ᒨᓯᓯ ᓯᕗᓪᓖᑦ 14:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑍᑦᓱᒪᓂ ᐊᖓᔪᖅᑳᕐᔪᐊᖅ, ᐊᒻᕋᐱᐅᓕ ᐹᐱᓘᓂᐊᒥ ᐊᖓᔪᖅᑳᕐᔪᐊᖑᑎᓪᓗᒍ, ᐊᕆᐅᑭᓗ ᐃᓚᓵᕆᒥ ᐊᖓᔪᖅᑳᕐᔪᐊᖑᑎᓪᓗᒍ, ᑭᑐ-ᓚᐅᒥᕆᓗ ᐃᓛᒥᒥ ᐊᖓᔪᖅᑳᕐᔪᐊᖑᑎᓪᓗᒍ, ᑍᑕᐅᓪ ᒍᐃᒥᒥ ᐊᖓᔪᖅᑳᕐᔪᐊᖑᑎᓪᓗᒍ,

ᒨᓯᓯ ᓯᕗᓪᓖᑦ 14:1 Iomraidhean Croise

ᒨᓯᓯ ᓯᕗᓪᓖᑦ 10:10

ᐊᖓᔪᖅᑲᐅᕕᖃᕆᐊᓯᓚᐅᕐᐳᖅ ᐅᑯᓂᖓ ᐹᐱᓕ, ᐃᕆᒃ, ᐊᑳᑎᒥᒡᓗ, ᑳᓪᓂᒥᒡᓗ, ᑖᒃᑯᐊᓗ ᑕᒪᕐᒥᒃ ᓄᓇᒥ ᓯᓈᕆᒦᓚᐅᕐᐳᑦ.

ᒨᓯᓯ ᓯᕗᓪᓖᑦ 10:22

ᐅᑯᐊ ᑕᕝᕙ ᓰᒥᐅᑉ ᐃᕐᓂᖏᑦ: ᐃᓛᒻ, ᐋᓱᕆ, ᐊᕐᐹᑦᓯᓵᑦ, ᓗᑦ, ᐊᕌᒥᓗ.

ᒨᓯᓯ ᓯᕗᓪᓖᑦ 11:2

ᐃᓄᐃᓪᓗ ᓯᕿᓂᐅᑉ ᓄᐃᕕᐊᑕ ᓇᓛᓃᖔᕐᓗᑎᒃ ᐃᖏᕐᕋᕙᓪᓕᐊᒐᒥᒃ, ᓇᑎᕐᓇᒧᑦ ᑎᑭᓐᓇᒥᒃ ᓯᓈᕆᒥ ᓄᓇᑖᕐᐳᑦ.

ᒨᓯᓯ ᓯᕗᓪᓖᑦ 14:9

ᑭᑐ-ᓚᐅᒥᕆᒥᒃ ᐃᓛᒥᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᑍᑕᐅᓪᑎᒃᓗ ᒍᐃᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᒻᕋᐱᐅᓕᒥᒡᓗ ᐹᐱᓘᓂᐊᑉ ᐊᖓᔪᖅᑳᕐᔪᐊᖓᓐᓂᒃ, ᐊᕆᐅᑭᒥᒃᓗ ᐃᓚᓵᕆᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᖓᔪᖅᑳᕐᔪᐊᑦ ᓯᑕᒪᑦ ᐅᓇᑕᓚᐅᕐᐳᑦ ᑕᓪᓕᒪᓄᑦ ᐊᖓᔪᖅᑳᕐᔪᐊᓄᑦ.

ᐂᓮᐊᓯᐅᑉ ᐊᒡᓚᖏᑦ 11:11

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐊᒡᒐᓂ ᐃᓴᒍᒫᕐᐰᑦ ᐃᓄᖁᑎᓂ ᐊᒥᐊᒃᑰᔪᑦ ᐅᑎᕐᑎᑦᓱᒪᓗᒋᑦ, ᐊᓯᕆᐊᒥᑦ ᐄᑦᔨᑉᑎᒥᓪᓗ, ᐹᑐᕉᓯᒥᑦ ᐃᑎᐅᐱᐊᒥᓪᓗ, ᐃᓛᒻᒥᑦ ᓯᓇᕆᒥᓪᓗ, ᕼᐊᒫᑎᒥᑦ ᕿᑭᕐᑕᓂᓪᓗ ᐃᒪᕕᖕᒦᑦᑐᓂᑦ.

ᐂᓮᐊᓯᐅᑉ ᐊᒡᓚᖏᑦ 21:2

ᑕᑯᑎᑕᐅᓚᐅᕐᐳᖓ ᐃᓕᕋᓇᕐᑐᓂᒃ ᐃᒫᒃ ᐅᖃᐅᑎᔭᐅᓪᓗᖓ; ᐱᒋᔭᕕᓂᕐᓂᒃ ᑎᒎᖅᑬᔪᖅ ᑎᒎᖅᑬᓕᕐᐳᖅ, ᑐᖁᕅᔪᕐᓗ ᑐᖁᕅᓕᕐᐳᖅ, ᐃᓛᒻᒥᐅᑦ ᐅᓇᑕᕐᑐᒃᓴᖏᑦ ᐅᓇᑕᕆᐊᓕᕆᑦᓯ, ᒥᑎᐊᒥᐅᓪᓗ ᐅᓇᑕᕐᑐᒃᓴᖏᑦ ᐊᕙᑕᖏᕐᓯᓕᕆᑦᓯ ᐃᒡᓗᒐᓴᒡᔪᐊᓂᒃ; ᐹᐱᓘᓂᒥᐅᑦ ᐃᓄᖕᓂᒃ ᐊᓂᕐᓴᐅᒥᑎᑦᓯᓂᖓᑦ ᐃᓱᓕᑎᑦᓱᒪᓕᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 22:6

ᐃᓛᒻᒥᒥᐅᑦ ᖃᕐᔪᐃᑦ ᐴᖓᓂᒃ ᓇᒃᓴᕐᓯᕗᑦ ᕿᒻᒥᕐᔪᐊᓪᓗ ᐃᑭᒪᕕᖏᓐᓂᒃ ᐊᒃᓴᓗᐊᓕᖕᓂᒃ ᕿᒻᒥᕐᔪᐊᒥᓗ ᐃᑭᒪᔪᓂᒃ, ᑭᕆᒥᐅᑦ ᓴᐴᓗᑍᑦ ᓴᖅᑭᑎᑉᐰᑦ.

ᐂᓮᐊᓯᐅᑉ ᐊᒡᓚᖏᑦ 37:12

ᐃᓅᖃᑎᒌᒡᔪᐊᑦ ᑍᒃᑯᐊ ᒎᑎᒥᖕᓄᑦ ᓴᐳᑎᔭᐅᓚᐅᕐᐹᑦ? ᓯᕗᓕᕕᓂᕐᒪ ᐊᓯᕈᓚᐅᕐᑕᖏᑦ, ᒎᔭᓂᒥᐅᑦ, ᕼᐊᕋᓐᒥᐅᑦ, ᕇᔨᑉᒥᐅᑦ, ᐄᑎᒥᐅᓪᓗ ᐃᓄᖏᑦ ᓄᓇᖃᕐᑐᑦ ᑎᓚᓴᕆᒥ.

ᔨᕆᒤᐊᐅᑉ ᐊᒡᓚᖏᑦ 25:25

ᔨᒻᕆᒥᐅᑦ ᐊᖓᔪᖅᑳᕐᔪᐊᓕᒫᖏᑦ, ᐃᓛᒥᐅᓪᓗ ᒥᑎᐊᒥᐅᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 32:24

“ᐃᓛᒥᐅᑦᑕᐅᖅ ᑕᕝᕙᓃᒃᑭᕗᑦ ᐃᓚᓕᒫᕕᓂᖏᓪᓗ ᐊᕙᑖᓂ ᐃᓗᕕᕐᓯᒪᒋᕗᑦ; ᑐᖁᑕᐅᓯᒪᔪᓕᒫᑦ ᓴᕕᒡᔪᐊᒧᑦ ᑐᖁᑕᐅᓯᒪᔪᑦ, ᑭᐱᓯᒪᖏᑦᑐᓄᑦ ᐃᓚᒋᔭᐅᓕᕐᐳᑦ ᓄᓇᐅᑉ ᐊᑖᓂ, ᐃᓅᓪᓗᑎᒃ ᑲᑉᐱᐊᓱᒃᑎᑦᓯᕙᓚᐅᕐᑐᑦ ᐃᓅᖃᑎᒥᖕᓂᒃ, ᑲᓐᖑᓲᑎᒃᓴᒥᖕᓂᒃ ᓇᔪᕐᑎᖃᕐᓗᑎᒃ ᑐᖁᖓᔪᓄᑦ ᐃᓚᒋᔭᐅᕗᑦ.

ᑖᓂᐊᓕᐅᑉ ᐊᒡᓚᖏᑦ 1:2

ᐊᑕᓂᐅᓪᓗ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᔨᕼᐅᐃᐊᑭᒻ ᑐᓂᕚ ᑖᑦᓱᒧᖓ, ᒎᑎᐅᓪᓗ ᐃᒡᓗᖓᑕ ᐃᓗᓕᖏᑕ ᐃᓚᖏᓐᓂᒃ ᐊᑭᑐᔪᓂᒃ ᐱᖃᓯᐅᑦᔨᓪᓗᓂ: ᓂᐱᑯᓁᓴᐅᑉ ᐊᐅᓪᓚᕈᑎᕔᑦ ᓄᓇᒧᑦ ᓯᓇᕆᒧᑦ ᒎᑎᓐᖑᐊᒥ ᐃᒡᓗᖓᓄᑦ; ᐃᓕᕔᓪᓗ ᒎᑎᓐᖑᐊᖃᕐᕕᖕᒥ ᐊᑭᑐᔪᓂᒃ ᐱᖁᑎᒃᑯᕕᖓᓄᑦ.

ᑖᓂᐊᓕᐅᑉ ᐊᒡᓚᖏᑦ 8:2

ᑕᑯᑎᑕᐅᓪᓗᖓ, ᐅᕙᓐᓂᒃ ᑕᑯᓚᐅᕐᐳᖓ ᐊᖓᔪᖅᑳᕐᔪᐊᑉ ᐃᒡᓗᖓᓃᓪᓗᖓ ᓄᓇᒥ ᓲᓴᒥ ᓄᓇᐅᑉ ᐊᕕᒃᑐᕐᓯᒪᓂᖓᑕ ᐃᓚᖓᓂ ᐊᑎᖃᕐᑐᒥ ᐃᓛᒥᒥᒃ, ᑕᑯᑎᑕᐅᓪᓗᖓ ᑰᑉ ᐊᑎᖃᕐᑑᑉ ᐅᓔᒥᒃ ᓯᓈᓂᓚᐅᕐᐳᖓ.

ᓴᑲᕅᐊᐅᑉ ᐊᒡᓚᖏᑦ 5:11

ᑭᐅᕚᖓ, “ᓄᓇᒧᑦ ᓯᓇᕆᒧᑦ ᑍᑲᓂ ᑐᒃᓯᐊᕐᕕᖕᒥᒃ ᐃᒡᓗᓕᐅᕐᑕᐅᖁᓪᓗᒍ; ᐃᒡᓗ ᐱᔭᕇᕐᐸᑦ, ᐃᕕᐅᔭᖅ ᑕᕝᕙᓂ ᐃᓂᖃᕈᒫᕐᒪᑦ ᑐᒃᓯᐊᕐᕕᐅᖁᓪᓗᒍ.”

ᔮᓱᐊᑉ ᐊᒡᓚᖏᑦ 12:23

ᑐᐊᕆᒥᐅᑦ ᐊᖓᔪᖅᑳᕐᔪᐊᖓᑦ ᓇᐸᑕ-ᑐᐊᕆᒦᑦᑐᖅ, ᒍᐃᒻ ᐊᖓᔪᖅᑳᕐᔪᐊᖓᑦ ᒐᓕᓕᐊᒥᐅᖅ;