ᒨᓯᓯ ᓯᕗᓪᓖᑦ 14:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑖᒃᑯᐊᓕᒫᓪᓗ ᐃᒻᒥᖕᓄᑦ ᑕᐱᕇᓕᓪᓗᑎᒃ ᐅᓇᑕᕆᐊᓚᐅᕐᐳᑦ ᓇᕐᓴᒥ ᓯᑎᒥᒥᒃ ᐊᑎᓕᖕᒥ, ᒫᓐᓇᓕ ᑍᔭᐅᓕᕐᑐᒥᒃ ᐃᒪᕐᒥᒃ ᑕᕆᐅᕐᒥᒃ.

ᒨᓯᓯ ᓯᕗᓪᓖᑦ 14:3 Iomraidhean Croise

ᒨᓯᓯ ᓯᕗᓪᓖᑦ 10:19

ᑬᓇᓂᒥᐅᓪᓗ ᓄᓇᖓᑕ ᑭᒡᓕᖓ ᑎᑭᓯᒪᓚᐅᕐᐳᖅ ᓮᑐᓂᐅᑉ ᓯᕿᓂᖓᑕ ᓇᓛᓄᑦ, ᒋᕌᕐ ᒑᓴᐅᑉ ᖃᓂᒋᔮᓂᑦᑐᒧᑦ ᓱᑑᒪᐅᑉ ᒍᒨᕋᐅᓪᓗ ᓇᓛᓄᑦ ᑎᑭᓪᓗᒍ, ᓄᓇᒧᑦ ᐊᑦᒪᒧᑦ, ᔨᐳᐃᒻᓗ, ᓛᓴᐅᑉ ᑎᑭᓪᓗᒍ.

ᒨᓯᓯ ᓯᕗᓪᓖᑦ 14:10

ᑕᒪᓐᓇᓗ ᓇᕐᓴᖅ ᓯᑎᒻ ᒪᕐᕆᓐᓇᕐᑐᓂᒃ ᐅᓄᕐᑐᓂᒃ ᐃᑎᕐᓴᖃᐅᓚᐅᕐᐳᖅ; ᓱᑑᒪᒥᐅᓪᓗ ᒍᒨᕋᒥᐅᓪᓗ ᐊᖓᔪᖅᑳᕐᔪᐊᖏᑦ ᐅᓇᑕᕐᓂᕐᒥᑦ ᕿᒫᓇᓱᐊᕐᓗᑎᒃ, ᒪᕐᕆᓐᓇᕐᑐᓄᑦ ᑲᑕᖃᑦᑕᓚᐅᕐᐳᑦ; ᐊᓯᖏᓪᓕ ᐊᖓᔪᖅᑳᕐᔪᐊᑦ ᐊᓐᓇᓚᐅᕐᐳᑦ ᖃᖅᑲᓄᑦ ᕿᒫᓪᓗᑎᒃ.

ᒨᓯᓯ ᓯᕗᓪᓖᑦ 14:4

ᑖᒃᑯᐊ ᐊᐅᓚᑕᐅᓚᐅᕋᒥᒃ ᑭᑐ-ᓚᐅᒥᕆᒧᑦ ᐊᕐᕌᒍᓂᒃ 12ᓂᒃ, ᐊᕐᕌᒍᓪᓕ 13ᒋᓕᕐᑕᖓᓂ ᑖᒃᑯᐊ ᑖᑦᓱᒥᖓ ᐊᑭᕋᕐᑐᓕᓚᐅᕐᐳᑦ.

ᒨᓯᓯ ᓯᕗᓪᓖᑦ 14:8

ᑕᕝᕙ ᐊᖓᔪᖅᑳᕐᔪᐊᖅ ᓱᑑᒪᒥ, ᐊᖓᔪᖅᑳᕐᔪᐊᕐᓗ ᒍᒨᕋᒥ, ᐊᖓᔪᖅᑳᕐᔪᐊᕐᓗ ᐊᑦᒪᒥ, ᐊᖓᔪᖅᑳᕐᔪᐊᕐᓗ ᔨᐳᐃᒥ, ᐊᖓᔪᖅᑳᕐᔪᐊᕐᓗ ᐲᓚᒥ (ᑕᕝᕙ ᔪᐊᕆᒥ) ᐅᓇᑕᕐᑐᒃᓴᖁᑎᒥᖕᓂᒃ ᐅᓇᑕᕆᐊᕐᑐᕐᑎᑦᓯᕗᑦ, ᓯᑎᒥᐅᑉ ᓇᕐᓴᖓᓂ ᑲᑐᑦᔨᓪᓗᑎᒡᓗ ᐅᓇᑕᓕᕐᐳᑦ.

ᒨᓯᓯ ᓯᕗᓪᓖᑦ 19:24

ᑕᕝᕙᓕ ᐊᑕᓂᖅ ᑲᑕᒐᕐᑎᑦᓯᓕᕐᐳᖅ ᐃᒃᑭᕆᒃᑐᓂᒃ ᐃᑯᒪᒥᒡᓗ ᐃᒡᓗᒐᓴᖕᓄᑦ ᓱᑑᒪᒧᑦ ᒍᒨᕋᒧᓪᓗ ᐊᑕᓂᕐᒥᑦ ᕿᓚᖕᒥᑦ ᐱᔪᓂᒃ.

ᐃᓐᖏᕈᑎᑦ 107:34

ᓄᓇᓗ ᐱᕈᕐᑐᖃᑦᓯᐊᕐᑐᖅ ᐱᕈᕐᕕᐅᔪᓐᓁᓪᓕᑎᑉᐹ ᑕᕆᐅᕈᕐᓗᓂ, ᑕᕝᕙᓂ ᓄᓇᖃᕐᑐᑦ ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ.

ᒨᓯᓯ ᓯᑕᒪᖏᑦ 34:12

ᓄᓇᐅᑉ ᑭᒡᓕᖓ ᑰᒃ ᔪᐊᕐᑕᓂ ᐊᑐᐊᕐᓗᒍ, ᐃᓱᖃᕐᓗᓂ ᑕᕆᐅᕐᒧᑦ ᐃᒪᕐᔪᐊᒧᑦ. ᑕᒪᓐᓇ ᑕᕝᕙ ᓄᓇᑯᑎᑖᕆᓂᐊᕐᑕᓯ ᑭᒡᓕᖓᑕᓗ ᖃᓂᒋᔭᖓᓃᑦᑐᓕᒫᑦ.”

ᒨᓯᓯ ᑕᓪᓕᒪᖏᑦ 3:17

ᓴᐅᒥᐊᓃᑦᑐᕐᓕ ᓄᓇᑖᕆᔭᖓᑦᑕ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᖅ ᐱᒋᐊᕐᕕᖃᕆᕗᖅ ᔪᐊᕐᑕᓂᐅᑉ ᑰᖓᓄᑦ ᑎᑭᐅᒪᓪᓗᒍ, ᓯᓂᕆᑎᒥᑦ ᑕᓯᕐᒥᑦ ᐱᒋᐊᕐᓗᓂ ᑕᓕᕐᐱᐊᒍᑦ ᑕᐅᓄᖓ ᐃᒪᕐᒧᑦ ᑕᕆᐅᕐᒧᑦ ᑎᑭᐅᒪᓪᓗᓂ ᓯᑭᓂᐅᑉ ᓇᓛᓃᑦᑐᒧᑦ ᑕᓕᕐᐱᐊᓄᓪᓗ ᐱᔅᒐᐅᑉ ᖃᖅᑲᖓᑕ ᑭᒡᓕᖓᓄᑦ ᑎᑭᐅᒪᓪᓗᓂ.

ᔮᓱᐊᑉ ᐊᒡᓚᖏᑦ 3:16

ᑰᒍᓐᓃᓚᐅᕐᐳᖅ ᐊᑕᐅᓯᕐᒧᓪᓗ ᑲᑎᓪᓗᓂ ᑲᖏᐊᓄᑦ ᓄᓇᒧᑦ ᐊᑎᓕᖕᒧᑦ ᐋᑕᒥᒧᑦ, ᑖᑦᓱᒧᖓ ᐃᒡᓗᒐᓮᑦ ᔭᕆᑖᓐ ᓴᓂᐊᓃᑦᑐᒧᑦ, ᑰᓪᓗ ᑭᑖᓄᑦ ᑎᑭᓪᓗᒍ ᐃᒪᖅ ᑕᕆᐅᕐᒥᒃ ᑍᔭᐅᔪᒧᑦ ᑰᒍᓐᓃᓚᐅᕐᐳᖅ, ᐃᓄᐃᓪᓗ ᐃᑳᕈᓐᓇᕐᓯᓚᐅᕐᐳᑦ ᔨᕆᑰᑉ ᐊᑭᐊᓄᑦ.