ᒨᓯᓯ ᓯᕗᓪᓖᑦ 21:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᒎᑎᐅᓪᓗ ᓄᑲᑉᐱᐊᑉ ᓂᐱᖓ ᑐᓴᕐᐹ; ᕿᓚᖕᒥᓪᓗ ᒎᑎᐅᑉ ᐂᖏᓖᖓᑕ ᐂᒡᒐ ᐅᖃᕐᕕᒋᕚ, “ᐂᒡᒑ, ᓱᓇᒥᒃ ᖁᕕᐊᓱᖏᑦᔪᑎᖃᕐᐲᑦ? ᑲᑉᐱᐊᓱᖕᓂᐊᕐᓇᒃ, ᒎᑎᐅᑉ ᓄᑲᑉᐱᐊᑉ ᕿᐊᓂᖓ ᑐᓴᕐᒪᒍ.

ᒨᓯᓯ ᓯᕗᓪᓖᑦ 21:17 Iomraidhean Croise

ᒨᓯᓯ ᓯᕗᓪᓖᑦ 15:1

ᑕᒪᑐᒪᓗ ᑭᖑᓂᖓᒎᓕᕐᑐᖅ ᐊᑕᓂᐅᑉ ᐅᖃᐅᓯᖓ ᐂᑉᕋᒻᒧᑦ ᑎᑭᑉᐳᖅ ᑕᑯᑎᑕᐅᓂᒃᑯᑦ, ᐅᖃᕐᓗᓂ, “ᑲᑉᐱᐊᓱᖕᓇᒃ ᐂᑉᕋᒻ ᓴᐴᓗᑕᕆᕙᕐᒪ; ᐊᑭᓕᕐᑕᐅᓃᑦ ᐊᖏᔪᕐᔪᐊᖑᔪᒫᕐᐳᖅ.”

ᒨᓯᓯ ᓯᕗᓪᓖᑦ 16:11

ᐊᑕᓂᐅᓪᓗ ᐂᖏᓕᖓᑕ ᐅᖃᐅᑎᕚ: “ᑕᑯᒋᑦ, ᕿᑐᕐᖓᒃᓴᖃᕐᐳᑎᑦ ᐃᕐᓂᕐᑖᓛᕐᐳᑎᓪᓗ; ᑖᓐᓇᓗ ᐊᑦᓯᕈᒫᕐᐸᑦ ᐃᓯᒥᐅᓪᒥᒃ; ᐃᓛᒃ ᐊᑕᓂᐅᑉ ᑐᓴᓚᐅᕐᒪᑎᑦ ᐅᖁᒤᒃᓴᕕᒡᔪᐊᕈᑎᖕᓂᒃ.

ᒨᓯᓯ ᓯᕗᓪᓖᑦ 16:7

ᑕᕝᕙ ᐊᑕᓂᐅᑉ ᐂᖏᓕᖓᑕ ᐂᒡᒐ ᐅᐸᒃᐹ ᐃᒥᕐᑕᕐᕕᖕᒦᑎᓪᓗᒍ ᐊᖅᑯᑎᒥ ᐃᓄᖃᖏᑦᑐᒥ ᓲᕐᒧᐊᕆᐊᒥ.

ᒨᓯᓯ ᓯᕗᓪᓖᑦ 16:8

ᐅᖃᐅᑎᓪᓗᒍᓗ, “ᐂᒡᒑ, ᓴᕅᑉ ᐱᔨᖓ, ᓇᑭᓐᖔᕐᐱᑦ ᐊᒻᒪ ᓇᒧᓐᖓᐅᕖᑦ?” ᑖᑦᓱᒪᓗ ᑭᐅᕚ, “ᕿᒫᕗᖓ ᐊᕐᓇᒥᑦ ᐊᖓᔪᖅᑳᓐᓂᑦ ᓴᕅᒥᑦ.”

ᒨᓯᓯ ᓯᕗᓪᓖᑦ 16:9

ᐊᑕᓂᐅᑉ ᐂᖏᓕᖓᑕ ᐅᖃᐅᑎᕚ, “ᐊᖓᔪᖅᑳᕐᓄᑦ ᐅᑎᓚᐅᕆᑦ ᐃᓕᖕᓂᒡᓗ ᑐᓂᓗᑎᑦ ᑖᑦᓱᒧᖓ.”

ᒨᓯᓯ ᓯᕗᓪᓖᑦ 22:11

ᐊᑕᓂᐅᓪᓕ ᐂᖏᓕᖓᑕ ᕿᓚᖕᒥᑦ ᓂᓪᓕᕐᕕᒋᕚ, ᐅᖃᕐᓗᓂᓗ, “ᐂᑉᕋᕼᐋᒻ, ᐂᑉᕋᕼᐋᒻ!” ᑖᓐᓇᓗ ᑭᐅᕗᖅ, “ᒫᓃᑉᐳᖓ.”

ᒨᓯᓯ ᓯᕗᓪᓖᑦ 24:7

ᐊᑕᓂᐅᑉ, ᕿᓚᐅᑉ ᒎᑎᖓᑕ, ᑕᒪᐅᓐᖓᕐᑎᓚᐅᕐᒪᖓ ᐊᑖᑕᒪ ᐊᖏᕐᕋᖓᓂᑦ ᓄᓇᒥᓪᓗ ᐃᓅᓕᕐᕕᒋᓚᐅᕐᑕᓐᓂᑦ, ᑖᑦᓱᒪ ᐅᖃᕕᒃᓗᓂ ᐅᖃᕐᕕᒋᓚᐅᕐᒪᖓ, ‘ᑭᖑᕚᒃᓴᕐᓄᑦ ᑕᒪᓐᓇ ᓄᓇ ᑐᓂᔪᒪᕙᕋ,’ ᐂᖏᓕᖁᑎᓂᓗ ᓯᕗᓂᕐᓂ ᑎᓕᓂᐊᕐᐹ, ᐃᕐᓂᕐᒪ ᓄᓕᐊᒃᓴᖓᓂᒃ ᓇᓂᓯᓂᐊᕐᐳᑎᑦ ᑕᐅᕙᓐᖓᑦ.

ᒨᓯᓯ ᓯᕗᓪᓖᑦ 26:24

ᑕᒪᑐᒪᓂᓗ ᐅᓐᓄᐊᒥ ᐊᑕᓂᖅ ᓴᖅᑭᑉᐳᖅ ᑖᑦᓱᒧᖓ ᐅᖃᕐᓗᓂᓗ, “ᐊᑖᑕᕕᑦ ᐂᑉᕋᕼᐋᒻ ᒎᑎᒋᕚᖓ; ᑲᑉᐱᐊᓱᖕᓂᐊᕐᓇᒃ, ᐃᓚᒋᕙᒋᑦ ᓮᒻᒪᕐᑎᓐᓂᐊᕐᐸᒋᓪᓗ ᑭᖑᕚᑎᓪᓗ ᐅᓄᕐᓯᑎᑦᓱᒫᕐᐸᒃᑲ ᐱᔨᒐ ᐂᑉᕋᕼᐋᒻ ᐱᑦᔪᑎᒋᓪᓗᒍ.”

ᒨᓯᓯ ᓯᕗᓪᓖᑦ 46:3

ᑕᕝᕙ ᐅᖃᕐᐳᖅ, “ᒎᑎᐅᕗᖓ, ᐊᑖᑕᕕᑦ ᒎᑎᒋᕚᖓ; ᓯᕘᕋᓂᐊᕐᓇᒃ ᑕᐅᓄᖓ ᐄᑦᔨᑉᑎᒧᐊᕆᐊᒃᓴᖅ, ᑕᕝᕙᓂ ᐃᓅᖃᑎᒌᒡᔪᐊᓐᖑᕐᑎᓐᓂᐊᕋᒃᑭᑦ.

ᐊᑕᓃᑦ ᐂᑉᐸᖏᑦ 13:23

ᐊᑕᓂᐅᑉ ᐱᑦᓯᐊᕐᕕᒋᓚᐅᕐᐰᑦ ᐃᓚᑦᓱᒋᓪᓗᒋᑦ ᐃᓱᒪᒋᑦᓯᐊᓚᐅᕐᐰ ᐊᖏᖃᑎᒌᒍᑎᓕᐅᕐᓯᒪᓂᓂ ᐱᑦᔪᑎᒋᓪᓗᒍ ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ. ᐅᓪᓗᒥ ᑎᑭᓪᓗᒍ ᓱᓕ ᐊᓯᕈᕐᑕᐅᖁᓐᖏᓔᑦ ᕿᒪᒍᒪᓇᒋᓪᓗ ᓇᔪᐃᓐᓇᕈᒪᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 13:4

ᑕᕝᕙ ᔨᕼᐅᐊᕼᐊᔨᐅᑉ ᐊᑕᓂᖅ ᑐᒃᓯᐊᕐᕕᒋᖕᒪᒍ, ᐊᑕᓂᐅᑉ ᑐᓴᕐᐹ ᑐᒃᓯᐊᕐᓂᖓᓂᒃ; ᖃᐅᔨᒪᒐᒥ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐃᓴᕆᐊᓕᒥᐅᑦ ᐊᖏᔪᒥᒃ ᐅᖁᒤᒃᓴᕐᑎᓚᐅᕐᒪᒋᑦ.

ᐃᓐᖏᕈᑎᑦ 10:14

ᐃᕝᕕᓪᓕ ᑕᐅᑐᒃᐳᑎᑦ, ᑕᑯᓐᓇᕐᐳᑎᓪᓗ ᐊᑲᐅᖏᑦᑐᓂᒃ, ᕿᒃᓵᖕᓂᕐᓂᒡᓗ, ᐊᒡᒐᖕᓄᓪᓗ ᐊᑭᓂᐊᕈᒪᕙᑎᑦ. ᐃᑲᔪᕐᑎᖃᖏᑦᑐᑦ ᐃᓕᖕᓄᑦ ᒪᓂᕗᑦ; ᐃᑲᔪᕐᑎᐅᒐᕕᑦ ᐊᑖᑕᖃᖏᑦᑐᓄᑦ.

ᐃᓐᖏᕈᑎᑦ 50:15

ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”

ᐃᓐᖏᕈᑎᑦ 6:8

ᐱᐅᖏᑦᑐᓕᓂᕐᒥᒃ ᐱᓇᓱᐊᕐᑎᐅᔪᓯ ᕿᒪᓚᐅᕐᓯᓐᖓ; ᐊᑕᓂᐅᑉ ᖁᕝᕕᐅᕐᓂᕐᒪ ᓂᐱᖓ ᑐᓵᖕᒪᒍ.

ᐃᓐᖏᕈᑎᑦ 65:2

ᑐᓵᔪᑎᑦ ᑐᒃᓯᐊᕐᓂᕐᓂᒃ, ᑎᒥᖃᕐᑐᓕᒫᑦ ᐃᓕᖕᓄᑦ ᕾᔪᒫᕐᐳᑦ.

ᐃᓐᖏᕈᑎᑦ 91:15

ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.

ᒨᓯᓯ ᐂᑉᐸᖏᑦ 14:13

ᒨᓯᓯᐅᑉ ᑭᐅᕔᑦ, “ᑲᑉᐱᐊᓱᖏᓪᓗᓯ ᓱᕐᕋᒃᑍᓕᒋᑦᓯ ᑕᑯᓂᐊᕐᐳᓯ ᐊᑕᓂᐅᑉ ᓴᐳᑦᔨᓂᖓᓂᒃ ᐃᓕᑦᓯᓐᓂᒃ ᐅᓪᓗᒥ. ᑖᒃᑯᐊ ᐄᑦᔨᑉᑎᒥᐅᑦ ᑕᑯᒃᑲᓐᓂᕈᓐᓇᕐᓂᐊᓐᖏᓚᓯ.

ᒨᓯᓯ ᐂᑉᐸᖏᑦ 22:23

ᑍᒤᑦᑐᓂᒃ ᓱᓇᐅᓐᖏᑎᑦᓯᓗᐊᑐᐊᕈᑦᓯ, ᐅᕙᓐᓄᓪᓗ ᐃᑲᔪᕐᑕᐅᔪᒪᓗᑎᒃ ᓂᓪᓕᐊᓕᕐᐸᑕ, ᑕᕝᕙ ᖁᓚᕐᓇᖏᑦᑐᒥᒃ ᓂᓪᓕᐊᓂᖏᑦ ᑐᓴᕋᔭᕐᐸᒃᑲ.

ᒨᓯᓯ ᐂᑉᐸᖏᑦ 22:27

ᑖᑦᓱᒪ ᐊᓐᓄᕌᑐᐊᕆᒐᒥᐅᒃ ᐅᖅᑰᑦᔪᑎᒃᓴᑐᐊᕆᖕᒪᒍ, ᓯᓂᒐᓱᐊᓕᕈᓂᓕ ᓱᓇᒥᒃ ᕿᐱᒃᓴᖃᓕᕋᔭᕐᐹ? ᐅᕙᓐᓄᑦ ᐃᑲᔪᕐᑕᐅᔪᒪᓗᓂ ᓂᓪᓕᐊᓕᕐᐸᑦ, ᑕᕝᕙ ᑐᓴᕋᔭᕐᐸᕋ, ᓂᑲᒍᓱᒃᑑᒐᒪ.

ᒨᓯᓯ ᐂᑉᐸᖏᑦ 3:2

ᑕᕝᕙᓂᓗ ᐊᑕᓂᐅᑉ ᐂᖏᓖᖓᑕ ᓴᖅᑭᕝᕕᒋᕚ ᐃᑯᐊᓚᔪᑎᑐᑦ ᐅᕐᐱᒊᑦ ᕿᑎᖓᓐᓂᑦ. ᒨᓯᓯᐅᓪᓗ ᐅᕐᐱᒊᑦ ᐃᑯᐊᓚᔪᑦ ᑕᐅᑐᒃᑲᓗᐊᕐᐰᑦ ᐃᑭᑉᐸᓕᐊᖏᑦᑐᑦ.

ᒨᓯᓯ ᐂᑉᐸᖏᑦ 3:7

ᐊᑕᓂᕐᓗ ᐅᖃᕐᐳᖅ, “ᑕᑯᓯᒪᒐᒪ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᐃᓗᖏᕐᓱᕐᓂᖏᑦ ᖃᐅᔨᒪᑦᓯᐊᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 22:1

ᐅᖃᐅᓰᑦ ᑖᒃᑯᐊ ᐃᓂᕐᑎᕆᔪᑦ ᐱᑦᔪᑎᖃᕐᐳᑦ ᓇᕐᓴᕐᒥᒃ ᑕᑯᑎᑕᐅᕕᖕᒥᒃ, ᖃᓄᐃᒻᒪᑦ ᒪᔪᕐᓯᒪᕕᓯ, ᐃᓘᓐᓇᓕᒫᓯ ᐃᒡᓗᐃᑦ ᖄᖏᓐᓄᑦ?

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᒫᑎᐅᓯᐅᑉ ᐊᒡᓚᖏᑦ 15:32

ᑕᕝᕙ ᔩᓱᓯᐅᑉ ᐃᓕᓐᓂᐊᕐᑎᓂ ᐃᒻᒥᓄᑦ ᕾᖁᓪᓗᒋᑦ ᐅᖃᐅᑎᕔᑦ, “ᐅᑯᐊ ᐃᓄᒐᓴᒡᔪᐊᑦ ᐃᓚᑦᓱᒋᕙᒃᑲ, ᐅᓪᓗᓂᒃ ᐱᖓᓱᓂᒃ ᐅᕙᓐᓃᒻᒪᑕ ᓂᕆᓚᐅᕋᑎᒃ; ᑳᒃᑎᓪᓗᒋᑦ ᐊᐅᓪᓚᕐᑎᑐᐃᓐᓇᕈᒪᓐᖏᓚᒃᑲ, ᐊᖏᕐᕋᕋᓱᐊᓕᕐᓗᑎᒃ ᐊᖅᑯᑎᒥᖕᓂ ᓄᑮᕈᑎᑐᐃᓐᓇᕆᐊᖃᕐᒪᑕ.”

ᒫᑯᓯᐅᑉ ᐊᒡᓚᖏᑦ 5:36

ᔩᓱᓯ ᐅᖃᐅᓯᕆᔭᖏᓐᓂᒃ ᑲᒪᓇᓂ, ᔧᕉᓯ ᐅᖃᐅᑎᕚ, “ᐃᓱᒫᓗᖏᓪᓗᑎᑦ, ᐅᒃᐱᑐᐃᓐᓇᕆᑦ.”

ᒨᓯᓯ ᑕᓪᓕᒪᖏᑦ 26:7

ᐊᑕᓂᕐᒧᓪᓕ ᐊᒃᓱᕈᕐᓗᑕ ᐃᑲᔪᕐᑕᐅᔪᒪᓪᓗᑕ ᑐᒃᓯᐊᓚᐅᕐᐳᒍᑦ, ᓯᕗᓕᕕᓂᑦᑕ ᒎᑎᖓᓄᑦ, ᑖᑦᓱᒪᓗ ᑐᓴᓚᐅᕐᐹᑎᒍᑦ, ᐊᒃᓱᕈᕐᑎᑕᐅᓂᕗᓪᓗ ᑕᑯᓚᐅᕐᐹ, ᐅᑯᒤᒃᓴᕐᑎᑕᐅᓂᕗᑦ, ᐱᑦᓯᐊᕐᑕᐅᖏᓐᓂᕗᓪᓗ,

ᐃᓗᐊᕐᓮᔩᑦ ᐊᒡᓚᖏᑦ 18:23

ᕾᒐᓛᕐᕕᒋᓪᓗᒋᓪᓗ, ᑖᓐ ᑭᖑᕚᖏᑦ, ᑖᒃᑯᐊᓗ ᐅᑎᒧᑦ ᕿᕕᐊᕐᓗᑎᒃ ᒤᑲ ᐊᐱᕆᕚᑦ, “ᓱᕖᑦ ᐃᓄᒋᐊᕌᓗᖕᓂᒃ ᐃᓚᖃᕐᓗᑎᑦ ᕾᕕᑦ?”

ᓴᒧᐃᓕ ᓯᕗᓪᓖᑦ 11:5

ᓴᐅᓕᓕ ᐱᕈᕐᓰᕕᖁᑎᒥᓂᓐᖔᕐᓗᓂ ᑎᑭᑉᐳᖅ ᐃᒻᒧᒃᓯᐅᒐᖁᑎᒥᒍᑦ; ᐅᖃᕐᓗᓂᓗ, “ᓱᕕᓰ? ᓱᖕᒪᑦ ᐃᓄᐃᑦ ᕿᐊᕙᑦ?” ᑕᕝᕙ ᐅᖃᐅᑦᔭᐅᕗᖅ ᔭᐲᓯᒥᑦ ᐅᖃᕆᐊᕐᑐᓚᐅᕐᑑᑉ ᐅᖃᐅᓯᖏᓐᓂᒃ.