ᒨᓯᓯ ᓯᕗᓪᓖᑦ 1:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐊᒻᒪ ᒎᑎ ᐅᖃᕆᕗᖅ, “ᓄᓇᕐᔪᐊᖅ ᖃᓄᐃᑦᑐᑐᐃᓐᓇᕐᓂᒃ ᐱᕈᕐᑐᖃᕐᓕ, ᐱᕈᕐᑐᓂᒃ ᐱᕈᕐᓯᐊᒃᓴᖃᕈᓐᓇᕐᑐᓂᒃ, ᐸᐅᕐᖓᓕᖕᓂᒡᓗ ᓇᐹᕐᑐᓂᒃ ᐸᐅᕐᖓᖏᓪᓗ ᐱᕈᕐᓯᐊᒃᓴᖃᕐᓗᑎᒃ ᐃᓗᐊᒍᑦ, ᐊᑐᓂᑦ ᖃᓄᐃᑦᑑᓂᑎᒃ ᒪᓕᒡᓗᒋᑦ ᓄᓇᒥ.” ᑍᒤᓕᕐᐳᕐᓗ.

ᒨᓯᓯ ᓯᕗᓪᓖᑦ 1:11 Iomraidhean Croise

ᒨᓯᓯ ᓯᕗᓪᓖᑦ 1:12

ᓄᓇᕐᔪᐊᕐᓗ ᐱᕈᕐᑐᖃᓕᕐᐳᖅ, ᐱᕈᕐᑐᑦ ᐊᑦᔨᒥᖕᓂᒃ ᐱᕈᕐᓯᐊᒃᓴᓖᑦ, ᓇᐹᕐᑐᓪᓗ ᐸᐅᕐᖓᓖᑦ ᐱᕈᕐᓯᐊᒃᓴᓖᑦ ᐸᐅᕐᖓᒥᖕᓂᒃ, ᖃᓄᐃᑦᑑᓂᑎᒃ ᒪᓕᒡᓗᒋᑦ. ᒎᑎᐅᓪᓗ ᑕᑯᓪᓗᒋᑦ ᓈᒻᒪᒋᕔᑦ.

ᒨᓯᓯ ᓯᕗᓪᓖᑦ 1:29

ᒎᑎᓗ ᐅᖃᕆᕗᖅ, “ᑕᑯᒋᑦ, ᑐᓂᓯᕕᒋᕙᑦᓯ ᖃᓄᐃᑦᑐᑐᐃᓐᓇᕐᓂᒃ ᐱᕈᕐᑐᓂᒃ ᑕᒤᓐᓂᒃ ᐱᕈᕐᓯᐊᒃᓴᓕᐅᕐᑐᓂᒃ ᓄᓇᕐᔪᐊᕐᒥ, ᓇᐹᕐᑐᓂᒡᓗ ᑕᒤᓐᓂᒃ ᐱᕈᕐᓯᐊᒃᓴᓕᖕᓂᒃ ᐸᐅᕐᖓᒥᖕᓂᒃ; ᑕᒪᒃᑯᓂᖓ ᓂᕿᒃᓴᖃᖁᓪᓗᓯ.

ᒨᓯᓯ ᓯᕗᓪᓖᑦ 2:16

ᐊᑕᓂᐅᓪᓗ ᒎᑎᐅᑉ ᐊᖑᑦ ᐱᖁᓪᓚᕆᒃᓗᒍ ᐅᖃᐅᑎᕚ, “ᓇᐹᕐᑐᓂᒃ ᑕᒤᓐᓂᑦ ᐃᓱᒪᕐᓱᕐᓗᑎᑦ ᐱᕈᕐᑐᖏᓐᓂᒃ ᓂᕆᔪᓐᓇᕐᓂᐊᕐᐳᑎᑦ ᐱᕈᕐᓰᕕᖕᒦᑦᑐᓂᑦ.

ᒨᓯᓯ ᓯᕗᓪᓖᑦ 2:5

ᓱᓕ ᐱᕈᕐᑐᖃᓚᐅᓐᖏᓚᖅ ᓄᓇᒥ ᐱᕈᕐᓯᐊᒃᓴᑦ ᐱᕈᓕᓚᐅᖏᒻᒪᑕ ᐊᑕᓂᖅ ᒎᑎ ᓯᓚᓗᒃᑎᑦᓯᓚᐅᖏᒻᒪᑦ ᓱᓕ ᓄᓇᒧᑦ, ᐃᓄᖕᓂᒃ ᓄᓇᓕᕆᔪᒃᓴᕐᑕᖃᓚᐅᖏᒻᒪᑦ ᐱᕈᕐᑐᒃᓴᑦ ᐃᓂᒃᓴᖏᓐᓂᒃ.

ᒨᓯᓯ ᓯᕗᓪᓖᑦ 2:9

ᓄᓇᒥᓪᓗ ᐊᑕᓂᖅ ᒎᑎ ᓇᐹᕐᑐᓂᒃ ᑕᒤᓐᓂᒃ ᐱᕈᕐᑎᑦᓯᕗᖅ ᑕᑯᒥᓇᕐᑐᓂᒃ ᓂᕿᒃᓴᐅᑦᓯᐊᕐᑐᓂᒃ, ᐱᕈᕐᓰᕕᐅᓪᓗ ᕿᑎᖓᓃᑦᑐᖃᕆᕗᖅ ᓇᐹᕐᑐᒥᒃ ᐃᓅᓯᖃᕐᓇᕐᑐᒥᒃ, ᓇᐹᕐᑐᖃᕆᓪᓗᓂᓗ ᐱᐅᔪᒥᒃ ᐱᐅᖏᑦᑐᒥᒡᓗ ᖃᐅᔨᒪᓕᕐᓇᕐᑐᒥᒃ.

ᔫᐱᐅᑉ ᐊᒡᓚᖏᑦ 28:5

ᓄᓇᕐᔪᐊᕐᒥᑦ ᓂᕿᒃᓴᓂᒃ ᐱᕈᕐᑐᖃᕐᐸᒃᐳᖅ; ᐊᑖᒍᓪᓕ ᓄᓇ ᒧᒥᒃᑎᑕᐅᓯᒪᕗᖅ ᓯᖃᓪᓕᔭᐅᓯᒪᓪᓗᓂ.

ᐃᓐᖏᕈᑎᑦ 1:3

ᑖᓐᓇ ᐊᑦᔨᖃᕐᐳᖅ ᓇᐹᕐᑐᒥᒃ ᑰᑉ ᓯᓈᓂ ᐱᕈᕐᓯᐊᒥᒃ, ᐸᐅᕐᖓᕐᑖᕐᐸᒃᑐᑐᑦ ᐱᕈᕐᕕᐅᕕᒃᓴᖓ ᓇᓪᓕᐅᑎᔭᕌᖓᑦ, ᐅᖃᐅᔭᖏᓪᓗ ᑐᖁᓕᓂᐊᓐᖏᓚᑦ; ᖃᓄᐃᓕᐅᕐᑕᖏᑦ ᑕᒪᕐᒥᒃ ᓴᖅᑭᕈᒫᕐᐳᑦ.

ᐃᓐᖏᕈᑎᑦ 147:8

ᕿᓚᖕᒥᒃ ᐅᓕᒃᓯᔪᖅ ᓄᕗᔭᓄᑦ, ᓄᓇᐅᓪᓗ ᓯᓚᓗᒃᑕᐅᓂᒃᓴᖓᓂᒃ ᐊᑐᐃᓐᓇᕈᐃᕙᒃᓗᓂ, ᖃᖅᑲᓂᓗ ᐃᕕᒃᓱᒐᕐᓂᒃ ᐱᕈᕐᑎᑦᓯᕙᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 61:11

ᓄᓇᑐᑦ ᐱᕈᕐᑐᒃᓴᒥᒃ ᓴᖅᑭᕝᕕᐅᔪᑎᑐᑦ, ᐱᕈᕐᓰᕕᒡᓗ ᐱᕈᕐᑐᒃᓴᓂᒃ ᐱᕈᕐᕕᐅᓕᕐᐸᖕᒪᑦ ᑲᓐᖓᕐᓲᑕᐅᓯᒪᔪᓂᒃ, ᑍᒫᒃᑕᐅᖅ ᐊᑕᓂᐅᑉ ᒎᑎᐅᑉ ᓇᓛᒎᕐᓂᖅ ᓂᕐᑐᓕᕐᓂᕐᓗ ᐱᕈᕐᑎᑦᓱᒫᕆᕔᑦ ᐃᓅᖃᑎᒌᒡᔪᐊᓕᒫᓂ.

ᔨᕆᒤᐊᐅᑉ ᐊᒡᓚᖏᑦ 17:8

ᓇᐹᕐᑐᑎᑐᑦ ᑍᒤᑉᐳᖅ ᐃᒪᖃᑦᓯᐊᕐᑐᒥ ᐱᕈᕐᓯᒪᔪᑎᑐᑦ, ᐊᒫᖏᓪᓗ ᐃᒫᓄᑦ ᑎᑭᐅᒪᑦᓯᐊᕐᑐᑎᑐᑦ, ᓯᓚ ᐅᖅᑰᔪᐊᓘᓕᕋᓗᐊᕐᐸᑦ ᓯᕘᕋᖏᑦᑐᑎᑐᑦ, ᐅᖃᐅᔭᖃᕐᑐᑎᑐᑦ ᑐᖑᔪᐃᓐᓇᕐᑐᓂᒃ, ᐸᓂᕐᓇᕐᑐᖃᕋᓗᐊᕐᐸᑦ ᐃᓱᒫᓗᖏᑦᑐᑎᑐᑦ, ᐱᕈᕐᑐᒃᓴᖁᑎᖏᑦ ᐱᕈᐃᓐᓇᐅᔭᕐᒪᑕ.

ᒫᑎᐅᓯᐅᑉ ᐊᒡᓚᖏᑦ 3:10

ᐅᓕᒪᐅᑦ ᐊᑐᐃᓐᓇᐅᓕᕐᐳᖅ ᓇᐹᕐᑐᑦ ᐊᒫᖏᑎᒍᑦ ᓇᑲᑎᕆᓂᐊᕐᑐᖅ; ᓇᐹᕐᑐᓕᒫᑦ ᐱᐅᔪᒥᒃ ᐱᕈᕐᕕᐅᖏᑦᑐᑦ ᓇᑲᑕᐅᓂᐊᕐᐳᑦ ᐃᒋᑕᐅᓗᑎᒃ ᐃᑯᒪᒧᑦ.

ᒫᑎᐅᓯᐅᑉ ᐊᒡᓚᖏᑦ 6:30

ᐱᕈᕐᑐᑦ ᒪᑯᐊ ᒎᑎᐅᑉ ᑍᒫᒃ ᑕᑯᒥᓇᕐᑎᒻᒪᒋᑦ, ᐅᓪᓗᒥ ᑕᒫᓃᑦᑐᑦ ᖃᐅᒃᐸᑦ ᐱᑕᖃᕈᓐᓃᕐᓂᐊᕐᒥᔪᑦ, ᐃᑭᑕᐅᓗᑎᒃ ᕿᔪᒋᔭᐅᓂᐊᕐᒪᑕ, ᒎᑎᐅᑉ ᐊᓐᓄᕌᒃᓴᑦᓯᓐᓂᒃ ᑐᓂᓯᕕᒋᔪᓐᓇᕐᓂᕐᓴᕆᓐᖏᓛᓰ ᐅᒃᐱᕐᓂᑭᑦᑐᓯ!

ᒫᑯᓯᐅᑉ ᐊᒡᓚᖏᑦ 4:28

ᓄᓇᕐᔪᐊᑉ ᑕᒪᑐᒪ ᓇᖕᒥᓂᖅ ᓂᕆᑎᒻᒪᒋᑦ ᐱᕈᕐᑎᓪᓗᓂᒋᓪᓗ, ᐱᕈᕐᑐᑦ ᐱᕈᕐᕕᐅᓕᕐᐳᑦ, ᓯᕗᓪᓕᕐᒥᒃ ᐱᕈᓯᒐᒥᒃ ᓄᐃᓕᕐᐳᑦ, ᑭᖑᓂᖓᒍᑦ ᓂᐊᖁᕐᑖᓯᕗᑦ, ᑭᖑᓪᓕᕐᐹᒥᒃ ᓂᐊᖁᖏᑦ ᐱᕈᕐᓯᐊᒃᓴᖃᓕᕐᐳᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:38

ᒎᑎᐅᓪᓕ ᐱᕈᕐᓯᐊᖅ ᑎᒥᑖᕐᑎᑉᐹ ᐃᓱᒪᒥᓂᒃ; ᐱᕈᕐᓯᐊᒃᓮᓪᓗ ᐊᑐᓂᑦ ᐊᑦᔨᒌᖏᑦᑐᓂᒃ ᑕᐅᑦᑐᖃᕐᑎᓪᓗᒋᑦ ᐱᕈᕐᑎᑉᐰᑦ.

ᐄᑉᕈᐃᓄᑦ 6:7

ᓄᓇ ᐃᒥᖃᑦᑕᕐᑐᖅ ᓯᓚᓗᖕᒥᑦ ᖃᐅᓯᕐᑎᑕᐅᔭᕌᖓᒥ ᐱᕈᕐᑎᑦᓯᕙᒃᐳᖅ ᐱᕈᕐᑐᓂᒃ ᐊᑐᕐᓇᕐᑑᓕᕐᓗᓂᓗ ᑲᓐᖓᕐᓱᐃᓚᐅᕐᑐᓄᑦ ᒎᑎᐅᑉ ᓮᒻᒪᕐᑎᑦᓯᓂᖓᓄᑦ.

ᔧᒥᓯᐅᑉ ᐊᒡᓚᖏᑦ 3:12

ᐅᒃᐱᖃᑎᒃᑲ, ᓇᐹᕐᑐᖅ ᐸᐅᕐᖓᓕᒃ ᐱᒋᓕᖕᓂᒃ, ᐱᕈᕐᕕᐅᔪᓐᓇᕐᐹ ᐅᕐᓱᒃᓴᕐᑕᓕᖕᓂᒃ? ᐅᐂᓂᒃᓴᓂᒡᓗ ᐱᕈᕐᕕᐅᕙᒃᑐᑦ ᐱᒋᓕᖕᓂᒃ ᐱᕈᕐᕕᐅᔪᓐᓇᕐᐹ? ᑍᒫᒃᑕᐅᖅ ᓄᓇᐅᑉ ᐃᓗᐊᓂᑦ ᑕᕆᐅᕐᒥᒃ ᑯᕕᔪᖅ ᐃᒪᑦᓯᐊᕙᖕᒥᒃ ᑯᕕᖃᓯᐅᑦᔨᔪᓐᓇᓐᖏᓚᖅ.