30 ᓴᕅᓕ ᕿᑐᕐᖏᓱᐃᑦᑑᒐᒥ; ᕿᑐᕐᖓᖃᓚᐅᓐᖏᓚᖅ.
ᑏᕋᐅᓪᓕ ᐃᕐᓂᓂ ᐂᑉᕋᒻ ᓇᒃᓴᕐᓗᓂᐅᒃ, ᐃᕐᖑᑕᓂᓗ ᓘᑎ, ᕼᐊᕋᓂᐅᑉ ᐃᕐᓂᖓ, ᐅᑯᐊᓂᓗ ᓴᕅ, ᐂᑉᕋᐅᑉ ᓄᓕᐊᖓ, ᑖᒃᑯᐊ ᐃᓚᒋᓪᓗᒋᑦ ᑕᕝᕙᓐᖓᑦ ᓄᓇᓕᖕᓂᑦ ᐊᐅᓪᓚᓚᐅᕐᐳᑦ ᐅᕐᒥᑦ ᑲᐅᓪᑎᐊᒦᑦᑐᒥᑦ ᑬᓇᓂᐅᑉ ᓄᓇᖓᓄᐊᕐᓗᑎᒃ. ᓄᓇᒧᑦ ᕼᐊᕋᓐᒥᒃ ᐊᑎᓕᖕᒧᑦ ᑎᑭᓪᓗᑎᒃ ᑕᕝᕙᓂᓗ ᓄᓇᖃᓕᓚᐅᕐᐳᑦ.
ᐂᓴᑭᓗ ᑐᒃᓯᐊᓚᐅᕐᐳᖅ ᐊᑕᓂᕐᒧᑦ, ᓄᓕᐊᖓ ᕿᑐᕐᖏᓱᐃᑦᑑᖕᒪᑦ; ᑐᒃᓯᐊᕐᓂᖓᓗ ᐊᑕᓂᐅᑉ ᑐᓴᕐᐹ, ᓄᓕᐊᖓᓗ ᕇᐱᑲ ᓄᑕᕋᒃᓴᖃᓕᕐᐳᖅ.
ᐊᑕᓂᕐᓕ ᖃᐅᔨᒪᒐᒥ ᓕᐊᑉ ᓇᒡᓕᒋᔭᐅᖏᓐᓂᕐᓴᐅᓂᖓᓂᒃ, ᕿᑐᕐᖓᕐᑖᕈᓐᓇᕐᑎᓚᐅᕐᐹ; ᕅᒋᓕᓕ ᕿᑐᕐᖏᓱᐃᑦᑑᓚᐅᕐᐳᖅ.
ᐊᕐᓇᒥᒃ ᕿᑐᕐᖏᓱᐃᑦᑐᒥᒃ ᐊᖏᕐᕋᕐᑖᑦᑎᑦᓯᔪᖅ, ᖁᕕᐊᓱᒻᒪᕆᒡᓗᓂ ᐊᓈᓇᒋᔭᐅᖁᓪᓗᒍ ᕿᑐᕐᖓᖏᓐᓄᑦ. ᐊᑕᓂᖅ ᓂᕐᑐᕐᑕᐅᓕ!
ᑕᑯᒋᑦ, ᐃᓚᒋᔧᑦ ᐃᓕᓴᐱ ᐃᓄᑐᖃᐅᓕᕋᓗᐊᕐᓗᓂ ᐃᕐᓂᕐᑖᕈᒫᓕᕐᐳᖅ; ᑕᖅᑭᓂᒃ ᐱᖓᓲᔪᕐᑐᓂᒃ ᓄᑕᕋᒃᓴᖃᓕᕐᐳᖅ ᑖᓐᓇ ᕿᑐᕐᖏᓱᐃᑦᑑᓂᕋᕐᑕᐅᔪᖅ.
ᕿᑐᕐᖓᖃᓚᐅᓐᖏᓚᒡᓕ, ᐃᓕᓴᐱ ᕿᑐᕐᖏᓱᐃᑦᑑᓚᐅᕐᒪᑦ, ᐅᐃᒌᒃ ᑕᒪᕐᒥᒃ ᐃᓄᑐᖃᐅᓕᓚᐅᕐᐳᒃ.
ᐊᖑᑎᑕᖃᓚᐅᕐᐳᖅ ᔫᕋᒥᐅᑕᕐᒥᒃ, ᑖᓐ ᑭᖑᕚᖓᓂᒃ, ᒪᓄᐊᒥᒃ ᐊᑎᓕᖕᒥᒃ ᓄᓕᐊᖓᓗ ᕿᑐᕐᖏᓱᐃᑦᑑᓚᐅᕐᐳᖅ.
ᐃᐅᓪᑳᓇᓕ ᓄᓕᐊᖃᕐᐳᖅ ᒪᕐᕉᖕᓂᒃ; ᕼᐋᓇᒥᒃ ᐱᓃᓇᒥᒡᓗ. ᐱᓃᓇ ᕿᑐᕐᖓᖃᕐᐳᖅ, ᕼᐋᓇᓕ ᕿᑐᕐᖓᖃᓚᐅᓐᖏᓚᖅ.
ᕼᐋᓇᒧᓪᓕ ᑐᓂᓯᕙᒃᐳᖅ ᐊᑕᐅᓯᕐᓯᐅᑎᒥᒃ, ᓇᒡᓕᒋᒻᒪᕆᒃᑲᓗᐊᕐᓗᒍ ᕼᐋᓇ, ᐊᑕᓂᐅᑉ ᒪᑐᓯᒪᓚᐅᕐᒪᒍ ᐃᒡᓕᐊᖓ.
