ᒨᓯᓯ ᓯᕗᓪᓖᑦ 2:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᓄᓇᒥᓪᓗ ᐊᑕᓂᖅ ᒎᑎ ᓇᐹᕐᑐᓂᒃ ᑕᒤᓐᓂᒃ ᐱᕈᕐᑎᑦᓯᕗᖅ ᑕᑯᒥᓇᕐᑐᓂᒃ ᓂᕿᒃᓴᐅᑦᓯᐊᕐᑐᓂᒃ, ᐱᕈᕐᓰᕕᐅᓪᓗ ᕿᑎᖓᓃᑦᑐᖃᕆᕗᖅ ᓇᐹᕐᑐᒥᒃ ᐃᓅᓯᖃᕐᓇᕐᑐᒥᒃ, ᓇᐹᕐᑐᖃᕆᓪᓗᓂᓗ ᐱᐅᔪᒥᒃ ᐱᐅᖏᑦᑐᒥᒡᓗ ᖃᐅᔨᒪᓕᕐᓇᕐᑐᒥᒃ.

ᒨᓯᓯ ᓯᕗᓪᓖᑦ 2:9 Iomraidhean Croise

ᒨᓯᓯ ᓯᕗᓪᓖᑦ 2:17

ᓇᐹᕐᑐᒥᓪᓕ ᐱᐅᔪᒥᒃ ᐱᐅᖏᑦᑐᒥᒡᓗ ᖃᐅᔨᒪᓕᕐᓇᕐᑑᑉ ᐸᐅᕐᖓᖏᓐᓂᒃ ᓂᕆᔪᒃᓴᐅᓐᖏᓚᑎᑦ, ᓂᕆᕕᒋᒍᕕᐅᒃ ᐅᓪᓗᒥ ᑕᕝᕙᓂ ᑐᖁᔪᒫᕐᐳᑎᑦ.”

ᒨᓯᓯ ᓯᕗᓪᓖᑦ 3:22

ᐊᑕᓂᕐᓗ ᒎᑎ ᐅᖃᕐᐳᖅ, “ᑕᑯᒋᑦ, ᐊᖑᒃ ᐅᕙᑦᑎᑐᑦ ᑍᒤᓕᕐᒪᑦ, ᖃᐅᔨᒪᓕᕐᓗᓂᓗ ᐱᐅᔪᒥᒃ ᐱᐅᖏᑦᑐᒥᒡᓗ; ᑎᒍᓯᑐᐃᓐᓇᕆᐊᖃᓕᕐᒪᑦ ᓇᐹᕐᑑᑉ ᐃᓅᓯᖃᕐᓇᕐᑑᑉ ᐸᐅᕐᖓᖓᓂᒃ ᓂᕆᓗᒍᓗ, ᐃᓅᓕᕐᓗᓂᓗ ᐃᓱᖃᖏᑦᑐᒧᑦ.”

ᒨᓯᓯ ᓯᕗᓪᓖᑦ 3:24

ᐊᖑᓪᓗ ᐊᓂᑎᑉᐹ ᑕᕝᕙᓐᖓᑦ; ᐂᖏᓕᓗ ᓯᕈᐱᒻ ᑕᕝᕗᓐᖓᕐᑎᑉᐹ ᐱᕈᕐᓰᕕᐅᑉ ᐄᑕᓂᐅᑉ ᖃᐅᓕᕐᕕᐊᑕ ᓇᓛᓄᑦ, ᓴᕕᒡᔪᐊᕐᒥᒡᓗ ᐃᑯᐊᓚᔪᒥᒃ ᓇᒧᑐᐃᓐᓇᖅ ᓵᖃᑦᑕᕐᑐᒥᒃ ᑕᕝᕗᓐᖓᕐᓯᒋᓪᓗᓂ, ᐊᖅᑯᑦ ᓴᐳᒻᒥᓪᓗᒍ ᓇᐹᕐᑐᒧᐊᖓᔪᖅ ᐃᓅᓯᖃᕐᓇᕐᑐᒧᑦ ᐃᓱᖃᖏᑦᑐᒧᑦ.

ᒨᓯᓯ ᓯᕗᓪᓖᑦ 3:3

ᒎᑎᓕ ᐅᖃᓚᐅᕐᐳᖅ, ‘ᓇᐹᕐᑑᑉ ᐸᐅᕐᖓᖏᓐᓂᒃ ᐱᕈᕐᓰᕕᐅᑉ ᕿᑎᖓᓃᑦᑐᒥᒃ ᓂᕆᔪᒃᓴᐅᓐᖏᓚᓯᒃ, ᐊᒃᑐᕐᓂᐊᕐᓇᒍᓘᓐᓃᑦ, ᑐᖁᖁᓇᓯᒃ.’”

ᒨᓯᓯ ᓯᕗᓪᓖᑦ 3:5

ᒎᑎ ᖃᐅᔨᒪᖕᒪᑦ ᑕᕝᕙᓐᖓᑦ ᓂᕆᒍᑦᓯᒃ ᐃᔨᓯᒃ ᐅᐃᓐᓂᐊᕐᒪᑎᒃ, ᒎᑎᑐᑦ ᑍᒤᓕᕐᓗᓯᒃ, ᖃᐅᔨᒪᓕᕐᓗᓯᒃ ᐱᐅᔪᒥᒃ ᐱᐅᖏᑦᑐᒥᒡᓗ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:30

ᐃᓱᐊᕐᑐᖅ ᐸᐅᕐᖓᖃᕐᐳᖅ ᓇᐹᕐᑐᒥᒃ ᐃᓅᓯᖃᕐᓇᕐᑐᒥᒃ, ᐱᖁᔭᖃᖏᑦᑐᕐᓕ ᐃᓅᓯᕐᒥᒃ ᐃᓱᓕᑎᑦᓯᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:18

ᓇᐹᕐᑑᕗᖅ ᐃᓅᓯᖃᕐᓇᕐᑐᖅ ᑖᒃᑯᓄᖓ ᑖᑦᓱᒥᖓ ᑎᒍᓯᔪᓄᑦ; ᑖᑦᓱᒥᖓ ᑎᒍᒥᐊᕐᑐᑦ ᑍᔭᐅᓕᕐᐳᑦ ᖁᕕᐊᓱᒃᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 44:25

ᑭᐊ ᓇᓗᓕᕐᑎᑉᐰᑦ ᓱᓕᓇᑎᒃ ᓇᓚᐅᑦᑍᓇᓱᒃᑐᑦ, ᓯᕗᓂᕐᒥᒡᓗ ᖃᐅᔨᒪᓇᓱᐊᕐᑐᑦ ᓯᓔᑦᑐᓐᖑᕐᑎᓪᓗᒋᑦ; ᑭᐊ ᑎᒥᒃᑯᑦ ᓯᓚᑐᔪᑦ ᐅᑎᒧᑦ ᓵᑎᑉᐰᑦ, ᖃᐅᔨᒪᓂᖏᓪᓗ ᓯᓔᓐᓂᐅᓕᕐᑎᓪᓗᒋᑦ;

ᐂᓮᐊᓯᐅᑉ ᐊᒡᓚᖏᑦ 47:10

ᑲᑉᐱᐊᓇᕐᑐᒦᓐᓇᓱᒋᖏᒃᑲᓗᕐᐳᓯ ᐱᐅᖏᑦᑐᓂᒃ ᐃᓕᖅᑯᓯᖃᕐᑎᓪᓗᓯ, ᐅᖃᕐᓗᓯ, ‘ᑭᓇᒧᑦ ᑕᑯᓐᓇᕐᑕᐅᓐᖏᓚᖓ’; ᓯᓚᑐᓂᑦᓯ ᖃᐅᔨᒪᓂᑦᓯᓗ ᑕᒻᒪᕐᑎᓚᐅᕐᐹᓯ; ᐆᒻᒪᑎᑦᓯᒍᑦ ᐅᖃᓚᐅᕋᑦᓯ, ‘ᐅᕙᖓᑑᕗᖓ ᐊᓯᖃᕐᓇᖓᓗ.’

ᐃᓯᑭᐊᓕᐅᑉ ᐊᒡᓚᖏᑦ 31:16

ᐅᕐᕈᑎᒃᑯᒃᑯ ᐅᕐᕈᕙᓗᖓᓄᑦ ᐃᓅᖃᑎᒌᒡᔪᐊᑦ ᐊᐅᓚᑦᔭᒃᑕᐅᔪᒫᕐᐳᑦ, ᑐᖁᖓᔪᑦ ᐃᓂᖓᓄᑦ ᐃᒋᒃᑯᒃᑯ; ᐄᑕᓂᒥᓗ ᓇᐹᕐᑐᓕᒫᑦ, ᓂᕈᐊᕆᔭᐅᕙᒃᑐᑦ ᐱᐅᓂᕐᐹᓪᓗ ᓕᐸᓇᓂᒥ, ᐃᒥᕐᒥᒃ ᐃᒥᖃᑦᑕᕐᑐᓕᒫᑦ, ᖁᕕᐊᓲᑎᖃᕈᒫᕐᐳᑦ ᓄᓇᐅᑉ ᐊᑖᓃᑦᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 31:18

ᓂᕐᑐᕐᓇᕐᑑᓚᐅᕐᐲᑦ ᐊᔪᓐᖏᑎᒋᓪᓗᑎᓪᓗ ᐄᑕᓂᐅᑉ ᓇᐹᕐᑐᖏᑎᑐᑦ? ᐄᑕᓂᐅᓪᓕ ᓇᐹᕐᑐᖏᓐᓄᑦ ᓇᑲᑕᐅᖃᑕᐅᓂᐊᕐᐳᑎᑦ ᑐᖁᖓᔪᑦ ᐃᓂᖓᓄᐊᖃᑕᐅᓗᑎᑦ ᓄᓇᐅᑉ ᐊᑖᓄᑦ; ᑭᐱᓯᒪᖏᑦᑐᑦ ᐃᓚᒋᓗᒋᑦ, ᓴᕕᒡᔪᐊᒧᑦ ᑐᖁᑕᐅᓯᒪᔪᑦ ᐃᓚᒋᓗᒋᑦ. ᑖᓐᓇᐅᕗᖅ ᑕᕝᕙ ᐰᕉᖅ ᐃᓄᒐᓴᒡᔪᐊᖁᑎᖏᓪᓗ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 47:12

ᑰᓪᓗ ᓰᓇ, ᐊᑦᔨᒌᖏᑦᑐᓂᒃ ᓇᐹᕐᑐᖃᕈᒫᕐᐳᖅ ᐊᑭᓕᕇᓂᒃ, ᓂᕿᒃᓴᖃᕐᕕᐅᔪᒫᕐᑐᓂᒃ. ᐅᖃᐅᔭᖏᑦ ᑐᖁᓕᔪᐃᑦᑑᔪᒫᕐᐳᑦ ᐱᕈᕐᑐᐃᕈᑎᔪᓐᓇᖏᓪᓗᑎᒡᓗ, ᑕᖅᑭᑕᒫᓪᓕ ᓄᑖᓂᒃ ᐸᐅᕐᖓᕐᑖᖃᑦᑕᕈᒫᕐᐳᑦ, ᐃᒪᖃᕐᑎᑕᐅᒐᒥᒃ ᑐᒃᓯᐊᕐᕕᒡᔪᐊᕐᒥᑦ ᑰᒃᑐᒧᑦ. ᐱᕈᕐᑐᖏᑦ ᓂᕿᒃᓴᐅᔪᒫᕐᐳᑦ, ᐅᖃᐅᔭᖏᓪᓗ ᐃᓅᓕᓴᐅᑎᐅᔪᒫᕐᐳᑦ ᐋᖅᑭᒃᑕᐅᓇᕐᑑᓗᑎᒃ.”

ᔪᐊᓇᓯᐅᑉ ᐊᒡᓚᖏᑦ 6:48

ᐅᕙᖓ ᐃᓅᓯᐅᑉ ᓂᐊᖂᔭᕆᕚᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:1

ᒫᓐᓇᓕ ᓂᖀᑦ ᑐᓂᕐᕈᑕᐅᓯᒪᔪᑦ ᒎᑎᓐᖑᐊᓄᑦ ᐱᑦᔪᑎᒋᓪᓗᒋᑦ. ᖃᐅᔨᒪᕗᒍᑦ ᐅᖃᐅᓯᐅᕙᒃᑐᖅ ᓱᓕᖕᒪᑦ “ᐃᓘᓐᓇᑕ ᖃᐅᔨᒪᑎᑕᐅᓂᕐᒥᒃ ᐱᑎᑕᐅᓯᒪᕗᒍᑦ,” ᐅᓇ “ᖃᐅᔨᒪᑎᑕᐅᓂᖅ,” ᐱᐅᔪᕆᑎᑦᓯᕗᖅ, ᓇᒡᓕᖕᓂᕐᓕ ᐋᖅᑭᒃᓱᐃᕗᖅ.

ᒨᓯᓯ ᑕᓪᓕᒪᖏᑦ 6:25

ᑕᕝᕙ ᑕᒪᒃᑯᓂᖓᓕᒫᖅ ᒪᓕᑦᓯᐊᕈᑦᑕ ᒎᑎᐅᑉ ᒪᓕᒃᑕᐅᖁᓯᒪᔭᖏᓐᓂᒃ, ᖁᕕᐊᒋᓂᐊᕐᐹᑎᒍᑦ.’”

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:7

“‘ᓯᐅᑎᖃᕐᑑᑉ, ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ. “‘ᓵᓚᖃᕐᑐᑦ ᓂᕆᔪᓐᓇᕐᑎᓐᓂᐊᕐᐸᒃᑲ ᓇᐹᕐᑐᒥᑦ ᐃᓅᓯᖃᕐᓇᕐᑐᒥᒃ ᐱᕈᕐᑐᓕᖕᒥᑦ, ᒎᑎᐅᑉ ᐸᕋᑍᓯᖓᓂ.’”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:14

ᓮᒪᓇᕐᑐᒦᐳᑦ ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᔪᑦ, ᓂᕆᔪᓐᓇᕐᑎᑕᐅᕐᒪᑕ ᓇᐹᕐᑐᒥᑦ ᐆᒪᓐᓇᕐᑐᒥᑦ ᐃᒡᓗᒐᓴᒡᔪᐊᓪᓗ ᐃᑎᕐᑕᕐᕕᖏᑎᒍᑦ ᐃᑎᕈᓐᓇᕐᑎᑕᐅᓂᐊᕐᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:2

ᐃᒡᓗᒐᓴᒡᔪᐊᑦ ᐊᖅᑯᑎᖓᑕ ᕿᑎᖓᒎᖓᔪᒥᒃ; ᑰᒡᓗ ᑕᒪᓐᓇ ᐊᑭᓕᕇᓂᒃ, ᓇᐹᕐᑐᖃᕐᐳᖅ ᐆᒪᓇᕐᑐᓂᒃ, ᐸᐅᕐᖓᖃᕐᑐᓂᒃ ᐊᑦᔨᒌᖏᑦᑐᓂᒃ 12ᓂᒃ, ᑕᖅᑭᑕᒫᑦ ᐸᐅᕐᖓᕐᑖᖃᑦᑕᕐᑐᓂᒃ; ᓇᐹᕐᑐᐃᓪᓗ ᐅᖃᐅᔭᖏᑦ ᐋᖅᑭᒃᑕᐅᑦᔪᑎᒃᓴᐅᕗᑦ ᐃᓅᖃᑎᒌᒡᔪᐊᓄᑦ.