ᒨᓯᓯ ᓯᕗᓪᓖᑦ 18:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑍᒤᓕᐅᕈᒪᓂᕐᒥᒃ ᐃᓱᒪᓂᐊᕐᓇᒃ, ᐸᓯᔭᒃᓴᐅᖏᑦᑐᓂᒃ ᑐᖁᑦᓯᖃᓯᐅᑦᔨᓗᑎᑦ ᐊᔪᕐᑐᓕᔪᓄᑦ, ᐃᓱᐊᕐᑐᑦ ᐊᑦᔨᐅᓕᕐᓗᑎᒃ ᐃᓱᐃᑦᑐᓕᔪᓄᑦ! ᑕᒪᓐᓇ ᐃᓱᒪᒋᑦᑍᓕᒍᒃ! ᓄᓇᕐᔪᐊᕐᒥᐅᓄᑦ ᑕᒤᓐᓄᑦ ᐃᖅᑲᕐᑐᐃᔨ ᑍᒤᒍᓂ ᐃᓱᐊᕐᑐᒥᒃ ᐱᓂᐊᓐᖏᓚᖅ.”

ᒨᓯᓯ ᓯᕗᓪᓖᑦ 18:25 Iomraidhean Croise

ᒨᓯᓯ ᓯᕗᓪᓖᑦ 18:24

ᑕᕝᕙᓂ ᐃᒡᓗᒐᓴᖕᓂ 50ᓂᒃ ᐸᓯᔭᒃᓴᐅᖏᑦᑐᓂᒃ ᐃᓄᖃᕋᓗᐊᕐᐸᑦ, ᑖᒃᑯᐊ ᐃᒡᓗᒐᓮᑦ ᐊᑕᖏᕐᓗᒋᑦ ᓄᖑᑎᒃᑲᔭᕐᐱᒌᑦ? ᑖᒃᑯᐊᓘᓐᓃᑦ 50 ᓴᐳᑎᒐᔭᓐᖏᓚᑏᑦ?

ᑯᕉᓂᑲ ᓯᕗᓪᓖᑦ 16:33

ᑕᕝᕙ ᓇᐹᕐᑐᐃᑦ ᕿᔪᓕᒫᓪᓗ ᐃᓐᖏᕈᒫᕐᐳᑦ ᖁᕕᐊᓱᒡᓗᑎᒃ ᐊᑕᓂᐅᑉ ᓵᖓᓂ, ᕾᓕᖕᒪᑦ ᓄᓇᕐᔪᐊᕐᒥᐅᑦ ᐱᓇᓱᐊᕐᕕᒋᔭᕐᑐᕐᓗᒋᑦ.

ᑯᕉᓂᑲ ᐂᑉᐸᖏᑦ 19:7

ᒫᓐᓇᓕ ᑕᕝᕙ, ᐊᑕᓂᐅᑉ ᓯᕘᕋᓇᕐᓂᖓ ᐃᓕᑦᓯᓐᓃᓪᓕ; ᑲᒪᑦᓯᐊᕆᑦᓯ ᐱᓇᓱᐊᕐᑎᓪᓗᓯ, ᐊᑕᓂᖅ ᒎᑎᕗᑦ ᓈᒻᒪᓈᖏᓐᓂᖃᖏᒻᒪᑦ, ᐃᓔᓐᓇᕐᓯᐅᕋᓂᓗ, ᐊᑭᓕᕐᑕᐅᓂᒃᑯᓪᓗ ᐊᓯᑦᔨᕐᓱᐃᓲᖑᓇᓂ.”

ᓂᕼᐃᒤᐊᐅᑉ ᐊᒡᓚᖏᑦ 9:33

ᓈᒻᒪᒃᑐᒥᒃ ᐱᓇᓱᐊᕐᓯᒪᕗᑎᑦ ᓱᒋᐊᕐᓗᑕ; ᓱᖁᓯᔪᐃᑦᑑᓪᓗᑎᑦ ᑲᔪᓯᑦᓯᐊᕐᓯᒪᕗᑎᑦ, ᐅᕙᒍᓪᓕ ᐊᔪᕐᑐᓕᓯᒪᕗᒍᑦ.

ᔫᐱᐅᑉ ᐊᒡᓚᖏᑦ 34:10

ᑍᒤᒻᒪᑦ, ᓈᓚᓚᐅᕐᓯᓐᖓ ᑐᑭᓯᓯᒪᔪᓯ, ᒎᑎ ᐱᐅᖏᑦᑐᓕᔪᓐᓇᕐᐹ? ᑕᒪᓐᓇ ᑐᑭᖃᖏᑦᓯᐊᕐᐳᖅ, ᐊᔪᒐᖃᖏᑦᑐᖅ ᑕᒻᒪᕈᓐᓇᕐᐹ?

ᔫᐱᐅᑉ ᐊᒡᓚᖏᑦ 34:12

ᒎᑎ ᓇᓗᓇᓐᖏᓚᖅ ᐱᐅᖏᑦᑐᒥᒃ ᐱᓇᓱᐊᕐᓂᐊᖏᒻᒪᕆᒃᑐᖅ, ᐊᔪᒐᖃᖏᑦᑐᖅ ᓈᒻᒪᓈᕐᑐᒥᒃ ᒧᒥᒃᑎᑦᓯᓂᐊᖏᓚᖅ ᓈᒻᒪᖏᑦᑐᒧᑦ.

ᔫᐱᐅᑉ ᐊᒡᓚᖏᑦ 8:20

ᑕᑯᒋᑦ, ᒎᑎ ᐃᒋᑦᓯᓂᐊᓐᖏᓚᖅ ᐸᓯᔭᒃᓴᐅᖏᑦᑐᒥᒃ, ᐱᐅᖏᑦᑐᓕᔪᓪᓗ ᐊᒡᒐᖏᑦ ᑎᒍᒥᐊᕐᓂᐊᓐᖏᓔᑦ.

ᔫᐱᐅᑉ ᐊᒡᓚᖏᑦ 8:3

ᒎᑎ ᒧᒥᒃᑎᑦᓯᓲᖑᕚ ᓈᒻᒪᓈᕐᓯᒪᓂᕐᒥᒃ; ᐅᕝᕙᓗ ᐊᔪᒐᖃᖏᑦᑐᖅ ᓈᒻᒪᓈᕐᑐᒥᒃ ᒧᒥᒃᑎᑦᓯᓲᖑᕙ?

ᐃᓐᖏᕈᑎᑦ 50:6

ᕿᓔᑦ ᓇᓗᓁᕐᓯᓕᕐᓕᑦ ᐃᓱᐊᕐᑑᓂᖓᓂᒃ, ᒎᑎ ᓇᖕᒥᓂᖅ ᐃᖅᑲᕐᑐᐃᔨᐅᖕᒪᑦ. ᓰᓚ

ᐃᓐᖏᕈᑎᑦ 58:11

ᐃᓄᐃᑦ ᑕᕝᕙ ᐅᖃᕈᒫᕐᐳᑦ, ᓱᓕᔪᒥᒃ ᐃᓱᐊᕐᑐᑦ ᐊᑭᓕᕐᑕᐅᕗᑦ; ᓱᓕᔪᒥᒃ ᐃᓛᒃ ᒎᑎ ᐃᖅᑲᕐᑐᐃᕗᖅ ᓄᓇᕐᔪᐊᕐᒥᒃ.

ᐃᓐᖏᕈᑎᑦ 7:12

ᓵᒋᐊᖏᑦᑐᖃᕐᐸᑦ, ᒎᑎᐅᑉ ᓴᕕᒡᔪᐊᓂ ᐃᐱᒃᓴᕐᓂᐊᕐᐹ; ᐱᑎᒃᓯᓂᓗ ᕿᓗᕚ ᐅᑕᖅᑭᓕᕐᓗᓂᓗ.

ᐃᓐᖏᕈᑎᑦ 75:3

ᓄᓇᕐᔪᐊᖅ ᓴᔪᒃᐱᓗᒃᐸᑦ, ᑕᕝᕙᓂᓗ ᐃᓅᔪᓕᒫᑦ, ᑕᕝᕙ ᐅᕙᖓ ᓱᑲᖏᓐᓂᒃ ᐋᖅᑭᒃᓯᓯᒪᕗᖓ ᐊᐅᓚᖏᑦᑐᒥᒃ. ᓰᓚ

ᐃᓐᖏᕈᑎᑦ 94:2

ᒪᑭᓪᓗᑎᑦ, ᓄᓇᕐᔪᐊᖅ ᐋᖅᑭᒃᓱᓕᕈᒃ; ᐱᐅᔪᕆᔪᑦ ᓱᒋᐊᓚᐅᒃᑭᑦ ᐱᔪᒃᓴᐅᓂᖏᑦ ᒪᓕᒡᓗᒋᑦ.

ᐃᓐᖏᕈᑎᑦ 98:9

ᓄᓇᕐᔪᐊᕐᒥᒃ ᐊᐅᓚᑦᓯᔭᕐᑐᕐᓗᓂ ᑎᑭᒻᒪᑦ. ᓄᓇᕐᔪᐊᕐᒥᐅᑦ ᐃᓄᖏᑦ ᐊᐅᓚᓐᓂᐊᕐᐰᑦ ᓈᒻᒪᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᐊᑦᔨᒌᒃᑎᓐᓂᐊᕐᐰᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:17

ᐆᒻᒪᑎᑯᑦ ᐃᓱᒪᓚᐅᕐᐳᖓ, “ᒎᑎᐅᑉ ᐃᖅᑲᕐᑐᐃᕕᖕᒧᑦ ᕾᑎᑦᓱᒫᕐᐰᑦ ᐱᐅᔪᑦ ᐱᐅᖏᑦᑐᓕᔪᓪᓗ, ᓇᓪᓕᐅᓐᓂᖃᕐᒪᑦ ᐱᑦᔪᑎᒃᓴᖃᕐᑐᓄᑦ ᓱᓇᑐᐃᓐᓇᕐᓄᑦ ᓴᓇᓯᒪᔪᓄᓪᓗ.”

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:15

ᑕᑯᓯᒪᕗᖓ ᐅᓪᓗᓂ ᐃᓅᓂᓐᓂ ᑐᑭᖃᖏᑦᑐᓂᒃ, ᐃᓄᒃᑕᖃᕐᐳᖅ ᐃᓱᐊᕐᑐᓂᒃ ᑐᖁᓯᒪᔪᓂᒃ ᐃᓱᐊᕐᓂᑎᒃ ᐱᑦᔪᑎᒋᓪᓗᒋᑦ. ᐱᐅᖏᑦᑐᓕᔪᓂᒃᑕᐅᖅ ᐃᓄᒃᑕᖃᕆᕗᖅ ᐊᑯᓂ ᐃᓅᔪᓂᒃ ᐊᔪᕐᑐᓕᓂᑎᒃ ᐱᑦᔪᑎᒋᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 11:20

ᐊᑕᓃᕐᓕ ᖁᑦᓯᖕᓂᕐᐸᐅᔪᑎᑦ, ᓈᒻᒪᓈᕐᑐᒥᒃ ᐃᖅᑲᕐᑐᐃᔪᑎᑦ, ᐃᓄᐃᓪᓗ ᐆᒻᒪᑎᖓᓃᑦᑐᓂᒃ ᐃᓱᒪᖓᓃᑦᑐᓂᒡᓗ ᖃᐅᔨᓴᕈᓐᓇᕐᑐᑎᑦ, ᐊᑭᓂᐊᕐᓂᖅ ᑖᒃᑯᓄᖓ ᐃᓕᖕᓄᑦ ᑐᓂᖔᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 12:1

“ᐊᑕᓂᖅ ᐃᓱᐊᕐᓃᑦ ᓱᕐᕋᒍᓐᓇᖏᒻᒪᑦ, ᓇᓗᓕᕐᓯᒪᑦᔪᑎᒋᔭᒃᑲ ᓵᖕᓄᑦ ᓴᖅᑭᑦᓱᒪᕙᒃᑲ, ᓱᖕᒪᑦ ᐱᐅᖏᑦᑐᓕᔪᑦ ᐱᔪᓐᓇᑦᓯᐊᕐᐹᑦ? ᐅᒃᐱᖏᑦᑐᓪᓗ ᑲᔪᓯᑦᓯᐊᕐᓗᑎᒃ?

ᐃᓯᑭᐊᓕᐅᑉ ᐊᒡᓚᖏᑦ 18:25

“ᐅᖃᕐᐳᓯᓕ, ‘ᐊᑕᓂᖅ ᐱᓂᐊᕐᓂᕐᒥᓂᒃ ᓈᒻᒪᓈᕐᓯᒪᓐᖏᓚᖅ.’ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᑐᓴᓕᕆᑦᓯ: ᐱᓂᐊᕐᓂᕆᔭᕋ ᓈᒻᒪᓈᕐᓯᒪᓇᓱᒋᖏᑉᐱᓯᐅᒃ? ᐃᓕᑦᓯᖔᖅ ᐱᓂᐊᕐᓂᕆᔭᓯ ᓈᒻᒪᓈᕐᓯᒪᓐᖏᓚᖅ.

ᒪᓚᑬᑉ ᐊᒡᓚᖏᑦ 3:18

ᑕᕝᕙ ᑭᖑᓂᐊᒍᑦ ᖃᐅᔨᓕᕈᒫᕐᐳᓯ ᐃᓱᐊᕐᑐᓂᒃ ᐱᐅᖏᑦᑐᓂᒡᓗ, ᒎᑎᒥᒡᓗ ᐱᔨᑦᓯᕐᑐᑦ ᐱᔨᑦᓯᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ.”

ᒨᓯᓯ ᓯᑕᒪᖏᑦ 16:22

ᑖᒃᑯᐊᒃ ᐹᒻᒪᒃᓗᑎᒃ ᓄᓇᒧᑦ ᑐᓪᓗᑎᒃ ᐅᖃᕐᐳᑦ, “ᒎᑎ, ᒎᑎᐅᔪᑎᑦ ᑎᒥᖃᕐᑐᑦ ᐊᓂᕐᓂᖏᓐᓄᑦ, ᐃᓄᒃ ᐊᑕᐅᓯᖅ ᐱᐅᖏᑦᑐᓕᒃᐸᑦ, ᐃᓄᒋᐊᒃᑐᕐᔪᐊᓕᒫᑦ ᓂᓐᖓᐅᑎᔭᕆᐊᖃᕐᐱᒌᑦ?”

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:10

ᑕᒪᑦᑕ ᓴᖅᑭᑦᑕᕆᐊᖃᕈᒫᕋᑦᑕ ᙭ᔅᑑᓯᐅᑉ ᐃᖅᑲᕐᑐᐃᕕᖓᑕ ᓵᖓᓂ, ᑕᒪᕐᒥᒃ ᐊᑐᓂᑦ ᐱᓂᐊᕐᕕᐅᖁᓪᓗᒋᑦ ᑎᒥᒦᓪᓗᑎᒃ ᐊᑐᓚᐅᕐᑕᖏᑦ ᒪᓕᒡᓗᒋᑦ, ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ.

ᒨᓯᓯ ᑕᓪᓕᒪᖏᑦ 1:16

“ᑍᑦᓱᒪᓂᐅᑎᓪᓗᒍ ᐃᒤᓕᐅᖁᓪᓗᒋᑦ ᒪᓕᖕᓂᐊᕐᑕᖏᓐᓂᒃ ᐅᖃᐅᑦᔪᓚᐅᕐᓯᒪᕙᒃᑲ, ‘ᐃᓄᖁᑎᑦᓯᓐᓂᑦ ᐊᑲᐅᓐᖏᓕᐅᕈᑕᐅᔪᓂᒃ ᓈᓚᑦᓯᐊᖃᑦᑕᕐᓂᐊᕐᐳᓯ. ᐊᑲᐅᓐᖏᓕᐅᕈᑕᐅᔪᓕᒫᓪᓗ ᐋᖅᑭᒃᓱᑦᓯᐊᕋᓱᐊᖃᑦᑕᕐᓗᒋᑦ ᐊᑦᔨᒌᒃᑎᑦᓯᓗᓯ, ᐃᓄᖁᑎᑦᓯ ᐃᓱᒫᓘᑎᒋᔭᖏᓐᓂᒃ ᐱᓇᓱᐊᕋᓗᐊᕈᑦᓯ ᐅᕝᕙᓗ ᓄᓇᖃᑎᒃᓴᔭᑐᖃᕆᓐᖏᑕᑦᓯᓐᓂᒃ ᐱᓕᕆᔭᕆᐊᖃᕈᑦᓯ ᑕᕝᕙᓂ ᓄᓇᖃᑎᒋᔭᑦᓯᓐᓂᒃ.

ᒨᓯᓯ ᑕᓪᓕᒪᖏᑦ 1:17

ᐃᓔᓐᓇᖏᓐᓂᒃ ᑕᑉᐱᕐᓱᐃᓗᓯ ᐱᓇᓱᐊᕐᑐᒃᓴᐅᓐᖏᓚᓯ ᐋᖅᑭᒃᓱᐃᓕᕐᑎᓪᓗᓯ; ᐋᖅᑭᒃᓱᐃᔪᒃᓴᐅᕗᓯᓕ ᐊᑦᔨᒌᒃᑎᑦᓯᓗᓯ, ᑭᓇᑐᐃᓐᓇᐅᒐᓗᐊᕐᐸᑦ. ᓇᓪᓕᐊᓐᓂᒡᓘᓐᓃᑦ ᓯᕘᕋᒋᔭᖃᕐᑐᒃᓴᐅᓐᖏᓚᓯ, ᑐᑭᑖᕆᔭᓯ ᒎᑎᒥᑦ ᐱᖕᒪᑕ. ᐃᓕᑦᓯᓐᓄᓪᓕ ᓱᓇᑐᐃᓐᓇᖅ ᐅᖁᒤᓗᐊᕐᐸᑦ, ᑕᕝᕙ ᐅᕙᓐᓄᑦ ᑐᓂᔭᒃᓴᕆᕙᓯ, ᑕᕝᕙ ᐅᕙᖓ ᑐᑭᑖᕐᕕᒋᓂᐊᕐᐸᒃᑲ.’

ᒨᓯᓯ ᑕᓪᓕᒪᖏᑦ 32:4

ᕾᕐᑑᓪᓗᓂ, ᐱᓇᓱᐊᕐᓂᖓ ᐋᖅᑭᑦᓯᐊᕐᓯᒪᕗᖅ; ᑖᑦᓱᒪ ᐱᓇᓱᐊᕐᑕᓕᒫᖏᑦ ᓈᒻᒪᓈᕐᓯᒪᑦᓯᐊᕐᐳᑦ. ᒎᑎ ᓱᖁᓯᔪᐃᑦᑑᕗᖅ ᓈᒻᒪᓈᕐᓯᒪᖏᓐᓂᖃᕋᓂᓗ; ᐃᓱᐊᕐᑐᕗᖅ ᓈᒻᒪᑦᓯᐊᕐᑑᓪᓗᓂᓗ.

ᐄᑉᕈᐃᓄᑦ 12:23

ᑕᒪᓐᓇ ᐅᐸᒃᑕᓯ ᒎᑎᐅᑉ ᐊᖓᔪᒃᓕᕐᐹᖁᑎᖏᑕ ᑲᑎᒪᕕᖓ, ᑕᕝᕙᓃᑦᑐᓪᓗ ᐊᑎᖏᑦ ᑎᑎᕋᕐᓯᒪᕗᑦ ᕿᓚᖕᒥ, ᒎᑎᒧᓪᓗ ᑎᑭᑉᐳᓯ, ᑕᒤᓐᓂᒃ ᐃᖅᑲᕐᑐᐃᔪᒧᑦ, ᐃᓄᐃᓪᓗ ᓇᓛᒎᕐᑐᑦ ᐊᓂᕐᓂᖏᑕ ᓈᒻᒪᒃᓯᑎᑕᐅᕕᖏᓐᓄᑦ,

ᐃᓗᐊᕐᓮᔩᑦ ᐊᒡᓚᖏᑦ 11:27

ᑍᒤᒻᒪᑦ ᐊᔪᕐᑐᓕᓚᐅᓐᖏᓚᒍᑦ ᐃᓕᑦᓯᓐᓄᑦ, ᑕᒻᒪᕐᐳᑎᑦ ᐅᓇᑕᕋᓱᐊᕋᕕᑦ ᐅᕙᑦᑎᓐᓂᒃ. ᐊᑕᓂᖅ ᐃᖅᑲᕐᑐᐃᔨ ᑖᓐᓇ ᑐᑭᑖᕐᓂᐊᕐᐳᖅ ᐅᓪᓗᒥ ᓇᓪᓕᐊᓐᓄᑦ ᐃᓴᕆᐊᓕᒥᐅᑦ ᐃᓄᖏᓐᓄᓪᓘᓐᓃᑦ ᐅᕝᕙᓘᓐᓃᑦ ᐊᒧᓁᑎᒥᐅᓄᑦ.”