ᒨᓯᓯ ᓯᕗᓪᓖᑦ 14:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑕᒪᕐᒥᒡᓗ ᐱᔭᐅᓚᐅᕐᑐᓕᒫᑦ ᐅᑎᕐᑎᓚᐅᕐᐰᑦ, ᖃᖏᐊᓂᑦᑕᐅᖅ ᓘᑎ ᐅᑎᕐᑎᓚᐅᕆᕚ ᐱᖁᑎᓕᒫᖏᓪᓗ ᑕᒪᕐᒥᒃ, ᐊᕐᓁᓪᓗ ᐊᓯᖏᓪᓗ ᑎᒍᔭᐅᓯᒪᔪᓕᒫᑦ.

ᒨᓯᓯ ᓯᕗᓪᓖᑦ 14:16 Iomraidhean Croise

ᒨᓯᓯ ᓯᕗᓪᓖᑦ 12:2

ᐃᓅᖃᑎᒌᒡᔪᐊᓐᖑᕐᑎᑦᓱᒫᕋᒃᑭᑦ, ᓮᒻᒪᕐᑎᓪᓗᑎᓪᓗ, ᐊᑏᓪᓗ ᐅᐱᒋᔭᐅᑦᓯᐊᕐᑎᓪᓗᒍ, ᓮᒻᒪᕐᑎᑦᓯᑦᔪᑎᒃᓴᐅᖁᓪᓗᑎᑦ.

ᒨᓯᓯ ᓯᕗᓪᓖᑦ 14:14

ᐂᑉᕋᒻᓕ ᑐᓴᕋᒥ ᖃᖏᐊᖓᑕ ᑎᒍᔭᐅᓂᖓᓂᒃ, ᐅᓇᑕᕈᓐᓇᕐᑐᖁᑎᓕᒫᓂ ᓄᓇᒥᓃᑦᑐᑦ ᐊᖏᕐᕋᖓᓂ ᐃᓅᓯᒪᔪᑦ, ᑖᒃᑯᐊᓗ ᑲᑎᓪᓗᒋᑦ 318ᖑᓚᐅᕐᐳᑦ, ᐅᓇᑕᓚᐅᕐᐳᓪᓗ ᓄᓇᒧᑦ ᑖᓐᒧᑦ ᑎᑭᓪᓗᑎᒃ.

ᒨᓯᓯ ᓯᕗᓪᓖᑦ 50:7

ᑕᕝᕙ ᔫᓯᐱ ᒪᔪᐊᓕᕐᐳᖅ ᐊᑖᑕᓂ ᐃᓗᕕᕆᐊᕐᑐᕐᓗᒍ; ᐃᓚᖃᓚᐅᕐᐳᕐᓗ ᐰᕉᑉ ᐱᔨᖏᓐᓂᒃ ᑕᒤᓐᓂᒃ, ᐊᖓᔪᖅᑳᖁᑎᖏᓐᓂᒡᓗ ᐃᒡᓗᒥᐅᑕᖏᓐᓂᒃ, ᐄᑦᔨᑉᑎᐅᓪᓗ ᓄᓇᖓᑕ ᐊᖓᔪᖅᑳᖁᑎᓕᒫᖏᓐᓂᒃ ᑕᒤᓐᓂᒃ,

ᐂᓮᐊᓯᐅᑉ ᐊᒡᓚᖏᑦ 41:2

ᑭᐊ ᑎᑭᑎᓚᐅᕐᐸᐅᒃ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᖅ ᓵᓚᖃᕆᐊᕐᑐᕐᑐᖅ, ᓇᒧᑐᐃᓐᓇᕐᓗ ᐂᕕᒋᔭᓂ ᓵᓚᒌᓐᓇᕈᓐᓇᓚᐅᕐᐰᑦ? ᑖᑦᓱᒪ ᓵᓚᒃᓴᕐᑎᖃᑦᑕᓚᐅᕐᐹ ᐃᓅᖃᑎᒌᒡᔪᐊᓂᒃ, ᐊᖓᔪᖅᑳᕐᔪᐊᓪᓗ ᓵᓚᒋᓪᓗᒋᑦ ᐊᐅᓚᑦᓯᖃᑦᑕᓚᐅᕐᐳᖅ, ᓴᕕᒡᔪᐊᖓᑕ ᐱᒋᐊᕐᑕᕐᓂᖓᓄᑦ ᓱᓇᐅᑎᓚᐅᓐᖏᓔᑦ ᐳᔪᕋᕐᑎᑐᑦ, ᖃᕐᔪᖏᓪᓗ ᓯᐊᒻᒪᒃᑎᑎᕆᓚᐅᕐᐳᑦ ᐃᕕᒐᕐᑎᑐᑦ ᐊᓄᕆᒧᑦ ᑎᒃᑕᐅᕋᕐᑐᑎᑐᑦ.

ᓴᒧᐃᓕ ᓯᕗᓪᓖᑦ 30:8

ᑍᕕᑎᐅᓪᓗ ᐊᑕᓂᖅ ᐊᐱᕆᕚ, “ᒪᓕᒃᓴᕈᓐᓇᕐᐸᒃᑳ ᐅᓇᑕᕆᐊᓚᐅᕐᑐᑦ? ᐊᓐᖑᑎᔪᓐᓇᕐᐳᖔ?” ᐊᑕᓂᐅᑉ ᑭᐅᕚ, “ᒪᓕᒃᓴᓕᕆᑦ; ᐊᓐᖑᑎᓂᐊᕐᐳᑎᑦ ᑎᒍᔭᐅᓚᐅᕐᑐᓪᓗ ᐅᑎᕐᑎᓐᓂᐊᕐᐸᑎᑦ.”