ᒨᓯᓯ ᓯᕗᓪᓖᑦ 1:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑍᒫᒃ ᒎᑎ ᐱᓐᖑᕐᑎᑦᓯᕗᖅ ᐆᒪᔪᐊᓗᖕᓂᒃ ᐊᖏᔪᓂᒃ ᐃᑎᔪᒥᐅᑕᕐᓂᒃ ᐆᒪᔪᓕᒫᓂᒡᓗ ᐃᖏᕐᕋᔪᓐᓇᕐᑐᓂᒃ, ᐃᒪᕐᒥᐅᑕᕐᓂᒃ ᐃᒻᒥᒍᑦ ᐊᑦᔨᒌᖕᓂᖃᕐᑐᓂᒃ ᐅᓄᕐᑐᕐᔪᐊᓂᒃ, ᑎᖕᒥᐊᓂᒡᓗ ᐃᒻᒥᒍᑦ ᐊᑦᔨᒌᖕᓂᖃᕐᑐᓂᒃ ᐅᓄᕐᑐᕐᔪᐊᓂᒃ. ᒎᑎᐅᓪᓗ ᑕᑯᓪᓗᒋᑦ ᓈᒻᒪᒋᕔᑦ.

ᒨᓯᓯ ᓯᕗᓪᓖᑦ 1:21 Iomraidhean Croise

ᒨᓯᓯ ᓯᕗᓪᓖᑦ 1:18

ᖃᐅᒪᓂᕐᐹᕐᑕᖃᖁᓪᓗᒍ ᐅᓪᓗᒃᑯ ᐅᓐᓄᐊᒃᑯᓪᓗ ᑖᕐᑐᐊᓗᒃ ᐊᕕᒡᓗᒍ ᖃᐅᒪᔪᒥᑦ. ᒎᑎᐅᓪᓗ ᑕᑯᓪᓗᒋᑦ ᓈᒻᒪᒋᕔᑦ.

ᒨᓯᓯ ᓯᕗᓪᓖᑦ 1:20

ᒎᑎᓗ ᐅᖃᕆᕗᖅ, “ᐃᒪᖅ ᐃᒪᕐᒥᐅᑕᓂᒃ ᐆᒪᔪᖃᕐᓕ ᐅᓄᕐᑐᕐᔪᐊᓂᒃ, ᓯᓚᓗ ᑎᖕᒥᐊᖃᕐᓕ ᓄᓇᐅᑉ ᖁᓛᒎᑦ ᑎᖏᕙᒃᑐᓂᒃ ᕿᓚᖕᒥ ᐊᐅᓚᖏᑦᑐᒥ.”

ᒨᓯᓯ ᓯᕗᓪᓖᑦ 1:22

ᒎᑎᐅᓪᓗ ᓮᒻᒪᕐᑎᑉᐰᑦ, ᐅᖃᕐᓗᓂ, ᕿᑐᕐᖏᐅᓕᕆᑦᓯ ᐅᓄᕐᓯᓗᓯᓗ ᐃᒪᕐᕕᒃ ᐆᒪᔪᓂᒃ ᑕᑕᓪᓗᒍ, ᑎᖕᒥᐊᓪᓗ ᐅᓄᕐᓯᓕᑦ ᓄᓇᕐᔪᐊᕐᒥ.

ᒨᓯᓯ ᓯᕗᓪᓖᑦ 1:25

ᒎᑎᐅᓪᓗ ᑕᒪᕐᒥᒃ ᑕᒪᒃᑯᐊ ᐱᓐᖑᕐᑎᑉᐰᑦ ᐆᒪᔪᐃᑦ ᐃᒻᒥᒍᑦ ᐊᑦᔨᒌᖕᓂᖏᑦ ᒪᓕᒡᓗᒋᑦ, ᐹᕐᖑᕐᑐᓪᓗ ᒪᓂᖅᑲᒥ ᐃᒻᒥᒍᑦ ᐊᑦᔨᒌᖕᓂᖏᑦ ᒪᓕᒡᓗᒋᑦ, ᒎᑎᐅᓪᓗ ᑕᑯᓪᓗᒋᑦ ᓈᒻᒪᒋᕔᑦ.

ᒨᓯᓯ ᓯᕗᓪᓖᑦ 1:31

ᒎᑎᐅᓪᓗ ᐱᓐᖑᕐᑎᑕᓂ ᑕᒪᕐᒥᒃ ᕿᒥᕐᕈᕔᑦ, ᑕᑯᓪᓗᒋᑦ ᓈᒻᒪᒋᒻᒪᕆᒃᐰᑦ. ᐅᓐᓄᐊᖑᓚᐅᕐᓗᓂ ᐅᓪᓛᖑᓕᕐᐳᖅ ᑕᕝᕙ ᐅᓪᓗᑦ ᐱᖓᓲᔪᕐᑐᖓᑦ.

ᒨᓯᓯ ᓯᕗᓪᓖᑦ 2:19

ᐊᑕᓂᖅ ᒎᑎ ᓄᓇᒥᑦ ᐱᓪᓗᓂ ᐆᒪᔪᓂᒃ ᓇᑎᕐᓇᒥᐅᑕᕐᓂᒃ ᓴᓇᕗᖅ; ᑎᖕᒥᐊᓂᒡᓗ ᖃᖓᑕᕙᒃᑐᓂᒃ, ᐊᖑᑎᒧᐊᕐᑎᓪᓗᓂᒋᓪᓗ ᖃᓄᖅ ᑍᓂᐊᕐᒪᖔᒋᑦ ᖃᐅᔨᔪᒪᓪᓗᓂ; ᖃᓄᑐᐃᓐᓇᖅ ᐊᖑᑎᐅᑉ ᑍᖕᒪᒋᑦ ᐆᒪᔪᑦ ᖃᓄᐃᑦᑐᑐᐃᓐᓁᑦ, ᑍᒫᒃ ᐊᑎᖃᓕᓚᐅᕐᐳᑦ.

ᒨᓯᓯ ᓯᕗᓪᓖᑦ 6:20

ᑎᖕᒥᐊᑦ ᐊᑦᔨᒌᖑᓈᕐᑎᕐᓗᒋᑦ, ᐆᒪᔪᓗ ᐊᑦᔨᒌᖑᓈᕐᑎᕐᒥᓗᒋᑦ, ᓄᓇᒥᓗ ᐹᕐᖑᕐᑐᑦ ᐊᑦᔨᒌᖑᓈᕐᑎᕐᒥᓗᒋᑦ, ᐊᑐᓂᑦ ᒪᕐᕉᓈᕐᑎᕐᑐᓂᒃ ᑎᑭᑕᐅᔪᒫᕐᐳᑎᑦ, ᑖᒃᑯᐊ ᐆᒪᑎᒋᐊᖃᕈᒫᕐᐸᑎᑦ.

ᒨᓯᓯ ᓯᕗᓪᓖᑦ 7:14

ᑖᒃᑯᐊ ᐆᒪᔪᐃᓪᓗ ᐊᑦᔨᒌᖏᑦᑐᑦ, ᐆᒪᔪᖁᑎᓪᓗ ᐊᑦᔨᒌᖏᑦᑐᑦ, ᐹᕐᖑᕐᑐᓂᒡᓗ ᑕᒤᓐᓂᒃ ᓄᓇᒥ ᖃᓄᐃᑦᑑᓂᑎᒃ ᒪᓕᒡᓗᒋᑦ, ᑎᖕᒥᐊᓪᓗ ᐊᑐᓂᑦ ᖃᓄᐃᑦᑑᓂᖏᑦ ᒪᓕᒡᓗᒋᑦ, ᑎᖕᒥᐊᑦ ᖃᓄᐃᑦᑐᑐᐃᓐᓁᑦ ᐊᑦᔨᒌᖏᑦᑐᑦ.

ᒨᓯᓯ ᓯᕗᓪᓖᑦ 8:17

ᐆᒪᔪᓕᒫᓪᓗ ᐊᓂᑎᖃᓯᐅᑎᓗᒋᑦ ᓇᒃᓴᕐᓯᒪᔭᑎᑦ ᑎᒥᖃᕐᑐᑦ ᑎᖕᒥᐊᓪᓗ, ᓂᕐᔪᑎᓪᓗ ᐹᕐᖑᕐᑐᓪᓗ ᓄᓇᒥ ᑕᒪᕐᒥᒃ ᐅᓄᕐᑐᓂᒃ ᕿᑐᕐᖏᐅᕐᐸᓪᓕᐊᓕᖁᓪᓗᒋᑦ ᓄᓇᒥ, ᐅᓄᕐᓯᔪᕐᔪᐊᖑᓕᖁᓪᓗᒋᑦ ᓄᓇᕐᔪᐊᓕᒫᒥ.”

ᒨᓯᓯ ᓯᕗᓪᓖᑦ 8:19

ᐆᒪᔪᓕᒫᓪᓗᑦᑕᐅᖅ, ᐹᕐᖑᕐᑐᓪᓗ ᑕᒪᕐᒥᒃ, ᑎᖕᒥᐊᓕᒫᓪᓗ, ᓄᓇᒥᓗ ᐆᒪᔪᑦ ᐊᑐᓂᑦ ᐃᓚᒌᒃᓴᔭᐅᓂᑎᒃ ᒪᓕᒡᓗᒋᑦ ᐊᓂᒋᕗᑦ ᐅᒥᐊᕐᔪᐊᕐᒥᑦ.

ᒨᓯᓯ ᓯᕗᓪᓖᑦ 9:2

ᑲᑉᐱᐊᒋᔭᐅᓂᐊᕐᐳᓯ ᐃᕐᓯᒋᔭᐅᓗᓯᓗ ᐆᒪᔪᓕᒫᓄᑦ ᓄᓇᒥ, ᑎᖕᒥᐊᓄᓪᓗ ᖃᖓᑕᕙᒃᑐᓄᑦ, ᐹᕐᖑᕐᑐᓕᒫᓄᓪᓗ ᒪᓂᖅᑲᒥ ᐃᒪᕐᒥᐅᑕᓕᒫᓄᓪᓗ; ᑕᒪᒃᑯᐊ ᐱᔪᓐᓇᕐᓂᑦᓯᓐᓄᑦ ᑐᓂᔭᐅᖕᒪᑕ.

ᒨᓯᓯ ᓯᕗᓪᓖᑦ 9:7

“ᐃᓕᑦᓯᓕ ᕿᑐᕐᖓᕐᑖᕐᑐᕆᑦᓯ ᐅᓄᕐᓯᓗᓯᓗ, ᐃᓄᒋᐊᒃᓯᒋᑦᓯ ᓄᓇᕐᔪᐊᕐᒥ ᐅᓄᕐᓯᕙᓪᓕᐊᓗᓯᓗ ᑕᒫᓂ.”

ᔫᐱᐅᑉ ᐊᒡᓚᖏᑦ 12:7

ᐆᒪᔪᑦ ᐊᐱᕆᒍᕕᒋᑦ, ᑖᒃᑯᓇᓐᖓᑦ ᐃᓕᓐᓂᐊᕐᑎᑕᐅᔪᓐᓇᕐᐳᑎᑦ; ᑎᖕᒥᐊᓄᓪᓗ ᖃᖓᑕᕙᒃᑐᓄᑦ, ᑖᒃᑯᓄᖓᑦ ᐅᖃᐅᑦᔭᐅᔪᓐᓇᕐᐳᑎᑦ;

ᔫᐱᐅᑉ ᐊᒡᓚᖏᑦ 26:5

“ᑐᖁᖓᔪᑦ ᐊᓂᕐᓂᖏᑦ ᐊᖏᔪᒥᒃ ᓴᔪᒃᐳᑦ, ᐃᒪᐅᑉ ᐊᑖᓃᑦᑐᑦ ᐃᒪᕐᒥᐅᑕᓕᒫᓪᓗ.

ᔫᐱᐅᑉ ᐊᒡᓚᖏᑦ 7:12

ᓱᖕᒪᑦ ᑲᒪᒌᓐᓇᕋᓱᒃᐱᖔ? ᐃᒪᕐᒥᐅᑕᑎᑐᑦ ᐆᒪᔪᕐᓗᒃᑎᑐᑦ ᑍᒤᓐᓇᓱᒋᕕᖔ?

ᐃᓐᖏᕈᑎᑦ 148:7

ᐊᑕᓂᖅ ᓂᕐᑐᕐᑕᐅᓕ ᓄᓇᕐᔪᐊᒥᑦ, ᐃᓕᑦᓯ ᐃᒪᕐᐱᖕᒥ ᐆᒪᔪᕐᔪᐊᖑᔪᓯ ᐃᑎᔪᕐᔪᐊᒥᐅᑕᔪᓯᓗ ᑕᒪᑦᓯ;

ᒨᓯᓯ ᐂᑉᐸᖏᑦ 1:7

ᑭᓯᐊᓂᓕ ᑭᖑᕚᖏᑦ ᐃᓴᕆᐊᓕᒥᐅᑦ ᕿᑐᕐᖓᕐᑖᖃᑦᑕᕐᓂᕐᒧᑦ ᐅᓄᕐᓯᓚᐅᕐᐳᑦ ᓲᖑᓂᖃᕐᓗᑎᒡᓗ ᐄᑦᔨᑉᑎᓗ ᐃᓄᒋᐊᒃᓯᓚᐅᕐᐳᖅ ᑖᒃᑯᓄᖓ.

ᒨᓯᓯ ᐂᑉᐸᖏᑦ 8:3

ᑕᒪᓐᓇᓗ ᑰᓕᒫᖅ ᓈᕌᔨᓄᑦ ᑕᑕᐅᓂᐊᕐᐳᖅ, ᐊᒡᓛᑦ ᐃᒡᓗᖕᓄᑦ ᓇᔪᕐᑕᕐᓄᑦ ᑎᑭᓪᓗᑎᒃ, ᐊᒡᓛᑦ ᐃᒡᓗᐊᕈᓰᑦ, ᓯᓂᒡᕖᓪᓗ, ᐊᖓᔪᖅᑳᖁᑎᕕᓪᓗ ᐃᒡᓗᖏᑦ ᐃᓄᖁᑎᕕᓪᓗ ᐊᖏᕐᕋᖏᑦ, ᐊᒡᓛᓪᓗ ᓂᕿᓕᐅᕐᕕᓯ ᓵᑦᑑᔭᐅᑎᓯᓗ ᑕᒪᕐᒥᒃ ᑕᑕᓐᓂᐊᕐᐳᑦ ᑕᒪᒃᑯᓂᖓ.

ᐃᓯᑭᐊᓕᐅᑉ ᐊᒡᓚᖏᑦ 32:2

“ᐃᓅᑉ ᐃᕐᓂᖓ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓ ᐰᕉ ᐅᒡᒍᐊᕈᑎᒥᒃ, ᐅᖃᐅᑎᒍᒃ: ᓛᔭᑎᑑᕋᓱᒋᓯᒪᕗᑎᑦ ᐃᓅᖃᑎᒌᒡᔪᐊᓄᑦ, ᑐᕌᒍᓂᑐᓪᓕ ᑍᒤᑉᐳᑎᑦ; ᑰᖕᒥ ᓯᕐᐹᕿᔭᕐᑎᑦᓯᕗᑎᑦ, ᐃᑎᒐᖕᓄᑦ ᐃᒪᖅ ᐃᓱᕐᓯᑎᓪᓗᒍ, ᑰᒃ ᓴᓗᒤᓕᑎᑉᐸᑦ.

ᔫᓇᐅᑉ ᐊᒡᓚᖏᑦ 1:17

ᐊᑕᓂᐅᓪᓗ ᐱᖁᔨᓂᖓᒍᑦ ᐃᒪᕐᒥᐅᑕᕐᔪᐊᖅ ᔫᓇᒥᒃ ᐄᓯᖁᕚ, ᔫᓇᓗ ᐃᒪᕐᒥᐅᑕᐅᑉ ᐊᕿᐊᕈᐊᓃᓚᐅᕐᐳᖅ ᐅᓪᓗᑦ ᐱᖓᓱᑦ ᐅᓐᓄᐊᓪᓗ ᐱᖓᓱᑦ ᓈᓪᓗᒋᑦ.

ᔫᓇᐅᑉ ᐊᒡᓚᖏᑦ 2:10

ᐊᑕᓂᐅᓪᓗ ᐃᒪᕐᒥᐅᑕᖅ ᒥᕆᐊᖁᕚ, ᑖᑦᓱᒪᓗ ᔫᓇ ᒥᕆᐊᕆᕚ ᓄᓇᒧᑦ.

ᒫᑎᐅᓯᐅᑉ ᐊᒡᓚᖏᑦ 12:40

ᔫᓇ ᐃᒪᕐᒥᐅᑖᓘᑉ ᐃᓗᐊᓃᓚᐅᕐᒪᑦ ᐅᓪᓗᓂᒃ ᐱᖓᓱᓂᒃ ᐅᓐᓄᐊᓂᒡᓗ ᐱᖓᓱᓂᒃ, ᑍᒫᒃᑕᐅᖅ ᐃᓅᑉ ᐃᕐᓂᖓ ᐅᓪᓗᓂᒃ ᐱᖓᓱᓂᒃ ᐅᓐᓄᐊᓂᒡᓗ ᐱᖓᓱᓂᒃ ᓄᓇᕐᔪᐊᑉ ᐃᑎᓂᖓᑕ ᐃᓗᐊᓃᑦᓱᒫᕆᕗᖅ.