ᒨᓯᓯ ᓯᕗᓪᓖᑦ 13:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑕᕝᕙ ᐂᑉᕋᒻ ᑕᕝᕙᓐᖓᑦ ᓅᓪᓗᓂ, ᓄᓇᑖᕐᐳᖅ ᓇᐹᕐᑐᓕᖕᒥ ᐆᒃᓂᒃ ᐊᑎᖃᕐᑐᓂᒃ ᒪᒻᕆᒦᑦᑐᒥ ᕼᐃᐸᕋᓐᓂᒥ; ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ.

ᒨᓯᓯ ᓯᕗᓪᓖᑦ 13:18 Iomraidhean Croise

ᒨᓯᓯ ᓯᕗᓪᓖᑦ 13:4

ᓄᓇᒧᑦ ᑐᓂᕐᕈᓯᕐᕕᖕᒥᒃ ᓴᓇᕕᒋᓚᐅᕐᑕᒥᓄᑦ ᓯᕗᓪᓕᕐᒥᒃ; ᑕᕝᕙᓂᓗ ᐂᑉᕋᒻ ᐊᑕᓂᖅ ᑐᒃᓯᐊᕐᕕᒋᕚ.

ᒨᓯᓯ ᓯᕗᓪᓖᑦ 14:13

ᐃᓚᖓᓪᓕ ᕿᒪᒃᓯᓪᓗᓂ ᐊᓐᓇᓚᐅᕐᑐᖅ ᑎᑭᑉᐳᖅ, ᑕᒪᓐᓇᓗ ᑕᒪᕐᒥᒃ ᐅᖃᐅᓯᕆᕚ ᐂᑉᕋᒻᒧᑦ ᐄᑉᕉᒧᑦ, ᓄᓇᖃᕐᑐᖅ ᐆᒃᓂᒃ ᓇᐹᕐᑐᖃᕐᑑᑉ ᖃᓂᒋᔮᓂ ᒪᒻᕆᒧᑦ ᐱᖁᑎᒋᔭᐅᔪᓄᑦ ᐊᒧᕅᑎᒧᑦ, ᖃᑕᓐᖑᑎᖏᓪᓗ ᐃᔅᑯᓪ ᐊᓂᕆᓗ; ᑖᒃᑯᐊ ᐂᑉᕋᐅᑉ ᑕᐱᕆᓚᐅᕐᐰᑦ.

ᒨᓯᓯ ᓯᕗᓪᓖᑦ 18:1

ᐊᑕᓂᕐᓗ ᓴᖅᑭᑉᐳᖅ ᐂᑉᕋᕼᐋᒻᒧᑦ ᓇᐹᕐᑐᖃᕐᑐᒥ ᐆᒃᓂᒃ ᑍᔭᐅᔪᓂ ᒪᒻᕆᒥᒃ, ᐃᒃᓯᕙᑎᓪᓗᒍ ᑐᐱᖓᑕ ᐹᖓᓂ ᐅᓪᓘᑉ ᐅᖅᑰᓂᕐᐹᖓ ᓇᓪᓕᐅᑎᓯᒪᑎᓪᓗᒍ.

ᒨᓯᓯ ᓯᕗᓪᓖᑦ 22:9

ᒎᑎᐅᓪᓗ ᐃᓂᒋᔭᐅᖁᔭᖓ ᑎᑭᓐᓇᒥᒃᑯᒃ, ᐂᑉᕋᕼᐋᒻ ᑐᓂᕐᕈᓯᕐᕕᒃᓴᒥᒃ ᓴᓇᕗᖅ; ᕿᔪᐃᓪᓗ ᖄᖓᓄᑦ ᐋᖅᑭᒃᓱᑦᓯᐊᕐᓗᒋᑦ, ᐃᕐᓂᓂᓗ ᐂᓴᑭ ᕿᓚᒃᓱᕐᐹ, ᕿᔪᐃᓪᓗ ᑐᓂᕐᕈᓯᕐᕕᐅᑉ ᖄᖓᓃᑦᑐᑦ ᖄᖓᓄᐊᕐᓗᓂᐅᒃ,

ᒨᓯᓯ ᓯᕗᓪᓖᑦ 23:2

ᓵᕋᓗ ᑐᖁᓚᐅᕐᐳᖅ ᓄᓇᒥ ᑭᕆᐊᑦ-ᐊᕋᐸᒥ (ᑍᔭᐅᔪᖅ ᕼᐃᐸᕋᓐᒥᒃ) ᑬᓇᓂᒥ, ᐂᑉᕋᕼᐋᒻᓗ ᐅᐸᒃᓗᒍ ᕿᒃᓵᒍᑎᒋᕚ ᓵᕋ ᕿᐊᑦᔪᑎᒋᓪᓗᒍ.

ᒨᓯᓯ ᓯᕗᓪᓖᑦ 26:25

ᑕᕝᕙᓂᓗ ᐂᓴᑭ ᑐᓂᕐᕈᓯᕐᕕᓕᐅᕐᐳᖅ ᑐᒃᓯᐊᕐᓗᓂᓗ ᐊᑕᓂᕐᒧᑦ, ᑕᕝᕙᓂᓗ ᑕᖕᒫᕐᑎᕐᓗᓂ, ᐱᔨᖏᓪᓗ ᐃᒥᕐᑕᕐᕕᒃᓴᒥᒃ ᐃᑎᕐᓴᓕᐅᕆᕗᑦ.

ᒨᓯᓯ ᓯᕗᓪᓖᑦ 35:27

ᔧᑯᓗ ᐊᑖᑕᒥᓄᐊᕐᐳᖅ ᐂᓴᑭᒧᑦ ᓄᓇᒥ ᒪᒻᕆᒦᑦᑐᒧᑦ, ᐅᕝᕙᓗ ᑭᕆᐊᑦ-ᐊᕋᐸᒧᑦ ᕼᐃᐸᕋᓐᒥᒃ ᑍᔭᐅᔪᒧᑦ, ᑕᕝᕗᖓ ᐂᑉᕋᕼᐋᒻ ᐂᓴᑭᐅᓪᓗ ᓄᓇᑖᕆᓚᐅᕐᑕᖓᓄᑦ.

ᒨᓯᓯ ᓯᕗᓪᓖᑦ 37:14

ᐅᖃᐅᑎᕚᓗ, “ᑍᒃᑯᓄᓐᖓᓚᐅᕆᑦ, ᑕᑯᔭᕐᑐᕐᓗᑎᑦ ᐊᖓᔪᑎᑦ ᓰᐱᖁᑎᕗᓪᓗ ᖃᓄᐃᖏᑦᓯᐊᕋᓗᐊᕐᒪᖔᑕ; ᐅᑎᕈᕕᑦ ᑐᓴᕐᑎᑦᓱᒫᕋᕕᖓ.” ᑕᕝᕙᓐᖓᑦ ᕼᐃᐸᕋᓂᐅᑉ ᓇᕐᓴᖓᓂᑦ ᑎᓕᖕᒪᒍ, ᓯᑭᒻᒧᐊᓕᕐᐳᖅ.

ᒨᓯᓯ ᓯᕗᓪᓖᑦ 8:20

ᑕᕝᕙ ᓄᐊ ᑐᓂᕐᕈᓯᕐᕕᓂᐅᕐᐳᖅ ᐊᑕᓂᕐᒧᑦ, ᐆᒪᔪᓪᓗ ᑕᒪᕐᒥᒃ ᓴᓗᒪᓂᕋᕐᑕᐅᔪᑦ ᐱᕝᕕᒋᓪᓗᒋᑦ ᑎᖕᒥᐊᓂᓪᓗ ᓴᓗᒪᓂᕋᕐᑕᐅᔪᓂᒃ, ᑐᓂᕐᕈᓯᕐᐳᖅ ᐃᑯᐊᓚᑎᑦᓯᓪᓗᓂ ᑐᓂᕐᕈᓯᕐᕕᖕᒥ.

ᓴᒧᐃᓕ ᐂᑉᐸᖏᑦ 2:1

ᑕᒪᑐᒪ ᑭᖑᕐᖓᓂ ᑍᕕᑎᐅᑉ ᐊᑕᓂᖅ ᐊᐱᕆᕚ, “ᔫᑕᐅᑉ ᓄᓇᓕᖁᑎᖏᓐᓄᑦ ᐂᔪᒃᓴᐅᕗᖔ ᐊᐅᓚᒋᐊᕐᑐᓕᕐᓗᒋᑦ?” ᐊᑕᓂᖅ ᑭᐅᕗᖅ, “ᐂᔪᓐᓇᕐᐳᑎᑦ.” ᑍᕕᑎ ᐊᐱᕆᕗᖅ, “ᓇᓪᓕᐊᓐᓄᑦ ᓄᓇᓕᖕᓄᑦ?” ᐊᑕᓂᖅ ᐅᖃᕐᐳᖅ, “ᕼᐃᐸᕋᓐᒧᑦ.”

ᐃᓐᖏᕈᑎᑦ 16:8

ᐊᑕᓂᖅ ᓵᓐᓂ ᑍᒪᓐᖓᑦ ᐃᓂᖃᕐᑎᑉᐸᕋ, ᑕᓕᕐᐱᓐᓃᒻᒪᑦ ᓱᓇᒧᑦ ᐊᐅᓚᑕᐅᓂᐊᓐᖏᓚᖓ.

ᒨᓯᓯ ᓯᑕᒪᖏᑦ 13:22

ᐂᓚᐅᕐᐳᑦ ᓯᕿᓂᐅᑉ ᓇᓛᓂᑦ ᓂᒋᑉᒥᑦ ᕼᐃᑉᐳᕌᓂ ᑎᑭᓪᓗᒍ; ᐊᕼᐂᒪᓐ, ᓯᓮᓗ, ᑕᓪᒤᓗ ᐊᓇᑭᐅᑉ ᑭᖑᕚᖏᑦ ᑍᑲᓃᓚᐅᕐᐳᑦ. (ᕼᐃᐸᕋᓐ ᓴᓇᔭᐅᓚᐅᕐᑐᖅ ᔪᐊᓂ ᐄᑦᔨᑉᑎᒦᑦᑐᖅ ᐊᕐᕌᒍᑦ 7ᐃᑦ ᓴᓇᔭᐅᓚᖅᑳᕐᑎᓐᓇᒍ.)

ᑎᒧᑎᒧᑦ ᓯᕗᓪᓖᑦ 2:8

ᐱᖁᔨᕗᖓ ᐊᖑᑏᑦ ᓇᓂᓕᒫᖅ ᑐᒃᓯᐊᖃᑦᑕᖁᓪᓗᒋᑦ, ᐊᒡᒐᖕᒥᖕᓂᒃ ᐃᑦᔪᕐᓁᑦᑐᓂᒃ ᖁᒻᒧᐊᒃᑎᑦᓯᔪᓐᓇᕐᓗᑎᒃ ᓂᓐᖓᐅᒪᓇᑎᒃ ᐂᕙᓇᑎᒡᓗ.

ᐄᑉᕈᐃᓄᑦ 11:9

ᐅᒃᐱᕐᓂᑯᑦ ᓄᓇᖃᓚᐅᕐᐳᖅ ᐊᖏᕈᑕᐅᓯᒪᔪᒥ, ᓄᓇᑐᖃᖃᖏᒃᑲᓗᐊᕐᓗᓂ, ᑐᐱᑐᐃᓐᓇᕐᒥ ᐊᖏᕐᕋᖃᕐᓗᓂ ᐂᓴᑭᓗ ᔧᑯᓗ ᑍᒫᒃ ᐱᓚᐅᕆᕘᒃ, ᑖᒃᑯᐊᒃ ᐊᖏᕈᑕᐅᓯᒪᔪᒥᒃ ᑭᖑᕐᖑᑦᔨᖃᑕᐅᔫᒃ.

ᔮᓱᐊᑉ ᐊᒡᓚᖏᑦ 14:13

ᑕᕝᕙ ᔮᓱᐊᑉ ᓮᒻᒪᕐᑎᑉᐹ ᑬᓚᐱ ᔨᐳᓂᐊᐅᑉ ᐃᕐᓂᖓ; ᑐᓂᕚᓗ ᐃᒡᓗᒐᓴᖕᓂᒃ ᕼᐃᐸᕋᓐᒥᒃ ᓄᓇᑖᖁᓪᓗᒍ ᑭᖑᕐᖑᑎᓕᕐᓗᒍᓗ.

ᔮᓱᐊᑉ ᐊᒡᓚᖏᑦ 15:13

ᐊᑕᓂᐅᑉ ᔮᓱᐊᒥᒃ ᐱᖁᔨᓂᖓ ᒪᓕᒡᓗᒍ, ᔫᑕᐅᑉ ᓄᓇᖁᑎᖓᑕ ᐃᓚᖓ ᑐᓂᔭᐅᕗᖅ ᑬᓚᐱᒧᑦ ᔨᐳᓂᐊᐅᑉ ᐃᕐᓂᖓᓄᑦ, ᑭᕆᐊᑦ-ᐊᕋᐸᒥᒃ ᑖᓐᓇ ᕼᐃᐸᕋᓐᖑᕗᖅ, (ᑖᓐᓇ ᐋᕐᐸ ᐊᓇᑭᒃᑯᑦ ᐊᑖᑕᒋᓚᐅᕐᐹᑦ).