ᒨᓯᓯ ᓯᕗᓪᓖᑦ 17:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑭᖑᕚᒃᓴᖃᕐᑎᓐᓂᐊᕐᐸᒋᑦ ᐅᓄᕐᑐᕐᔪᐊᓂᒃ, ᐃᓅᖃᑎᒌᒡᔪᐊᓐᖑᕐᑎᑦᓱᒫᕐᐸᑦᓯ, ᐊᖓᔪᖅᑳᕐᔪᐊᓪᓗ ᐃᓕᖕᓂᑦ ᐱᔪᒫᕐᐳᑦ.

ᒨᓯᓯ ᓯᕗᓪᓖᑦ 17:6 Iomraidhean Croise

ᒨᓯᓯ ᓯᕗᓪᓖᑦ 13:16

ᑭᖑᕚᒃᓴᖃᕐᑎᑦᓱᒫᕐᐸᒋᓪᓗ ᐅᓄᕐᑐᕐᔪᐊᕌᓗᖕᓂᒃ ᓄᓇᒥ ᐳᔪᕋᕐᑎᑐᑦ ᐅᓄᕐᑎᒋᔪᓂᒃ; ᓄᓇᐅᑉ ᐳᔪᕋᖏᑦ ᓈᓴᕐᑕᐅᔪᓐᓇᕐᐸᑕ, ᑕᕝᕙ ᑭᖑᕚᒃᓴᑎᑦᑕᐅᖅ ᓈᓴᕐᑕᐅᔪᓐᓇᕋᔭᕆᕗᑦ!

ᒨᓯᓯ ᓯᕗᓪᓖᑦ 17:16

ᓮᒻᒪᕐᑎᓐᓂᐊᕐᐸᕋ, ᓱᓕᓗ ᑖᑦᓱᒨᓇ ᐃᕐᓂᕐᑖᕐᑎᑦᓱᒫᕐᐸᒋᑦ; ᓮᒻᒪᕐᑎᓐᓂᐊᕋᒃᑯ, ᐃᓅᖃᑎᒌᒡᔪᐊᓄᓪᓗ ᐊᓈᓇᒋᔭᐅᔪᒫᕐᐳᖅ; ᐃᓄᐃᓪᓗ ᐊᖓᔪᖅᑳᕐᔪᐊᖏᑦ ᑖᑦᓱᒪᓐᖓᑦ ᐱᔪᒫᕐᐳᑦ.

ᒨᓯᓯ ᓯᕗᓪᓖᑦ 17:20

ᐃᓯᒥᐅᓪ ᐱᓪᓗᒍ, ᑐᓴᕐᓯᒪᕙᒋᑦ; ᑕᑯᒋᑦ, ᓮᒻᒪᕐᑎᑦᓱᒪᕙᕋ ᕿᑐᕐᖓᖃᕐᑎᓪᓗᒍᓗ ᐅᓄᕐᑐᓂᒃ ᑭᖑᕚᒃᓴᖃᕐᑎᓪᓗᒍᓗ ᐅᓄᕐᑐᕐᔪᐊᓂᒃ; ᐊᑖᑕᒋᔭᐅᔪᒫᕐᐳᕐᓗ ᐊᖓᔪᖅᑳᕐᔪᐊᑦ ᐃᕐᓂᖏᓐᓄᑦ 12ᓄᑦ ᑭᖑᕚᖏᓪᓗ ᐃᓅᖃᑎᒌᒡᔪᐊᓐᖑᕐᑎᑦᓱᒫᕆᕙᒃᑲ.

ᒨᓯᓯ ᓯᕗᓪᓖᑦ 17:4

“ᑕᑯᒋᑦ, ᐊᖏᖃᑎᒌᒍᑎᓕᐅᕐᐳᖓ ᐃᓕᖕᓄᑦ, ᓯᕗᓕᕆᔭᐅᔪᒫᕋᕕᑦ ᐃᓅᖃᑎᒌᒡᔪᐊᓄᑦ ᐅᓄᕐᑐᓄᑦ.

ᒨᓯᓯ ᓯᕗᓪᓖᑦ 26:22

ᑕᕝᕙᓐᖓᓪᓗ ᓄᓇᒥᑦ ᓅᓐᓇᒥ ᐊᓯᐊᓄᑦ ᐃᒥᕐᑕᕐᕕᒃᓴᒥᒃ ᐃᑎᕐᓴᓕᐅᕆᒃᑲᓐᓂᕆᕗᖅ, ᑖᓐᓇᓕ ᐂᕙᑦᔪᑕᐅᓐᖏᓚᖅ, ᑍᒤᒻᒪᑦ ᐊᑦᓯᕐᐹ “ᕆᕼᐅᐳᑎᒥᒃ.” ᐅᖃᕐᓗᓂ, “ᒫᓐᓇ ᐊᑕᓂᐅᑉ ᐃᓂᑖᕐᑎᑉᐹᑎᒍᑦ, ᑕᒫᓂᓗ ᐱᕙᓪᓕᐊᑦᓯᐊᕈᓐᓇᕐᓂᐊᓕᕐᐳᒍᑦ.”

ᒨᓯᓯ ᓯᕗᓪᓖᑦ 28:3

ᒎᑎᐅᑉ ᐊᔪᒐᖃᖏᑦᑑᑉ ᓮᒻᒪᕐᑎᓐᓂᐊᕐᐹᑎᑦ ᕿᑐᕐᖓᖃᕐᑎᓪᓗᑎᓪᓗ, ᐅᓄᕐᑐᓂᒃ, ᐃᓅᒋᐊᒃᑐᕐᔪᐊᓐᖑᖁᓪᓗᓯ.

ᒨᓯᓯ ᓯᕗᓪᓖᑦ 35:11

ᒎᑎᐅᓪᓗ ᐅᖃᐅᑎᕚ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᐅᓄᕐᑐᓂᒃ ᕿᑐᕐᖏᐅᕆᑦᓯ ᐅᓄᕐᓯᕙᓪᓕᐊᓗᓯᓗ; ᐃᓅᖃᑎᒌᒡᔪᐊᑦ ᐃᓅᖃᑎᒌᒐᓴᒡᔪᐊᓪᓗ ᐃᓕᖕᓂᑦ ᐱᔪᒫᕐᐳᑦ, ᐊᖓᔪᖅᑳᕐᔪᐊᓂᒡᓗ ᑭᖑᕚᖃᕈᒫᕐᐳᑎᑦ.

ᒨᓯᓯ ᓯᕗᓪᓖᑦ 41:52

ᐂᑉᐸᖓᓕ ᐊᑦᓯᕐᐹ ᐃᕗᕅᒥᒃ, ᐅᖃᕐᓗᓂ, “ᒎᑎᐅᑉ ᐅᓄᕐᓯᑎᒻᒪᖓ ᕿᑐᕐᖏᐅᕐᑎᑦᓱᓂᖓᓗ ᐃᓱᐊᖏᑦᑐᕐᓯᐅᕐᕕᓐᓂ.”

ᒨᓯᓯ ᓯᕗᓪᓖᑦ 47:27

ᑕᕝᕙ ᐃᓴᕆᐊᓕ ᓄᓇᖃᓚᐅᕐᐳᖅ ᐄᑦᔨᑉᑎᐅᑉ ᓄᓇᖓᓂ, ᓄᓇᒥ ᒎᓯᓂᒥ; ᑖᓐᓇᓗ ᓄᓇᒋᔭᖓᑦ ᐊᖏᒡᓕᕙᓪᓕᐊᓚᐅᕐᐳᖅ, ᐊᔪᕐᓴᖏᑦᑐᕐᔪᐊᖑᓕᕐᓗᑎᒃ ᐃᓄᒋᐊᒃᓯᕙᓪᓕᐊᓪᓗᑎᒡᓗ ᓱᒃᑲᔪᒥᒃ.

ᒨᓯᓯ ᓯᕗᓪᓖᑦ 48:3

ᔧᑰᓪᓗ ᔫᓯᐱ ᐅᖃᐅᑎᕚ, “ᒎᑎ ᐊᔪᒐᖃᖏᑦᑐᖅ ᐅᕙᓐᓄᑦ ᓴᖅᑭᓚᐅᕐᒪᑦ ᓄᓇᒥ ᓚᔾᒥ ᑬᓇᓂᐅᑉ ᓄᓇᖓᓂ ᓮᒻᒪᕐᑎᓚᐅᕐᐹᖓᓗ,

ᒨᓯᓯ ᓯᕗᓪᓖᑦ 48:4

ᐅᖃᐅᑎᓪᓗᖓᓗ, ‘ᑕᑯᒋᑦ, ᑭᖑᕚᒃᓴᖃᕐᑎᓐᓂᐊᕐᐸᒋᑦ ᐃᓄᒋᐊᒃᓯᕙᓪᓕᐊᑎᓪᓗᑎᓪᓗ, ᐃᓄᒐᓴᒃᔪᐊᓐᖑᕐᑎᑦᓱᒫᕐᐸᒃᑲ, ᓄᓇᓗ ᑕᒪᓐᓇ ᐃᓕᖕᓄᑦ ᓄᓇᑖᕆᔭᐅᑎᓐᓂᐊᕐᐸᕋ ᑭᖑᓂᕐᓂᓗ ᑭᖑᕚᕐᓄᑦ ᓄᓇᒋᔭᐅᔪᒫᕐᐳᖅ ᐃᓱᖃᖏᑦᑐᒧᑦ.’

ᐄᓱᕋᐅᑉ ᐊᒡᓚᖏᑦ 4:20

ᐊᔪᖏᑦᑐᒻᒪᕆᐊᓗᐃᑦ ᔨᕉᓴᓕᒥ ᐊᖓᔪᖅᑳᕐᔪᐊᖑᖃᑦᑕᕐᓯᒪᖕᒪᑕ, ᐊᐅᓚᑦᓯᕙᓚᐅᕐᒪᑕᓗ ᓄᓇᓕᖕᓂ ᐊᕕᒃᑐᕐᓯᒪᔪᓂᒃ ᑖᕙᓂ ᑰᑉ ᐅᖓᑖᓂᒥᐅᓂᒃ, ᑖᒃᓰᔭᕐᓂᒃᑯᑦ ᑮᓇᐅᔭᓕᐅᕐᑐᓂᒃ.

ᒨᓯᓯ ᐱᖓᔪᖏᑦ 26:9

ᓮᒻᒪᕐᑎᑦᓱᒪᕙᑦᓯ, ᑭᖑᕚᒃᓴᓕᐅᕐᓂᐊᕐᐳᓯᓗ ᐅᓄᕐᑐᓂᒃ, ᐅᓄᕐᓯᕙᓪᓕᐊᓂᐊᕐᐳᓯᓗ, ᐊᖏᕈᑎᒋᓯᒪᔭᒃᑲᓗ ᐃᓕᑦᓯᓐᓄᑦ ᑲᔪᓯᑎᓐᓂᐊᕐᐸᒃᑲ.