ᒨᓯᓯ ᓯᕗᓪᓖᑦ 16:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑍᒤᒻᒪᑦ ᐅᐃᓂ ᐂᑉᕋᒻ ᐅᖃᐅᑎᕚ, “ᑕᑯᓕᕆᑦ, ᐊᑕᓂᐅᑉ ᕿᑐᕐᖓᕐᑖᕈᓐᓇᕐᑎᖏᒻᒪᖓ; ᐱᔨᒐᑐᕐᖑᓇ ᐱᖃᑎᒋᓚᐅᕈᒃ ᐃᒻᒪᖄᓕ ᕿᑐᕐᖓᕐᑖᕈᓐᓇᕐᐳᖅ ᕿᑐᕐᖓᒃᓴᓐᓂᒃ.” ᐂᑉᕋᐅᓪᓗ ᓴᕅᑉ ᐅᖃᐅᓯᖏᑦ ᓈᓚᓚᐅᕐᐰᑦ.

ᒨᓯᓯ ᓯᕗᓪᓖᑦ 16:2 Iomraidhean Croise

ᒨᓯᓯ ᓯᕗᓪᓖᑦ 11:30

ᓴᕅᓕ ᕿᑐᕐᖏᓱᐃᑦᑑᒐᒥ; ᕿᑐᕐᖓᖃᓚᐅᓐᖏᓚᖅ.

ᒨᓯᓯ ᓯᕗᓪᓖᑦ 17:16

ᓮᒻᒪᕐᑎᓐᓂᐊᕐᐸᕋ, ᓱᓕᓗ ᑖᑦᓱᒨᓇ ᐃᕐᓂᕐᑖᕐᑎᑦᓱᒫᕐᐸᒋᑦ; ᓮᒻᒪᕐᑎᓐᓂᐊᕋᒃᑯ, ᐃᓅᖃᑎᒌᒡᔪᐊᓄᓪᓗ ᐊᓈᓇᒋᔭᐅᔪᒫᕐᐳᖅ; ᐃᓄᐃᓪᓗ ᐊᖓᔪᖅᑳᕐᔪᐊᖏᑦ ᑖᑦᓱᒪᓐᖓᑦ ᐱᔪᒫᕐᐳᑦ.

ᒨᓯᓯ ᓯᕗᓪᓖᑦ 18:10

ᑖᒃᑯᐊᓗ ᐃᓚᖓᑦᑕ ᐅᖃᐅᑎᕚ, “ᐱᕕᒃᓴᖅ ᓇᓪᓕᐅᑎᒃᐸᑦ ᐅᑎᓛᕆᕗᖓ, ᓄᓕᐊᓪᓗ ᓵᕋ ᐃᕐᓂᕐᑖᓛᕐᐳᖅ.” ᓵᕋᓗ ᐂᑉᕋᕼᐋᒻ ᑐᓄᐊᓂ ᑐᐱᐅᑉ ᐹᖓᑕ ᐃᓗᐊᓃᑉᐳᖅ ᑐᓵᓪᓗᓂ.

ᒨᓯᓯ ᓯᕗᓪᓖᑦ 19:31

ᐸᓂᖓᓕ ᐊᖓᔪᒃᓕᖅ ᓄᑲᕐᒥᓄᑦ ᐅᖃᕐᐳᖅ, “ᐊᑖᑕᕗᒃ ᐃᓄᑐᖃᐅᓕᕐᒪᑦ, ᐊᖑᑎᑕᖃᕋᓂᓗ ᓄᓇᒥ ᐅᕙᑦᑎᓐᓂᒃ ᓄᓕᐊᕈᓐᓇᕐᑐᒥᒃ ᓄᓇᕐᔪᐊᕐᒥᐅᑦ ᐱᐅᓯᖏᑦ ᒪᓕᒡᓗᒋᑦ.

ᒨᓯᓯ ᓯᕗᓪᓖᑦ 20:18

ᐊᑕᓂᐅᑉ ᕿᑐᕐᖓᕐᑖᕈᓐᓁᓪᓕᑎᓚᐅᕐᒪᒋᑦ ᐊᐱᒥᓕᑭᐅᑉ ᐃᒡᓗᒥᐅᖃᑎᖏᑦ ᓵᕋ ᐱᓪᓗᒍ, ᐂᑉᕋᕼᐋᒻ ᓄᓕᐊᖓ.

ᒨᓯᓯ ᓯᕗᓪᓖᑦ 25:21

ᐂᓴᑭᓗ ᑐᒃᓯᐊᓚᐅᕐᐳᖅ ᐊᑕᓂᕐᒧᑦ, ᓄᓕᐊᖓ ᕿᑐᕐᖏᓱᐃᑦᑑᖕᒪᑦ; ᑐᒃᓯᐊᕐᓂᖓᓗ ᐊᑕᓂᐅᑉ ᑐᓴᕐᐹ, ᓄᓕᐊᖓᓗ ᕇᐱᑲ ᓄᑕᕋᒃᓴᖃᓕᕐᐳᖅ.

ᒨᓯᓯ ᓯᕗᓪᓖᑦ 3:12

ᐊᖑᓪᓗ ᐅᖃᕐᐳᖅ, “ᐊᕐᓇᐅᑉ ᐂᑉᐸᕐᑖᕆᑎᓚᐅᕐᑕᕕᑦ ᐂᑦᑐᕐᒪᖓ ᓇᐹᕐᑑᑉ ᐸᐅᕐᖓᖓᓂᒃ, ᓂᕆᓚᐅᕐᐳᖓ.”

ᒨᓯᓯ ᓯᕗᓪᓖᑦ 3:17

ᐊᖑᒻᒧᓪᓗ ᐅᖃᕆᕗᖅ, “ᓄᓕᐊᕐᓂᒃ ᓈᓚᓚᐅᕋᕕᑦ, ᓇᐹᕐᑐᒥᓪᓗ ᓂᕆᓪᓗᑎᑦ ᐃᓂᕐᑎᕈᑎᒋᓚᐅᕐᑕᓐᓂᒃ ᐃᒫᒃ, ‘ᑖᓐᓇ ᓂᕆᕕᒋᑦᑍᓕᓯᐅᒃ,’ ᓄᓇᑦᑕᐅᖅ ᓇᕐᕈᓇᕐᓯᑎᑕᐅᓂᐊᓕᕐᐳᖅ ᐱᑦᔪᑎᒋᓪᓗᑎᑦ; ᐊᒃᓱᕈᕐᓗᑎᑦ ᓂᕿᒃᓴᕐᓯᐅᕐᐸᖕᓂᐊᓕᕐᐳᑎᑦ ᓄᓇᒥ ᐃᓅᓯᓕᒫᕐᓂ.

ᒨᓯᓯ ᓯᕗᓪᓖᑦ 30:22

ᒎᑎᐅᓪᓗ ᕅᒋᓕ ᐃᖅᑲᐅᒪᒐᒥᐅᒃ; ᑐᒃᓯᐊᕐᓂᖓ ᑭᐅᓪᓗᒍ ᕿᑐᕐᖓᕐᑖᕈᓐᓇᕐᓯᑎᑉᐹ.

ᒨᓯᓯ ᓯᕗᓪᓖᑦ 30:6

ᕅᒋᓕᓗ ᐅᖃᕐᐳᖅ, “ᒎᑎᐅᑉ ᓈᒻᒪᒋᔭᓐᓂᒃ ᐱᓂᐊᕐᕕᒋᕚᖓ; ᑐᒃᓯᐊᕐᓂᓐᓂᒡᓗ ᑐᓴᕐᓯᒪᕚᖓ ᐃᕐᓂᕐᑖᕐᑎᓪᓗᓂᖓᓗ”; ᑍᒤᒻᒪᑦ ᐊᑦᓯᕐᐹ ᑖᓐᒥᒃ.

ᐃᓐᖏᕈᑎᑦ 127:3

ᑕᑯᒋᑦ, ᓄᑕᖅᑲᑦ ᐊᑕᓂᕐᒥᑦ ᑐᓂᕐᕈᓯᐊᖑᕗᑦ, ᐃᒡᓕᐊᓪᓗ ᐱᕈᕐᑎᑕᖓ ᑖᑦᓱᒪᓐᖓᑦ ᓮᒻᒪᕐᑎᑕᐅᑦᔪᑕᐅᕗᖅ.

ᒨᓯᓯ ᐂᑉᐸᖏᑦ 21:4

ᐊᖓᔪᖅᑳᖓᑕᓕ ᓄᓕᐊᓂᒃᑎᓯᒪᒃᐸᒍ ᓯᐊᓛᕆᓕᕐᓗᓂᐅᒃ ᑖᑦᓱᒨᓇᓗ ᕿᑐᕐᖓᕐᑖᕐᓯᒪᒃᐸᑦ ᐊᖑᒻᒥᒃ ᐊᕐᓇᒥᒡᓘᓐᓃᑦ, ᑕᕝᕙ ᑖᓐᓇ ᓄᓕᐊᖓ ᕿᑐᕐᖓᖏᓪᓗ ᐊᖓᔪᖅᑳᖓᑕ ᐱᒋᒐᔭᕐᐰᑦ, ᓯᐊᓛᖑᔪᖅ ᐊᐅᓪᓚᓕᕈᓂ ᑖᒃᑯᐊᓕᒫᑦ ᕿᒪᒡᓗᒋᑦ ᐊᐅᓪᓚᕐᑐᒃᓴᐅᕗᖅ.

ᕉᑎᐅᑉ ᐅᓂᒃᑲᐅᓯᓂᖓ 4:11

ᑖᒃᑯᐊ ᐊᖓᔪᖅᑳᑦ ᐊᓯᖏᓪᓗ ᐅᖃᕐᐳᑦ, “ᐃᓛᒃ ᑕᒪᑐᒥᖓ ᖃᐅᔨᓯᒪᓂᐊᕐᐳᒍᑦ, ᑐᒃᓯᐊᕐᐳᒍᓪᓗ ᐊᑕᓂᕐᒧᑦ ᑖᓐᓇ ᓄᓕᐊᑖᕆᓂᐊᕐᑍᑦ ᓲᕐᓗ ᕅᒋᓕᑐᑦ ᓕᐊᑐᓪᓗ ᐱᖁᓪᓗᒍ, ᑖᒃᑯᐊᒃ ᕿᑐᕐᖏᐅᓚᐅᕐᒪᑎᒃ ᔧᑯᒃᑯᑦ; ᐊᔪᕐᓴᖏᑦᓯᐊᖁᕙᑦᑎᒋᑦ ᐃᐸᕋᑕᐅᑉ ᑭᖑᕚᕇᖑᖃᑎᒌᖏᓐᓂ ᐃᖅᑲᐅᒪᔭᐅᑦᓯᐊᖁᓪᓗᑎᓪᓗ ᐱᑦᓕᐊᒥ.