ᒨᓯᓯ ᓯᕗᓪᓖᑦ 16:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐂᑉᕋᐅᓪᓗ ᑭᐅᕚ, “ᐄᓛᒃ, ᑖᓐᓇ ᐃᕝᕕᑦ ᐱᔨᒋᒐᕕᐅᒃ ᓇᖕᒥᓂᕐᓗ ᐱᔪᓐᓇᕐᓂᖃᕐᕕᒋᓪᓗᒍ; ᐃᓱᒪᒋᔭᕐᓂᒃ ᐱᓂᐊᕐᕕᒋᓕᕈᒃ.” ᑕᕝᕙ ᓴᕅᑉ ᐂᒡᒐ ᓂᑲᒋᖃᑦᑕᕈᓐᓃᕐᒪᒍ, ᐂᒡᒐ ᕿᒫᓕᓚᐅᕐᐳᖅ ᑖᑦᓱᒪᓐᖓᑦ.

ᒨᓯᓯ ᓯᕗᓪᓖᑦ 16:6 Iomraidhean Croise

ᒨᓯᓯ ᓯᕗᓪᓖᑦ 16:9

ᐊᑕᓂᐅᑉ ᐂᖏᓕᖓᑕ ᐅᖃᐅᑎᕚ, “ᐊᖓᔪᖅᑳᕐᓄᑦ ᐅᑎᓚᐅᕆᑦ ᐃᓕᖕᓂᒡᓗ ᑐᓂᓗᑎᑦ ᑖᑦᓱᒧᖓ.”

ᒨᓯᓯ ᓯᕗᓪᓖᑦ 24:10

ᑕᕝᕙ ᐱᔨᐅᑉ, ᐊᖓᔪᖅᑳᖓᑕ ᑳᒥᓕᖁᑎᖏᓐᓂᒃ 10ᓂᒃ ᓇᒃᓴᕐᓗᓂ ᐊᐅᓪᓚᕐᐳᖅ, ᐱᐅᓂᕐᐹᓂᒡᓗ ᓇᒃᓴᕐᓗᓂ ᑐᓂᕐᕈᑎᒃᓴᓂᒃ ᐊᖓᔪᖅᑳᖓᑕ ᐱᖏᓐᓂᒃ; ᐊᐅᓪᓚᕋᒥ ᒥᓱᐳᑍᒥᐊᒧᐊᕐᐳᖅ, ᓇᕼᐅᕆᐅᑉ ᐃᒡᓗᒐᓴᖏᓐᓄᑦ.

ᔫᐱᐅᑉ ᐊᒡᓚᖏᑦ 2:6

ᐊᑕᓂᕐᓕ ᐅᖃᕐᐳᖅ ᓵᑖᓇᓯᒧᑦ, “ᑕᑯᒋᑦ, ᐱᔪᓐᓇᕐᓂᕐᓄᑦ ᑐᓂᕙᕋ; ᑭᓯᐊᓂᓕ ᑐᖁᑦᑍᓕᒍᒃ.”

ᒨᓯᓯ ᐂᑉᐸᖏᑦ 2:15

ᐊᖓᔪᖅᑳᕐᔪᐊᖅ ᖃᐅᔨᓕᕋᒥ ᖃᓄᐃᑦᑐᖃᕐᓂᕕᓂᖓᓂᒃ, ᒨᓯᓯ ᑐᖁᑕᐅᑎᒐᓱᒃᑲᓗᐊᕐᐹ, ᒨᓯᓯᓕ ᕿᒫᕗᖅ ᓄᓇᑖᕐᓗᓂᓗ ᒥᑎᐊᓂᐅᑉ ᓄᓇᖓᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:29

ᓂᓐᖓᒃᓴᕅᖏᑦᑐᖅ ᐊᖏᔪᒥᒃ ᑐᑭᓯᐅᒪᓂᕐᒥᒃ ᐱᓯᒪᕗᖅ, ᓂᓐᖓᒃᓴᕅᑦᑐᕐᓕ ᓯᓔᓐᓂᕐᒥᒃ ᐊᖏᒡᓕᑎᕆᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:1

ᓂᑲᒍᓱᒡᓗᓂ ᐅᖃᐅᑦᔨᔪᖅ ᓂᓐᖓᐅᒪᓂᕐᒥᒃ ᓮᒻᒪᕐᑎᑦᓯᕗᖅ, ᐊᑦᑕᕈᓱᒐᓂᓕ ᐅᖃᐅᑦᔨᔪᖅ ᓂᓐᖓᖕᓂᕐᒥᒃ ᓄᐃᑎᑦᓯᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:8

ᓲᕐᓗ ᑎᖕᒥᐊᖅ ᐃᕙᕕᖕᒥᓂᑦ ᕿᒤᒃᐸᑦ ᑍᒫᒃᑕᐅᖅ ᐃᓄᒃ ᕿᒤᒋᕗᖅ ᐃᓂᒋᔭᒥᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:19

ᐱᔨ ᐋᖅᑭᒋᐊᕐᑕᐅᔪᓐᓇᓐᖏᓚᖅ ᐅᖃᐅᓯᑐᐃᓐᓇᒃᑯᑦ; ᑐᑭᓯᒐᓗᐊᕈᓂ, ᐱᖁᔭᐅᓂᕐᒥᓂᒃ ᒪᓕᓐᖏᓚᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 10:4

ᐊᖓᔪᖅᑳᒥᑦ ᓂᓐᖓᒡᕕᐅᒍᕕᑦ, ᐃᓂᖕᓂᑦ ᓅᓐᓂᐊᕐᓇᒃ, ᓮᓕᓐᓂᐅᑉ ᑕᒻᒪᕈᑎᒃᓮᑦ ᐊᖏᔪᑦ ᓄᖅᑲᕐᑎᑦᓱᓐᓇᕐᒪᒋᑦ.

ᔨᕆᒤᐊᐅᑉ ᐊᒡᓚᖏᑦ 38:5

ᐊᖓᔪᖅᑳᕐᔪᐊᑉ ᔨᑎᑬᐊᐅᑉ ᐅᖃᐅᑎᕔᑦ, “ᐃᓱᒪᕐᓲᑎᒋᕙᓯ, ᐱᓂᐊᕐᓂᕆᔪᒪᔭᑦᓯᓐᓂᒃ ᐊᑭᕋᕐᑐᕈᓐᓇᓐᖏᓚᖓ.”

ᔮᓱᐊᑉ ᐊᒡᓚᖏᑦ 9:25

ᒫᓐᓇᓕ, ᐃᓕᑦᓯᓐᓄᑦ ᐃᓱᒪᕐᓲᑕᐅᕗᒍᑦ; ᐱᓂᐊᕐᕕᒋᓕᕐᑎᒍᑦ ᐅᕙᑦᑎᓐᓄᑦ ᐃᓱᐊᕐᑑᓇᓱᒋᔭᓯ ᒪᓕᒡᓗᒍ.”

ᐲᑦᑐᕉᓯ ᓯᕗᓪᓖᑦ 3:7

ᑍᒫᑦᓮᓐᓇᕐᑕᐅᖅ ᐅᐃᖑᔪᓯ, ᓄᓕᐊᓯ ᐃᓅᖃᑎᒋᑦᓯᐊᒐᒃᓴᕆᕙᓯ, ᐅᐱᒋᑦᓯᐊᕐᓗᒋᓪᓗ ᑎᒥᒥᒃᑎᒍᑦ ᓴᓐᖐᓐᓂᕐᓴᐅᖕᒪᑕ, ᑖᒃᑯᐊᑦᑕᐅᖅ ᐱᑎᑕᐅᖃᑎᒋᔪᒫᕋᑦᓯᐅᒃ ᒎᑎᐅᑉ ᐱᔪᓐᓇᕐᓯᑎᑦᓯᓂᖓᓂᒃ ᐃᓅᓯᕐᒥᒃ, ᑍᒤᓕᐅᕐᑐᒃᓴᐅᕗᓯ ᑐᒃᓯᐊᖃᑦᑕᕐᓂᓯ ᐊᒡᕕᐊᕐᑕᐅᖁᓇᒋᑦ.