ᒨᓯᓯ ᓯᕗᓪᓖᑦ 1:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᑕᕝᕙ ᒎᑎ ᓴᓇᕗᖅ ᐃᓄᖕᒥᒃ ᐃᒻᒥᑐᑦ ᐊᑦᔨᖃᕐᑎᓪᓗᒍ, ᑕᕝᕙ ᒎᑎ ᐊᑦᔨᒥᓂᒃ ᐃᓄᖕᒥᒃ ᓴᓇᕗᖅ; ᐂᑉᐹ ᐊᖑᑕᐅᓪᓗᒍ ᐂᑉᐹᓗ ᐊᕐᓇᐅᓪᓗᒍ ᓴᓇᕚᒃ.

ᒨᓯᓯ ᓯᕗᓪᓖᑦ 1:27 Iomraidhean Croise

ᒨᓯᓯ ᓯᕗᓪᓖᑦ 2:18

ᐊᑕᓂᕐᓕ ᒎᑎ ᐅᖃᕐᐳᖅ, “ᓈᒻᒪᓐᖏᓚᖅ ᐊᖑᑦ ᐃᓄᑑᒃᐸᑦ; ᑖᑦᓱᒪ ᐃᑲᔪᕐᑎᒃᓴᖓᓂᒃ ᓴᓇᓂᐊᕐᐳᖓ ᓈᒻᒪᒋᓗᒍ ᐂᑉᐸᕆᓂᐊᕐᑕᖓᓂᒃ.”

ᒨᓯᓯ ᓯᕗᓪᓖᑦ 2:7

ᐊᑕᓂᕐᓕ ᒎᑎ ᐃᓄᒃᓴᓕᐅᕐᐳᖅ ᓄᓇᐅᑉ ᐃᓚᖓᓂᒃ ᐱᓪᓗᓂ; ᓱᕐᓗᖓᒍᑦ ᐊᓂᕐᓵᕐᕕᒋᕚ ᐃᓅᓯᖃᕐᓇᕐᑐᒥᑦ; ᐃᓄᒡᓗ ᑕᕝᕙ ᐆᒻᒪᕐᐳᖅ.

ᒨᓯᓯ ᓯᕗᓪᓖᑦ 9:6

ᐃᓄᒃ ᓇᓪᓕᐊᑦ ᐃᓅᖃᑎᖓᑕ ᐊᐅᖓᓂᒃ ᑯᕕᓯᒃᐸᑦ, ᐃᓄᖕᒧᑦᑕᐅᖅ ᐊᐅᖓ ᑯᕕᔭᐅᔪᒃᓴᐅᕗᖅ; ᒎᑎ ᓴᓇᓚᐅᕐᒪᑦ ᐃᓄᖕᒥᒃ ᐃᒻᒥᓂᒃ ᐊᑦᔨᖃᕐᑎᓪᓗᒍ.

ᐃᓐᖏᕈᑎᑦ 139:14

ᓂᕐᑐᕐᐸᒋᑦ, ᓯᕘᕋᓇᕐᑐᒥᒃ ᐱᐅᔪᐊᓗᖕᒥᒡᓗ ᓴᓇᔭᐅᓯᒪᒐᒪ, ᐱᓇᓱᐊᕐᓂᑎᑦ ᑲᒪᓇᕐᑐᐊᓘᕗᑦ! ᐃᓘᓐᓇᓕᒫᓐᓂ ᖃᐅᔨᒪᑦᓯᐊᕋᕕᖓ;

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:29

ᓱᓕᑦᓯᐊᕐᑐᒥᒃ, ᐅᓇᑐᐊᖅ ᖃᐅᔨᓚᐅᕐᐸᕋ: ᒎᑎᐅᑉ ᐊᖑᑦ ᐃᓱᐊᕐᑑᓪᓗᒍ ᓴᓇᓚᐅᕐᐹ, ᑭᓯᐊᓂᓕ ᐃᓱᒪᔮᕐᓇᕐᑐᓂᒃ ᐅᓄᕐᑐᓂᒃ ᕿᓂᕐᐳᒍᑦ.

ᐂᓮᐊᓯᐅᑉ ᐊᒡᓚᖏᑦ 43:7

ᑕᒪᕐᒥᒃ ᐊᑎᒃᑯᑦ ᕾᖁᔭᐅᓯᒪᔪᑦ, ᐱᓐᖑᕐᑎᓚᐅᕐᑕᒃᑲ ᓂᕐᑐᕐᑕᐅᑦᔪᑎᒃᓴᓐᓄᑦ; ᐋᖅᑭᒃᓱᓚᐅᕋᒃᑭᑦ, ᐃᓄᓕᐊᕆᓪᓗᒋᓪᓗ.”

ᔨᕆᒤᐊᐅᑉ ᐊᒡᓚᖏᑦ 29:6

ᐂᑉᐸᕐᑖᕐᑐᕆᑦᓯ ᕿᑐᕐᖓᕐᑖᕐᓂᐊᕋᑦᓯ, ᕿᑐᕐᖓᓯᓗ ᐂᑉᐸᕐᑖᕐᑎᓪᓗᓯᐅᒃ ᕿᑐᕐᖓᕐᑖᖁᓪᓗᒋᑦᑕᐅᖅ, ᐅᓄᕐᓯᕙᓪᓕᐊᖁᓪᓗᓯ ᓄᖑᑉᐸᓪᓕᐊᖏᓪᓗᓯ.

ᒪᓚᑬᑉ ᐊᒡᓚᖏᑦ 2:15

ᒎᑎᐅᑉ ᓴᓇᓚᐅᓐᖏᓛᓰᒃ? ᐃᓅᓯᐅᓪᓗ ᐊᓂᕐᓂᖓᓂᒃ ᐱᑎᓪᓗᓯᒃ? ᖃᓄᕐᓗ ᐱᔪᒪᔭᖃᕐᐸ? ᑭᖑᕚᒃᓴᖃᖁᓪᓗᑎᑦ ᒎᑎᒥᒃ ᓈᓚᑦᓯᐊᕐᑐᓂᒃ. ᑍᒤᒻᒪᑦ ᓇᖕᒥᓂᖅ ᑲᒪᒋᑦᓯᐊᓕᕆᑦ, ᓇᓪᓕᐊᓪᓗ ᐊᑐᕐᓂᕐᓗᒃᑍᓕᓕ ᐃᓅᓱᖕᓂᕐᒥᓂᑦ ᓄᓕᐊᕆᔭᒥᓄᑦ.

ᒫᑎᐅᓯᐅᑉ ᐊᒡᓚᖏᑦ 19:4

ᔩᓱᓯᐅᑉ ᑭᐅᕔᑦ, “ᒎᑎᐅᑉ ᐅᖃᐅᓯᖏᓐᓂᒃ ᐊᑐᐊᕐᓯᓚᐅᓐᖏᓚᓰ? ᐅᖃᕐᑐᖃᕐᒪᑦ, ‘ᐱᒋᐊᕐᓂᕐᒥ ᐱᓐᖑᕐᑎᑦᓯᔪᖅ ᐱᓐᖑᕐᑎᑦᓯᓚᐅᕐᒪᑦ ᐊᖑᒻᒥᒃ ᐊᕐᓇᒥᒡᓗ.’

ᒫᑯᓯᐅᑉ ᐊᒡᓚᖏᑦ 10:6

ᐱᒋᐊᕐᓂᖓᓂᓪᓕ ᓱᓇᑐᐃᓐᓁᑦ ᐱᓐᖑᕐᑎᑕᐅᓕᕐᑎᓪᓗᒋᑦ, ‘ᒎᑎᐅᑉ ᐊᖑᑦ ᐊᕐᓇᕐᓗ ᐱᓐᖑᕐᑎᑉᐹᒃ.

ᐃᐱᓯᒥᐅᓄᑦ 2:10

ᒎᑎᐅᑉ ᓴᓇᓯᒪᕚᑎᒍᑦ, ᙭ᔅᑑᓯ ᔩᓱᓯᒃᑯᑦ ᐱᓐᖑᕐᑎᓚᐅᕐᐹᑎᒍᑦ ᐱᓇᓱᐊᑦᓯᐊᖁᓪᓗᑕ, ᒎᑎᐅᑉ ᑕᒪᓐᓇ ᓯᕗᓂᖓᒍᑦ ᐅᐸᓗᖕᒊᔭᕇᕐᓯᒪᓚᐅᕐᐹ, ᑍᒤᓕᐅᖁᓪᓗᑕ.

ᐃᐱᓯᒥᐅᓄᑦ 4:24

ᐃᓅᓯᖅ ᓄᑖᖅ ᐊᑎᓕᕐᓯᐅᒃ, ᐱᓐᖑᕐᑎᑕᐅᓯᒪᔪᖅ ᒎᑎᒧᑦ ᐊᑦᔨᐅᖁᓪᓗᒍ ᓴᖅᑭᑎᑦᓯᓗᓂᓗ ᐃᓅᓯᕐᒥᒃ ᓱᓕᔪᒥᒃ ᐋᖅᑭᑦᓯᐊᕐᓯᒪᔪᒥᒃ ᐃᑦᔪᕐᓁᑦᑐᒥᒡᓗ.

ᒨᓯᓯ ᑕᓪᓕᒪᖏᑦ 4:32

“ᐅᓪᓗᐃᑦ ᐊᓂᒍᕐᓯᒪᔪᑦ ᕿᒥᕐᕈᓚᐅᕐᓯᐅᒃ, ᐃᓅᓚᐅᕐᑎᓐᓇᓯ ᐱᓂᐊᕐᓂᐅᓚᐅᕐᑐᑦ, ᑕᐅᕗᖓᓕᒫᖅ ᒎᑎᐅᑉ ᐃᓄᖕᓂᒃ ᐱᓐᖑᕐᑎᑦᓯᒋᐊᕐᓂᖓᓄᑦ ᑎᑭᓪᓗᒍ ᑕᕝᕙᓂ ᓄᓇᕐᔪᐊᕐᒥ. ᓄᓇᕐᔪᐊᓕᒫᖅ ᐊᑕᖏᕐᓗᒍ ᕿᒥᕐᕈᐊᓚᐅᕐᓯᐅᒃ. ᑕᒪᑐᒪ ᓯᕗᓂᖓᒍᑦ ᑍᒫᒃ ᐱᕕᒃᔪᐊᖑᑎᒋᔪᒥᒃ ᐱᔪᖃᓚᐅᕐᓯᒪᕚ? ᓇᓪᓕᐊᓐᓂᒡᓘᓐᓃᑦ ᑍᒫᓪᓗᐊᖅ ᐱᓯᒪᑎᒋᔪᒥᒃ ᑐᓴᐅᒪᔪᖅᑲᕐᓯᒪᕚ?

ᑯᓘᓯᐊᒥᐅᓄᑦ 1:15

ᔩᓱᓯ ᑕᑯᒃᓴᐅᓪᓗᓂ ᐊᑦᔨᒋᔭᐅᖕᒪᑦ ᒎᑎᒧᑦ ᑕᑯᒃᓴᐅᖏᑦᑐᒧᑦ, ᐃᕐᓂᐊᖑᖅᑳᕐᓯᒪᕗᖅ ᐱᓐᖑᕐᑎᑕᐅᓯᒪᔪᓕᒫᓂᑦ;

ᑯᓘᓯᐊᒥᐅᓄᑦ 1:26

ᑕᒪᓐᓇ ᓇᓗᓇᕐᑐᖅ ᐃᔨᕐᓯᒪᓚᐅᕐᐳᖅ ᐊᕐᕌᒍᓂ ᐊᓂᒍᕐᑐᓂ ᑭᖑᕚᖑᖃᑎᒌᓄᓪᓗ, ᒫᓐᓇᓕ ᓴᖅᑭᑎᑕᐅᓯᒪᓕᕐᐳᖅ ᐃᑦᔪᕐᓁᑦᑐᖁᑎᖏᓐᓄᑦ.

ᑯᓘᓯᐊᒥᐅᓄᑦ 3:10

ᐃᓅᓯᕐᒥᒡᓗ ᓄᑖᒥᒃ ᐊᑎᓯᓯᒪᓕᕋᑦᓯ, ᑕᒪᓐᓇᓗ ᓄᑖᓐᖑᕐᑎᑕᐅᕙᓪᓕᐊᕗᖅ ᖃᐅᔨᕙᓪᓕᐊᓂᒃᑯᑦ ᒎᑎ ᐱᓐᖑᕐᑎᑦᓯᔨᓂ ᐊᑦᔨᒋᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 21:22

ᐊᑖᑕᒃᑯᖏᑦ, ᐊᓂᖏᓪᓘᓐᓃᑦ ᖁᕕᐊᓱᖏᓪᓗᑎᒃ ᕾᒃᐸᑕ ᐅᕙᑦᑎᓐᓄᑦ, ᐅᖃᐅᑎᓂᐊᕐᐸᕗᑦ, ‘ᐱᑦᓯᐊᕐᕕᒋᓗᑕ ᐃᑲᔪᓚᐅᕐᑎᒍᑦ, ᐅᓇᑕᕐᓂᒃᑯᑦ ᓄᓕᐊᒃᓴᖏᓐᓂᒃ ᐱᓚᐅᖏᓐᓇᑦᑕ, ᐸᓯᔭᒃᓴᐅᓐᖏᓚᓯ, ᐸᓂᓯ ᑐᓂᓚᐅᖏᓐᓇᑦᓯᐅᒃ ᑖᒃᑯᓄᖓ.’”