ᒨᓯᓯ ᓯᕗᓪᓖᑦ 17:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑭᐱᔭᐅᔪᒃᓴᐅᕗᓯ ᐊᖑᑎᓕᒫᑦ ᐅᓕᕝᕙᖏᑦ; ᑕᒪᓐᓇᓗ ᓇᓗᓁᒃᑯᑕᐅᓂᐊᕐᐳᖅ ᐊᖏᖃᑎᒌᒍᑎᑦᑎᓐᓄᑦ ᐅᕙᓐᓄᑦ ᐃᓕᖕᓄᓪᓗ.

ᒨᓯᓯ ᓯᕗᓪᓖᑦ 17:11 Iomraidhean Croise

ᒨᓯᓯ ᓯᕗᓪᓖᑦ 9:12

ᒎᑎᓗ ᐅᖃᕐᐳᖅ: “ᑕᒪᓐᓇ ᓇᓗᓁᒃᑯᑕᖃᕐᑎᓐᓂᐊᕐᐸᕋ ᐊᖏᖃᑎᒌᒍᑦ ᐋᖅᑭᒃᑕᕋ ᐅᕙᓐᓄᑦ ᐃᓕᑦᓯᓐᓄᓪᓗ ᐆᒪᔪᓕᒫᓄᓪᓗ ᐃᓕᑦᓯᓐᓃᑦᑐᓄᑦ, ᓯᕗᓂᒃᓴᒥᓗ ᑭᖑᕚᕇᖑᔪᒫᕐᑐᓄᑦ.

ᓴᒧᐃᓕ ᐂᑉᐸᖏᑦ 3:14

ᑕᕝᕙ ᑍᕕᑎ ᐅᖃᕆᐊᕐᑐᕐᑎᑦᓯᕗᖅ ᐃᔅᐳᓯᑦᒧᑦ ᓴᐅᓕᐅᑉ ᐃᕐᓂᖓᓄᑦ ᐃᒫᒃ ᐅᖃᖁᓪᓗᒋᑦ, “ᓄᓕᐊᕋ ᒤᑲᐅᓪ ᐅᕙᓐᓄᐊᕐᑎᓚᐅᕈᒃ, ᐊᑭᓖᓚᐅᕐᓯᒪᒐᒪ 100ᓂᒃ ᐱᓕᔅᑍᓂᒥᐅᑦ ᐅᓱᖏᑕ ᐅᓕᕝᕙᖏᓐᓂᒃ ᑲᑎᑎᑕᐅᔪᓐᓇᕐᓯᖁᓪᓗᓄᒃ.”

ᒨᓯᓯ ᐂᑉᐸᖏᑦ 12:48

ᐃᓚᒋᓐᖏᑕᓯᓐᓂᒡᓕ ᐃᒡᓗᒥᐅᑕᖃᕈᑦᓯ ᖄᖏᕐᑕᐅᕕᒃᓯᐅᑎᒥᒡᓗ ᐊᑕᓂᕐᒧᑦ ᓂᕆᖃᑕᐅᔪᒪᒃᐸᑦ, ᑖᒃᑯᐊ ᐊᖑᑎᑦ ᑭᐱᔭᐅᖅᑳᕐᑐᒃᓴᐅᕗᑦ, ᑕᕝᕙ ᑭᖑᓂᖓᒍᑦ ᐱᖃᑕᐅᔪᓐᓇᕐᓯᒐᔭᕐᐳᖅ; ᐃᓚᒋᔭᐅᓪᓚᕆᒃᑐᑎᑐᓪᓗ ᑍᒤᓕᕋᔭᕐᐳᖅ. ᑭᓯᐊᓂᓕ ᑭᐱᔭᐅᓯᒪᖏᑦᑐᒥᒃ ᑕᕝᕙᓐᖓᑦ ᓂᕆᖃᑕᐅᔪᖃᕐᑐᒃᓴᐅᓐᖏᓚᖅ.

ᒨᓯᓯ ᐂᑉᐸᖏᑦ 4:25

ᑕᕝᕙ ᓯᐴᕋ ᓴᕕᖕᒥᒃ ᐃᐱᒃᑐᒥᒃ ᑎᒍᓯᕗᖅ, ᐃᕐᓂᕐᒥᓗ ᐅᓱᐊᑕ ᓄᕗᐊ ᑭᐱᕚ, ᑭᐱᓂᑯᐊᓗ ᒨᓯᓯᐅᑉ ᐃᑎᒐᖏᓐᓄᑦ ᐊᒃᑐᕐᑎᓪᓗᒍ, ᐅᖃᕐᐳᖅ, “ᖁᓚᕐᓇᖏᑦᑐᒥᒃ ᐊᐅᖃᕐᓗᑎᑦ ᐅᐃᒋᕙᒋᑦ!”

ᐋᐴᓯᑕᓖᑦ ᐱᓂᐊᕐᓂᖏᑦ 7:8

ᒎᑎᐅᑉ ᐊᖏᕈᑎᓂ ᓇᓗᓁᒃᑯᑦᓯᓚᐅᕐᐹ ᑭᐱᔭᐅᓂᕐᒥᒃ. ᑍᒤᒻᒪᑦ ᐂᑉᕋᕼᐋᑉ ᐂᓴᑭ ᐃᕐᓂᕐᑖᕆᒐᒥᐅᒃ, ᐅᓪᓗᐃ ᓯᑕᒪᐅᔪᕐᑐᖓᓐᓂ ᑭᐱᕚ; ᐂᓴᑭᐅᓪᓗ ᔧᑯ ᐃᕐᓂᕐᑖᕆᒐᒥᐅᒃ ᑭᐱᒋᕚ, ᔧᑰᓪᓗ ᐃᕐᓂᓂ ᓯᕗᓕᕆᔭᕗᑦ 12 ᑭᐱᓚᐅᕆᕔᑦ.

ᕉᒪᒥᐅᓄᑦ 4:11

ᑭᐱᔭᐅᓂᖓᓕ ᓇᓗᓁᒃᑯᑕᐅᓚᐅᕐᐳᖅ ᓇᓗᓁᕐᓯᑦᔪᑕᐅᓪᓗᓂᓗ ᐃᓗᐊᕐᑑᓂᕋᕐᑕᐅᖕᒪᑦ ᐅᒃᐱᕐᓂᖅ ᐱᑦᔪᑎᒋᓪᓗᒍ, ᑭᐱᔭᐅᓚᐅᕋᓂ ᓱᓕ ᐱᓚᐅᕐᑕᒥᓄᑦ ᑕᒤᓐᓄᑦ ᐅᒃᐱᕐᑐᓄᑦ ᐊᑖᑕᒋᔭᐅᖁᓪᓗᒍ ᑭᐱᔭᐅᓯᒪᖏᑦᑑᒐᓗᐊᓄᑦ ᐃᓗᐊᕐᑑᓂᕋᕐᑕᐅᓂᕐᒥᒃ ᐱᖃᑕᐅᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 10:16

ᑍᒤᒻᒪᑦ, ᒫᓐᓇᒥᑦ ᐱᒋᐊᕐᓗᓯ ᐊᑕᓂᕐᒥᒃ ᓈᓚᑦᓯᐊᕐᑐᒃᓴᐅᕗᓯ ᑐᓵᓐᖏᓴᕐᑐᒃᓴᐅᓇᓯᓗ.

ᔮᓱᐊᑉ ᐊᒡᓚᖏᑦ 5:3

ᑕᕝᕙ ᔮᓱᐊ ᐊᖕᒫᓂᒃ ᓴᕕᓕᐅᓚᐅᕐᓗᓂ, ᐃᓴᕆᐊᓕᒥᐅᑦ ᑭᐱᕔᑦ ᓄᓇᒥ ᑍᔭᐅᔪᒥ ᒋᐱᑦ-ᕼᐊᕋᓗᑎᒥᒃ ᖃᖅᑲᒥ.