4 ᔭᕚᓇᐅᑉ ᐃᕐᓂᖏᑦ ᐅᑯᐊᖑᕗᑦ; ᐃᓔᓴᕼᐊ, ᑖᕐᓯᓯ, ᑭᑎᒻ, ᑐᑕᓂᒻᓗ;
ᑖᒃᑯᓇᓐᖓᑦ ᑕᕝᕙ ᐃᓄᐃᑦ ᓯᐊᒻᒪᓚᐅᕐᐳᑦ ᐃᒪᐅᑉ ᓯᓈᓂᑦᑐᓄᑦ, ᐅᑯᐊ ᑕᕝᕙ ᔧᐱᑎᐅᑉ ᑭᖑᕚᖏᑦ ᓄᓇᒥᖕᓂ, ᓇᖕᒥᓂᕐᓗ ᐅᖃᐅᓯᖃᕐᓗᑎᒃ, ᐃᓚᒌᖕᓂᕐᒥᒃᑎᒍᑦ, ᐃᓅᖃᑎᒌᒡᔪᐊᖑᓂᕐᒥᒃᑎᒍᓪᓗ.
ᔭᕚᓇᐅᑉ ᐃᕐᓂᖏᑦ: ᐃᓔᓴᕼᐊ, ᑖᕐᓯᓯ, ᑭᑎᒻ, ᕉᑕᓂᒻᓗ.
ᐅᑯᐊ ᐅᖃᐅᓰᑦ ᐃᓂᕐᑎᕆᔪᑦ ᑍᕆᒥᐅᓂᒃ ᐱᑦᔪᑎᖃᕐᐳᑦ, ᕿᒃᓵᖕᓂᕐᒧᑦ ᓂᓪᓕᐊᒋᑦᓯ, ᐅᒥᐊᕐᑐᕐᑎᐅᔪᓯ ᑖᕐᓯᓯᒥᐅᑦ ᑕᕆᐅᕐᔪᐊᕐᒥ! ᑐᓚᒃᑕᕐᕕᒋᕙᒃᑕᓯ ᑍᕆᒥᐅᑦ ᐊᓯᕈᕐᓯᒪᖕᒪᑕ: ᐃᒡᓗᖏᑦ ᐅᒥᐊᕐᔪᐊᓄᓪᓗ ᐅᓯᓕᕐᓱᕐᕕᖏᑦ ᓯᖁᑦᑎᕐᓯᒪᓕᕐᐳᑦ, ᐅᒥᐊᕐᔪᐊᓯ ᓮᐸᕋᓯᒥᑦ ᐅᑎᕐᐸᓪᓕᐊᓕᕐᑎᓪᓗᒋᑦ ᑐᓴᓚᐅᕐᐳᓯ.
ᓮᑐᓂᒥᐅᑕᐅᔪᓯ, ᖁᕕᐊᓱᖕᓂᓯ ᐃᓱᓕᑉᐳᖅ, ᐃᓄᖁᑎᓯᓗ ᐅᖁᒤᒃᓴᕐᑎᑕᐅᓕᕐᓗᑎᒃ, ᓮᐸᕋᓯᒧᑦ ᕿᒫᒐᓗᐊᕈᑎᒃ, ᓴᐳᑎᔭᐅᕚᓪᓕᕐᓂᐊᓐᖏᓚᑦ.
“‘ᑖᕐᓯᓯᒧᑦ ᓂᐅᕐᕈᑎᑲᕆᐊᕐᑐᖃᑦᑕᕐᐳᓯ ᐊᔪᕐᓴᖏᑦᑐᕐᔪᐊᖑᒐᑦᓯ ᓱᓇᓕᒫᓂᒃ; ᓯᐅᓪᕕᕆᓂᒃ, ᓴᕕᕋᔭᖕᓂᒃ, ᓴᕕᕋᔭᖕᓂᒡᓗ ᓵᑦᑐᓂᒃ, ᑯᓯᕐᓯᐊᓂᒡᓗ ᓱᓇᑐᐃᓐᓇᕐᑖᕈᑎᖃᖃᑦᑕᕐᐳᓯ ᐊᑭᓕᐅᑕᐅᔪᓂᒃ ᑕᐅᕐᓰᑦᔪᑎᒋᔭᑦᓯᓐᓄᑦ.
ᓂᐅᕕᐊᒃᓴᖁᑎᓯ ᐅᓯᔭᐅᕙᒃᐳᑦ ᑖᕐᓯᓯᒥᐅᓄᑦ. ᑍᒤᒻᒪᑦ ᐱᖁᑎᓕᐊᓘᓕᕐᐳᓯ ᐅᖁᒤᑦᑐᓂᒃ ᐅᓯᔭᐅᖃᑦᑕᕐᑐᓄᑦ ᐃᒪᕐᔪᐊᒃᑯᑦ.
ᐃᐳᑎᑖᕐᐸᒡᓗᑎᒡᓗ ᓯᑎᔪᔭᓂᒃ ᐆᒃᓂᒃ ᓇᐹᕐᑐᓂᒃ ᐹᓴᓂᒥᑦ ᐱᔪᓂᒃ, ᐅᒥᐊᒥᒡᓗ ᓇᑎᓕᐅᕐᐸᒡᓗᑎᒃ ᕿᔪᑦᓯᐊᓂᒃ ᓮᐸᕋᓯᒥᑦ ᐱᔪᓂᒃ, ᑕᑯᒥᓇᐅᑎᖃᕐᓗᒍ ᑑᒑᓂᒃ.
ᐄᑦᔨᑉᑎᒥᑦ ᖃᓪᓗᓈᕐᑕᓂᒃ ᓵᑦᑐᓂᒃ ᑕᕐᓯᕐᑐᕐᓯᒪᔪᓂᒃ ᑎᖏᕐᕋᐅᑕᖃᕐᐸᒃᓗᓯ, ᐃᓕᑕᕆᔭᐅᔪᓐᓇᕐᑐᓂᒃ; ᑖᓗᑕᖃᕐᓗᓯᓗ ᖃᓪᓗᓈᕐᑕᑦᓯᐊᕙᖕᓂᒃ ᓵᑦᑐᓂᒃ ᑐᖑᔪᕐᑐᓂᒃ ᐊᐅᐸᓪᓚᕆᒃᑐᓂᒡᓗ ᕿᑭᕐᑕᒥᐅᓂᑦ ᐱᓯᒪᔪᓂᒃ ᓮᐸᕋᔅᒥᑦ.
ᐅᒥᐊᕐᔪᐊᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᑦ ᐃᒪᐅᑉ ᓯᓈᓃᑦᑐᑦ ᑭᑎᒻᒥᑦ ᐊᑭᕋᕐᑐᕈᒫᕐᐳᑦ ᑖᑦᓱᒧᖓ, ᑕᕝᕙ ᑲᑉᐱᐊᓱᒻᒪᕆᓕᕈᒫᕐᐳᖅ, ᐅᑎᓕᕈᒫᕐᐳᕐᓗ, ᓂᓐᖓᐅᒪᓂᓂᓗ ᓵᑎᑦᓱᒫᕐᐹ ᐃᑦᔪᕐᓁᑦᑐᓄᑦ ᐊᖏᖃᑎᒌᒍᑕᐅᓯᒪᔪᓄᑦ. ᑭᖑᓂᖓᒍᑦ ᐅᑎᕈᒫᕐᐳᖅ ᐱᑦᓯᐊᕐᕕᒋᓕᕐᓗᒋᓪᓗ ᐃᑦᔪᕐᓁᑦᑐᒥᒃ ᐊᖏᖃᑎᒌᒍᑕᐅᓯᒪᔪᒥᒃ ᕿᒤᓯᒪᔪᑦ ᓈᓚᖔᓕᕐᓗᒋᑦ.
ᐅᒥᐊᕐᔪᐊᑦ ᑎᑭᑦᓱᒫᕐᐳᑦ ᑭᑎᒻᒥᐅᑉ ᓯᒡᔭᖓᓂᑦ; ᑖᒃᑯᐊᓗ ᐋᓱᕆ ᐄᐸᕆᓗ ᓵᓚᒋᔪᒫᕐᐹᒃ, ᐋᒪᓕᒃᑎᑐᑦᑕᐅᖅ, ᑍᒤᑕᐅᔪᒫᕐᐳᑦ ᐊᓯᕈᕐᑕᐅᕕᖕᒥᖕᓄᑦ.”
