15 ᐃᒥᕐᓕ ᑕᖁᐊᕆᔭᖓ ᓄᖑᒻᒪᑦ, ᓱᕈᓯᖅ ᐅᕐᐱᒊᑦ ᑭᒡᓕᖓᓄᑦ ᐃᓕᕚ.
ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᐂᑉᕋᕼᐋᒻ ᒪᑭᑉᐳᖅ, ᐂᒡᒐ ᑐᓂᓯᕕᒋᕚ ᓂᕿᓂᒃ ᑕᖁᐊᒃᓴᖏᓐᓂᒃ ᐊᒥᕐᒥᒡᓗ ᐃᒥᖃᐅᑎᒥᒃ ᑖᒃᑯᓂᖓ ᓇᖕᒪᒃᑎᓪᓗᒍ, ᓱᕈᓯᕐᓗ ᐱᖃᑎᒋᓪᓗᓂᐅᒃ ᑕᕝᕙᓐᖓᑦ ᐊᐅᓪᓚᕐᑎᑉᐹ. ᑕᕝᕙᓐᖓᓪᓗ ᐊᐅᓪᓚᕋᒥᒃ ᐃᖏᕐᕋᓚᐅᕐᐴᒃ ᐃᓄᖃᖏᑦᑐᒥ ᐱᐊᕐᓯᐸᐅᑉ ᐃᓚᖓᓂ.
ᐱᓱᒃᓗᓂᓗ ᐃᖏᑉᐳᖅ ᐅᖓᓯᒋᐊᕐᔪᒃᑕᖓᓄᑦ. ᐱᓯᒃᓯᐅᑉ ᖃᕐᔪᖓᑕ ᑎᑭᑦᓱᓐᓇᕐᑕᖓᓄᑦ; ᐃᒻᒥᓄᓪᓗ ᐅᖃᓕᕐᓗᓂ, “ᕿᑐᕐᖓᕋ ᑐᖁᓕᕐᑎᓪᓗᒍ ᑕᑯᓐᓇᕈᒪᓐᖏᓚᖓ.” ᐊᑭᐊᓂ ᐃᒃᓯᕚᕐᑎᓪᓗᒍ, ᓄᑲᑉᐱᐊᖅ ᓂᐱᖅᑯᕐᑐᓪᓗᓂ ᕿᐊᓯᕗᖅ.
ᑖᓐᓇᓗ ᑭᐅᕗᖅ, “ᐊᑕᓃᖅ ᒎᑏᑦ ᐃᓅᖕᒪᑦ, ᓂᐅᖂᔭᒥᒃ ᐆᑕᒃᓴᖃᓐᖏᓚᖓ, ᐃᑎᒪᓐᓄᑦ ᑭᓯᐊᓂ ᓈᒻᒪᒃᑐᒥᒃ ᓂᐊᖂᔭᒃᓴᖃᕐᐳᖓ ᐴᒍᑕᕐᒦᑦᑐᒥᒃ, ᐅᕐᓱᒥᒡᓗ ᒥᑭᔪᒥᒃ; ᒫᓐᓇᓗ, ᕿᔪᖕᓂᒃ ᐃᑯᐊᓪᓚᖅᑯᑎᒃᓴᓂᒃ ᑲᑎᕐᓱᐃᕗᖓ ᓂᐊᖂᔭᓕᐅᕈᒪᓪᓗᖓ ᐃᕐᓂᕋᓗ ᓂᕆᐊᕐᔪᒍᓐᓇᖁᓪᓗᓄᒃ, ᑭᖑᓂᐊᒍᓪᓗ ᑐᖁᓗᓄᒃ.”
ᑕᕝᕙ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᑦ ᓅᒋᐊᓯᓚᐅᕐᐳᖅ ᐅᓇᑕᕆᐊᓕᕐᓗᓂ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᐱᖃᑎᒋᓪᓗᒍ ᐄᑕᒥᐅᓪᓗᑕᐅᖅ ᐊᖓᔪᖅᑳᕐᔪᐊᖓᑦ ᐃᓚᒋᔭᐅᓪᓗᓂ, ᓴᖑᔪᒥᒃ ᐊᖅᑯᑎᖃᕐᓗᑎᒃ ᐅᓇᑕᕆᐊᕋᒥᒃ ᐅᓪᓗᓂᒃ 7ᓂᒃ ᐊᐅᓪᓚᕐᓯᒪᓕᕋᓗᐊᕐᓗᑎ ᐃᒤᕈᑎᓚᐅᕐᐳᑦ ᑕᖁᐊᒥᖕᓂᒃ, ᐃᓄᐃᓪᓗ ᐆᒪᔪᖁᑎᖏᑕᓗ ᐃᒥᒃᓴᖏᓐᓂᒃ.
ᒎᑏ, ᒎᑎᒋᕙᒋᑦ, ᐅᓪᓛᒻᒪᕆᒃᑯᑦ ᕿᓂᕈᒪᕙᒋᑦ, ᑕᕐᓂᕋ ᖀᓕᕐᐳᖅ ᐃᓕᖕᓄᑦ; ᐅᕕᓂᖕᒪ ᐅᖓᕚᑎᑦ, ᓄᓇᑐᑦ ᐸᓂᕐᑐᑐᑦ ᐃᒥᕈᒃᑐᑐᓪᓗ ᐃᒪᖃᖏᑦᑐᒥ.
ᓴᕕᕋᔭᖕᒥᒃ ᓴᓇᓐᖑᐊᕐᑎ ᓴᓇᕗᖅ ᐃᑯᒪᒧᑦ ᐅᓈᕐᓯᑎᑉᐸᒃᓗᒍ; ᓴᓇᓕᕐᐳᖅ ᑲᓱᐊᕐᓗᒍ ᒥᒃᓯᑖᕐᑎᑉᐹ, ᓴᓇᓪᓗᓂᐅᒃ ᑕᓕᖓᑕ ᓴᓐᖏᓂᖓᓄᑦ, ᓱᓕᓕ ᑳᓕᕐᐸᒃᐳᖅ, ᑕᖃᓪᓗᓂᓗ; ᐃᒥᖃᑦᑕᕈᓐᓃᑐᐊᕈᓂ ᑕᕝᕙ ᓄᑮᕈᑎᓕᕐᐳᖅ.
ᐊᖓᔪᖅᑳᑦ ᐱᔨᒥᖕᓂᒃ ᐃᒥᕐᓯᐅᕐᑎᑦᓯᕗᑦ ᐃᒥᕐᑕᕐᕖᓪᓕ ᐃᒪᖃᓐᖏᓚᑦ, ᐅᑎᕐᐳᑦ ᐃᒥᕐᑕᐅᑎᖏᑦ ᐃᒪᖃᕐᑎᓐᓇᒋᑦ, ᓇᓗᓕᕐᐳᑦ ᑲᓐᖑᓱᓕᕐᓗᑎᒃ ᑮᓇᑎᒡᓗ ᒪᑐᐊᕐᐰᑦ.
