1 ᐱᒋᐊᕐᓂᕐᒥ ᒎᑎ ᐱᓐᖑᕐᑎᑦᓯᓚᐅᕐᐳᖅ ᕿᓚᖕᓂᒃ ᓄᓇᕐᔪᐊᕐᒥᒡᓗ.
ᕼᐃᓯᑬᐊᓗ ᑐᒃᓯᐊᕐᓗᓂ ᐊᑕᓂᕐᒧᑦ ᐅᖃᕐᐳᖅ, “ᐊᑕᓃᖅ, ᐃᓴᕆᐊᓕᒥᐅᑦ ᒎᑎᖓᑦ, ᓯᕈᐲᒻ ᖁᓛᓂ ᐃᒃᓯᕙᐅᑕᕐᔪᐊᖃᕐᑐᑎᑦ, ᒎᑎᐅᕗᑎᑦ ᐊᓯᖃᕐᓇᒃ, ᓄᓇᒥᐅᑦ ᐊᖓᔪᖅᑳᕐᔪᐊᖃᕐᕕᓕᒫᖏᓐᓄᑦ; ᕿᓚᒡᓗ ᓄᓇᓗ ᓴᓇᓯᒪᒐᕕᒋᒃ.
ᐃᓄᐃᑦ ᒎᑎᒋᔭᓕᒫᖏᑦ ᒎᑎᓐᖑᐊᖑᕗᑦ; ᐊᑕᓂᐅᓪᓕ ᕿᓔᑦ ᓴᓇᓚᐅᕐᐰᑦ.
ᑭᖑᓂᖓᒍᑦ ᕼᐅᕋᒻ ᑍᕆᒥ ᐊᖓᔪᖅᑳᕐᔪᐊᖅ ᑭᐅᕗᖅ ᑎᑎᕋᕐᓗᓂ, ᓲᓗᒨᓂᒧᑦ: “ᐊᑕᓂᐅᑉ ᐃᓄᖁᑎᓂ ᓇᒡᓕᒋᖕᒪᒋᑦ ᑖᑦᓱᒪ ᐊᖓᔪᖅᑳᕐᔪᐊᓐᖑᕐᑎᓚᐅᕐᐹᑎᑦ.”
“ᐃᕝᕕᑦ ᑭᓯᕕᑦ ᐊᑕᓂᑑᕗᑎᑦ; ᕿᓚᖕᒥᒃ ᓴᓇᓚᐅᕐᐳᑎᑦ, ᕿᓔᓪᓗ ᕿᓚᖏᓐᓂᒃ, ᕿᓚᖕᒦᑦᑐᓕᒫᓂᓪᓗ, ᓄᓇᒥᒃ ᓄᓇᒥᐅᑕᓕᒫᓂᒡᓗ, ᐃᒪᕕᒡᓗ ᐃᓘᓐᓇᑎᒡᓗ ᐃᒪᐅᑉ ᐃᓗᐊᓃᑦᑐᑦ ᓴᓇᓚᐅᕐᐸᑎᑦ; ᐃᓅᓯᕐᒥᒃ ᐃᓘᓁᓐᓄᑦ ᑐᓂᓯᕗᑎᑦ, ᕿᓚᖕᒥᐅᑕᓕᒫᑦᓯᐊᑦ ᐃᓕᖕᓄᑦ ᐅᑯᕗᑦ ᑐᒃᓯᐊᕐᓗᑎᒡᓗ.
ᐊᓄᕆᖓᓄᑦ ᕿᓚᒃ ᓴᓗᒻᒪᕐᑎᑕᐅᕗᖅ; ᐊᒡᒐᖏᑕ ᖁᒡᓗᒋᐊᖅ ᕿᒫᓇᓱᒃᑐᖅ ᑲᐱᓪᓗᒍ ᑐᖁᑉᐹ.
ᓇᓃᓚᐅᕐᐲᑦ ᓄᓇᕐᔪᐊᕐᒥᒃ ᑐᓐᖓᕕᓕᐅᓕᕐᑎᓪᓗᖓ? ᐅᖃᐅᑎᓚᐅᓐᖓ, ᑕᒪᑐᒥᖓ ᖃᐅᔨᒪᒍᕕᑦ.
ᐃᑲᔪᕐᑕᐅᓚᐅᕐᓯᒪᓐᖏᓚᖅ ᕿᓚᖕᓂᒃ ᐃᓯᕕᑦᓯᓕᕐᑎᓪᓗᒍ, ᑐᓪᓕᕋᕈᓐᓇᕐᓗᓂᓗ ᐃᒪᕐᔪᐊᑉ ᐃᖏᐅᓕᖏᓐᓂᒃ;
ᑍᑦᓱᒪᓂᐊᓗᒃ ᓄᓇᕐᔪᐊᖅ ᑐᓐᖓᕕᓕᐅᓚᐅᕐᐸᑦ, ᐊᒡᒐᒃᐱᓪᓗ ᕿᓔᑦ ᓴᓇᓚᐅᕐᐰᑦ.
ᐊᑕᓃᖅ, ᐱᓂᐊᕐᓂᑎᑦ ᐊᖏᔪᕐᔪᐊᖑᕗᑦ! ᑕᒪᕐᒥᒃ ᓯᓚᑐᓂᕐᓄᑦ ᐋᖅᑭᒃᓯᒪᕙᑎᑦ. ᓄᓇᕐᔪᐊᖅ ᑕᑕᑉᐳᖅ ᐆᒻᒪᕐᑎᓯᒪᔭᕐᓂᒃ.
ᐊᓂᕐᓃᑦ ᑎᓕᒐᕕᐅᒃ, ᑕᕝᕙ ᐱᓐᖑᕐᑎᑕᐅᕗᑦ; ᓄᓇᕐᔪᐊᓪᓗ ᓴᖅᑭᔮᕐᓂᖓ ᓄᑖᓐᖑᕐᑎᑉᐸᑦ.
ᐊᑕᓂᕐᒧᑦ ᓮᒻᒪᕐᑎᑕᐅᒋᑦᓯ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑐᒧᑦ!
ᐃᑲᔪᕐᑕᐅᓂᕋ ᐊᑕᓂᕐᒥᑦ ᐱᕗᖅ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑐᒥᑦ.
ᐃᑲᔪᕐᑕᐅᓂᕗᑦ ᐊᑕᓂᐅᑉ ᐊᑎᖓᓃᑉᐳᖅ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑐᒥ.
ᐊᑕᓂᐅᑉ ᓮᒻᒪᕐᑎᓪᓕᓯ ᓮᐅᓂᒥᑦ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑑᑉ!
ᓯᓚᑐᓂᕐᒥᓄᑦ ᕿᓚᖕᓂᒃ ᓴᓇᓚᐅᕐᑐᖅ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;
ᑖᓐᓇ ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᒪᑦ, ᐃᒪᕐᕕᖕᒥᒡᓗ, ᐃᓗᐊᓃᑦᑐᓕᒫᓂᒡᓗ; ᑖᓐᓇ ᐅᒃᐱᕐᓇᕐᑑᕗᖅ ᐃᓱᖃᖏᑦᑐᒧᑦ.
ᐊᑕᓂᐅᑉ ᐅᖃᐅᓯᖓᒍᑦ ᕿᓔᑦ ᓴᓇᔭᐅᓚᐅᕐᐳᑦ, ᑕᒪᕐᒥᒡᓗ ᕿᓚᖕᒥ ᑕᑯᒃᓴᐅᔪᑦ ᐅᓪᓗᕆᐊᑦ ᖃᓂᖓᑕ ᐊᓂᕐᓂᖓᓄᑦ ᓴᖅᑭᓚᐅᕐᐳᑦ.
ᐅᖃᕐᒪᑦ, ᓱᓇᑐᐃᓐᓁᑦ ᐱᔭᕇᓚᐅᕐᐳᑦ; ᐱᖁᔨᖕᒪᓪᓗ, ᐱᑕᖃᓕᓚᐅᕐᐳᑦ.
ᕿᓔᑦ ᐃᓱᒪᒋᓕᕌᖓᒃᑭᑦ, ᐊᒡᒐᖕᓄᑦ ᓴᓇᓚᐅᕐᑕᑎᑦ, ᑕᖅᑭᖅ ᐅᓪᓗᕆᐊᓪᓗ ᐃᓂᖏᓐᓄᑦ ᐃᓕᓚᐅᕐᑕᑎᑦ,
ᐃᓄᒃ ᓱᓇᐅᖕᒪᑦ ᐃᖅᑲᐅᒪᕕᐅᒃ? ᓱᖕᒪᓪᓗ ᐃᓅᑉ ᐃᕐᓂᖓ ᑕᑯᔭᕐᑐᕐᐱᐅᒃ?
ᖃᖅᑬᑦ ᓴᖅᑭᓚᐅᖅᑳᕐᑎᓐᓇᒋᑦ, ᐅᕝᕙᓗ ᓄᓇᕐᔪᐊᖅ ᓯᓚᕐᔪᐊᕐᓗ ᐱᓐᖑᕐᑎᑕᐅᓚᐅᖅᑳᕐᑎᓐᓇᒋᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᒎᑏ ᒎᑎᐅᕗᑎᑦ.
ᐃᓄᖕᓄᑦ ᒎᑎᒋᔭᐅᔪᓕᒫᑦ ᒎᑎᓐᖑᐊᖑᕗᑦ; ᐊᑕᓂᐅᓪᓕ ᕿᓔᑦ ᓴᓇᓚᐅᕐᐰᑦ.
ᐅᓪᓗᓂᒃ ᐱᖓᓲᔪᕐᑐᓂᒃ ᐊᑕᓂᐅᑉ ᓄᓇᕐᔪᐊᖅ ᕿᓚᒡᓗ ᓴᓇᓚᐅᕐᒪᒍ, ᐃᒪᕐᔪᐊᕐᓗ ᐃᒪᕐᒥᐅᑕᓕᒫᓪᓗ, ᐅᓪᓗᓪᓕ 7ᖓᓐᓂ ᑕᕾᕐᓯᓚᐅᕐᐳᖅ. ᑍᒤᒻᒪᑦ ᐊᑕᓂᐅᑉ ᓴᐸᑎ ᐅᓪᓗᓄᑦ ᐊᑦᔨᐅᑎᓐᓇᒍ ᓇᓗᓁᓚᐅᕐᐹ ᐃᑦᔪᕐᓁᑎᓪᓗᒍᓗ.
ᒎᑎᓗ ᒨᓯᓯᒧᑦ ᐅᖃᓪᓚᒌᕋᒥ ᖃᖅᑲᐅᑉ ᓮᓁᑉ ᖄᖓᓂᑦ, ᒨᓯᓯ ᑐᓂᕚ ᐅᔭᕌᖕᓂᒃ ᒪᕐᕉᖕᓂᒃ ᐱᖁᔭᓂᒃ ᑎᑎᕋᕐᕕᒋᓯᒪᔫᖕᓂᒃ ᒎᑎᐅᑉ ᓇᖕᒥᓂᖅ ᑎᑎᕋᕐᕕᒋᓯᒪᔭᖏᖕᓂᒃ.
ᐊᑕᓂᐅᑉ ᓱᓇᑐᐃᓐᓁᑦ ᐱᓐᖑᕐᑎᓚᐅᕐᐰᑦ ᐊᑑᑎᒃᓴᖏᓐᓄᑦ, ᐱᐅᖏᑦᑐᑦ ᐊᒡᓛᑦ ᐊᓯᕈᕐᑕᐅᕕᒃᓴᖏᑦ ᓇᓪᓕᐅᑎᑎᑦᓱᒫᕐᐰᑦ.
ᐊᑕᓂᐅᑉ ᓄᓇᕐᔪᐊᖅ ᓯᓚᑐᓂᕐᒥᓄᑦ ᐱᒋᐊᕐᑎᓯᒪᕚ; ᖃᐅᔨᒪᓂᕐᒥᓄᓪᓗ ᕿᓚᒃ ᐃᓂᑖᕐᑎᓯᒪᕚ;
ᐱᓐᖑᕐᑎᑎᔩᑦ ᐃᖅᑲᐅᒪᓕᕈᒃ ᐃᓅᓱᒃᑑᓂᕕᑦ ᐅᓪᓗᖏᓐᓂ, ᐅᓪᓗᐃᓪᓗ ᐅᖁᒤᑦᑐᑦ ᑎᑭᓚᐅᖏᓐᓂᖏᓐᓂ, ᐅᑭᐅᓪᓗ ᐃᓱᓕᓕᕐᐸᑕ ᐅᖃᕈᒫᕋᕕᑦ, “ᑍᒃᑯᓇᓂ ᖁᕕᐊᓇᕐᑐᒥᒃ ᖃᐅᔨᓚᐅᖏᓚᖓ.”
“ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᐃᓴᕆᐊᓕᒥᐅᑦ ᒎᑎᖓᑦ, ᐃᒃᓯᕙᐅᑕᕐᔪᐊᕐᒦᑦᑐᖅ ᓯᕈᐱᒻ ᖁᓛᓂ, ᐃᕝᕕᑐᐊᖅ ᒎᑎᑑᕗᑎᑦ, ᐊᖓᔪᖅᑲᐅᕕᖕᓂᒃ ᓯᓚᕐᔪᐊᕐᒥ ᑕᒤᓐᓂ; ᐱᓐᖑᕐᑎᑦᓯᓯᒪᔪᑎᑦ ᕿᓚᕐᒥᒃ ᓄᓇᕐᔪᐊᒥᒡᓗ.
ᖃᐅᔨᒪᓐᖏᓚᑏᑦ? ᑐᓴᓚᐅᕐᓇᒡᓗ? ᐅᖃᐅᑎᔭᐅᓯᒪᓐᖏᓚᑏᑦ ᑕᒪᑐᒥᖓ ᐱᒋᐊᕐᓂᖓᓂᑦ? ᑐᑭᓯᓚᐅᕐᓯᒪᓐᖏᓚᑏᑦ ᓄᓇᕐᔪᐊᖅ ᐱᒋᐊᕐᑎᑕᐅᓕᕐᓂᖓᓂᒃ?
ᖁᒻᒧᑦ ᑕᑯᓴᓚᐅᕆᑦ ᕿᓚᒡᓗ ᑕᑯᓗᒍ: ᑭᐊᐸᒃᑯᐊ ᓴᓇᔭᕕᓂᖏᑦ? ᑖᑦᓱᒪ ᓴᖅᑭᑎᑦᓯᓚᐅᕐᑑᑉ ᐅᓄᕐᓂᖏᑦ ᖃᐅᔨᒪᕔᑦ, ᐃᓘᓐᓇᑎᒡᓗ ᐊᑐᓂᑦ ᐊᑎᖃᕐᑎᓪᓗᓂᒋᑦ: ᑖᓐᓇ ᐱᔪᓐᓇᕐᓂᕐᔪᐊᖃᕋᒥ, ᑖᑦᓱᒧᖓ ᓴᖅᑭᔮᖏᑦᑐᕐᑕᖃᓐᖏᓚᖅ ᐊᑕᐅᓯᕐᒥᒡᓘᓐᓃᑦ.
ᖃᐅᔨᒪᓐᖏᓚᑏᑦ? ᑐᓴᓚᐅᕐᓇᒡᓗ? ᐊᑕᓂᖅ ᒎᑎᐅᖕᒪᑦ ᐃᓱᖃᖏᑦᑐᒧᑦ, ᐱᓐᖑᕐᑎᑦᓯᓯᒪᔪᖅ ᓄᓇᕐᔪᐊᕐᒥᒃ ᐃᓱᐊᓃᑦ ᐃᓱᐊᓄᑦ. ᓄᑮᕈᑎᔪᓐᓇᓐᖏᓚᖅ ᑕᖃᔪᓐᓇᕋᓂᓗ, ᓯᓚᑐᓂᖓᓗ ᖃᐅᔨᔭᐅᔪᓐᓇᕋᓂ.
ᒎᑎ ᐊᑕᓂᖅ ᐅᖃᕐᐳᖅ, ᐱᓐᖑᕐᑎᑦᓯᓯᒪᔪᖅ ᕿᓚᖕᒥᒃ ᐃᓯᕕᓪᓗᒋᓪᓗ, ᓯᐊᒻᒪᕐᑎᑦᓯᓚᐅᕐᑐᖅ ᓄᓇᕐᔪᐊᕐᒧᑦ ᑕᕝᕙᓐᖓᑦ ᐱᔪᓂᒃ, ᐃᓄᖕᓂᒃ ᐊᓂᕐᓂᖃᕐᑎᑦᓯᔪᖅ ᑕᕝᕙᓂ ᐃᓂᖃᕐᑐᓂᒃ, ᐊᓂᕐᓂᖃᕐᑎᑦᓯᓪᓗᓂᓗ ᐃᓅᔪᓂᒃ:
ᐊᑕᓂᖅ ᐃᓕᖕᓂᒃ ᐅᑎᕐᑎᑦᓯᔪᖅ ᐃᒻᒥᓄᑦ, ᐃᒡᓕᐊᑉ ᐃᓗᐊᓂ ᓴᓇᓚᐅᕐᑐᖅ ᐃᓕᖕᓂᒃ; ᐃᒫᒃ ᐅᖃᕐᐳᖅ, “ᐊᑕᓂᐅᕗᖓ, ᑕᒤᓐᓂᒃ ᓴᓇᓚᐅᕐᑐᖅ, ᐃᓄᑑᑦᔨᓪᓗᖓ ᕿᓚᖕᒥᒃ ᐃᓯᕕᑦᓯᓚᐅᕐᐳᖓ, ᓄᓇᓗ ᓯᐊᒻᒪᒃᓗᒍ ᓴᓇᓚᐅᕐᐸᕋ;
ᐃᒫ ᑕᕝᕙ ᐊᑕᓂᖅ ᐅᖃᕐᐳᖅ, ᕿᓚᖕᒥᐅᓂᒃ ᐱᓐᖑᕐᑎᑦᓯᓚᐅᕐᑐᖅ, ᑖᓐᓇ ᒎᑎᐅᖕᒪᑦ, ᓄᓇᕐᔪᐊᖅ ᐋᖅᑭᒃᓱᓚᐅᕐᒪᒍ ᓴᓇᓪᓗᒍ ᐃᓂᓕᐅᕐᓗᒍᓗ; ᐱᓐᖑᕐᑎᓚᐅᓐᖏᓛ ᓱᓇᖃᖁᓇᒍ, ᐱᓐᖑᕐᑎᓚᐅᕐᐹᓕ ᐃᓄᖃᕐᑐᒃᓴᐅᖁᓪᓗᒍ, “ᐅᕙᖓᐅᕗᖅ ᐊᑕᓂᖅ, ᐊᓯᓐᓂᒡᓗ ᐱᑕᖃᕋᓂ.
ᐳᐃᒍᕐᓯᒪᓪᓗᑎᑦ ᐊᑕᓂᕐᒥᒃ, ᐃᓕᖕᓂᒃ ᓴᓇᓚᐅᕐᑐᒥᒃ, ᕿᓚᖕᒦᑦᑐᓂᒃ ᐃᓯᕕᑦᓯᓯᒪᔪᖅ ᓄᓇᕐᔪᐊᕐᒥᒡᓗ ᐃᓂᒋᔭᒃᓴᖓᓄᑦ ᐃᓕᓯᓯᒪᔪᖅ, ᓯᕘᕋᖃᑦᑕᕐᐲᑦ ᐅᓪᓗᖅ ᓈᓗᒍ ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖓᓂᒃ, ᑐᖁᑦᓯᔪᒪᑎᓪᓗᒍ? ᐊᑭᕋᕐᑐᕐᑎᕖᑦ ᑲᑉᐱᐊᓇᕐᓂᖓ ᓇᓃᒻᒪᑦ?
ᐅᖃᐅᓯᒃᑲ ᐃᓕᕙᒃᑲ ᖃᓂᕐᓄᑦ; ᐃᔨᕐᓯᒪᓪᓗᓯᓗ ᐊᒡᒐᖕᒪ ᑕᕐᕋᖓᓄᑦ, ᕿᓚᖕᓂᒃ ᐃᓯᕕᑦᓯᖁᓪᓗᖓ, ᓄᓇᕐᔪᐊᕐᒥᒡᓗ ᐃᓂᒋᓂᐊᕐᑕᖓᓄᑦ ᐃᓕᓯᖁᓪᓗᖓ, ᓮᐅᓂᒧᓪᓗ ᐅᖃᕐᓗᖓ, ‘ᐃᓄᖁᑎᒋᕙᑦᓯ.’”
“ᑕᑯᒋᑦ, ᐱᓐᖑᕐᑎᑦᓯᔪᒫᕐᐳᖓ ᕿᓚᖕᒥᒃ ᓄᑖᒥᒃ, ᓄᓇᒥᒡᓗ ᓄᑖᒥᒃ, ᐱᑐᕾᑦ ᐃᖅᑲᐅᒪᔭᐅᔪᒫᓐᖏᓚᑦ ᐃᓱᒪᓇᕈᓐᓃᕐᓗᑎᒡᓗ.
ᑖᑦᓱᒪ ᐱᔪᓐᓇᕐᓂᕐᔪᐊᒥᓄᑦ ᓄᓇ ᐱᓐᖑᕐᑎᓚᐅᕐᐹ, ᓯᓚᕐᔪᐊᕐᓗ ᐃᓂᑖᕐᑎᓚᐅᕐᐹ ᓯᓚᑐᓂᕐᒥᒍᑦ, ᕿᓚᒡᓗ ᓂᕈᑐᔫᑎᑉᐹ ᖃᐅᔨᒪᓂᕐᔪᐊᒥᓄᑦ.
“ᐊᑕᓃᖅ ᐊᑕᓂᐅᓂᕐᐹᖑᔪᑎᑦ ᕿᓚᒃ ᓄᓇᕐᔪᐊᕐᓗ ᓴᓇᓚᐅᕐᐸᑎᑦ ᐱᔪᓐᓇᕐᓂᕐᔪᐊᕐᓄᑦ ᐊᔪᒐᖃᖏᓐᓂᕐᓄᓪᓗ, ᐃᓕᖕᓄᑦ ᐊᔪᕐᓇᕐᑐᖃᖏᒻᒪᑦ.
ᐊᑕᓂᐅᑉ ᐱᔪᓐᓇᕐᓂᕐᒥᓄᑦ ᓄᓇ ᓴᓇᓚᐅᕐᐹ; ᓯᓚᕐᔪᐊᕐᓗ ᐱᓐᖑᕐᑎᓚᐅᕐᐹ ᓯᓚᑐᓂᕐᒥᓄᑦ ᕿᓚᒡᓗ ᓯᐊᒻᒪᖓᑎᑉᐹ ᑐᑭᓯᐅᒪᑦᓯᐊᕐᓂᕐᒥᓄᑦ.
ᐊᑕᓂᐅᑉ ᐅᖃᐅᓯᖓ ᐃᓴᕆᐊᓕᒥᐅᑦ ᐱᓪᓗᒋᑦ, ᐊᑕᓂᖅ ᕿᓚᓕᒫᒥᒃ ᓈᓯᓯᒪᔪᖅ, ᓄᓇᕐᔪᐊᒥᒡᓗ ᑐᓐᖓᕕᓕᐅᓚᐅᕐᑐᖅ, ᐃᓄᖕᒥᒡᓗ ᐊᓂᕐᓂᕐᑖᕐᑎᑦᓯᓚᐅᕐᑐᖅ, ᐃᒫᒃ ᐅᖃᕐᐳᖅ:
ᑍᑦᓱᒪᓂᐅᑎᓪᓗᒍ ᔩᓱᓯ ᐅᖃᕐᐳᖅ, “ᐊᑖᑖᒃ, ᖁᔭᒋᕙᒋᑦ, ᐊᑕᓂᐅᔪᑎᑦ ᕿᓚᖕᒥ ᓄᓇᕐᔪᐊᕐᒥᓗ! ᑕᒪᒃᑯᐊ ᐃᔨᕐᓯᒪᒐᕕᒋᑦ ᓯᓚᑐᔪᓄᑦ ᐃᓕᓯᒪᔪᓄᓪᓗ, ᑕᒪᑐᒥᖓᓕ ᓴᖅᑭᑎᑦᓯᓚᐅᕋᕕᑦ ᓄᑕᖅᑲᑎᑐᑦ ᑍᒤᑦᑐᓄᑦ;
ᐅᓪᓗᐃᑦ ᑖᒃᑯᐊ ᑲᑉᐱᐊᓇᕐᑐᑦ ᓇᓕᖃᕈᒫᖏᒻᒪᑕ ᓯᓚᕐᔪᐊᑉ ᐱᒋᐊᕐᓂᖓᓂᑦ ᒎᑎᐅᑉ ᐱᓐᖑᕐᑎᑦᓯᓚᐅᕐᓂᖓᓂᑦ ᒫᓐᓇᒧᑦ ᑎᑭᓪᓗᒍ, ᑭᖑᓂᖓᒍᑦ ᑍᒫᒃ ᑲᑉᐱᐊᓇᕐᑎᒋᔪᒥᒃ ᐱᑕᖃᕈᒫᓐᖏᓚᖅ.
“ᓱᖕᒪᑦ ᑍᒤᓕᐅᕐᐱᓰ? ᐅᕙᒍᒃ ᐃᓄᑐᐃᓐᓇᐅᖕᒥᔪᒍᒃ ᐃᓕᑦᓯᑎᑐᑦ, ᑕᒪᐅᖓ ᐅᖃᕆᐊᕐᑐᕐᐳᒍᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᒪᑯᓇᓐᖓᑦ ᓱᓕᖏᑦᑐᐊᓗᖕᓂᑦ, ᓵᒋᐊᖁᓪᓗᓯ ᒎᑎᒧᑦ ᐆᒪᔪᒧᑦ, ᕿᓚᖕᒥᒃ ᓄᓇᒥᒡᓗ ᐃᒪᕐᕕᖕᒥᒡᓗ ᐃᓗᐊᓃᑦᑐᓂᒡᓗ ᑕᒤᓐᓂᒃ ᓴᓇᓚᐅᕐᑐᒧᑦ.
ᒎᑎ ᑖᓐᓇ ᓴᓇᓚᐅᕐᑐᖅ ᓯᓚᕐᔪᐊᕐᒥᒃ ᐃᓗᓕᖏᓐᓂᒡᓗ ᑕᒤᓐᓂᒃ, ᐊᑕᓂᐅᕗᖅ ᕿᓚᖕᒥ ᓄᓇᒥᓗ, ᐃᓄᖕᒧᑦ ᓴᓇᔭᐅᓯᒪᔪᓂ ᐃᓂᖃᓐᖏᓚᖅ,
ᐅᒃᐱᕐᑐᑦ ᑕᒪᑐᒥᖓ ᑐᓴᕋᒥᒃ; ᐊᑕᐅᑦᓯᒃᑯᑦ ᑐᒃᓯᐊᖃᑎᒌᓕᕐᐳᑦ ᒎᑎᒧᑦ ᐅᖃᕐᓗᑎᒃ, “ᑕᒤᓐᓄᑦ ᐊᑕᓂᐅᔪᑎᑦ, ᐱᓐᖑᕐᑎᑦᓯᓚᐅᕐᑐᑎᑦ ᕿᓚᖕᒥᒃ ᓄᓇᒥᒡᓗ ᐃᒪᕕᖕᒥᒡᓗ ᑕᕝᕙᓃᑦᑐᓕᒫᓂᒡᓗ,
ᑖᑦᓱᒪᓐᖓᑦ ᑖᑦᓱᒨᓇᓗ ᓱᓇᓕᒫᑦ ᐱᓐᖑᕐᑎᑕᐅᓯᒪᖕᒪᑕ, ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒧᑦ. ᐋᒥᓐ.
ᐅᕙᑦᑎᓐᓄᓪᓕ ᒎᑎ ᐊᑕᐅᓯᐅᕗᖅ, ᐊᑖᑕ, ᑖᑦᓱᒪᓐᖓᑦ ᓱᓇᓕᒫᑦ ᐱᓯᒪᖕᒪᑕ, ᑖᑦᓱᒨᓇᓗ ᐃᓅᓪᓗᑕ; ᐊᑕᓂᕐᓗ ᐊᑕᐅᓯᐅᕗᖅ ᔩᓱᓯ ᙭ᔅᑑᓯ, ᑖᑦᓱᒨᓇ ᓱᓇᓕᒫᑦ ᐱᓐᖑᕐᑎᑕᐅᓯᒪᖕᒪᑕ ᑖᑦᓱᒨᓇᓗ ᐃᓅᓪᓗᑕ.
ᐃᓄᓕᒫᑦ ᑐᑭᓯᑎᓐᓇᓱᐊᕐᓗᒋᑦ ᓇᓗᓇᓚᐅᕐᑑᑉ ᖃᐅᔨᔭᐅᓕᕈᓐᓇᕐᓂᖓᓂᒃ, ᑕᒪᓐᓇ ᑍᑦᓱᒪᓂᐊᓗᖕᓂᑦ ᒎᑎᐅᑉ ᐃᔨᕐᓯᒪᓚᐅᕐᐹ, ᑕᒤᓐᓂᒃ ᐱᓐᖑᕐᑎᑦᓯᓚᐅᕐᑑᑉ.
ᓱᓕᓗ ᐅᖃᓚᐅᕆᕗᖅ, “ᐃᕝᕕᑦ, ᐊᑕᓃᖅ, ᐱᒋᐊᕐᓂᖓᓂᑦ ᓄᓇᕐᔪᐊᖅ ᐱᓐᖑᕐᑎᓚᐅᕐᐸᑦ, ᕿᓔᓪᓗ ᐊᒡᒐᖕᓄᑦ ᓴᓇᓚᐅᕐᐸᑎᑦ.
ᐅᓪᓗᓂᓕ ᑭᖑᓪᓕᕐᓂ ᐅᖃᓪᓚᒡᕕᒋᓚᐅᕐᐹᑎᒍᑦ ᐃᕐᓂᕐᒥᒍᑦ, ᑖᓐᓇ ᓱᓇᓕᒫᑦᓯᐊᕐᓂᒃ ᑭᖑᕐᖑᑦᔨᔪᒃᓴᐅᖁᓪᓗᒍ ᓂᕈᐊᕐᓯᒪᕚ, ᑖᑦᓱᒨᓇᓗ ᓯᓚᕐᔪᐊᖅ ᐱᓐᖑᕐᑎᓚᐅᕐᐹ.
ᐅᒃᐱᕐᓂᑯᑦ ᑐᑭᓯᕗᒍᑦ ᓯᓚᕐᔪᐊᖅ ᐱᓐᖑᕐᑎᑕᐅᓯᒪᖕᒪᑦ ᒎᑎᐅᑉ ᐅᖃᐅᓯᖓᓄᑦ, ᑕᑯᒃᓴᐅᔪᑦ ᐱᓐᖑᕐᑎᑕᐅᓯᒪᖕᒪᑕ ᑕᑯᒃᓴᐅᖏᑦᑐᒥᑦ.
ᐃᒡᓗᓕᒫᑦ ᓴᓇᔨᖃᓲᖑᕗᑦ ᐃᓄᖕᒥᒃ, ᓱᓇᓕᒫᓂᒡᓕ ᓴᓇᓯᒪᔪᖅ ᑕᕝᕙ ᒎᑎ.
ᑖᒃᑯᐊ ᐱᔮᕆᓪᓗᑎᒃ ᑕᒪᑐᒥᖓ ᑲᒪᓐᖏᓚᑦ, ᑍᑦᓱᒪᓂᐊᓗᒃ ᒎᑎᐅᑉ ᐅᖃᐅᓯᖓᒍᑦ ᕿᓔᑦ ᓴᖅᑭᑎᑕᐅᓯᒪᖕᒪᑕ, ᓄᓇᕐᔪᐊᕐᓗ ᓴᓇᔭᐅᓯᒪᓪᓗᓂ ᐃᒫᓂᑦ, ᐃᒪᒃᑯᓪᓗ,
ᑖᓐᓇ ᐱᒋᐊᕐᓂᕐᒦᓚᐅᕐᑐᖅ, ᑐᓵᓯᒪᔭᕗᑦ, ᐃᔨᑦᑎᓐᓄᓪᓗ ᑕᑯᓐᓇᖃᑦᑕᓚᐅᕐᑕᕗᑦ ᐊᒡᒐᑦᑎᓐᓄᓪᓗ ᐊᒃᑐᖃᑦᑕᓚᐅᕐᑕᕗᑦ, ᐱᑕᖃᕐᐳᖅ ᐅᖃᐅᓯᕐᒥᒃ ᐃᓅᓯᕐᑕᓕᖕᒥᒃ.
ᐅᖃᕕᒃᐳᕐᓗ ᑖᑦᓱᒪ ᐃᓅᑦᓮᓐᓇᕐᑑᑉ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᐊᑎᖓᓂ, ᐱᓐᖑᕐᑎᑦᓯᓚᐅᕐᑑᓪᓗ ᕿᓚᖕᒥᒃ ᓄᓇᒥᒡᓗ ᐃᓗᓕᓕᒫᖏᓐᓂᒡᓗ, ᐃᒪᕐᕕᖕᓂᒡᓗ ᐃᓗᓕᓕᒫᖏᓐᓂᒡᓗ, ᓇᓪᓕᐅᑦᑐᒃᓴᐅᑉ ᑭᖑᕙᕆᐊᕐᓂᐊᕈᓐᓃᕐᓂᖓᓂᒃ.
ᓂᐱᖅᑯᕐᑐᓪᓗᓂᓗ ᐅᖃᕐᐳᖅ, “ᒎᑎ ᐃᓕᕋᒋᓗᒍ ᓂᕐᑐᕐᑕᐅᓕ, ᒫᓐᓇ ᐃᓄᓕᒫᓂᒃ ᐃᖅᑲᕐᑐᐃᓂᒃᓴᖓ ᓇᓪᓕᐅᑎᖕᒪᑦ; ᑐᒃᓯᐊᕐᕕᒋᓯᐅᒃ ᐱᓐᖑᕐᑎᑦᓯᓚᐅᕐᑐᖅ ᕿᓚᖕᒥᒃ ᓄᓇᒥᒡᓗ, ᐃᒪᕐᕕᖕᒥᒡᓗ ᓄᓇᐅᓪᓗ ᐃᓗᐊᓂᑦ ᑰᒃᑐᓂᒃ.”
ᐅᖃᐅᑎᒋᕚᖓᓗ, “ᐱᔭᕇᕐᐳᖅ! ᐋᓪᐸᐅᕗᖓ ᐅᒥᒐᐅᓪᓗᖓᓗ, ᐱᒋᐊᕐᓂᐅᕗᖓ ᐃᓱᓕᓐᓂᐅᓪᓗᖓᓗ. ᐃᒥᕈᒃᑐᖅ ᐃᒥᕐᑎᓐᓂᐊᕐᐸᕋ ᐃᒥᕐᒥᒃ ᐃᓅᓯᖃᕐᓇᕐᑐᒥᑦ ᑯᕕᔪᒥᑦ ᐊᑭᖃᖏᑦᑐᒥᒃ.
ᐋᓪᐸᐅᕗᖓ ᐅᒥᒐᐅᓪᓗᖓᓗ, ᓯᕗᓪᓕᕐᐸᐅᕗᖓ ᑭᖑᓪᓕᕐᐸᐅᓪᓗᖓᓗ, ᐱᒋᐊᕐᓂᐅᓪᓗᖓᓗ ᐃᓱᓕᕝᕕᐅᕗᖓ.”
“ᓚᐅᑏᓯᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐂᒦᓐᖑᔪᒥᑦ ᐱᕗᑦ, ᓱᖁᓯᔪᐃᑦᑑᓪᓗᓂ ᓱᓕᔪᒥᒃ ᓇᓗᓁᕐᓯᔨᒥᑦ, ᐱᒋᐊᕐᓂᐅᔪᒥᑦ ᒎᑎᐅᑉ ᐱᓐᖑᕐᑎᓯᒪᔭᖏᓐᓂᑦ.
“ᓂᕐᑐᒐᒃᓴᑑᕗᑎᑦ, ᐊᑕᓂᕗᑦ ᒎᑎᕗᓪᓗ, ᐅᐱᒋᔭᒃᓴᑑᕗᑎᑦ, ᐱᔪᓐᓇᕐᓂᖃᕐᑐᑑᓪᓗᑎᓪᓗ. ᐱᓐᖑᕐᑎᑦᑎᓯᒪᒐᕕᑦ ᓱᓇᓕᒫᓂᒃ, ᐱᖁᔨᓂᒃᑯᓪᓗ ᓴᖅᑭᓯᒪᕗᑦ ᐱᓐᖑᕐᑎᑕᐅᓪᓗᑎᒡᓗ.”
