3 ᒎᑎᓗ ᐅᖃᕐᐳᖅ, “ᖃᐅᒪᔪᖃᕐᓕ” ᖃᐅᒪᔪᒥᒡᓗ ᓴᖅᑭᑦᑐᖃᕐᐳᖅ.
ᐅᑯᐊ ᑕᕝᕙ ᑭᖑᓕᕇᑦ ᕿᓚᖕᒥ ᓄᓇᒥᓗ ᐱᓐᖑᕐᑎᑕᐅᓚᐅᕐᑐᑦ. ᑍᑦᓱᒪᓂ ᐊᑕᓂᖅ ᒎᑎ ᓄᓇᕐᔪᐊᕐᒥᒃ ᕿᓚᖕᒥᐅᑕᓕᒫᓂᒡᓗ ᐱᓐᖑᕐᑎᑦᓯᑎᓪᓗᒍ,
ᑕᑯᒋᑦ, ᖃᐅᒻᒪᓪᓚᑎᑦᓯᖃᑦᑕᕐᐳᖅ ᓇᐅᒃᑯᑐᐃᓐᓇᓕᒫᖅ ᓯᓚᒃᑯᑦ, ᐃᒪᕐᕕᐅᓪᓕ ᓱᓕ ᑐᓐᖓᕕᖏᑦ ᒪᑐᓯᒪᕔᑦ.
ᖃᐅᒪᔫᑉ ᐃᓂᖓᑕ ᐊᖅᑯᑎᖓ ᖃᐅᔨᒪᕕᐅᒃ? ᑖᕐᔪᐊᓪᓗ ᐃᓂᖓ ᓇᓃᑉᐹ?
ᐃᓕᖕᓂᒃ ᐅᓕᒃᓯᒪᕗᑎᑦ ᖃᐅᒪᔪᒥᒃ ᐊᓐᓄᕌᕆᓪᓗᒍ, ᕿᓚᒃ ᐃᓯᕕᑉᐸᑦ ᑐᐱᕐᑎᑐᑦ ᑖᓗᑕᕐᑎᑐᓪᓗ.
ᐊᑕᓂᖅ ᒎᑎᐅᕗᖅ, ᑖᑦᓱᒪ ᖃᐅᒪᔪᒥᒃ ᑕᑯᑎᑉᐹᑎᒍᑦ: ᓇᓪᓕᐅᓐᓂᕐᓯᐅᕆᐊᕐᑐᕐᑐᑦ ᓇᐹᕐᑑᑉ ᐊᕙᓚᖓᔪᖏᓐᓂᒃ ᑎᒍᓯᓗᓯ ᐃᓚᒋᓕᕐᓯᐅᒃ, ᑐᓂᕐᕈᓯᕐᕕᐅᑉ ᓇᒡᔪᖏᑦ ᑎᑭᓪᓗᒋᑦ.
ᑖᒃᑯᐊ ᐊᑕᓂᐅᑉ ᐊᑎᖓ ᓂᕐᑐᕋᒃᓴᕆᕚᑦ! ᑖᓐᓇ ᐱᖁᔨᖕᒪᑦ, ᑖᒃᑯᐊ ᐱᓐᖑᕐᑎᑕᐅᓚᐅᕐᐳᑦ.
ᐊᑕᓂᐅᑉ ᐅᖃᐅᓯᖓᒍᑦ ᕿᓔᑦ ᓴᓇᔭᐅᓚᐅᕐᐳᑦ, ᑕᒪᕐᒥᒡᓗ ᕿᓚᖕᒥ ᑕᑯᒃᓴᐅᔪᑦ ᐅᓪᓗᕆᐊᑦ ᖃᓂᖓᑕ ᐊᓂᕐᓂᖓᓄᑦ ᓴᖅᑭᓚᐅᕐᐳᑦ.
ᐅᖃᕐᒪᑦ, ᓱᓇᑐᐃᓐᓁᑦ ᐱᔭᕇᓚᐅᕐᐳᑦ; ᐱᖁᔨᖕᒪᓪᓗ, ᐱᑕᖃᓕᓚᐅᕐᐳᑦ.
ᖃᐅᒪᔪᖅ ᐃᓱᐊᕐᑐᓕᔪᓄᑦ ᖃᐅᒻᒤᕗᖅ, ᐆᒻᒪᑎᒥᒍᓪᓗ ᓈᒻᒪᒃᑐᒥᒃ ᐱᓇᓱᐊᕐᑐᑦ ᖁᕕᐊᓱᒃᑎᑕᐅᕗᑦ.
ᖃᐅᒪᔪᒥᒃ ᐱᒋᐊᕐᑎᑦᓯᓚᐅᕐᐳᖓ ᑖᕐᑐᕐᓗ ᓴᖅᑭᑎᓪᓗᒍ, ᓮᒻᒪᕐᑎᑕᐅᓂᖅ ᐱᒋᐊᕐᑎᓯᒪᕙᕋ ᑲᑉᐱᐊᓇᕐᑐᒦᓐᓂᕐᓗ ᓴᖅᑭᑎᒃᑭᓪᓗᒍ, ᐅᕙᖓᐅᕗᖅ ᐊᑕᓂᖅ, ᑕᒪᒃᑯᓂᖓᓕᒫᖅ ᐱᓇᓱᐊᕐᐸᒃᑐᖅ.
ᓯᕿᓂᖅ ᐅᓪᓘᒐᓗᐊᒃᑯᑦ ᖃᐅᒪᑦᔪᑎᒋᔭᕆᐊᖃᕈᒫᓐᖏᓚᓯ, ᑕᖅᑭᐅᓪᓗ ᖃᐅᒪᓂᖓ ᐅᓐᓄᐊᒥ ᖃᐅᒪᑦᔪᑎᒋᔭᕆᐊᖃᕈᒫᓐᖏᓐᓂᕙᓯ; ᐊᑕᓂᐅᑉ ᖃᐅᒪᓂᖓᓄᑦ ᖃᐅᒪᑎᑕᐅᓕᕈᒫᕋᑦᓯ ᑍᒫᓐᖓᓕᒫᖅ, ᒎᑎᓯᓗ ᐱᓐᓇᕐᓇᕐᓂᕆᔪᒫᕐᐸᓯ.
ᔩᓱᓯᐅᑉ ᐃᓴᒃᓗᓂ ᐊᒃᑐᕐᐹ, ᐅᖃᐅᑎᓪᓗᒍ, “ᐱᔪᒪᕗᖓ, ᐸᕐᑎᕈᓐᓃᕆᑦ!” ᑕᕝᕔᓐᓇᖅ ᐊᖑᑦ ᑖᓐᓇ ᐸᕐᑎᕈᓐᓃᕐᐳᖅ.
ᖃᐅᒪᔪᖅ ᖃᐅᒻᒤᕗᖅ ᑖᕐᑐᒥᒃ, ᑖᕐᑑᓪᓗ ᖃᒥᓚᐅᓐᖏᓛ.
ᓱᓕᔪᒥᒡᓕ ᖃᐅᒪᔫᕗᖅ ᑖᓐᓇ ᓯᓚᕐᔪᐊᕐᒧᑦ ᑎᑭᑦᑐᓕᒫᓂᒃ ᐃᓄᖕᓂᒃ ᖃᐅᒪᒃᓮᔪᖅ.
ᔩᓱᓯ ᑍᒫᒃ ᐅᖃᕇᕋᒥ, ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᓛᓴᕉᓯ, ᐊᓂᒋᑦ.”
ᐃᖅᑲᕐᑐᕐᑕᐅᓂᖅ ᐃᒤᓕᖓᕗᖅ, ᖃᐅᒪᔪᖅ ᓯᓚᕐᔪᐊᕐᒧᑦ ᑎᑭᓯᒪᕗᖅ, ᐃᓄᐃᑦ ᑖᕐᔪᐊᖅ ᐅᖓᒋᓂᕐᓴᕆᕚᑦ ᖃᐅᒪᔪᒥᑦ, ᐱᓂᐊᕐᓂᖏᑦ ᐱᐅᖏᑦᑐᓕᓂᐅᖕᒪᑕ.
ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.
ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᑐᐸᓕᕆᑦ, ᓯᓂᒃᑐᑎᑦ, ᒪᑭᓪᓗᑎᓪᓗ ᑐᖁᖓᔪᓂᑦ, ᑕᕝᕙ ᙭ᔅᑑᓯᐅᑉ ᖃᐅᒻᒪᒃᕕᒋᓂᐊᕐᐹᑎᑦ.”
ᐃᓕᑦᓯᑦᑕᐅᖅ ᒪᑐᒪ ᓯᕗᕐᖓᒍᑦ ᑖᕐᑐᒥᐅᖑᓚᐅᕋᑦᓯ, ᒫᓐᓇᓕ ᐊᑕᓂᕐᒥ ᖃᐅᒪᔪᒦᓕᕐᐳᓯ; ᑍᒤᒻᒪᑦ ᖃᐅᒪᔫᑉ ᕿᑐᕐᖓᖏᑎᑐᑦ ᐃᓅᓕᕆᑦᓯ,
ᑖᓐᓇ ᑭᓯᒥ ᑐᖁᓱᐃᑦᑑᔪᖅ ᖃᐅᒪᔪᒦᑦᑐᖅ ᑭᓇᑐᐃᓐᓇᕐᒧᑦ ᑎᑭᑕᐅᔪᓐᓇᖏᑦᑐᒥᒃ, ᑭᓇᒧᓪᓘᓐᓃᑦ ᑕᑯᔭᐅᓚᐅᕐᓯᒪᖏᑦᑐᖅ ᑕᑯᔭᐅᔪᓐᓇᖏᑦᑐᕐᓗ. ᑖᓐᓇ ᐅᐱᒋᔭᐅᓕ ᐃᓂᖃᕐᓗᓂᓗ ᐃᓱᖃᖏᑦᑐᒥ. ᐋᒥᓐ.
ᑕᒪᑦᔭ ᐅᖃᐅᓯᖅ ᑖᑦᓱᒪᓐᖓᑦ ᑐᓴᕐᓯᒪᔭᕗᑦ ᐃᓕᑦᓯᓐᓄᑦ ᐅᖃᐅᓯᕆᕙᕗᑦ, ᒎᑎ ᖃᐅᒪᔫᖕᒪᑦ ᑖᑦᓱᒪᓂᓗ ᑖᕐᑐᖃᓐᖏᓚᖅ.
ᑍᒤᒻᒪᑦ ᐱᖁᔭᒥᒃ ᓄᑖᒥᒃ ᑎᑎᕋᕐᕕᒋᓕᕐᐸᑦᓯ, ᓱᓕᓂᖓ ᓴᖅᑭᑎᑕᐅᖕᒪᑦ ᙭ᔅᑑᓯᒥ ᐃᓕᑦᓯᓐᓂᓗᑦᑕᐅᖅ, ᑖᕐᑐᕐᔪᐊᖅ ᐊᓂᒍᕐᒪᑦ ᖃᐅᒪᔪᕐᓗ ᓱᓕᔪᖅ ᖃᐅᒪᑎᑦᓯᓕᕇᕐᐳᖅ.
