ᒨᓯᓯ ᓯᕗᓪᓖᑦ 1:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᒎᑎᓗ ᒪᕐᕉᖕᓂᒃ ᖃᐅᒪᑎᑦᓯᓂᕐᐹᖕᓂᒃ ᐱᓐᖑᕐᑎᑦᓯᕗᖅ, ᖃᐅᒪᓂᕐᓴᖅ ᐊᐅᓚᑦᓯᖁᓪᓗᒍ ᐅᓪᓗᒃᑯᑦ, ᖃᐅᒪᖏᓐᓂᕐᓴᕐᓗ ᐊᐅᓚᑦᓯᖁᓪᓗᒍ ᐅᓐᓄᐊᒃᑯᑦ; ᐅᓪᓗᕆᐊᓪᓗᑦᑕᐅᖅ ᐱᓐᖑᕐᑎᑉᐰᑦ.

ᒨᓯᓯ ᓯᕗᓪᓖᑦ 1:16 Iomraidhean Croise

ᒨᓯᓯ ᓯᕗᓪᓖᑦ 1:15

ᑖᒃᑯᐊᓗ ᖃᐅᒪᔪᒃᓴᐅᓪᓗᑎᒃ ᐊᐅᓚᖏᑦᑐᒥ ᕿᓚᖕᒥ ᓄᓇᕐᔪᐊᕐᒥᒃ ᖃᐅᒪᑎᑦᓯᖁᓪᓗᒋᑦ, ᑍᒤᓕᕐᐳᕐᓗ.

ᔫᐱᐅᑉ ᐊᒡᓚᖏᑦ 31:26

ᓯᕿᓂᐅᑉ ᖃᐅᒪᑦᓯᐊᕐᓂᖓᓂᒃ ᑲᒪᓇᓱᐊᓚᐅᕐᓯᒪᓐᓂᕈᒪ, ᑕᖅᑭᐅᓪᓘᓐᓃᑦ ᐃᓗᐃᑦᑑᑦᓯᐊᕐᓂᖓᓄ ᑕᑯᒥᓇᕐᓂᖓᓄᓪᓗ.

ᔫᐱᐅᑉ ᐊᒡᓚᖏᑦ 38:7

ᑍᑦᓱᒪᓂ ᐅᓪᓘᑉ ᖃᐅᓕᕐᓂᖓᓂ ᐅᓪᓗᕆᐊᑦ ᐃᓐᖏᖃᑎᒌᓚᐅᕐᒪᑕ, ᒎᑎᐅᓪᓗ ᕿᑐᕐᖓᓕᒫᖏᑦ ᖁᕕᐊᓱᖕᓂᕐᒧᑦ ᕾᒐᓛᓚᐅᕐᐳᑦ.

ᐃᓐᖏᕈᑎᑦ 148:3

ᓯᕿᓃᖅ ᑕᖅᑮᕐᓗ, ᑖᓐᓇ ᓂᕐᑐᕐᓯᐅᒃ! ᐅᓪᓗᕆᐊᖑᔪᓯ ᖃᐅᒻᒪᕆᒃᑐᓯ, ᓂᕐᑐᕐᓯᐅᒃ!

ᐃᓐᖏᕈᑎᑦ 148:5

ᑖᒃᑯᐊ ᐊᑕᓂᐅᑉ ᐊᑎᖓ ᓂᕐᑐᕋᒃᓴᕆᕚᑦ! ᑖᓐᓇ ᐱᖁᔨᖕᒪᑦ, ᑖᒃᑯᐊ ᐱᓐᖑᕐᑎᑕᐅᓚᐅᕐᐳᑦ.

ᐃᓐᖏᕈᑎᑦ 19:6

ᓄᐃᓕᕐᐳᖅ ᕿᓚᐅᑉ ᐃᓱᐊᓂᑦ, ᑬᕙᓪᓔᓪᓗᓂᓗ ᐃᓱᐊᓄᑦ ᑎᑭᓪᓗᓂ; ᓱᓇᒥᒡᓘᓐᓃᑦ ᐃᔨᕐᓯᒪᔪᖃᓐᖏᓚᒃ ᐆᓇᕐᓂᖓᓂᑦ.

ᐃᓐᖏᕈᑎᑦ 74:16

ᐅᓪᓗᖅ ᐱᒋᕙᑦ, ᐅᓐᓄᐊᕐᓗᑦᑕᐅᖅ ᐱᒋᒋᕙᑦ; ᑕᖅᑭᖅ ᓯᕿᓂᕐᓗ ᐸᕐᓇᒃᓯᒪᕙᑎᑦ ᐃᓂᑖᕐᑎᓪᓗᒋᒃ.

ᐃᓐᖏᕈᑎᑦ 8:3

ᕿᓔᑦ ᐃᓱᒪᒋᓕᕌᖓᒃᑭᑦ, ᐊᒡᒐᖕᓄᑦ ᓴᓇᓚᐅᕐᑕᑎᑦ, ᑕᖅᑭᖅ ᐅᓪᓗᕆᐊᓪᓗ ᐃᓂᖏᓐᓄᑦ ᐃᓕᓚᐅᕐᑕᑎᑦ,

ᐂᓮᐊᓯᐅᑉ ᐊᒡᓚᖏᑦ 13:10

ᐅᓪᓗᕆᐊᑦ ᕿᓚᖕᒦᑦᑐᑦ ᐋᖅᑭᒃᓯᒪᓂᖏᓪᓗ ᖃᐅᒪᔪᓐᓃᕈᒫᕐᐳᑦ, ᓯᕿᓂᖅ ᑖᕐᓯᔪᒫᕐᐳᖅ ᓄᐃᓕᕈᓂ, ᑕᖅᑭᕐᓗ ᖃᐅᒪᔪᓐᓃᕈᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 24:23

ᑕᖅᑭᖅ ᑖᕐᓯᔪᒫᕐᐳᖅ ᓯᕿᓂᕐᓗ ᖃᐅᒪᔪᓐᓃᕐᓗᓂ, ᐊᑕᓂᖅ ᐊᔪᒐᖃᖏᑦᑐᖅ ᐊᐅᓚᑦᓯᓕᕈᒫᕐᒪᑦ, ᔨᕉᓴᓕᒥ ᓮᐅᓂᐅᑉ ᖃᖅᑲᖓᓂ, ᐃᓄᐃᓪᓗ ᐊᖓᔪᖅᑳᖏᑕ ᐱᓐᓇᕐᓇᕐᓂᕐᔪᐊᖓ ᑕᑯᔪᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 40:26

ᖁᒻᒧᑦ ᑕᑯᓴᓚᐅᕆᑦ ᕿᓚᒡᓗ ᑕᑯᓗᒍ: ᑭᐊᐸᒃᑯᐊ ᓴᓇᔭᕕᓂᖏᑦ? ᑖᑦᓱᒪ ᓴᖅᑭᑎᑦᓯᓚᐅᕐᑑᑉ ᐅᓄᕐᓂᖏᑦ ᖃᐅᔨᒪᕔᑦ, ᐃᓘᓐᓇᑎᒡᓗ ᐊᑐᓂᑦ ᐊᑎᖃᕐᑎᓪᓗᓂᒋᑦ: ᑖᓐᓇ ᐱᔪᓐᓇᕐᓂᕐᔪᐊᖃᕋᒥ, ᑖᑦᓱᒧᖓ ᓴᖅᑭᔮᖏᑦᑐᕐᑕᖃᓐᖏᓚᖅ ᐊᑕᐅᓯᕐᒥᒡᓘᓐᓃᑦ.

ᐂᓮᐊᓯᐅᑉ ᐊᒡᓚᖏᑦ 45:7

ᖃᐅᒪᔪᒥᒃ ᐱᒋᐊᕐᑎᑦᓯᓚᐅᕐᐳᖓ ᑖᕐᑐᕐᓗ ᓴᖅᑭᑎᓪᓗᒍ, ᓮᒻᒪᕐᑎᑕᐅᓂᖅ ᐱᒋᐊᕐᑎᓯᒪᕙᕋ ᑲᑉᐱᐊᓇᕐᑐᒦᓐᓂᕐᓗ ᓴᖅᑭᑎᒃᑭᓪᓗᒍ, ᐅᕙᖓᐅᕗᖅ ᐊᑕᓂᖅ, ᑕᒪᒃᑯᓂᖓᓕᒫᖅ ᐱᓇᓱᐊᕐᐸᒃᑐᖅ.

ᔨᕆᒤᐊᐅᑉ ᐊᒡᓚᖏᑦ 31:35

ᐃᒫᒃ ᐊᑕᓂᖅ ᐅᖃᕐᐳᖅ, “ᓯᕿᓂᕐᒥᒃ ᖃᐅᒪᑎᑦᓯᔪᖅ ᐅᓪᓘᑎᓪᓗᒍ, ᐅᓐᓄᐊᒃᑯᓪᓗ ᑕᖅᑭᖃᕐᑎᑦᓯᔪᖅ ᐅᓪᓗᕆᐊᖃᕐᑎᑦᓯᓪᓗᓂᓗ, ᐃᒪᕐᐱᖕᓂᒃ ᒪᓕᒡᔪᐊᖃᕐᑎᑦᓯᔪᖅ; ᑖᓐᓇᐅᕗᖅ ᐊᑎᖃᕐᑐᖅ ᐊᑕᓂᕐᒥᒃ ᐊᔪᒐᖃᖏᑦᑐᒥᒃ.

ᕼᐊᐸᑲᐅᑉ ᐊᒡᓚᖏᑦ 3:11

ᖃᕐᔪᕕᑦ ᓱᒃᑲᓕᓂᕐᒧᑦ ᖃᐅᒻᒪᓪᓚᖕᓂᖏᓐᓂ ᖃᓗᒋᐊᕐᐱᓪᓗ ᓱᒃᑲᓂᖏᑕ ᕿᓪᓛᒋᕐᓂᖏᓐᓂ, ᓯᕿᓂᖅ ᑕᖅᑭᕐᓗ ᐃᓂᒥᖕᓂ ᓄᖅᑲᖓᓚᐅᕐᐴᒃ.

ᒫᑎᐅᓯᐅᑉ ᐊᒡᓚᖏᑦ 24:29

“ᐅᓪᓗᐃᑦ ᑲᑉᐱᐊᓇᕐᑐᑦ ᑭᖑᓂᑦᓯᐊᖓᒍᑦ, ᓯᕿᓂᖅ ᑖᕐᓯᔪᒫᕐᐳᖅ, ᑕᖅᑭᕐᓗ ᖃᐅᒪᔪᓐᓃᕈᒫᕐᐳᖅ, ᐅᓪᓗᕆᐊᓪᓗ ᕿᓚᖕᒥᑦ ᑲᑕᒍᒫᕐᐳᑦ, ᓯᓚᐅᑉ ᐱᔪᓐᓇᕐᓂᖏᑦ ᐃᓂᒋᔭᒥᖕᓂ ᓴᔪᒃᐱᓗᒍᒫᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 27:45

ᐅᓪᓗᖅ ᕿᑎᕋᓕᕐᑎᓪᓗᒍ ᓄᓇᕐᔪᐊᖅ ᑖᕐᓯᓚᐅᕐᐳᖅ, ᐃᑲᕐᕋᓂᒃ ᐱᖓᓱᓂᒃ ᑖᓚᐅᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:41

ᓯᕿᓂᖅ ᐃᒻᒥᒍᑦ ᑕᑯᒥᓇᕐᓂᖃᕐᒪᑦ, ᑕᖅᑭᕐᓗ ᐃᒻᒥᒍᑦ ᑕᑯᒥᓇᕐᓂᖃᕆᓪᓗᓂ, ᐅᓪᓗᕆᐊᓪᓗ ᐃᒻᒥᒍᑦ ᑕᑯᒥᓇᕐᓂᖃᕆᓪᓗᑎᒃ; ᐅᓪᓗᕆᐊᓪᓗ ᐊᒡᓛᑦ ᐊᑐᓂᑦ ᐊᑦᔨᒌᖏᑦᑐᓂᒃ ᑕᑯᒥᓇᕐᓂᖃᕆᓪᓗᑎᒃ.

ᒨᓯᓯ ᑕᓪᓕᒪᖏᑦ 4:19

ᑐᒃᓯᐊᕐᕕᖃᕈᒪᓗᓯ ᐱᔨᑦᓯᕈᒪᓗᓯᓗ ᐃᓱᒪᑦᑍᓕᒋᑦᓯ ᕿᓚᖕᒥ ᑕᑯᕙᒃᑕᑦᓯᓐᓂᒃ, ᓯᕿᓂᕐᒥᒃ, ᑕᖅᑭᕐᒥᒃ, ᐅᓪᓗᕆᐊᓂᒡᓗ, ᐊᑕᓂᐅᑉ ᒎᑎᑦᓯ ᑕᒪᒃᑯᐊ ᑐᓂᓯᒪᖕᒪᒋᑦ ᐃᓅᖃᑎᒌᓄᑦ ᐊᓯᑦᓯᓐᓄᑦ ᑐᒃᓯᐊᕐᕕᒋᔭᐅᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:23

ᐃᒡᓗᒐᓴᒡᔪᐊᓪᓗ ᓯᕿᓂᕐᒧᑦ ᑕᖅᑭᕐᒧᓪᓘᓐᓃᑦ ᖃᐅᒪᑎᑕᐅᔭᕆᐊᖃᓐᖏᓚᑦ, ᒎᑎᐅᑉ ᐱᓐᓇᕐᓇᕐᓂᖓᑕ ᖃᐅᒪᑎᒻᒪᒋᑦ, ᓄᕐᕋᐅᔭᕐᓗ ᖃᐅᒻᒪᖅᑯᑎᒋᖕᒪᑦᔪᒃ.