ᒨᓯᓯ ᓯᕗᓪᓖᑦ 21:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᓵᕋᓗ ᓄᑕᕋᒃᓴᖃᓕᕐᐳᖅ, ᐃᕐᓂᕐᑖᕐᑎᓪᓗᒍᓗ ᐂᑉᕋᕼᐋᒻ ᐃᓄᑐᖃᐅᓕᕐᑎᓪᓗᒍ, ᓯᕗᓂᖓᒍᑦ ᑕᒪᓐᓇ ᓇᓪᓕᐅᑎᓛᕐᓂᕋᕐᓗᒍ ᒎᑎᐅᑉ ᐅᖃᐅᑎᓚᐅᕐᒪᒍ.

ᒨᓯᓯ ᓯᕗᓪᓖᑦ 21:2 Iomraidhean Croise

ᒨᓯᓯ ᓯᕗᓪᓖᑦ 17:19

ᒎᑎᐅᑉ ᑭᐅᕚ, “ᑍᒫᖑᓐᖏᓚᖅ, ᓄᓕᐊᕕᑦ ᓵᕋᐅᑉ ᐃᕐᓂᕐᑖᕐᑎᑦᓱᒫᕐᐹᑎᑦ, ᐊᑎᖃᕐᑎᑦᓱᒫᕐᐸᓪᓗ ᐂᓴᑭᒥᒃ, ᐊᖏᖃᑎᒌᒃᓯᒪᓂᕋ ᑲᔪᓯᑎᓐᓂᐊᕋᒃᑯ ᑖᑦᓱᒨᓇ ᑭᖑᕚᒃᓴᖏᓐᓄᑦ ᐊᖏᖃᑎᒌᒍᑎᓕᐊᕋ ᑕᒪᓐᓇ ᐃᓱᖃᖏᑦᑑᖕᒪᑦ ᑭᖑᕚᖏᓐᓄᓪᓗ ᑐᕌᖓᔪᒫᕆᕗᖅ ᑭᖑᓂᖓᓂ.

ᒨᓯᓯ ᓯᕗᓪᓖᑦ 17:21

ᐊᖏᖃᑎᒌᒍᑎᒐᓕ ᑲᔪᓯᑎᑦᓱᒫᕐᐸᕋ ᐂᓴᑭᒃᑯᑦ, ᐊᕐᕌᒍᑉᐸᑦ ᐃᓅᔪᒫᕐᐳᖅ ᓵᕋᒃᑯᑦ, ᑕᒪᓐᓇ ᐊᑐᕐᑐᖅ ᓇᓪᓕᐅᑎᖕᒥᒃᐸᑦ ᐊᕐᕌᒎᔪᒫᕐᑐᖅ.”

ᒨᓯᓯ ᓯᕗᓪᓖᑦ 18:10

ᑖᒃᑯᐊᓗ ᐃᓚᖓᑦᑕ ᐅᖃᐅᑎᕚ, “ᐱᕕᒃᓴᖅ ᓇᓪᓕᐅᑎᒃᐸᑦ ᐅᑎᓛᕆᕗᖓ, ᓄᓕᐊᓪᓗ ᓵᕋ ᐃᕐᓂᕐᑖᓛᕐᐳᖅ.” ᓵᕋᓗ ᐂᑉᕋᕼᐋᒻ ᑐᓄᐊᓂ ᑐᐱᐅᑉ ᐹᖓᑕ ᐃᓗᐊᓃᑉᐳᖅ ᑐᓵᓪᓗᓂ.

ᒨᓯᓯ ᓯᕗᓪᓖᑦ 18:14

ᐊᑕᓂᕐᒧᑦ ᐊᔪᕐᓇᓗᐊᕐᑐᖃᕐᐹ? ᐅᖃᖅᑲᐅᒐᒪ, ᐱᕕᒃᓴᖅ ᓈᒻᒪᒃᓯᒃᐸᑦ ᐅᑎᓛᕆᕗᖓ, ᓵᕋᓗ ᐃᕐᓂᖃᓕᓛᕐᐳᖅ.”

ᓘᑲᓯᐅᑉ ᐊᒡᓚᖏᑦ 1:36

ᑕᑯᒋᑦ, ᐃᓚᒋᔧᑦ ᐃᓕᓴᐱ ᐃᓄᑐᖃᐅᓕᕋᓗᐊᕐᓗᓂ ᐃᕐᓂᕐᑖᕈᒫᓕᕐᐳᖅ; ᑕᖅᑭᓂᒃ ᐱᖓᓲᔪᕐᑐᓂᒃ ᓄᑕᕋᒃᓴᖃᓕᕐᐳᖅ ᑖᓐᓇ ᕿᑐᕐᖏᓱᐃᑦᑑᓂᕋᕐᑕᐅᔪᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 7:8

ᒎᑎᐅᑉ ᐊᖏᕈᑎᓂ ᓇᓗᓁᒃᑯᑦᓯᓚᐅᕐᐹ ᑭᐱᔭᐅᓂᕐᒥᒃ. ᑍᒤᒻᒪᑦ ᐂᑉᕋᕼᐋᑉ ᐂᓴᑭ ᐃᕐᓂᕐᑖᕆᒐᒥᐅᒃ, ᐅᓪᓗᐃ ᓯᑕᒪᐅᔪᕐᑐᖓᓐᓂ ᑭᐱᕚ; ᐂᓴᑭᐅᓪᓗ ᔧᑯ ᐃᕐᓂᕐᑖᕆᒐᒥᐅᒃ ᑭᐱᒋᕚ, ᔧᑰᓪᓗ ᐃᕐᓂᓂ ᓯᕗᓕᕆᔭᕗᑦ 12 ᑭᐱᓚᐅᕆᕔᑦ.

ᕉᒪᒥᐅᓄᑦ 9:9

ᐊᖏᕈᑎ ᐃᒫᒃ ᐅᖃᕐᓯᒪᖕᒪᑦ, “ᒫᓐᓇᑐᑦ ᑍᒤᓪᓗᐊᓕᕐᑎᓪᓗᒍ ᐅᑎᕈᒫᕐᐳᖓ ᓵᕋ ᐃᕐᓂᖃᓕᕈᒫᕐᐳᖅ.”

ᒐᓔᑎᐊᒥᐅᓄᑦ 4:22

ᐅᖃᕐᓯᒪᖕᒪᑕ ᐂᑉᕋᕼᐋᒻᒎᖅ ᐃᕐᓂᖃᓚᐅᕐᐳᖅ ᒪᕐᕉᖕᓂᒃ, ᐂᑉᐸᖓ ᓯᐊᓛᒃᑯᑦ ᐃᕐᓂᖓ, ᐂᑉᐸᖓᓕ ᓯᐊᓛᖑᖏᑦᑐᒃᑯᑦ ᐃᕐᓂᖓ.

ᐄᑉᕈᐃᓄᑦ 11:11

ᓵᕋᑦᑕᐅᖅ ᐅᒃᐱᕋᒥ ᓄᑕᕋᒃᓴᕐᑖᕈᓐᓇᕐᓯᓚᐅᕐᐳᖅ, ᓄᑕᕋᕐᑖᕈᓐᓇᕐᓂᖓ ᐊᓂᒍᕐᓯᒪᓕᕋᓗᐊᕐᑎᓪᓗᒍ, ᑖᑦᓱᒪ ᐊᖏᕈᑎᖃᕐᑑᑉ ᐅᒃᐱᕆᔭᒃᓴᐅᓂᖓᓂᒃ ᐃᓱᒪᖃᓚᐅᕋᒥ.

ᔮᓱᐊᑉ ᐊᒡᓚᖏᑦ 24:3

ᐊᑖᑕᓯᓗ ᐂᑉᕋᕼᐋᒻ ᕾᖁᓚᐅᕐᐸᕋ ᑰᑉ ᐊᑭᐊᓂᑦ, ᑕᓯᐅᓚᐅᕐᐸᕋᓗ ᑬᓇᓂᐅᑉ ᓄᓇᖓᒍᑦ ᓇᐅᒃᑯᑐᐃᓐᓇᖅ, ᑭᖑᕚᖏᓪᓗ ᐅᓄᕐᓯᕙᓪᓕᐊᑎᓚᐅᕐᐸᒃᑲ ᑐᓂᓚᐅᕐᐸᕋᓗ ᐂᓴᑭᒥᒃ.