ᒨᓯᓯ ᓯᕗᓪᓖᑦ 21:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᑕᓂᖅ ᓵᕋᒧᑦ ᐳᓛᕆᐊᓚᐅᕐᐳᖅ ᐅᖃᕐᓯᒪᓂᓂ ᒪᓕᒡᓗᒍ, ᐊᑕᓂᕐᓗ ᓵᕋᒧᑦ ᐱᓇᓱᐊᓚᐅᕐᐳᖅ ᐊᖏᕐᓯᒪᓂᓂ ᒪᓕᒡᓗᒍ.

ᒨᓯᓯ ᓯᕗᓪᓖᑦ 21:1 Iomraidhean Croise

ᒨᓯᓯ ᓯᕗᓪᓖᑦ 17:16

ᓮᒻᒪᕐᑎᓐᓂᐊᕐᐸᕋ, ᓱᓕᓗ ᑖᑦᓱᒨᓇ ᐃᕐᓂᕐᑖᕐᑎᑦᓱᒫᕐᐸᒋᑦ; ᓮᒻᒪᕐᑎᓐᓂᐊᕋᒃᑯ, ᐃᓅᖃᑎᒌᒡᔪᐊᓄᓪᓗ ᐊᓈᓇᒋᔭᐅᔪᒫᕐᐳᖅ; ᐃᓄᐃᓪᓗ ᐊᖓᔪᖅᑳᕐᔪᐊᖏᑦ ᑖᑦᓱᒪᓐᖓᑦ ᐱᔪᒫᕐᐳᑦ.

ᒨᓯᓯ ᓯᕗᓪᓖᑦ 17:19

ᒎᑎᐅᑉ ᑭᐅᕚ, “ᑍᒫᖑᓐᖏᓚᖅ, ᓄᓕᐊᕕᑦ ᓵᕋᐅᑉ ᐃᕐᓂᕐᑖᕐᑎᑦᓱᒫᕐᐹᑎᑦ, ᐊᑎᖃᕐᑎᑦᓱᒫᕐᐸᓪᓗ ᐂᓴᑭᒥᒃ, ᐊᖏᖃᑎᒌᒃᓯᒪᓂᕋ ᑲᔪᓯᑎᓐᓂᐊᕋᒃᑯ ᑖᑦᓱᒨᓇ ᑭᖑᕚᒃᓴᖏᓐᓄᑦ ᐊᖏᖃᑎᒌᒍᑎᓕᐊᕋ ᑕᒪᓐᓇ ᐃᓱᖃᖏᑦᑑᖕᒪᑦ ᑭᖑᕚᖏᓐᓄᓪᓗ ᑐᕌᖓᔪᒫᕆᕗᖅ ᑭᖑᓂᖓᓂ.

ᒨᓯᓯ ᓯᕗᓪᓖᑦ 17:21

ᐊᖏᖃᑎᒌᒍᑎᒐᓕ ᑲᔪᓯᑎᑦᓱᒫᕐᐸᕋ ᐂᓴᑭᒃᑯᑦ, ᐊᕐᕌᒍᑉᐸᑦ ᐃᓅᔪᒫᕐᐳᖅ ᓵᕋᒃᑯᑦ, ᑕᒪᓐᓇ ᐊᑐᕐᑐᖅ ᓇᓪᓕᐅᑎᖕᒥᒃᐸᑦ ᐊᕐᕌᒎᔪᒫᕐᑐᖅ.”

ᒨᓯᓯ ᓯᕗᓪᓖᑦ 18:10

ᑖᒃᑯᐊᓗ ᐃᓚᖓᑦᑕ ᐅᖃᐅᑎᕚ, “ᐱᕕᒃᓴᖅ ᓇᓪᓕᐅᑎᒃᐸᑦ ᐅᑎᓛᕆᕗᖓ, ᓄᓕᐊᓪᓗ ᓵᕋ ᐃᕐᓂᕐᑖᓛᕐᐳᖅ.” ᓵᕋᓗ ᐂᑉᕋᕼᐋᒻ ᑐᓄᐊᓂ ᑐᐱᐅᑉ ᐹᖓᑕ ᐃᓗᐊᓃᑉᐳᖅ ᑐᓵᓪᓗᓂ.

ᒨᓯᓯ ᓯᕗᓪᓖᑦ 18:14

ᐊᑕᓂᕐᒧᑦ ᐊᔪᕐᓇᓗᐊᕐᑐᖃᕐᐹ? ᐅᖃᖅᑲᐅᒐᒪ, ᐱᕕᒃᓴᖅ ᓈᒻᒪᒃᓯᒃᐸᑦ ᐅᑎᓛᕆᕗᖓ, ᓵᕋᓗ ᐃᕐᓂᖃᓕᓛᕐᐳᖅ.”

ᒨᓯᓯ ᓯᕗᓪᓖᑦ 24:36

ᓵᕋᐅᓪᓗ ᐊᖓᔪᖅᑳᒪ ᓄᓕᐊᖓᑕ ᐃᕐᓂᕐᑖᕐᑎᓚᐅᕐᐹ ᓂᖏᐅᖑᓕᕋᓗᐊᕐᓗᓂ; ᐊᖓᔪᖅᑳᒪᓗ ᐱᔨᓕᒫᒥᓂᒃ ᐃᕐᓂᓂ ᑐᓂᓯᕕᒋᓯᒪᕚ.

ᒨᓯᓯ ᓯᕗᓪᓖᑦ 50:24

ᔫᓯᐱᓗ ᖃᑕᓐᖑᑎᒥᓄᑦ ᐅᖃᕐᐳᖅ, “ᑐᖁᔭᕆᐊᒃᓯᒐᒪ; ᒎᑎᐅᓪᓕ ᑎᑭᕝᕕᒋᔪᒫᕐᐹᓯ, ᑕᕝᕙᓐᖓᓪᓗ ᓄᓇᒥᑦ ᐊᐅᓪᓚᕐᑎᑦᓱᒫᕐᐹᓯ ᓄᓇᒧᑦ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ ᐊᖏᕈᑎᒋᓚᐅᕐᑕᖓᓂ ᓄᓇᑖᖁᓪᓗᓯ.”

ᐊᑕᓃᑦ ᐂᑉᐸᖏᑦ 4:17

ᐊᕐᓇᕐᓕ ᓄᑕᕋᒃᓴᕐᑖᓚᐅᕐᐳᖅ, ᐅᖃᐅᑎᔭᐅᕕᒋᓚᐅᕐᑕᖓᓗ ᓇᓪᓕᐅᑎᖕᒪᑦ ᐃᕐᓂᕐᑖᕐᐳᖅ. ᐃᓔᓴᐅᑉ ᐅᖃᓚᐅᕐᑕᖓ ᐊᑐᑦᓯᐊᕐᓗᓂ.

ᐃᓐᖏᕈᑎᑦ 106:4

ᐊᑕᓃᖅ ᐃᖅᑲᐅᒪᓐᖓ ᐃᓄᖁᑎᖕᓄᑦ ᓮᒻᒪᕐᕕᖃᕐᓃᑦ ᒪᓕᒡᓗᒍ: ᓴᐳᑎᓕᕈᕕᒋᑦ ᐱᖃᓯᐅᑎᓂᐊᕐᐸᕐᒪ;

ᐃᓐᖏᕈᑎᑦ 12:6

ᐊᑕᓂᐅᑉ ᐅᖃᐅᓯᖏᑦ ᐃᓚᒃᑲᓐᓂᕐᓯᒪᓐᖏᓚᑦ, ᓯᐅᓪᕕᕆᑎᑐᑦ ᒪᕐᕋᕐᒥ ᐅᒃᑯᓯᖕᒦᑎᓪᓗᒋᑦ ᐃᑯᒪᒃᑯᑦ ᓴᓗᒻᒪᕐᓴᕐᓯᒪᔪᑐᑦ, ᐊᓯᐊᓂᒡᓗ ᐃᓚᖃᕈᓐᓃᕐᑎᑕᐅᓯᒪᔪᑐᑦ, 7ᐃᕐᑐᕐᓗᑎᒡᓗ ᐃᑯᒪᒧᑦ ᖃᐅᔨᓴᕐᑕᐅᓯᒪᔪᑎᑐᑦ.

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᒨᓯᓯ ᐂᑉᐸᖏᑦ 3:16

ᐊᑏ ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᑲᑎᒪᑎᑦᓴᕐᑐᓚᐅᒃᑭᑦ ᐅᖃᐅᑎᓗᒋᓪᓗ, ᐅᕙᖓ ᐊᑕᓂᖅ ᓯᕗᓕᖏᑦᑕ ᒎᑎᖓᑦ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᖓ ᓴᖅᑭᓚᐅᕐᓂᕋᕐᓗᖑ ᐃᓕᖕᓄᑦ. ᐅᖃᐅᑎᓗᒋᓪᓗ ᑎᑭᕝᕕᒋᕙᒃᑲ ᖃᐅᔨᓪᓗᖓᓗ ᐄᑦᔨᑉᑎᒥᐅᓄᑦ ᖃᓄᐃᓕᐅᕐᑕᐅᓂᖏᓐᓂᒃ.

ᒨᓯᓯ ᐂᑉᐸᖏᑦ 4:31

ᐃᓄᐃᓪᓗ ᐅᒃᐱᕈᓱᓕᕐᐳᑦ; ᑐᓴᕋᒥᒡᓗ ᐊᑕᓂᐅᑉ ᐅᐸᒍᑎᓂᕕᓂᖓᓂᒃ ᐃᓴᕆᐊᓕᒥᐅᓄᑦ ᐅᖁᒤᒃᓴᕐᑎᑕᐅᓂᖏᓐᓂᒡᓗ ᑕᑯᓯᒪᓂᖓᓂᒃ ᖃᐅᔨᒐᒥᒃ, ᐅᑯᓪᓗᑎᒃ ᑐᒃᓯᐊᓕᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 24:35

ᕿᓚᒡᓗ ᓄᓇᓗ ᓄᖑᔪᒫᕐᐴᒃ; ᐅᖃᐅᓯᒃᑲᓕ ᓄᖑᔪᒫᓐᖏᓚᑦ.”

ᓘᑲᓯᐅᑉ ᐊᒡᓚᖏᑦ 1:68

“ᐊᑕᓂᖅ ᓮᒻᒪᕐᑎᑕᐅᓕ, ᐃᓴᕆᐊᓕᒥᐅᑦ ᒎᑎᖓᑦ, ᐃᓄᖁᑎᓂ ᐊᖅᑲᕐᕕᒋᓪᓗᒋᑦ ᓴᐳᑎᔭᕐᑐᕐᒪᒋᑦ,

ᓘᑲᓯᐅᑉ ᐊᒡᓚᖏᑦ 19:44

ᐊᓯᕈᕐᑕᐅᔪᒫᕐᐳᓯ ᐊᕙᓗᕐᔪᐊᑦ ᐃᓗᐊᓃᑦᑐᓕᒫᑦ ᓄᖑᑕᐅᓗᓯ ᕿᑐᕐᖓᓕᒫᓯᓗ, ᐅᔭᕅᓪᓗ ᓴᓇᓯᒪᔪᑦ ᐊᑕᐅᓯᕐᒥᒡᓘᓐᓃᑦ ᖃᓕᕇᒃᑐᖃᕈᓐᓃᕈᒫᕐᐳᑦ; ᒎᑎᐅᑉ ᓴᐳᑦᔨᔭᕐᑐᕐᓂᖓ ᐃᓕᑦᓯᓐᓂᒃ ᑲᒪᒋᓚᐅᖏᓐᓇᑦᓯᐅᒃ.”

ᒐᓔᑎᐊᒥᐅᓄᑦ 4:23

ᐃᕐᓂᖓᓗ ᓯᐊᓛᒃᑯᑦ ᐃᕐᓂᐊᖑᓚᐅᕐᑐᖅ ᑎᒥᐅᑉ ᐱᔪᒪᔭᖓ ᒪᓕᒡᓗᒍ ᐃᕐᓂᕐᑖᕆᓚᐅᕐᐹ, ᓯᐊᓛᖑᖏᑦᑐᒃᑯᓪᓕ ᐃᕐᓂᕐᑖᖓ ᐃᕐᓂᐊᖑᓚᐅᕐᐳᖅ ᐊᖏᕐᓯᒪᓂᒃᑯᑦ.

ᒐᓔᑎᐊᒥᐅᓄᑦ 4:28

ᑕᕝᕙᓕ, ᐅᒃᐱᕐᑑᖃᑎᒃᑲ, ᐂᓴᑭᑐᑦ ᕿᑐᕐᖓᐅᕗᓯ ᐊᖏᕐᓯᒪᓂᒃᑯᑦ.

ᑍᑑᓯᒧᑦ 1:2

ᑕᒪᓐᓇ ᑐᓐᖓᕕᖃᕐᑐᖅ ᓂᕆᐅᒋᔭᒃᓴᖃᕐᑎᑎᓗᓂ ᐃᓅᓯᕐᒥᒃ ᓄᖑᓱᐃᑦᑐᒥᒃ; ᒎᑎᐅᑉ ᓴᒡᓗᓚᐅᕐᓯᒪᖏᑦᑑᑉ, ᐊᖏᕐᕕᒋᓯᒪᕚᑎᒍᑦ ᑕᒪᑐᒥᖓ ᓯᓚᕐᔪᐊᖅ ᐱᒋᐊᓚᐅᖅᑳᕐᑎᓐᓇᒍ,

ᕉᑎᐅᑉ ᐅᓂᒃᑲᐅᓯᓂᖓ 1:6

ᑕᒪᑐᒪ ᑭᖑᕐᖓᒍᑦ ᓁᐅᒥ ᑐᓴᕋᒥ ᐊᑕᓂᐅᑉ ᐃᓄᖁᑎᓂ ᓂᕿᒃᓴᖃᑦᓯᐊᕐᑎᓕᕐᒪᒋᑦ; ᑕᕝᕙ ᐊᐅᓪᓚᕈᒪᓕᕐᐳᖅ ᒧᐊᐱᒥᐅᑦ ᓄᓇᖓᓐᓂᑦ ᐅᑯᐊᖕᓂ ᒪᕐᕉᒃ ᐃᓚᒋᓗᒋᒃ.

ᓴᒧᐃᓕ ᓯᕗᓪᓖᑦ 1:19

ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᒪᑭᑉᐳᑦ ᐊᑕᓂᕐᒧᓪᓗ ᑐᒃᓯᐊᕐᐳᑦ; ᑭᖑᓂᖓᒍᑦ ᐅᑎᕐᐳᑦ ᐊᖏᕐᕋᒧᑦ ᕌᒪᒧᑦ. ᐃᐅᓪᑳᓇᐅᓪᓗ ᕼᐋᓇ ᓄᓕᐊᓂ ᐱᖃᑎᒋᖕᒪᒍ, ᑐᒃᓯᐊᕐᓂᖓ ᐊᑕᓂᐅᑉ ᐃᖅᑲᐅᒪᓚᐅᕐᐹ.

ᓴᒧᐃᓕ ᓯᕗᓪᓖᑦ 2:21

ᐊᑕᓂᐅᑉ ᓮᒻᒪᕐᑎᓚᐅᕐᐹ ᕼᐋᓇ, ᐃᕐᓂᕐᑖᕐᐳᕐᓗ ᐱᖓᓱᓂᒃ ᐸᓂᒃᑖᕐᓗᓂᓗ ᒪᕐᕉᖕᓂᒃ. ᓱᕈᓯᕐᓕ ᓴᒧᐃᓕ ᐱᕈᕐᐸᓪᓕᐊᓚᐅᕐᐳᖅ ᐱᔨᑦᓯᕐᓗᓂ ᐊᑕᓂᕐᒥᒃ.