ᒨᓯᓯ ᓯᕗᓪᓖᑦ 1:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᒎᑎᓗ ᐅᖃᕆᕗᖅ, “ᐃᒪᖅ ᖁᓕᒥᐅᑕᕐᑖᕐᓕ ᐊᐅᓚᖏᑦᑐᒥᒃ ᐃᒪᐅᑉ ᕿᑎᖓᓂ, ᐊᕕᒃᓯᓗᓂ ᐃᒪᕐᒥᒃ ᐃᒪᕐᓂᒡᓗ.”

ᒨᓯᓯ ᓯᕗᓪᓖᑦ 1:6 Iomraidhean Croise

ᒨᓯᓯ ᓯᕗᓪᓖᑦ 1:14

ᒎᑎᓗ ᐅᖃᕆᕗᖅ, ᖃᐅᒪᔫᖕᓂᒃ ᓴᖅᑭᑦᑐᖃᕐᓕ ᐊᐅᓚᖏᑦᑐᒥ ᕿᓚᖕᒥ ᐅᓪᓗᕐᓗ ᐅᓐᓄᐊᕐᓗ ᐊᕕᓯᒪᖁᓪᓗᒋᒃ; ᑖᒃᑯᐊ ᓇᓗᓁᒃᑯᑕᐅᓂᐊᕐᒪᑕ ᐅᑭᐅᖃᑦᑕᕐᑐᒧᑦ ᐊᐅᔭᕈᖃᑦᑕᕐᑐᒧᓪᓗ ᐅᓪᓗᓄᑦ ᐊᕐᕌᒍᓄᓪᓗ.

ᒨᓯᓯ ᓯᕗᓪᓖᑦ 1:20

ᒎᑎᓗ ᐅᖃᕆᕗᖅ, “ᐃᒪᖅ ᐃᒪᕐᒥᐅᑕᓂᒃ ᐆᒪᔪᖃᕐᓕ ᐅᓄᕐᑐᕐᔪᐊᓂᒃ, ᓯᓚᓗ ᑎᖕᒥᐊᖃᕐᓕ ᓄᓇᐅᑉ ᖁᓛᒎᑦ ᑎᖏᕙᒃᑐᓂᒃ ᕿᓚᖕᒥ ᐊᐅᓚᖏᑦᑐᒥ.”

ᔫᐱᐅᑉ ᐊᒡᓚᖏᑦ 26:13

ᐊᓄᕆᖓᓄᑦ ᕿᓚᒃ ᓴᓗᒻᒪᕐᑎᑕᐅᕗᖅ; ᐊᒡᒐᖏᑕ ᖁᒡᓗᒋᐊᖅ ᕿᒫᓇᓱᒃᑐᖅ ᑲᐱᓪᓗᒍ ᑐᖁᑉᐹ.

ᔫᐱᐅᑉ ᐊᒡᓚᖏᑦ 37:11

ᓄᕗᔭᑦ ᕿᕐᓈᖓᔪᑦ ᐃᓗᓪᓕᕐᓯᒪᖃᑦᑕᕐᐰᑦ ᖃᐅᓯᕐᑐᒥᒃ; ᓄᕗᔭᓂᑦ ᑕᕝᕙ ᖃᐅᒻᒪᓪᓔᑦ ᓯᐊᒻᒪᖃᑦᑕᕐᐳᑦ.

ᔫᐱᐅᑉ ᐊᒡᓚᖏᑦ 37:18

ᑖᑦᓱᑐᓇᖅ ᕿᓚᒃ ᐃᓯᕕᑎᑦᓱᓐᓇᕐᐱᐅᒃ? ᓯᑎᔫᓕᕐᑎᓪᓗᒍ ᐊᐅᒃᑎᓯᒪᔪᑎᑐᑦ ᑕᕐᕋᕐᑑᑎᑎᑐᑦ?

ᐃᓐᖏᕈᑎᑦ 104:2

ᐃᓕᖕᓂᒃ ᐅᓕᒃᓯᒪᕗᑎᑦ ᖃᐅᒪᔪᒥᒃ ᐊᓐᓄᕌᕆᓪᓗᒍ, ᕿᓚᒃ ᐃᓯᕕᑉᐸᑦ ᑐᐱᕐᑎᑐᑦ ᑖᓗᑕᕐᑎᑐᓪᓗ.

ᐃᓐᖏᕈᑎᑦ 148:4

ᕿᓔᑦ ᕿᓚᖏᑦ, ᑖᓐᓇ ᓂᕐᑐᕐᓯᐅᒃ, ᐃᓕᑦᓯᓗ ᐃᒪᐅᔪᓯ ᕿᓚᐅᑉ ᖁᓛᓃᑦᑐᓯ!

ᐃᓐᖏᕈᑎᑦ 150:1

ᐊᑕᓂᖅ ᓂᕐᑐᕐᑕᐅᓕ! ᒎᑎ ᓂᕐᑐᕐᑕᐅᓕ ᐃᑦᔪᕐᓁᑦᑐᕕᖁᑎᖓᓂᑦ; ᓂᕐᑐᕐᓯᐅᒃ ᐱᔪᓐᓇᕐᓂᖓᑕ ᐃᓂᓪᓚᕆᖓᓂᑦ ᐊᐅᓚᖏᑦᑐᒥᑦ!

ᐃᓐᖏᕈᑎᑦ 19:1

ᕿᓔᑦ ᓇᓗᓁᕐᓯᕗᑦ ᒎᑎᐅᑉ ᐱᓐᓇᕐᓇᕐᓂᖓᓂᒃ; ᕿᓚᖕᒥᓗ ᑕᑯᒃᓴᐅᔪᑦ ᐊᒡᒐᖏᑕ ᓴᓇᓯᒪᔭᖏᑦ ᑕᑯᒃᓴᐅᕗᑦ.

ᐃᓐᖏᕈᑎᑦ 19:2

ᐅᓪᓗᑕᒫᑦ ᓂᐱᒥᒃ ᓂᓪᓕᐊᕗᑦ, ᐅᓐᓄᑕᒫᓪᓗ ᓴᖅᑭᑎᑦᓯᕗᑦ ᐃᓕᓯᒪᓂᕐᒥᒃ.

ᐃᓐᖏᕈᑎᑦ 33:6

ᐊᑕᓂᐅᑉ ᐅᖃᐅᓯᖓᒍᑦ ᕿᓔᑦ ᓴᓇᔭᐅᓚᐅᕐᐳᑦ, ᑕᒪᕐᒥᒡᓗ ᕿᓚᖕᒥ ᑕᑯᒃᓴᐅᔪᑦ ᐅᓪᓗᕆᐊᑦ ᖃᓂᖓᑕ ᐊᓂᕐᓂᖓᓄᑦ ᓴᖅᑭᓚᐅᕐᐳᑦ.

ᐃᓐᖏᕈᑎᑦ 33:9

ᐅᖃᕐᒪᑦ, ᓱᓇᑐᐃᓐᓁᑦ ᐱᔭᕇᓚᐅᕐᐳᑦ; ᐱᖁᔨᖕᒪᓪᓗ, ᐱᑕᖃᓕᓚᐅᕐᐳᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:3

ᓄᕗᔧᑦ ᐃᒪᖃᓕᕈᑎᒃ ᓄᓇᒧᑦ ᑯᕕᕙᒃᐳᑦ, ᓇᐹᕐᑐᖅ ᓇᑲᑕᐅᒍᓂ ᐅᕐᕈᕗᖅ ᐅᓪᓘᑉ ᓇᓛᓄᑦ ᐅᓐᓄᐊᓪᓘᓐᓃ ᓇᓛᓄᑦ, ᓇᐹᕐᑐᖅ ᐅᕐᕈᕕᖕᒥᓃᓪᓗᓂ ᑕᕝᕙ ᓇᓚᓕᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 40:22

ᑖᓐᓇᐅᕗᖅ ᐃᒃᓯᕙᐅᑕᕐᔪᐊᒥᓂ ᐃᒃᓯᕙᔪᖅ ᓄᓇᕐᔪᐊᑉ ᐊᖕᒪᓗᕐᓂᖓᑕ ᖁᓛᓂ, ᐃᓄᐃᑦ ᓄᓇᒥ ᐱᒡᓕᕐᑕᐅᔮᕐᑐᑎᑐᑦ ᑍᒤᒻᒪᑕ, ᕿᓚᒃ ᐃᓯᕕᓯᒪᖕᒪᒍ ᑖᓗᑕᕐᑎᑐᑦ, ᑐᐱᕐᑎᑐᓪᓗ ᓇᑉᐸᕐᑎᓪᓗᒍ ᐃᓯᕐᓯᒪᕕᐅᔪᓐᓇᕐᓯᑎᓪᓗᓂᐅᒃ.

ᔨᕆᒤᐊᐅᑉ ᐊᒡᓚᖏᑦ 10:10

ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 51:15

ᐊᑕᓂᐅᑉ ᐱᔪᓐᓇᕐᓂᕐᒥᓄᑦ ᓄᓇ ᓴᓇᓚᐅᕐᐹ; ᓯᓚᕐᔪᐊᕐᓗ ᐱᓐᖑᕐᑎᓚᐅᕐᐹ ᓯᓚᑐᓂᕐᒥᓄᑦ ᕿᓚᒡᓗ ᓯᐊᒻᒪᖓᑎᑉᐹ ᑐᑭᓯᐅᒪᑦᓯᐊᕐᓂᕐᒥᓄᑦ.

ᓴᑲᕅᐊᐅᑉ ᐊᒡᓚᖏᑦ 12:1

ᐊᑕᓂᐅᑉ ᐅᖃᐅᓯᖓ ᐃᓴᕆᐊᓕᒥᐅᑦ ᐱᓪᓗᒋᑦ, ᐊᑕᓂᖅ ᕿᓚᓕᒫᒥᒃ ᓈᓯᓯᒪᔪᖅ, ᓄᓇᕐᔪᐊᒥᒡᓗ ᑐᓐᖓᕕᓕᐅᓚᐅᕐᑐᖅ, ᐃᓄᖕᒥᒡᓗ ᐊᓂᕐᓂᕐᑖᕐᑎᑦᓯᓚᐅᕐᑐᖅ, ᐃᒫᒃ ᐅᖃᕐᐳᖅ:

ᐲᑦᑐᕉᓯ ᐂᑉᐸᖏᑦ 3:5

ᑖᒃᑯᐊ ᐱᔮᕆᓪᓗᑎᒃ ᑕᒪᑐᒥᖓ ᑲᒪᓐᖏᓚᑦ, ᑍᑦᓱᒪᓂᐊᓗᒃ ᒎᑎᐅᑉ ᐅᖃᐅᓯᖓᒍᑦ ᕿᓔᑦ ᓴᖅᑭᑎᑕᐅᓯᒪᖕᒪᑕ, ᓄᓇᕐᔪᐊᕐᓗ ᓴᓇᔭᐅᓯᒪᓪᓗᓂ ᐃᒫᓂᑦ, ᐃᒪᒃᑯᓪᓗ,