ᒨᓯᓯ ᓯᕗᓪᓖᑦ 15:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑭᖑᕚᑎᓪᓕ ᐃᕐᓂᕇᑦ ᓯᑕᒪᖏᑦ ᑭᓯᐊᓂ ᐊᓂᒍᕐᐸᑕ ᑕᒪᐅᖓ ᓄᓇᒧᑦ ᐅᑎᕈᒫᕆᕗᑦ, ᐊᒧᕅᑎᑦ ᐊᔪᕐᑐᓕᓂᖏᑦ ᓱᒋᐊᕐᑕᐅᓚᐅᖏᒻᒪᑕ ᓱᓕ.”

ᒨᓯᓯ ᓯᕗᓪᓖᑦ 15:16 Iomraidhean Croise

ᒨᓯᓯ ᓯᕗᓪᓖᑦ 10:16

ᑬᓇᓂ ᑭᖑᕚᖃᓚᐅᕆᕗᖅ ᔨᐳᓮᑎᓂᒃ, ᐊᒧᕅᑎᓂᒡᓗ, ᒋᕐᒐᓮᑎᓂᒡᓗ,

ᒨᓯᓯ ᓯᕗᓪᓖᑦ 15:13

ᑕᕝᕙ ᐊᑕᓂᐅᑉ ᐂᑉᕋᒻ ᐅᖃᐅᑎᕚ, “ᓱᓕᔪᒥᒃ ᖃᐅᔨᑦᓯᐊᕆᑦ ᑭᖑᕚᑎᑦ ᓂᐅᕐᕈᐊᖑᔪᒫᕐᐳᑦ ᓄᓇᒥ ᓄᓇᒋᓐᖏᑕᒥᖕᓂ; ᑕᕝᕙᓂᓗ ᓄᓇᒥ ᓯᐊᓛᕆᔭᐅᔪᒫᕐᐳᑦ, ᐅᖁᒤᒃᓴᕐᑎᑕᐅᔪᒫᕐᓗᑎᒡᓗ ᐊᕐᕌᒍᓂᒃ 400ᓂᒃ;

ᒨᓯᓯ ᓯᕗᓪᓖᑦ 48:21

ᑕᕝᕙ ᐃᓴᕆᐊᓕ ᐅᖃᕐᐳᖅ ᔫᓯᐱᒧᑦ, “ᑕᑯᒋᑦ ᑐᖁᔭᕆᐊᒃᓯᕗᖓ, ᒎᑎᐅᓪᓕ ᐃᓚᒋᓂᐊᕐᐹᑎᑦ, ᐅᑎᕐᑎᑦᓱᒫᕐᐹᑎᓪᓗ ᓯᕗᓕᕕᓂᕐᐱᑦ ᓄᓇᖓᓄᑦ.

ᒨᓯᓯ ᓯᕗᓪᓖᑦ 50:24

ᔫᓯᐱᓗ ᖃᑕᓐᖑᑎᒥᓄᑦ ᐅᖃᕐᐳᖅ, “ᑐᖁᔭᕆᐊᒃᓯᒐᒪ; ᒎᑎᐅᓪᓕ ᑎᑭᕝᕕᒋᔪᒫᕐᐹᓯ, ᑕᕝᕙᓐᖓᓪᓗ ᓄᓇᒥᑦ ᐊᐅᓪᓚᕐᑎᑦᓱᒫᕐᐹᓯ ᓄᓇᒧᑦ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ ᐊᖏᕈᑎᒋᓚᐅᕐᑕᖓᓂ ᓄᓇᑖᖁᓪᓗᓯ.”

ᐊᑕᓃᑦ ᓯᕗᓪᓖᑦ 21:26

ᓇᕐᕈᓇᕐᑐᒻᒪᕆᐊᓗᖕᒥᒃ ᐱᓇᓱᐊᓚᐅᕐᒪᑦ ᒎᑎᓐᖑᐊᓂᒃ ᒪᓕᒃᓴᕐᓗᓂ, ᐊᒧᕅᑎᑦ ᐱᓂᐊᕐᓂᕆᓚᐅᕐᑕᖏᑎᑐᑦ, ᐊᑕᓂᐅᑉ ᐃᓇᖏᕐᑕᐅᑎᓚᐅᕐᑕᖏᓐᓄᑦ ᐃᓴᕆᐊᓕᒥᐅᓄᑦ.)

ᐊᑕᓃᑦ ᐂᑉᐸᖏᑦ 21:11

“ᔫᑕᐅᑉ ᐊᖓᔪᖅᑳᕐᔪᐊᖓ ᒫᓇᓯ ᓇᕐᕈᓇᕐᑐᕐᔪᐊᓂᒃ ᐱᓇᓱᐊᕐᓯᒪᖕᒪᑦ, ᐊᒧᕅᑎᒥᐅᑦ ᐃᓕᖅᑯᓯᕆᓯᒪᔭᖏᓐᓂᑦ ᐱᐅᖏᓐᓂᕐᓴᓂᒃ ᐱᓂᐊᕐᓯᒪᕗᖅ, ᒎᑎᓐᖑᐊᖃᖃᑦᑕᕐᓂᕐᒥᖕᓄᑦ ᔫᑕᒥᐅᓂᒃ ᐊᔪᕐᑐᓕᑎᑦᓯᓯᒪᖕᒪᑦ.

ᐃᓐᖏᕈᑎᑦ 105:43

ᖁᕕᐊᓱᒡᓗᓂ ᐃᓄᖁᑎᓂ ᐊᐅᓪᓚᕈᑎᓚᐅᕐᐰᑦ, ᓂᕈᐊᕐᓯᒪᔭᖏᓪᓗ ᐃᓐᖏᓚᐅᕐᐳᑦ ᖁᕕᐊᓱᒃᓗᑎᒃ.

ᒨᓯᓯ ᐂᑉᐸᖏᑦ 12:40

ᐃᓴᕆᐊᓕᒥᐅᓪᓗ ᐄᑦᔨᑉᑎᒦᓚᐅᕐᐳᑦ ᐊᕐᕌᒍᓂᒃ 430ᓂᒃ.

ᒨᓯᓯ ᐂᑉᐸᖏᑦ 13:3

ᒨᓯᓯᓗ ᐅᖃᕐᐳᖅ ᐃᓄᖕᓄᑦ, “ᐅᓪᓗᖅ ᑖᓐᓇ ᐃᖅᑲᐅᒪᔭᐅᔪᒃᓴᐅᕗᖅ, ᑕᕝᕙᓂ ᐅᓪᓗᒥ ᐊᐅᓪᓚᕐᑎᑕᐅᓚᐅᕋᑦᓯ ᐄᑦᔨᑉᑎᒥᑦ, ᕿᓚᒃᓱᕐᑕᐅᓯᒪᕕᒋᔭᑦᓯᓐᓂᑦ ᐊᑕᓂᐅᑉ ᐱᔪᓐᓇᕐᓂᖓᓄᑦ ᑕᕝᕙᓐᖓᑦ ᐊᓂᑎᑕᐅᓚᐅᕋᑦᓯ; ᑍᒤᒻᒪᑦ ᑕᕝᕙᓂ ᓇᓪᓕᐅᓐᓂᕐᓯᐅᕐᑐᒃᓴᐅᕗᓯ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓂᕆᓗᓯ.

ᒨᓯᓯ ᐂᑉᐸᖏᑦ 13:4

ᑕᕝᕙᓂ ᐅᓪᓗᒥ ᐊᐅᓪᓚᓚᐅᕐᐳᓯ, ᑕᖅᑭᒥ ᐊᐱᑉᒥᒃ ᐊᑎᓕᖕᒥ.

ᑖᓂᐊᓕᐅᑉ ᐊᒡᓚᖏᑦ 8:23

“ᑖᒃᑯᐊ ᐊᖓᔪᖅᑳᕐᔪᐊᖑᑎᓪᓗᒋᑦ, ᐊᑭᕋᕐᑐᕐᑎᖏᑦ ᐱᐅᖏᑐᒻᒪᕆᐅᓕᕈᒫᕐᒪᑕ, ᐊᖓᔪᖅᑳᕐᔪᐊᑉ ᑮᓇᖓ ᐃᓕᕋᓇᕐᑐᖅ ᓯᓔᕐᕆᒃᓯᔪᓐᓇᕐᑐᖅ, ᒪᑭᑦᓱᒫᕐᐳᖅ.

ᒨᓯᓯ ᐱᖓᔪᖏᑦ 18:24

“ᐃᓕᑦᓯᓐᓂᒃ ᐃᑦᔪᕐᓇᕐᓯᑎᓐᓂᐊᕋᓯ ᓇᓪᓕᐊᓐᓂᒃ ᑖᒃᑯᓇᓐᖓᑦ ᐊᑐᕐᓂᑦᓯᓐᓄᑦ. ᐃᓅᖃᑎᒌᒡᔪᐊᑦ ᐊᐅᓪᓚᕐᑎᓐᓂᐊᕐᑕᒃᑲ ᑎᑭᓐᓂᐊᕐᑕᓯ ᑍᒤᓕᐅᕐᒪᑕ, ᐃᓕᖅᑯᓯᖏᓐᓄᑦ ᐃᑦᔪᕐᓇᕐᓯᑎᑕᐅᖁᓇᓯ.

ᒨᓯᓯ ᑕᓪᓕᒪᖏᑦ 9:4

“ᐊᑕᓂᐅᓪᓕ ᒎᑎᑦᓯ ᑖᒃᑯᐊ ᐊᓂᑎᓯᒪᓕᕐᐸᒋᑦ ᐃᓕᑦᓯ ᐱᑦᔪᑎᒋᓗᓯ, ᑕᒪᑐᒪ ᑭᖑᓂᖓᒍᑦ ᐃᓱᒪᔪᒃᓴᐅᓐᖏᓚᓯ ᐃᓕᑦᓯ ᑕᒫᓂ ᓄᓇᑖᕆᐊᖃᕐᓂᑦᓯᓐᓄᑦ ᓄᓇᑖᕐᑎᑕᐅᓇᓱᒋᓗᓯ. ᑍᒤᓐᖏᓚᖅ, ᐊᑕᓂᐅᓪᓕ ᐃᓅᖃᑎᒌᒡᔪᐊᑦ ᑕᒫᓐᖓᑦ ᐊᓂᑎᓐᓂᐊᕐᐰᑦ ᐃᓕᑦᓯ ᐱᓪᓗᓯ ᐱᐅᖏᑦᑐᓕᓂᖏᑦ ᐱᑦᔪᑎᒋᓗᒋᑦ.

ᒨᓯᓯ ᑕᓪᓕᒪᖏᑦ 9:5

ᐱᐅᔫᓂᓯᓕ ᐋᖅᑭᑦᓯᐊᕐᓯᒪᓂᓯᓗ ᐱᑦᔪᑎᒋᓇᒋᑦ ᐊᑕᓂᐅᑉ ᒎᑎᑦᓯ ᑖᒃᑯᐊ ᓄᓇᖏᓐᓂᒃ ᓄᓇᑖᕐᑎᓯᒪᓐᖏᓛᓯ. ᐃᓅᖃᑎᒌᒡᔪᐊᓪᓕ ᓄᓇᖏᓐᓂᑦ ᐊᓂᑎᓐᓂᐊᕐᐰᑦ ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ ᐊᖏᕈᑎᒋᓯᒪᔭᓂᓗ ᓯᕗᓕᕕᓂᑦᓯᓐᓄᑦ ᐱᑦᔪᑎᒋᓪᓗᒍ, ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:16

ᐊᒡᓛᑦ ᔫᑎᐅᖏᑦᑐᓄᑦ ᐅᖃᓪᓚᖃᑦᑕᖁᔨᓇᑎᒃ ᓄᖅᑲᕐᑎᑦᓯᓇᓱᐊᓚᐅᕐᐳᑦ ᐅᕙᑦᑎᓐᓂᒃ, ᐅᖃᐅᓯᕐᓂᒃ ᐱᐅᓕᔭᐅᑦᔪᑎᒃᓴᖏᓐᓂᒃ; ᑍᒤᓕᐅᕐᓗᑎᒃ ᐊᔪᕐᑐᓕᒃᑲᓐᓂᓚᐅᕐᐳᑦ ᐊᖏᓂᕐᓴᒋᐊᓪᓚᖕᒥᒃ. ᒫᓐᓇᓗ ᒎᑎᐅᑉ ᓂᓐᖓᐅᓯᖓᑕ ᑎᑭᕝᕕᒋᓯᒪᓕᕐᐰᑦ!