ᒨᓯᓯ ᓯᕗᓪᓖᑦ 11:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐊᖅᑲᕐᕕᒋᓚᐅᕐᓚᕗᑦ, ᐅᖃᐅᓯᖏᓪᓗ ᐊᑦᔨᒌᒍᓐᓃᕐᑎᓪᓗᒋᑦ, ᑐᑭᓯᐊᖃᑦᑕᐅᑎᔪᓐᓁᓪᓕᓂᐊᕐᒪᑕ ᐃᒻᒥᖕᓄᑦ ᐅᖃᖃᑎᒌᒐᓱᒡᓗᑎᒃ.”

ᒨᓯᓯ ᓯᕗᓪᓖᑦ 11:7 Iomraidhean Croise

ᒨᓯᓯ ᓯᕗᓪᓖᑦ 1:26

ᑕᕝᕙ ᒎᑎ ᐅᖃᕆᕗᖅ, “ᒫᓐᓇᓕ ᐃᓄᖕᒥᒃ ᐊᑦᔨᑦᑎᓐᓂᒃ ᓴᓇᓚᐅᕐᑕ, ᐅᕙᑦᑎᓐᓂᒃ ᐊᑦᔨᖃᐸᓗᖕᓂᐊᕐᑐᓂᒃ; ᐊᖓᔪᖅᑲᐅᓂᐊᕐᑐᓂᒃ ᐃᖃᓗᖕᓄᑦ ᐃᒪᕐᒥᐅᑕᓄᓪᓗ, ᑎᖕᒥᐊᓄᓪᓗ ᖃᖓᑕᕙᒃᑐᓄᑦ, ᐆᒪᔪᓕᒫᓄᓪᓗ ᓄᔪᐊᖏᑦᑐᓄᑦ, ᓄᓇᒦᑦᑐᓕᒫᓄᓪᓗ, ᐹᕐᖑᕐᑐᓄᓪᓗ ᑕᒤᓐᓂᒃ ᓄᓇᒥ ᐹᕐᖑᕐᑐᓕᒫᓄᑦ.”

ᒨᓯᓯ ᓯᕗᓪᓖᑦ 10:20

ᑖᒃᑯᐊ ᑕᕝᕙ ᕼᐋᒥᐅᑉ ᑭᖑᕚᖏᑦ, ᐃᓚᒌᖕᓂᕐᒥᒃᑎᒍᑦ, ᐅᖃᐅᓯᖃᑎᒌᖕᓂᕐᒥᒃᑎᒍᑦ, ᓄᓇᒥᒃᑎᒍᑦ, ᐃᓅᖃᑎᒌᒡᔪᐊᖑᓂᕐᒥᒃᑎᒍᓪᓗ.

ᒨᓯᓯ ᓯᕗᓪᓖᑦ 10:32

ᑖᒃᑯᐊ ᑕᕝᕙ ᑕᒪᕐᒥᒃ ᐃᓄᓕᒫᑦ ᓄᐊᑉ ᑭᖑᕚᕆᓚᐅᕐᐰᑦ, ᑭᖑᕚᖑᖃᑎᒌᖕᓂᖏᑎᒍᓪᓗ, ᐃᓅᖃᑎᒌᒡᔪᐊᖑᓂᖏᑎᒍᑦ; ᑕᒪᒃᑯᐊ ᐃᓅᖃᑎᒌᒡᔪᐊᑦ ᓯᐊᒻᒪᓚᐅᕐᐳᑦ ᐅᖓᓯᒃᑐᓄᑦ ᓄᓇᕐᔪᐊᕐᒥ ᐅᓕᕕᒡᔪᐊᑉ ᑭᖑᓂᖓᓂ.

ᒨᓯᓯ ᓯᕗᓪᓖᑦ 10:5

ᑖᒃᑯᓇᓐᖓᑦ ᑕᕝᕙ ᐃᓄᐃᑦ ᓯᐊᒻᒪᓚᐅᕐᐳᑦ ᐃᒪᐅᑉ ᓯᓈᓂᑦᑐᓄᑦ, ᐅᑯᐊ ᑕᕝᕙ ᔧᐱᑎᐅᑉ ᑭᖑᕚᖏᑦ ᓄᓇᒥᖕᓂ, ᓇᖕᒥᓂᕐᓗ ᐅᖃᐅᓯᖃᕐᓗᑎᒃ, ᐃᓚᒌᖕᓂᕐᒥᒃᑎᒍᑦ, ᐃᓅᖃᑎᒌᒡᔪᐊᖑᓂᕐᒥᒃᑎᒍᓪᓗ.

ᒨᓯᓯ ᓯᕗᓪᓖᑦ 11:5

ᐊᑕᓂᕐᓕ ᐊᖅᑲᕐᐳᖅ ᑕᑯᔭᕐᑐᕐᓗᓂ ᐃᒡᓗᒐᓴᒡᔪᐊᒥᒃ ᐳᕐᑐᔪᓕᐊᖓᓂᒡᓗ, ᐃᓄᖕᓄᑦ ᓴᓇᔭᐅᔪᒥᒃ;

ᒨᓯᓯ ᓯᕗᓪᓖᑦ 3:22

ᐊᑕᓂᕐᓗ ᒎᑎ ᐅᖃᕐᐳᖅ, “ᑕᑯᒋᑦ, ᐊᖑᒃ ᐅᕙᑦᑎᑐᑦ ᑍᒤᓕᕐᒪᑦ, ᖃᐅᔨᒪᓕᕐᓗᓂᓗ ᐱᐅᔪᒥᒃ ᐱᐅᖏᑦᑐᒥᒡᓗ; ᑎᒍᓯᑐᐃᓐᓇᕆᐊᖃᓕᕐᒪᑦ ᓇᐹᕐᑑᑉ ᐃᓅᓯᖃᕐᓇᕐᑑᑉ ᐸᐅᕐᖓᖓᓂᒃ ᓂᕆᓗᒍᓗ, ᐃᓅᓕᕐᓗᓂᓗ ᐃᓱᖃᖏᑦᑐᒧᑦ.”

ᒨᓯᓯ ᓯᕗᓪᓖᑦ 42:23

ᖃᐅᔨᒪᓚᐅᓐᖏᓚᓪᓕ ᔫᓯᐱᒧᑦ ᑐᑭᓯᔭᐅᖕᒪᖔᕐᒥᒃ, ᑖᒃᑯᐊ ᐅᖃᓪᓚᖃᑦᑕᐅᑎᓕᕌᖓᒥ ᑐᓵᔨᖃᖃᑦᑕᕋᒥᒃ.

ᔫᐱᐅᑉ ᐊᒡᓚᖏᑦ 12:20

ᐅᒃᐱᕆᔭᐅᑦᓯᐊᕐᑐᑦ ᐅᖃᓪᓚᒍᓐᓁᓪᓕᑎᑉᐰᑦ, ᐃᓄᑐᕾᓪᓗ ᖃᐅᔨᒪᓂᖏᑦ ᐲᕐᑎᑉᐰᑦ.

ᐃᓐᖏᕈᑎᑦ 2:4

ᕿᓚᖕᒥ ᑕᕝᕙ ᐃᒃᓯᕙᔪᖅ ᐃᔪᕈᒫᕐᐳᖅ; ᐊᑕᓂᐅᑉ ᓇᓗᓕᕐᑎᑦᓱᒫᕐᒪᒋᑦ.

ᐃᓐᖏᕈᑎᑦ 33:10

ᐊᑕᓂᐅᑉ ᐃᓅᖃᑎᒌᒡᔪᐊᑦ ᐃᓱᒪᓕᐅᖃᑎᒌᖕᓂᖏᑦ ᐊᓯᐅᑎᑉᐰᑦ; ᐃᓄᐃᓪᓗ ᓯᕗᓂᕐᒧᑦ ᐃᓱᒪᓕᐅᕈᑎᒋᔭᖏᑦ ᐊᑐᕈᓐᓃᕐᑎᑉᐰᑦ.

ᐃᓐᖏᕈᑎᑦ 55:9

ᐱᐅᖏᑦᑐᓕᔪᑦ ᐊᓯᕈᓚᐅᒃᑭᑦ, ᐊᑕᓃᖅ, ᐅᖃᐅᓯᒃᓴᒥᒡᓗ ᓇᓗᓕᕐᑎᓪᓗᒋᑦ. ᑕᑯᓯᒪᒐᒪ ᑲᑉᐱᐊᓱᒃᑎᑦᓯᔪᓂᒃ ᐊᒃᓱᕈᕐᑎᑕᐅᔪᓂᒡᓗ ᐃᒡᓗᒐᓴᒡᔪᐊᓂᒃ.

ᒨᓯᓯ ᐂᑉᐸᖏᑦ 4:11

ᐊᑕᓂᐅᓪᓕ ᐅᖃᐅᑎᕚ, “ᑭᐊᓕ ᐃᓅᑉ ᖃᓂᖓ ᓴᓇᓚᐅᕐᐸᐅᒃ? ᑭᐊᓗ ᐅᖃᕈᓐᓇᕈᓐᓃᕐᑎᑉᐸᐅᒃ, ᐅᕝᕙᓗ ᑭᐊ ᑐᓵᔪᓐᓃᕐᑎᑉᐸᐅᒃ, ᑭᐊᓗ ᑕᑯᔪᓐᓇᕐᑎᑉᐸᐅᒃ, ᑕᐅᑐᒍᓐᓃᕐᑎᓪᓗᓂᐅᒡᓘ? ᐅᕙᖓ ᐊᑕᓂᐅᔪᖓ ᑖᒃᑯᓂᖓ ᓴᓇᓚᐅᓐᖏᓚᖔ?

ᐂᓮᐊᓯᐅᑉ ᐊᒡᓚᖏᑦ 33:19

ᐃᓄᖕᓂᒃ ᓵᓚᓯᐊᖃᕐᑐᓂᒃ ᑕᑯᔪᓐᓃᕈᒫᕐᐳᓯ, ᑐᑭᓯᐊᓐᖏᑕᑦᓯᓐᓂᒡᓗ ᐅᖃᐅᓯᖃᕐᑐᓂᒃ ᑕᑯᔪᓐᓃᕈᒫᕐᐳᓯ, ᐃᒃᑐᕆᒃᑐᓂᒡᓗ ᐅᖃᐅᓯᖃᕐᑐᑦ ᑐᑭᓯᔪᓐᓇᓐᖏᑕᑦᓯᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 6:8

ᐊᑕᓂᕐᓗ ᐅᖃᕐᑐᖅ ᑐᓴᕐᐸᕋ, “ᑭᓇᒥᒃ ᑎᓕᓯᓂᐊᕐᐳᖓ, ᐱᔪᖃᓛᕐᑐᒥᒃ ᐅᖃᕐᑎᒋᓂᐊᕐᑕᑦᑎᓐᓂᒃ?” ᑕᕝᕙ ᐅᖃᕐᐳᖓ, “ᐅᕝᕙᐅᕗᖓ! ᑎᓕᓚᐅᓐᖓ.”

ᔨᕆᒤᐊᐅᑉ ᐊᒡᓚᖏᑦ 5:15

ᐃᓴᕆᐊᓕᒥᐅᓄᑦ, ᐊᑕᓂᖅ ᐅᖃᕐᐳᖅ, ᑎᓕᓯᓂᐊᕐᐳᖓ ᐃᓅᖃᑎᒌᒡᔪᐊᓂᒃ ᐅᖓᓯᒃᑐᒥᑦ ᐱᔪᓂᒃ ᐃᓕᑦᓯᓐᓂᒃ ᐅᓇᑕᕆᐊᕐᑐᕐᑐᓂᒃ. ᐃᓅᖃᑎᒌᒡᔪᐊᑐᖃᐅᔪᓂᒃ ᐱᔪᓐᓇᕐᓂᖃᑦᓯᐊᕐᑐᓂᒃ, ᐅᖃᐅᓯᖃᖃᑎᒋᓐᖏᑕᑦᓯᓐᓂᒃ ᐅᖃᐅᓯᖏᓪᓗ ᑐᑭᓯᓂᐊᓐᖏᓚᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:23

ᑕᕝᕙᓕ ᐅᒃᐱᕐᑑᖃᑎᒌᑦ ᑲᑎᒪᓗᑎᒃ ᑕᒪᕐᒥᒃ ᐅᖃᐅᓯᕐᓄᑦ ᑐᓴᕐᖓᕐᑕᓄᑦ ᐅᖃᓪᓚᓕᕐᐸᑕ, ᐃᓚᒋᔭᐅᕙᖏᑦᑐᑦ ᐅᕝᕙᓗ ᐅᒃᐱᖏᑦᑐᑦ ᐃᑎᕈᑎᒃ, ᑖᒃᑯᓄᖓ ᐃᓱᒤᕈᑎᓯᒪᓂᕋᕐᑕᐅᒐᔭᓐᖏᓚᓰ?

ᒨᓯᓯ ᑕᓪᓕᒪᖏᑦ 28:49

ᐊᑕᓂᖅ ᐃᓅᖃᑎᒌᒡᔪᐊᓂᒃ ᓄᓇᕐᔪᐊᑉ ᐃᓱᐊᓂᑦ ᐱᓯᒪᔪᓄᑦ ᐅᐸᒃᑕᐅᑎᑦᓱᒫᕐᐹᓯ ᐅᓇᑕᕆᐊᕐᑕᐅᓗᓯ, ᐅᐸᒃᑐᕈᒫᕐᐳᑦ ᓇᒃᑐᕋᓕᒃᑎᑐᑦ ᐊᐅᕐᓵᕐᑐᑎᑐᑦ,