ᒨᓯᓯ ᓯᕗᓪᓖᑦ 17:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᓮᒻᒪᕐᑎᓐᓂᐊᕐᐸᕋ, ᓱᓕᓗ ᑖᑦᓱᒨᓇ ᐃᕐᓂᕐᑖᕐᑎᑦᓱᒫᕐᐸᒋᑦ; ᓮᒻᒪᕐᑎᓐᓂᐊᕋᒃᑯ, ᐃᓅᖃᑎᒌᒡᔪᐊᓄᓪᓗ ᐊᓈᓇᒋᔭᐅᔪᒫᕐᐳᖅ; ᐃᓄᐃᓪᓗ ᐊᖓᔪᖅᑳᕐᔪᐊᖏᑦ ᑖᑦᓱᒪᓐᖓᑦ ᐱᔪᒫᕐᐳᑦ.

ᒨᓯᓯ ᓯᕗᓪᓖᑦ 17:16 Iomraidhean Croise

ᒨᓯᓯ ᓯᕗᓪᓖᑦ 1:28

ᒎᑎᐅᓪᓗ ᑖᒃᑯᐊᒃ ᓮᒻᒪᕐᑎᑉᐹᒃ, ᐅᖃᐅᑎᓪᓗᒋᒡᓗ, “ᕿᑐᕐᖏᐅᕆᑦᓯᒃ ᐅᓄᕐᑐᕐᔪᐊᓂᒃ ᓄᓇᕐᔪᐊᖅ ᑕᑕᓪᓗᒍ ᐊᐅᓚᓕᕐᓗᒍᓗ; ᐊᖓᔪᖅᑲᐅᕕᒋᓕᕐᓗᒋᑦ ᐃᖃᓗᐃᑦ ᐃᒫᓃᑦᑐᑦ ᑎᖕᒥᐊᓪᓗ ᖃᖓᑕᕙᒃᑐᑦ ᐆᒪᔪᓕᒫᓪᓗ ᓄᓇᒥ ᐊᐅᓚᕙᒃᑐᑦ.”

ᒨᓯᓯ ᓯᕗᓪᓖᑦ 12:2

ᐃᓅᖃᑎᒌᒡᔪᐊᓐᖑᕐᑎᑦᓱᒫᕋᒃᑭᑦ, ᓮᒻᒪᕐᑎᓪᓗᑎᓪᓗ, ᐊᑏᓪᓗ ᐅᐱᒋᔭᐅᑦᓯᐊᕐᑎᓪᓗᒍ, ᓮᒻᒪᕐᑎᑦᓯᑦᔪᑎᒃᓴᐅᖁᓪᓗᑎᑦ.

ᒨᓯᓯ ᓯᕗᓪᓖᑦ 15:4

ᑕᑯᒋᓪᓗ, ᐊᑕᓂᖅ ᐅᖃᓕᕆᕗᖅ ᑖᑦᓱᒧᖓ, “ᑖᓐᓇ ᐊᖑᑦ ᑭᖑᕐᖑᑦᔨᔨᒃᓴᕆᓂᐊᓐᖏᓚᑦ; ᓇᖕᒥᓂᕐᓕ ᐃᕐᓂᕐᓂᒃ ᑭᖑᕐᖑᑦᔨᔨᒃᓴᖃᕐᓂᐊᕐᐳᑎᑦ.”

ᒨᓯᓯ ᓯᕗᓪᓖᑦ 17:15

ᒎᑎᓗ ᐂᑉᕋᕼᐋᒧᑦ ᐅᖃᕐᐳᖅ, ᓄᓕᐊᑦ ᓴᕅ ᐊᑎᖃᕐᓂᐊᕈᓐᓃᕐᐳᖅ ᓴᕅᒥᒃ, ᐊᑎᖃᕐᓂᐊᓕᕐᐳᕐᓕ ᓵᕋᒥᒃ.

ᒨᓯᓯ ᓯᕗᓪᓖᑦ 17:19

ᒎᑎᐅᑉ ᑭᐅᕚ, “ᑍᒫᖑᓐᖏᓚᖅ, ᓄᓕᐊᕕᑦ ᓵᕋᐅᑉ ᐃᕐᓂᕐᑖᕐᑎᑦᓱᒫᕐᐹᑎᑦ, ᐊᑎᖃᕐᑎᑦᓱᒫᕐᐸᓪᓗ ᐂᓴᑭᒥᒃ, ᐊᖏᖃᑎᒌᒃᓯᒪᓂᕋ ᑲᔪᓯᑎᓐᓂᐊᕋᒃᑯ ᑖᑦᓱᒨᓇ ᑭᖑᕚᒃᓴᖏᓐᓄᑦ ᐊᖏᖃᑎᒌᒍᑎᓕᐊᕋ ᑕᒪᓐᓇ ᐃᓱᖃᖏᑦᑑᖕᒪᑦ ᑭᖑᕚᖏᓐᓄᓪᓗ ᑐᕌᖓᔪᒫᕆᕗᖅ ᑭᖑᓂᖓᓂ.

ᒨᓯᓯ ᓯᕗᓪᓖᑦ 17:6

ᑭᖑᕚᒃᓴᖃᕐᑎᓐᓂᐊᕐᐸᒋᑦ ᐅᓄᕐᑐᕐᔪᐊᓂᒃ, ᐃᓅᖃᑎᒌᒡᔪᐊᓐᖑᕐᑎᑦᓱᒫᕐᐸᑦᓯ, ᐊᖓᔪᖅᑳᕐᔪᐊᓪᓗ ᐃᓕᖕᓂᑦ ᐱᔪᒫᕐᐳᑦ.

ᒨᓯᓯ ᓯᕗᓪᓖᑦ 21:1

ᐊᑕᓂᖅ ᓵᕋᒧᑦ ᐳᓛᕆᐊᓚᐅᕐᐳᖅ ᐅᖃᕐᓯᒪᓂᓂ ᒪᓕᒡᓗᒍ, ᐊᑕᓂᕐᓗ ᓵᕋᒧᑦ ᐱᓇᓱᐊᓚᐅᕐᐳᖅ ᐊᖏᕐᓯᒪᓂᓂ ᒪᓕᒡᓗᒍ.

ᒨᓯᓯ ᓯᕗᓪᓖᑦ 24:60

ᑖᒃᑯᐊᓗ ᕇᐱᑲ ᓮᒻᒪᕐᑎᑉᐹᑦ ᐃᒫᒃ ᐅᖃᕐᓗᑎᒃ, “ᓇᔭᒃᐳᑦ, ᐅᓄᕐᑐᕐᔪᐊᓄᑦ ᐊᓈᓇᐅᓕᕆᑦ ᓈᓴᒐᒃᓴᐅᖏᑦᑐᓄᑦ; ᑭᖑᕚᒃᓴᑎᓪᓗ ᐱᖃᕈᒫᕐᓕᑦ ᐊᑭᕋᕐᑐᕐᑎᖏᑕ ᐃᑎᕐᑕᕐᕕᖏᓐᓂᒃ!”

ᒨᓯᓯ ᓯᕗᓪᓖᑦ 25:23

ᐊᑕᓂᐅᓪᓗ ᐅᖃᐅᑎᕚ, “ᐃᓅᖃᑎᒌᒡᔪᐊᓂᒃ ᒪᕐᕈᐃᓂᒃ ᐃᓗᒥᐅᑕᖃᕐᐳᑎᑦ ᐃᒡᓕᐊᕐᓂ, ᐃᓅᒃ ᒪᕐᕉᒃ, ᐃᕐᓂᐊᕆᒍᕕᒋᒃ, ᐃᓅᖃᑎᒌᒍᓐᓇᕈᒫᓐᖏᓚᒃ; ᐂᑉᐸᖓ ᓴᓐᖏᓂᕐᓴᐅᔪᒫᕐᐳᖅ ᐂᑉᐸᕐᒥᓂᑦ, ᐊᖓᔪᒃᓯᕐᓗ ᐱᔨᑦᓯᕈᒫᕐᐳᖅ ᓄᑲᕐᒥᓂᒃ.”

ᒨᓯᓯ ᓯᕗᓪᓖᑦ 35:11

ᒎᑎᐅᓪᓗ ᐅᖃᐅᑎᕚ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᐅᓄᕐᑐᓂᒃ ᕿᑐᕐᖏᐅᕆᑦᓯ ᐅᓄᕐᓯᕙᓪᓕᐊᓗᓯᓗ; ᐃᓅᖃᑎᒌᒡᔪᐊᑦ ᐃᓅᖃᑎᒌᒐᓴᒡᔪᐊᓪᓗ ᐃᓕᖕᓂᑦ ᐱᔪᒫᕐᐳᑦ, ᐊᖓᔪᖅᑳᕐᔪᐊᓂᒡᓗ ᑭᖑᕚᖃᕈᒫᕐᐳᑎᑦ.

ᒨᓯᓯ ᓯᕗᓪᓖᑦ 36:31

ᐅᑯᐊ ᑕᕝᕙ ᐊᖓᔪᖅᑳᕐᔪᐊᑦ ᓄᓇᒥ ᐄᑐᒥᒥ ᐊᖓᔪᖅᑳᕐᔪᐊᖑᓚᐅᕐᑐᑦ, ᐃᓴᕆᐊᓕᒥ ᓱᓕ ᐊᖓᔪᖅᑳᕐᔪᐊᕐᑕᖃᓚᐅᕐᑎᓐᓇᒍ:

ᐂᓮᐊᓯᐅᑉ ᐊᒡᓚᖏᑦ 49:23

ᐊᖓᔪᖅᑳᕐᔪᐊᓄᑦ ᑎᒍᐊᖑᔪᒫᕐᐳᓯ, ᐊᖓᔪᖅᑳᕐᔪᐊᓪᓗ ᓄᓕᐊᖏᓐᓂᒃ ᐰᕆᔨᑖᕐᓗᓯ, ᐹᒻᒪᒡᕕᒋᔪᒫᕐᐹᓯᓗ ᑮᓇᕐᒥᖕᓄᑦ ᒪᓂᕋᖅ ᐊᒃᑐᕐᓗᒍ, ᐃᑎᒐᑦᓯᓗ ᓴᓂᖏᓐᓂᒃ ᐊᓗᒃᑐᕐᓗᑎᒃ, ᑕᕝᕙ ᖃᐅᔨᓕᕈᒫᕐᐳᓯ ᐊᑕᓂᐅᓂᓐᓂᒃ; ᐅᕙᓐᓂᒃ ᐅᑕᖅᑭᔪᑦ ᑲᓐᖑᓱᒃᑎᑕᐅᔪᒫᓐᖏᓚᑦ.”

ᕉᒪᒥᐅᓄᑦ 9:9

ᐊᖏᕈᑎ ᐃᒫᒃ ᐅᖃᕐᓯᒪᖕᒪᑦ, “ᒫᓐᓇᑐᑦ ᑍᒤᓪᓗᐊᓕᕐᑎᓪᓗᒍ ᐅᑎᕈᒫᕐᐳᖓ ᓵᕋ ᐃᕐᓂᖃᓕᕈᒫᕐᐳᖅ.”

ᒐᓔᑎᐊᒥᐅᓄᑦ 4:23

ᐃᕐᓂᖓᓗ ᓯᐊᓛᒃᑯᑦ ᐃᕐᓂᐊᖑᓚᐅᕐᑐᖅ ᑎᒥᐅᑉ ᐱᔪᒪᔭᖓ ᒪᓕᒡᓗᒍ ᐃᕐᓂᕐᑖᕆᓚᐅᕐᐹ, ᓯᐊᓛᖑᖏᑦᑐᒃᑯᓪᓕ ᐃᕐᓂᕐᑖᖓ ᐃᕐᓂᐊᖑᓚᐅᕐᐳᖅ ᐊᖏᕐᓯᒪᓂᒃᑯᑦ.

ᐲᑦᑐᕉᓯ ᓯᕗᓪᓖᑦ 3:6

ᓵᕋ ᐂᑉᕋᕼᐋᒻᒥᒃ ᓈᓚᑦᓯᐊᓚᐅᕐᐳᖅ, ᑍᓪᓗᓂᐅᒡᓗ ᐊᑕᓂᕐᒥᓂᒃ. ᑖᑦᓱᒧᖓ ᐸᓂᒋᔭᐅᓕᕐᐳᓯ ᐱᐅᔪᒥᒃ ᐱᑦᓯᐊᕈᑦᓯ ᓱᓇᒥᒡᓘᓐᓃᑦ ᑲᑉᐱᐊᓇᕐᑐᓂᒃ ᑲᑉᐱᐊᓱᖏᓪᓗᓯ.