ᒨᓯᓯ ᓯᕗᓪᓖᑦ 18:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐂᑉᕋᕼᐋᒻᓗ ᐊᑕᓂᖅ ᐅᐸᒃᑲᓐᓂᕐᓗᒍ ᐅᖃᐅᑎᕚ, “ᐸᓯᔭᒃᓴᐅᖏᑦᑐᓂᒃ ᐱᖃᓯᐅᑦᔨᓗᑎᑦ ᐱᐅᖏᑦᑐᓕᔪᓂᒃ ᓱᒋᐊᕐᓯᓂᐊᕐᐲᑦ?

ᒨᓯᓯ ᓯᕗᓪᓖᑦ 18:23 Iomraidhean Croise

ᒨᓯᓯ ᓯᕗᓪᓖᑦ 18:24

ᑕᕝᕙᓂ ᐃᒡᓗᒐᓴᖕᓂ 50ᓂᒃ ᐸᓯᔭᒃᓴᐅᖏᑦᑐᓂᒃ ᐃᓄᖃᕋᓗᐊᕐᐸᑦ, ᑖᒃᑯᐊ ᐃᒡᓗᒐᓮᑦ ᐊᑕᖏᕐᓗᒋᑦ ᓄᖑᑎᒃᑲᔭᕐᐱᒌᑦ? ᑖᒃᑯᐊᓘᓐᓃᑦ 50 ᓴᐳᑎᒐᔭᓐᖏᓚᑏᑦ?

ᒨᓯᓯ ᓯᕗᓪᓖᑦ 18:25

ᑍᒤᓕᐅᕈᒪᓂᕐᒥᒃ ᐃᓱᒪᓂᐊᕐᓇᒃ, ᐸᓯᔭᒃᓴᐅᖏᑦᑐᓂᒃ ᑐᖁᑦᓯᖃᓯᐅᑦᔨᓗᑎᑦ ᐊᔪᕐᑐᓕᔪᓄᑦ, ᐃᓱᐊᕐᑐᑦ ᐊᑦᔨᐅᓕᕐᓗᑎᒃ ᐃᓱᐃᑦᑐᓕᔪᓄᑦ! ᑕᒪᓐᓇ ᐃᓱᒪᒋᑦᑍᓕᒍᒃ! ᓄᓇᕐᔪᐊᕐᒥᐅᓄᑦ ᑕᒤᓐᓄᑦ ᐃᖅᑲᕐᑐᐃᔨ ᑍᒤᒍᓂ ᐃᓱᐊᕐᑐᒥᒃ ᐱᓂᐊᓐᖏᓚᖅ.”

ᒨᓯᓯ ᓯᕗᓪᓖᑦ 20:4

ᐊᐱᒥᓕᑭᐅᓪᓕ ᐅᐸᓚᐅᓐᖏᓛ ᐱᖃᑎᒋᔪᒪᓗᒍ; ᑍᒤᒻᒪᑦ ᐅᖃᕐᐳᖅ, “ᐊᑕᓃᖅ, ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ ᑐᖁᑦᓯᔪᒪᕖᑦ?

ᓴᒧᐃᓕ ᐂᑉᐸᖏᑦ 24:17

ᑍᕕᑎᐅᓪᓕ ᐂᖏᓕ ᐃᓄᖕᓂᒃ ᑐᖁᕅᔪᖅ ᑕᑯᒐᒥᐅᒃ, ᐊᑕᓂᕐᒧᑦ ᐅᖃᕐᐳᖅ, “ᐅᕙᖓ ᐊᔪᕐᑐᓕᓯᒪᕗᖓ, ᐅᕙᖓ ᐱᐅᖏᑦᑐᓕᓚᐅᕐᐳᖓ; ᐅᑯᐊᓕ ᐃᓄᐃᑦ ᖃᓄᐃᓕᐅᓚᐅᕐᐹ? ᑐᒃᓯᐊᕐᕕᒋᕙᒋᑦ ᐅᕙᓐᓂᒃ ᐃᓚᓐᓂᒡᓗ ᓱᒋᐊᕐᓯᖔᕐᑐᒃᓴᐅᕗᑎᑦ.”

ᔫᐱᐅᑉ ᐊᒡᓚᖏᑦ 34:17

ᓇᓛᒎᕐᓂᕐᒥᒃ ᐆᒥᓱᒃᑐᖅ ᑲᒪᔨᐅᔪᓐᓇᕋᓗᐊᕐᐹ? ᐸᓯᔭᒃᓴᐅᓂᕋᕈᓐᓇᕐᐱᐅᒃ ᓇᓛᒎᕐᑐᑐᐊᖅ ᐊᔪᒐᖃᖏᑦᑐᖅ?

ᔫᐱᐅᑉ ᐊᒡᓚᖏᑦ 8:3

ᒎᑎ ᒧᒥᒃᑎᑦᓯᓲᖑᕚ ᓈᒻᒪᓈᕐᓯᒪᓂᕐᒥᒃ; ᐅᕝᕙᓗ ᐊᔪᒐᖃᖏᑦᑐᖅ ᓈᒻᒪᓈᕐᑐᒥᒃ ᒧᒥᒃᑎᑦᓯᓲᖑᕙ?

ᐃᓐᖏᕈᑎᑦ 73:28

ᐅᕙᓐᓄᓪᓕ ᐱᐅᕗᖅ ᒎᑎᒧᑦ ᖃᓂᑦᑑᓗᖓ; ᐊᑕᓂᖅ ᒎᑎ ᕿᒫᕕᒃᓴᓕᐊᕆᓯᒪᒐᒃᑯ, ᐅᖃᐅᓯᖃᕈᓐᓇᖁᓪᓗᖓ ᐱᓇᓱᐊᕐᓂᕆᓯᒪᔭᓕᒫᕐᓂᒃ.

ᒨᓯᓯ ᐂᑉᐸᖏᑦ 23:7

“ᓱᓕᖏᑦᑐᒥᒃ ᐸᓯᔭᒃᓴᓐᖑᕐᑎᑦᓯᓇᓱᐊᕐᓂᖅ ᐃᓕᑦᓯᓐᓂᑦ ᐅᖓᓯᒡᓕ, ᐸᓯᔭᒃᓴᐅᖏᑦᑐᒥᒃ ᓈᒻᒪᓈᕐᓯᒪᔪᒥᒡᓗ ᑐᖁᑕᐅᑎᑦᓯᔪᒃᓴᐅᓐᖏᓚᓯ, ᓇᓪᓕᐊᓐᓂᑐᐃᓐᓇᖅ ᓯᕗᓂᕐᓗᓕᕐᑎᑦᓯᓂᐊᕐᐳᖓ ᑍᒫᒃ ᐱᐅᖏᑦᑐᒥᒃ ᐱᔪᖃᕐᐸᑦ.

ᔨᕆᒤᐊᐅᑉ ᐊᒡᓚᖏᑦ 30:21

ᓇᖕᒥᓂᕐᒥᖕᓂᓪᓗ ᓯᕗᓕᕐᑎᑖᕈᒫᕐᐳᑦ ᐊᖓᔪᖅᑳᕐᔪᐊᖃᕐᓗᑎᒡᓗ ᐃᓅᖃᑎᒥᖕᓂᑦ ᐱᔪᒥᒃ. ᐅᕙᓐᓄᓪᓗ ᖃᒡᓕᑎᓐᓂᐊᕐᐸᕋ ᖃᓂᒋᔭᓐᓃᓪᓗᓂ ᐃᓅᖁᓪᓗᒍ. ᑭᓇ ᕾᔪᓐᓇᕐᐹ ᐅᕙᓐᓄᑦ ᑐᓐᖓᓴᕐᑕᐅᖏᓪᓗᓂ?

ᒨᓯᓯ ᓯᑕᒪᖏᑦ 16:22

ᑖᒃᑯᐊᒃ ᐹᒻᒪᒃᓗᑎᒃ ᓄᓇᒧᑦ ᑐᓪᓗᑎᒃ ᐅᖃᕐᐳᑦ, “ᒎᑎ, ᒎᑎᐅᔪᑎᑦ ᑎᒥᖃᕐᑐᑦ ᐊᓂᕐᓂᖏᓐᓄᑦ, ᐃᓄᒃ ᐊᑕᐅᓯᖅ ᐱᐅᖏᑦᑐᓕᒃᐸᑦ, ᐃᓄᒋᐊᒃᑐᕐᔪᐊᓕᒫᑦ ᓂᓐᖓᐅᑎᔭᕆᐊᖃᕐᐱᒌᑦ?”

ᐄᑉᕈᐃᓄᑦ 10:22

ᑍᒤᒻᒪᑦ ᒎᑎᒧᑦ ᖃᒡᓕᓕᕐᑕ ᐆᒻᒪᑎᑦᑎᒍᑦ ᓱᓕᓂᖃᑦᓯᐊᕐᓗᑕ ᐅᒃᐱᕐᓂᖃᑦᓯᐊᕐᓗᑕ, ᐆᒻᒪᑎᕗᑦ ᓯᕐᐸᕐᓴᕐᕕᐅᓗᑎᒃ ᓴᓗᒻᒪᕐᑕᐅᖁᓪᓗᒋᑦ ᐃᓱᒪᒃᑯᑦ ᐱᐅᖏᑦᑐᒥᑦ ᐸᓯᔭᐅᓂᖃᕐᓂᕐᒥᑦ ᑎᒥᕗᓪᓗ ᐅᐊᓴᕐᑕᐅᓗᑎᒃ ᐃᒥᕐᒧᑦ ᓴᓗᒪᑦᓯᐊᕐᑐᒧᑦ.

ᔧᒥᓯᐅᑉ ᐊᒡᓚᖏᑦ 5:16

ᑍᒤᒻᒪᑦ ᐊᔪᕐᓂᑦᓯᓐᓂᒃ ᖃᕿᐊᓕᖃᑦᑕᐅᑎᖃᑦᑕᕆᑦᓯ ᐃᓚᑦᓯᓐᓄᑦ, ᑐᒃᓯᐅᑎᖃᑦᑕᐅᑎᓗᓯᓗ, ᐋᖅᑭᒃᑕᐅᖁᓪᓗᓯ. ᐃᓗᐊᕐᑐᓕᔫᑉ ᑐᒃᓯᐊᕐᓂᖓ ᐊᖏᔪᒥᒃ ᐱᔪᓐᓇᕐᓂᖃᕐᒪᑦ ᐊᑑᑎᖃᕐᓗᓂᓗ.

ᔧᒥᓯᐅᑉ ᐊᒡᓚᖏᑦ 5:17

ᐃᓔᑦᔭᑦᑕᐅᖅ ᐅᕙᑦᑎᑐᑦ ᐃᓄᑐᐃᓐᓇᐅᓚᐅᕐᐳᖅ ᐃᓗᖏᕐᑐᕐᓗᓂ ᑐᒃᓯᐊᕐᒪᑦ ᓯᓚᓗᖁᔨᓇᓂ, ᓯᓚᓗᓚᐅᓐᖏᓚᖅ ᓄᓇᒥ ᐊᕐᕌᒍᓂᒃ ᐱᖓᓱᓂᒃ ᑕᖅᑭᓂᒡᓗ ᐱᖓᓲᔪᕐᑐᓂᒃ.