ᒨᓯᓯ ᓯᕗᓪᓖᑦ 2:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐅᓪᓗᐃᑦ 7ᖓᓐᓂ ᒎᑎᐅᑉ ᐱᓇᓱᐊᕐᑕᓂ ᐱᔭᕇᕋᒥᒋᑦ, ᑕᕾᕐᓯᕐᐳᖅ ᓴᓇᔭᓕᒫᒥᓂᑦ ᐱᓇᓱᐊᓚᐅᕐᑕᒥᓂᑦ.

ᒨᓯᓯ ᓯᕗᓪᓖᑦ 2:2 Iomraidhean Croise

ᒨᓯᓯ ᓯᕗᓪᓖᑦ 1:31

ᒎᑎᐅᓪᓗ ᐱᓐᖑᕐᑎᑕᓂ ᑕᒪᕐᒥᒃ ᕿᒥᕐᕈᕔᑦ, ᑕᑯᓪᓗᒋᑦ ᓈᒻᒪᒋᒻᒪᕆᒃᐰᑦ. ᐅᓐᓄᐊᖑᓚᐅᕐᓗᓂ ᐅᓪᓛᖑᓕᕐᐳᖅ ᑕᕝᕙ ᐅᓪᓗᑦ ᐱᖓᓲᔪᕐᑐᖓᑦ.

ᒨᓯᓯ ᓯᕗᓪᓖᑦ 2:3

ᒎᑎᐅᓪᓗ ᐅᓪᓗᐃᑦ 7ᖓ ᓮᒻᒪᕐᑎᑉᐹ ᐃᑦᔪᕐᓁᑎᓪᓗᒍᓗ, ᑕᕝᕙᓂ ᒎᑎ ᑕᕾᕐᓯᓚᐅᕋᒥ ᐱᓇᓱᐊᕐᑕᓕᒫᒥᓂᑦ ᐱᓐᖑᕐᑎᑦᓯᓪᓗᓂ.

ᒨᓯᓯ ᐂᑉᐸᖏᑦ 23:12

“ᐅᓪᓗᓂᒃ ᐱᖓᓲᔪᕐᑐᓂᒃ ᓴᓇᔭᒃᓴᑦᓯᓐᓂᒃ ᓴᓇᔪᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ; ᐆᒪᔪᖁᑎᓯᓗ ᐊᖑᓴᓪᓗᐃᑦ ᓯᐅᑎᖅᑯᕐᑐᔪᓪᓗ ᑕᕾᕐᓯᕐᑐᒃᓴᐅᒋᕗᑦ, ᓯᐊᓛᓯᓗ ᕿᑐᕐᖓᖏᓪᓗ ᓄᓇᑐᖃᒥᓃᖏᑦᑐᓪᓗ, ᑕᕾᕐᓯᕐᑐᐃᓐᓇᐅᔪᒃᓴᐅᕗᑦ.

ᒨᓯᓯ ᐂᑉᐸᖏᑦ 31:15

ᐅᓪᓗᓂᒃ ᐱᖓᓲᔪᕐᑐᓂᒃ ᐱᓇᓱᐊᕐᑐᒃᓴᐅᕗᓯ, ᐅᓪᓗᓪᓕ 7ᖓᓐᓂ ᓴᐸᑎ ᓇᓪᓕᐅᑎᕗᖅ ᓱᓇᓕᒫᓂᑦ ᑕᕾᕐᓯᕐᕕᒃᓴᖅ, ᐃᑦᔪᕐᓁᑦᑐᖅ ᐊᑕᓂᕐᒧᑦ; ᓇᓪᓕᐊᑦ ᑕᕝᕙᓂ ᐅᓪᓗᒥ ᐱᓇᓱᐊᕐᑐᖅ ᑖᓐᓇ ᑐᖁᑕᐅᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 31:17

ᑖᓐᓇ ᓇᓗᓁᒃᑯᑕᐅᓂᐊᕐᒪᑦ ᐃᓱᖃᖏᑦᑐᒧᑦ ᐅᕙᓐᓄᑦ ᐃᓴᕆᐊᓕᒥᐅᓪᓗ ᐃᓄᖏᓐᓄᑦ, ᐅᕙᖓ ᐊᑕᓂᐅᔪᖓ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕋᒪ ᐅᓪᓗᓂᒃ ᐱᖓᓲᔪᕐᑐᓂᒃ, ᐅᓪᓗᓪᓕ 7ᖓᓐᓂ ᓴᓇᔭᓕᒫᓐᓂᑦ ᓄᖅᑲᓚᐅᕐᐳᖓ, ᑭᖑᓂᖓᒍᓪᓗ ᑕᕾᑦᓯᐊᓚᐅᕐᐳᖓ.”

ᐂᓮᐊᓯᐅᑉ ᐊᒡᓚᖏᑦ 58:13

“ᓴᐸᑎ ᑲᒪᒋᑦᓯᐊᕐᓂᐊᕈᑦᓯᐅᒃ, ᐱᔪᒪᔭᑐᐃᓐᓇᑦᓯᓐᓂᒃ ᐱᓇᓱᐊᕐᕕᒋᖏᓪᓗᒍ ᐅᓪᓗᖅ ᐃᑦᔪᕐᓁᑎᑕᕋ, ᓴᐸᑎᓗ ᑍᓪᓗᒍ ᖁᕕᐊᓇᕐᑐᒥᒃ, ᐊᑕᓂᐅᑉ ᐅᓪᓗᖓ ᐃᑦᔪᕐᓁᑦᑐᖅ ᐅᐱᓐᓇᕐᑑᑎᒃᑯᑦᓯᐅᒃ; ᐅᐱᒋᒍᑦᓯᐅᒡᓗ, ᐊᑐᕈᒪᔭᑐᐃᓐᓇᕐᓂᒃ ᐱᓇᓱᐊᕐᕕᒋᖏᓪᓗᒍ, ᖁᕕᐊᒋᔭᑐᐃᓐᓇᑦᓯᓐᓂᒃ ᐱᓇᓱᐊᕐᕕᒋᖏᓪᓗᒍ, ᐅᖃᕈᓘᔭᑐᐃᓐᓇᕐᕕᒋᖏᓪᓗᒍᓗ ᐊᑐᖏᑦᑐᓂᒃ;

ᔪᐊᓇᓯᐅᑉ ᐊᒡᓚᖏᑦ 5:17

ᔩᓱᓯᐅᑉ ᑭᐅᕔᑦ, “ᐊᑖᑕᒐ ᑍᒪᓐᖓᑦ ᒫᓐᓇᒧᑦ ᐱᓇᓱᐊᕐᐳᖅ, ᐅᕙᖓᓗ ᐱᓇᓱᐊᕆᕗᖓ.”

ᒨᓯᓯ ᑕᓪᓕᒪᖏᑦ 5:14

ᐅᓪᓗᓪᓕ 7ᖓᓐᓂ ᐅᓪᓗᖅ ᑕᕾᕐᓯᕐᕕᒃᓴᖅ ᓇᓪᓕᐅᑎᕗᖅ ᐊᑕᓂᕐᒧᑦ ᒎᑎᑦᓯᓐᓄᑦ ᑐᕌᕐᑐᖅ. ᐅᓪᓗᒥ ᑕᕝᕙᓂ ᑭᓇᓘᓐᓃᑦ ᓴᓇᔪᒃᓴᐅᓐᖏᓚᖅ ᓇᖕᒥᓂᖅ ᕿᑐᕐᖓᑎᓪᓘᓐᓃᑦ, ᐱᔨᑎᓪᓗ ᐆᒪᔪᖁᑎᑎᓪᓘᓐᓃᑦ, ᓂᐅᕐᕈᐊᖑᔪᓪᓘᓐᓃᑦ ᓄᓇᑦᓯᓐᓄᑦ. ᐱᔨᓯᑦᑕᐅᖅ ᐃᓕᑦᓯᑎᑐᑦ ᑕᕾᕐᓯᕐᑐᒃᓴᐅᒋᕗᑦ.

ᐄᑉᕈᐃᓄᑦ 4:10

ᓇᓪᓕᐊᑦ ᒎᑎᐅᑉ ᑕᕾᕐᓯᕐᕕᐅᖁᔭᖓᓄᑦ ᐃᑎᕐᑐᖅ ᑕᕾᕐᓯᕐᓂᐊᕐᐳᖅ ᐱᓇᓱᐊᕐᓂᕐᒥᓂᑦ ᒎᑎᑦᑕᐅᖅ ᑕᕾᕐᓯᓚᐅᕐᒪᑦ ᐱᓇᓱᐊᕐᓂᕐᒥᓂᑦ.

ᐄᑉᕈᐃᓄᑦ 4:4

ᐅᖃᕐᓯᒪᖕᒪᑦ ᐅᓪᓗᐃᑦ 7ᖓᓐᓂᒃ ᐱᑦᔪᑎᓕᖕᒥᒃ, “ᒎᑎᓗ ᑕᕾᕐᓯᓚᐅᕐᐳᖅ ᐅᓪᓗᐃᑦ 7ᖓᓐᓂ ᓴᓇᔭᒥᓂᑦ ᑕᒤᓐᓂᑦ.”