ᒨᓯᓯ ᓯᕗᓪᓖᑦ 15:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐂᑉᕋᒻᓗ ᐅᖃᕐᐳᖅ, “ᐊᑕᓃᖅ ᒎᑏ, ᓱᓇᒥᒃ ᑐᓂᔭᒃᓴᖃᕋᕕᑦ ᐅᕙᓐᓄᑦ, ᓱᓕ ᕿᑐᕐᖓᖃᖏᓐᓇᒪ, ᐅᕙᓐᓂᑦ ᑭᖑᕐᖑᑦᔨᔪᒃᓴᑐᐊᖑᖕᒪᑦ ᐃᓔᓯᕆ ᑕᒫᓯᑰᓯᒥᐅᑕᖅ.”

ᒨᓯᓯ ᓯᕗᓪᓖᑦ 15:2 Iomraidhean Croise

ᒨᓯᓯ ᓯᕗᓪᓖᑦ 14:15

ᑕᕝᕗᖓᓗ ᑎᑭᓐᓇᒥᒃ ᐅᓇᑕᕐᑐᒃᓴᖁᑎᓂ ᐊᕕᒃᑐᓚᐅᕐᐰᑦ ᐅᓐᓄᐊᒃᑯᑦ, ᑖᓐᓇ ᐱᔨᓂ ᐃᓚᒋᓪᓗᒍ, ᓯᕗᕐᖏᕐᐰᑦ. ᒪᓕᒡᓗᒋᓪᓗ ᓄᓇᒧᑦ ᕼᐅᐸ ᑎᑭᓪᓗᒍ, ᑕᒫᓯᑰᓯᐅᑉ ᐅᓐᓄᐊᓪᓗᐊᖓᓃᑦᑐᒧᑦ.

ᒨᓯᓯ ᓯᕗᓪᓖᑦ 15:1

ᑕᒪᑐᒪᓗ ᑭᖑᓂᖓᒎᓕᕐᑐᖅ ᐊᑕᓂᐅᑉ ᐅᖃᐅᓯᖓ ᐂᑉᕋᒻᒧᑦ ᑎᑭᑉᐳᖅ ᑕᑯᑎᑕᐅᓂᒃᑯᑦ, ᐅᖃᕐᓗᓂ, “ᑲᑉᐱᐊᓱᖕᓇᒃ ᐂᑉᕋᒻ ᓴᐴᓗᑕᕆᕙᕐᒪ; ᐊᑭᓕᕐᑕᐅᓃᑦ ᐊᖏᔪᕐᔪᐊᖑᔪᒫᕐᐳᖅ.”

ᒨᓯᓯ ᓯᕗᓪᓖᑦ 15:3

ᐂᑉᕋᒻ ᐅᖃᕐᐳᖅ, “ᑕᑯᒋᑦ ᕿᑐᕐᖓᕐᑖᑎᓚᐅᖏᓐᓇᕕᖓ; ᐱᔨᒪ ᐃᓚᖓᑦ ᐅᕙᑦᑎᓐᓂ ᐃᓅᓚᐅᕐᑐᖅ ᐱᖁᑎᓐᓂᒃ ᑭᖑᕐᖑᔨᔪᒃᓴᑑᖕᒪᑦ.”

ᒨᓯᓯ ᓯᕗᓪᓖᑦ 24:10

ᑕᕝᕙ ᐱᔨᐅᑉ, ᐊᖓᔪᖅᑳᖓᑕ ᑳᒥᓕᖁᑎᖏᓐᓂᒃ 10ᓂᒃ ᓇᒃᓴᕐᓗᓂ ᐊᐅᓪᓚᕐᐳᖅ, ᐱᐅᓂᕐᐹᓂᒡᓗ ᓇᒃᓴᕐᓗᓂ ᑐᓂᕐᕈᑎᒃᓴᓂᒃ ᐊᖓᔪᖅᑳᖓᑕ ᐱᖏᓐᓂᒃ; ᐊᐅᓪᓚᕋᒥ ᒥᓱᐳᑍᒥᐊᒧᐊᕐᐳᖅ, ᓇᕼᐅᕆᐅᑉ ᐃᒡᓗᒐᓴᖏᓐᓄᑦ.

ᒨᓯᓯ ᓯᕗᓪᓖᑦ 24:2

ᐂᑉᕋᕼᐋᒻ ᐱᔨᒥᓄᑦ ᐅᖃᕐᐳᖅ, ᐃᒡᓗᒥᓂ ᐊᖓᔪᒃᓯᕐᐹᒧᑦ, ᐱᖁᑎᓕᒫᖏᓐᓄᑦ ᑕᒤᓐᓄᑦ ᐊᖓᔪᖅᑲᐅᔪᒧᑦ, “ᐊᒡᒐᑎᑦ ᖁᒃᑐᕋᕐᒪ ᐊᑯᓐᓂᖓᓄᐊᓚᐅᒃᑭᑦ.

ᒨᓯᓯ ᓯᕗᓪᓖᑦ 25:21

ᐂᓴᑭᓗ ᑐᒃᓯᐊᓚᐅᕐᐳᖅ ᐊᑕᓂᕐᒧᑦ, ᓄᓕᐊᖓ ᕿᑐᕐᖏᓱᐃᑦᑑᖕᒪᑦ; ᑐᒃᓯᐊᕐᓂᖓᓗ ᐊᑕᓂᐅᑉ ᑐᓴᕐᐹ, ᓄᓕᐊᖓᓗ ᕇᐱᑲ ᓄᑕᕋᒃᓴᖃᓕᕐᐳᖅ.

ᒨᓯᓯ ᓯᕗᓪᓖᑦ 39:9

ᐃᒡᓗᖓᓂᓗ ᐅᕙᓐᓂᑦ ᐊᖓᔪᖅᑳᖑᓂᕐᓴᕐᑕᖃᓐᖏᓚᖅ, ᓱᓇᓕᒫᒥᓂᒡᓗ ᐃᓪᓕᕈᑎᖏᑦᓯᐊᕐᓗᓂᖓ ᐃᕝᕕᑐᐊᖅ ᐂᑦᑑᑎᒋᓯᒪᓐᖏᓛᑎᑦ, ᑖᑦᓱᒪ ᓄᓕᐊᕆᖕᒪᑎᑦ; ᖃᓄᕐᓕ ᑍᒫᒃ ᐱᐅᖏᑦᑐᐊᓗᖕᒥᒃ ᐱᓇᓱᐊᕐᕈᓐᓇᕐᐳᖓ, ᐊᔪᕐᑐᓕᓗᖓᓗ ᒎᑎᒧᑦ?”

ᒨᓯᓯ ᓯᕗᓪᓖᑦ 43:19

ᑕᕝᕙ ᔫᓯᐱᐅᑉ ᐱᔨᖓ ᒪᓕᒡᓗᒍ ᔫᓯᐱᐅᑉ ᐃᒡᓗᖓᓄᐊᓕᕐᐳᑦ, ᐃᒡᓘᓪᓗ ᐃᑎᕐᑕᕐᕕᖓᓂ ᑖᓐᓇ ᐅᖃᖃᑎᒋᓕᕐᐹᑦ,

ᒨᓯᓯ ᓯᕗᓪᓖᑦ 44:1

ᑕᕝᕙ ᑎᓕᓯᕗᖅ ᐃᒡᓗᒥᓂ ᐱᔨᒥᓂᒃ, “ᐊᖑᑏᑦ ᐃᒃᐱᐊᕐᔪᖁᑎᖏᑦ ᓂᕿᒃᓴᓂᒃ ᑕᑕᑎᕐᓯᐅᒃ, ᓇᒃᓴᕐᓯᔪᓐᓇᕐᓂᓕᒫᖏᑦ ᒪᓕᒡᓗᒋᑦ, ᐊᖑᑎᓪᓗ ᑮᓇᐅᔭᖏᑦ ᐃᒃᐱᐊᕐᔪᖁᑎᖏᑕ ᐹᖓᓄᑦ ᐴᕐᓗᒋᑦ,

ᐃᓐᖏᕈᑎᑦ 127:3

ᑕᑯᒋᑦ, ᓄᑕᖅᑲᑦ ᐊᑕᓂᕐᒥᑦ ᑐᓂᕐᕈᓯᐊᖑᕗᑦ, ᐃᒡᓕᐊᓪᓗ ᐱᕈᕐᑎᑕᖓ ᑖᑦᓱᒪᓐᖓᑦ ᓮᒻᒪᕐᑎᑕᐅᑦᔪᑕᐅᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:12

ᓂᕆᐅᖕᓂᕐᒥᒃ ᑭᖑᕙᕆᐊᕐᑎᑦᓯᓂᖅ ᐆᒻᒪᑎᒧᑦ ᖃᓂᒪᓇᕐᑐᒥᒃ ᐱᑎᑦᓯᕗᖅ, ᓂᕆᐅᒋᔭᒥᓄᓪᓕ ᑎᑭᐅᑎᓂᖅ ᓇᐹᕐᑑᕗᖅ ᐃᓅᓯᕐᑕᓕᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:2

ᐱᔨ ᐱᓇᓱᐊᕐᐸᑦ ᓯᓚᑐᓂᒃᑯᑦ ᐊᐅᓚᑦᓯᓕᕈᓐᓇᕐᐳᖅ ᐃᕐᓂᕐᒥᒃ ᑲᓐᖑᓇᕐᑐᓕᕆᔨᒥᒃ, ᕿᑐᕐᖓᕆᔭᐅᔪᑐᓪᓗ ᑭᖑᕐᖑᑦᔨᖃᑕᐅᓕᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 17:1

ᐅᖁᒤᒃᓴᐅᑎᖃᕐᓂᖅ ᑕᒫᓯᑰᓯ ᐱᓪᓗᒍ, “ᑕᑯᒋᑦ, ᑕᒫᓯᑰᓯ ᐃᒡᓗᒐᓴᒡᔪᐊᕕᓂᑐᐃᓐᓇᐅᓕᕈᒫᕐᐳᖅ, ᓯᖁᑦᑎᕐᓯᒪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 56:5

ᑖᒃᑯᓄᖓ ᑐᓂᓯᔪᒫᕐᐳᖓ ᐃᒡᓗᒪ ᐃᓗᐊᓂ, ᐃᒡᓗᒪᓗ ᐊᑭᓐᓇᖓᓂ, ᐃᖅᑲᐅᒪᑦᔭᐅᔪᑎᒃᓴᖏᓐᓂᒃ ᐊᑎᓕᐅᕐᓗᒋᓪᓗ ᐃᕐᓂᐅᔪᑦ ᐸᓂᐅᔪᓪᓗ ᐊᑎᖏᑕ ᐱᐅᖅᑭᔭᖏᓐᓂᒃ; ᐊᑦᓯᕈᒫᕐᐸᒃᑲ ᐊᑎᕐᒥᒃ ᐃᓱᖃᖏᑦᑐᒧᑦ ᐲᕐᑕᐅᓂᐊᖏᑦᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 49:23

“ᑕᒫᓯᑰᓯᒥᐅᑦ ᐱᓪᓗᒋᑦ ᕼᐊᒫᑎᒥᐅᑦ ᐋᕐᐹᑦᒥᐅᓪᓗ ᑲᒪᓂᐊᕐᐳᑦ, ᑐᓴᕈᒥᓇᖏᑦᑐᒥᒃ ᑐᓴᕐᑎᑕᐅᓯᒪᒐᒥᒃ, ᕿᑲᕈᓐᓇᕈᓐᓃᕐᐳᑦ ᐃᒪᕐᕕᐅᑉ ᒪᓕᖏᑎᑐᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:5

ᒎᑎᐅᑉ ᐂᑉᕋᕼᐋᒻ ᓄᓇᒥᒃ ᓇᖕᒥᓂᕐᑖᕐᑎᓚᐅᓐᖏᓛ ᒥᑭᔪᒥᒡᓘᓐᓃᑦ, ᒎᑎᐅᑉ ᐊᖏᕐᕕᒋᓚᐅᕐᐹ ᑕᒪᑐᒥᖓ ᓄᓇᒥᒃ ᑭᖑᕚᒃᓴᖏᓪᓗ ᓇᖕᒥᓂᖃᖁᓪᓗᒋᑦ, ᑍᑦᓱᒪᓂ ᑕᒪᑐᒥᖓ ᐊᖏᕐᕕᐅᑎᓪᓗᒍ ᐂᑉᕋᕼᐋᒻ ᕿᑐᕐᖓᖃᓚᐅᓐᖏᓚᖅ.

ᕉᑎᐅᑉ ᐅᓂᒃᑲᐅᓯᓂᖓ 2:6

ᐊᖓᔪᖅᑳᕆᔭᐅᑎᑕᖓᑕ ᑭᐅᕚ, “ᐅᓇ ᓄᓇᖃᑎᒋᓐᖏᑕᕗᑦ ᒧᐊᐱᒥᐅᑕᖅ ᓁᐅᒥᐅᑉ ᑎᑭᖃᑎᒋᓚᐅᕐᑕᖓ ᓄᓇᒥᑦ ᒧᐊᐱᒥᑦ.

ᓴᒧᐃᓕ ᓯᕗᓪᓖᑦ 1:11

ᐊᖏᒻᒪᕆᒡᓗᓂᓗ ᐅᖃᕐᐳᖅ, “ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᑕᑯᔪᓐᓇᕈᕕᐅᒃ ᐊᑲᐅᓐᖏᓕᐅᕈᑎᒋᔭᕋ, ᐃᖅᑲᐅᒪᓚᐅᓐᖓ, ᐳᐃᒍᕐᑍᓕᓗᓐᖓ, ᐃᕐᓂᕐᑖᕐᑎᓚᐅᓐᖓ, ᐊᖏᒻᒪᕆᒃᐳᖓ ᐃᓕᖕᓄᑦ ᐊᑕᓃᖅ ᐃᓅᓯᓕᒪᖓ ᑐᓂᔪᒫᕐᐸᕋ, ᓄᔭᖏᓪᓗ ᑭᑦᔭᕐᑕᐅᓚᐅᕐᓯᒪᒐᔭᓐᖏᓚᑦ.”