ ᓄᑕᕋᖅ ᐃᕐᓂᐊᖑᒃᐸᑦ ᖁᕕᐊᓲᑕᐅᔪᒫᕐᐳᖅ;

ᓘᑲᓯᐅᑉ ᐊᒡᓚᖏᑦ 1:58

ᓄᓇᖅᑲᑎᖏᑕ ᐃᓚᒋᔭᖏᑕᓗ ᑐᓴᕋᒥᑦᔪᒃ ᐊᑕᓂᐅᑉ ᓂᑲᒍᓱᖕᓂᕐᒥᓂᒃ ᐊᖏᔪᒥᒃ ᓴᖅᑭᑎᑦᓯᕕᒋᖕᒪᒍ, ᖁᕕᐊᓱᖃᑎᒋᕚᑦ.

ᕉᒪᒥᐅᓄᑦ 12:15

ᖁᕕᐊᓱᒃᑐᑦ ᖁᕕᐊᓱᖃᑎᒋᓯᒋᒃ, ᕿᐊᔪᓪᓗ ᕿᐊᖃᑎᒋᓗᒋᑦ.

ᐄᑉᕈᐃᓄᑦ 11:11

ᓵᕋᑦᑕᐅᖅ ᐅᒃᐱᕋᒥ ᓄᑕᕋᒃᓴᕐᑖᕈᓐᓇᕐᓯᓚᐅᕐᐳᖅ, ᓄᑕᕋᕐᑖᕈᓐᓇᕐᓂᖓ ᐊᓂᒍᕐᓯᒪᓕᕋᓗᐊᕐᑎᓪᓗᒍ, ᑖᑦᓱᒪ ᐊᖏᕈᑎᖃᕐᑑᑉ ᐅᒃᐱᕆᔭᒃᓴᐅᓂᖓᓂᒃ ᐃᓱᒪᖃᓚᐅᕋᒥ.

ᓴᒧᐃᓕ ᓯᕗᓪᓖᑦ 1:26

ᕼᐋᓇᓗ ᐅᖃᕐᐳᖅ, “ᐊᖓᔪᖅᑳᒃ! ᐃᖅᑲᐅᒪᕕᖔ? ᑖᓐᓇᐅᕗᖓ ᐊᕐᓇᖅ ᑕᕝᕙᓃᑎᓪᓗᑎᑦ ᑕᑯᓚᐅᕐᓯᒪᔧᑦ ᑕᒫᓂ ᓇᖏᕐᑎᓪᓗᖓ, ᑐᒃᓯᐊᕐᑎᓪᓗᖓ ᐊᑕᓂᕐᒧᑦ.