ᒨᓯᓯ ᓯᕗᓪᓖᑦ 10:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᔮᐱᑎᐅᑉ ᐃᕐᓂᖏᑦ ᐅᑯᐊᖑᕗᑦ; ᒎᒪᕐ, ᒪᒑᒡ, ᒪᑍ, ᔭᕚᓐ, ᑐᐸᐅᓪ, ᒥᓯᑭ, ᑍᕋᓯᓗ.

ᒨᓯᓯ ᓯᕗᓪᓖᑦ 10:2 Iomraidhean Croise

ᒨᓯᓯ ᓯᕗᓪᓖᑦ 10:1

ᐅᑯᐊ ᑕᕝᕙ ᓄᐊᑉ ᐃᕐᓂᖏᑕ ᑭᖑᕚᖏᑦ, ᓰᒥᐅᑉ, ᕼᐋᒥᐅᓪᓗ, ᔮᐱᑎᐅᓪᓗ; ᐃᕐᓂᕐᑖᕆᓚᐅᕐᑕᖏᑦ ᐅᓕᕕᒃᔪᐊᕐᓂᐅᑉ ᑭᖑᓂᖓᓂ.

ᒨᓯᓯ ᓯᕗᓪᓖᑦ 10:21

ᓰᒥᓕᑦᑕᐅᖅ ᓯᕗᓕᕆᔭᐅᕗᖅ ᑕᒤᓐᓄᑦ ᐄᐸᕆᐅᑉ ᕿᑐᕐᖓᖏᓐᓄᑦ, ᔮᐱᑎᐅᑉ ᐊᖓᔪᖓᑕ ᐃᕐᓂᕐᑖᕆᓚᐅᕐᐰᑦ.

ᒨᓯᓯ ᓯᕗᓪᓖᑦ 9:27

ᒎᑎᐅᓪᓕ ᔮᐱᑎ ᐃᓄᒋᐊᒃᓯᕙᓪᓕᐊᑎᓪᓕᐅᒃ, ᑖᑦᓱᒪᓗ ᑭᖑᕚᖏᑦ ᓄᓇᖃᑎᖃᕐᓕᑦ ᓰᒥᐅᑉ ᑭᖑᕚᖏᑕ ᐃᓄᖏᓐᓂᒃ, ᑬᓇᓂᓕ ᐱᔨᒋᔭᐅᔪᒫᕐᐳᖅ ᔧᐱᑎᒧᑦ.”

ᐊᑕᓃᑦ ᐂᑉᐸᖏᑦ 17:6

ᕼᐆᓯᐊ ᐊᕐᕌᒍᓂᒃ 9ᓂᒃ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᓴᒥᐊᕆᐊᒥᐅᑦ ᓵᓚᒋᒐᒥᒋᑦ ᑎᒍᓚᐅᕐᐰᑦ ᐃᓄᖏᑦ ᐊᐅᓪᓚᕈᑎᓪᓗᓂᒋᑦ ᓄᓇᑖᕐᑎᑉᐰᑦ ᐊᓯᕆᐊᑉ ᓄᓇᓕᖏᑦᑕ ᐃᓚᖏᓐᓂ ᕼᐋᓚᒥᒃ, ᐃᓚᖏᓪᓗ ᕼᐂᐸᒥ ᑰᑉ ᓯᓈᓃᑦᑐᒥ ᒎᔭᓂᐅᑉ ᓄᓇᖓᓂ, ᐃᓚᖏᓪᓗ ᒥᑏᔅᒥᐅᑦ ᐃᒡᓗᒐᓴᖏᓐᓂ.

ᐃᓐᖏᕈᑎᑦ 120:5

ᑲᑉᐱᐊᓐᓇᒦᒃ ᐅᕙᖓ ᓄᓇᖃᖃᑕᐅᒐᒪ ᒥᓯᑭᒥ, ᐃᓚᒋᔭᐅᓪᓗᖓᓗ ᑭᑕᕆᒃᑯᑦ ᑐᐱᖃᕐᕕᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 66:19

ᓇᓗᓁᒃᑯᑕᖃᕐᑎᑦᓯᔪᒫᕐᐳᖓᓗ ᑖᒃᑯᓇᓂ. “ᑖᒃᑯᓇᓐᖓᓪᓗ ᐊᒥᐊᒃᑰᔪᓂᒃ ᐊᐅᓪᓚᕈᑦᔭᐅᑎᑦᓯᔪᒫᕐᐳᖓ, ᓄᓇᓕᖕᓄᑦ ᑖᕐᓯᓯᒧᑦ, ᓄᓇᓕᖕᓄᓪᓗ ᐴᓕᒧᑦ, ᓗᑦᒧᓪᓗ, ᐱᑎᒃᓯᒥᖕᓂᒃ ᐅᕐᓕᕐᑐᕐᑐᓄᑦ ᑐᐸᐅᓪᒥᐅᓄᑦ, ᔭᕚᓇᒥᐅᓄᓪᓗ, ᐃᒪᐅᓪᓗ ᓯᓈᓂᒥᐅᓄᑦ ᐅᖓᓯᒃᑐᒦᑦᑐᓄᑦ, ᐅᖃᐅᑎᒋᔭᐅᓂᓐᓂᒃ ᑐᓴᓚᐅᕐᓯᒪᖏᑦᑐᓄᑦ ᓂᕐᑐᕐᓇᕐᓂᕐᔪᐊᓐᓂᒡᓗ ᑕᑯᓚᐅᕐᓯᒪᖏᑦᑐᓄᑦ; ᑖᒃᑯᐊᓗ ᓂᕐᑐᕐᓇᕐᓂᕐᔪᐊᕋ ᐅᖃᐅᑎᒋᔪᒫᕐᐹᑦ ᐃᓅᖃᑎᒌᒡᔪᐊᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 27:19

ᕔᓂᓂᒡᓗ ᐅᔧᓕᒥᑦ ᐱᓯᒪᔪᓄᑦ ᑕᐅᕐᓰᕙᒃᓗᓯ ᓂᕐᕆᑎᑖᕈᑎᒋᓪᓗᒋᑦ, ᓴᕕᕋᔭᖕᓂᒡᓗ ᒪᓐᖏᕈᓐᓇᖏᑦᑐᓂᒃ, ᓂᕿᓄᓪᓗ ᐃᓚᐅᕈᑎᒃᓴᓂᒃ ᑲᓯᐊᓂᒃ ᑲᓛᒪᓯᓂᒡᓗ ᐱᒃᓴᑦᓯᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 27:7

ᐄᑦᔨᑉᑎᒥᑦ ᖃᓪᓗᓈᕐᑕᓂᒃ ᓵᑦᑐᓂᒃ ᑕᕐᓯᕐᑐᕐᓯᒪᔪᓂᒃ ᑎᖏᕐᕋᐅᑕᖃᕐᐸᒃᓗᓯ, ᐃᓕᑕᕆᔭᐅᔪᓐᓇᕐᑐᓂᒃ; ᑖᓗᑕᖃᕐᓗᓯᓗ ᖃᓪᓗᓈᕐᑕᑦᓯᐊᕙᖕᓂᒃ ᓵᑦᑐᓂᒃ ᑐᖑᔪᕐᑐᓂᒃ ᐊᐅᐸᓪᓚᕆᒃᑐᓂᒡᓗ ᕿᑭᕐᑕᒥᐅᓂᑦ ᐱᓯᒪᔪᓂᒃ ᓮᐸᕋᔅᒥᑦ.

ᐃᓯᑭᐊᓕᐅᑉ ᐊᒡᓚᖏᑦ 32:26

“ᒪᓯᑭᒃᑯᑦ ᑐᐸᐅᓪᒥᐅᓪᓗ ᑕᕝᕙᓃᒃᑭᕗᑦ, ᐅᓇᑕᕐᑎᖁᑎᕕᓂᖏᑦ ᐃᓗᕕᕐᑕᐅᓯᒪᒋᕗᑦ ᓇᓂᓕᒫᖅ, ᑭᐱᓯᒪᖏᑦᑐᓄᑦ ᐃᓚᒋᔭᐅᓪᓗᑎᒃ, ᓴᕕᒡᔪᐊᒧᑦ ᑐᖁᑕᐅᓯᒪᔪᓄᑦ; ᐃᓅᓪᓗᑎᒃ ᑲᑉᐱᐊᓱᒃᑎᑦᓯᖃᑦᑕᕐᓯᒪᔪᑦ ᐃᓅᖃᑎᒥᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 38:15

ᓄᓇᒋᔭᑦᓯᓐᓂᑦ ᐅᓐᓄᐊᓪᓗᐊᑉ ᓇᓛᓂᑦ ᐅᓇᑕᕐᑐᒃᓴᒐᓴᒡᔪᐊᓂᒃ ᐱᔪᓐᓇᕐᑐᕐᔪᐊᓂᒃ ᑕᓯᐅᕐᓯᔪᒫᕐᐳᓯ ᐃᓅᖃᑎᒌᒡᔪᐊᒐᓴᖕᓂᑦ ᐱᓯᒪᔪᓂᒃ ᕿᒥᕐᔪᐊᓂ ᐃᑭᒪᔪᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 38:2

“ᐃᓅᑉ ᐃᕐᓂᖓ, ᒑᒡ ᓵᕝᕕᒋᒍᒃ, ᒪᒑᒡ ᓄᓇᖓᓃᑦᑐᖅ, ᐊᖓᔪᖅᑳᖑᔪᖅ ᒥᓯᑭᒥᐅᓄᑦ ᑐᐸᐅᓪᒥᐅᓄᓪᓗ, ᓵᓐᖓᓗᒍ ᐅᖃᕐᑕᐅᖁᔭᓐᓂᒃ ᐅᖃᕐᕕᒋᒍᒃ,

ᐃᓯᑭᐊᓕᐅᑉ ᐊᒡᓚᖏᑦ 38:6

ᐅᓇᑕᕐᑏᓪᓗ ᓄᓇᓂᑦ ᒎᒪᒥᑦ ᐃᓄᒋᐊᒃᑐᕐᔪᐊᖁᑎᖏᓪᓗ; ᐱᑦ-ᑐᒐᕐᒪᒥᓪᓗ ᐅᓐᓄᐊᓪᓗᐊᒥᑦ ᐅᖓᓯᒃᑐᒥᑦ ᐱᓯᒪᔪᓕᒫᑦ ᐃᓄᒋᐊᒃᑐᕐᔪᐊᖁᑎᖏᓪᓗ ᐊᓯᖏᓪᓗ ᐃᓄᒐᓴᒡᔪᐊᑦ ᐃᓚᒋᕚᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 39:1

“ᐃᕝᕕᓪᓕ ᐃᓅᑉ ᐃᕐᓂᖓ ᒑᒡᒥᐅᑦ ᓵᓐᖓᓗᒋᑦ ᐅᖃᐅᓯᐅᖁᔭᓐᓂᒃ ᐅᖃᕐᕕᒋᒃᑭᑦ, ᐅᖃᕐᓗᑎᓪᓗ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᓵᓐᖓᓕᕐᐸᒋᑦ, ᒑᒡ, ᐊᖓᔪᖅᑳᖑᔪᑎᑦ ᒥᓯᑭᒥᐅᓄᑦ ᑐᐸᐅᓪᒥᐅᓄᓪᓗ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:8

ᐃᓅᖃᑎᒌᒡᔪᐊᓂᒡᓗ ᓇᓂᑐᐃᓐᓈᕐᑐᓂᒃ ᑕᒻᒪᕐᑎᑦᓯᔭᕐᑐᕈᒫᕐᐳᖅ ᓯᐊᒻᒪᕐᑎᑕᐅᓯᒪᔪᓂᒃ, ᐅᒃᑯᓇᓂ, ᓄᓇᓕᖕᓂ ᒑᒡᒥ ᒪᒑᒡᒥᓗ, ᓵᑖᓇᓯᐅᑉ ᑲᑎᑎᑦᓱᒫᕐᐰᑦ ᐅᓇᑕᕆᐊᖁᓪᓗᒋᑦ; ᑖᒃᑯᐊᓗ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᓂᖃᕈᒫᕐᐳᑦ.