ᒐᓔᑎᐊᒥᐅᓄᑦ 6:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑎᒥᐅᑉ ᐱᔪᒪᔭᖓ ᒪᓕᒡᓗᒍ ᑲᓐᖓᕐᓱᐃᔪᖅ ᑲᑎᕐᓱᐃᔪᒫᕐᐳᖅ ᐊᓯᕈᕐᑕᐅᑦᔪᑎᒃᓴᒥᓂᒃ; ᐊᓂᕐᓂᕐᒧᓪᓕ ᑲᓐᖓᕐᓱᐃᒃᐸᑦ ᐊᓂᕐᓂᕐᒥᑦᑕᐅᖅ ᑲᑎᕐᓱᐃᔪᒫᕐᐳᖅ ᐃᓄᓯᕐᒥᒃ ᓄᖑᓱᐃᑦᑐᒥᒃ.

ᒐᓔᑎᐊᒥᐅᓄᑦ 6:8 Iomraidhean Croise

ᔫᐱᐅᑉ ᐊᒡᓚᖏᑦ 4:8

ᑕᑯᖃᑦᑕᕐᓯᒪᕗᖓ ᐱᐅᖏᑦᑐᓂᒃ ᑲᓐᖓᕐᓱᐃᓯᒪᔪᓂᒃ ᐊᑲᐅᖏᑦᑐᓂᒡᓗ ᑲᓐᖓᕐᓱᐃᔪᑦ ᑍᒤᑦᑐᓂᒃᑕᐅᖅ ᑲᑎᕐᓱᐃᓕᕐᐸᖕᒪᑕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:18

ᐊᖑᑦ ᐱᐅᖏᑦᑐᖅ ᓯᓔᕐᕆᒃᓯᓇᓱᐊᕐᓂᕐᒥᒃ ᐱᓂᐊᕐᓂᖃᕋᔪᒃᐳᖅ, ᐃᓱᐊᕐᓂᒥᒡᓕ ᐱᓂᐊᕈᑎᓕᒃ ᐱᑖᕐᑎᑕᐅᓗᓂ ᑭᓯᐊᓂᐅᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:8

ᐊᑦᔨᒌᒃᑎᑦᓯᖏᓐᓂᕐᒥᒃ ᑲᓐᖓᕐᓱᐃᔪᖅ ᕿᒃᓵᖕᓇᕐᑐᒥᒃ ᑲᑎᕐᓱᐃᓂᐊᕐᐳᖅ, ᓂᓐᖓᐅᒪᓂᖓᑕᓗ ᑲᑉᐱᐊᓇᕐᓂᖓ ᓵᓚᖃᕐᓂᐊᓐᖏᓚᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:6

ᐱᕈᕐᓯᐊᒃᓮᑦ ᓄᓇᒧᑦ ᑲᓐᖓᕐᓲᑎᒋᒃᑭᑦ ᐅᓪᓛᒃᑯᑦ, ᐅᓐᓄᒃᐸᓪᓗ ᐊᒡᒐᑎᑦ ᓱᓕᐊᒃᓴᖃᕈᓐᓃᕐᑎᑦᑍᓕᒃᑭᑦ; ᖃᐅᔨᒪᖏᓐᓇᕕᑦ ᓇᓕᐊᒃ ᑲᔪᓯᑦᓯᐊᕐᓂᐊᕐᒪᖔᑦ, ᐅᓇᓘᓐᓃᑦ ᐅᓇᖔᕐᓘᓐᓃᑦ, ᑕᒪᕐᒥᒡᓘᓐᓃᑦ ᐱᐅᔪᐃᓐᓇᐅᓂᐊᕐᒪᖔᑎᒃ.

ᐂᓮᐊᓯᐅᑉ ᐊᒡᓚᖏᑦ 32:20

ᖁᕕᐊᓱᒍᑎᒃᓴᖃᕐᐳᓯᓕ ᐃᒪᐅᑉ ᓯᓈᓄᑦ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᓯᒪᔪᓯ, ᐆᒪᔪᖁᑎᓯᓗ ᐃᓱᒤᓐᓇᕐᕆᓗᑎᒃ ᓄᓇᖁᑎᑦᓯᓐᓂ ᓂᕆᓇᓱᐊᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 12:13

ᐃᓄᖁᑎᒃᑲ ᓂᐊᖂᔭᒃᓴᓂᒃ ᑲᓐᖓᕐᓱᐃᓚᐅᕐᐳᑦ ᐅᕐᐱᖕᓂᒡᓕ ᑲᑭᓐᓇᕐᑐᓕᖕᓂᒃ ᑲᑎᕐᓱᐃᕗᑦ, ᐱᓇᓱᐊᕐᓂᕐᒧᑦ ᑕᖃᑐᐃᓐᓇᕐᐸᒃᐳᑦ, ᐱᓇᓱᐊᕐᓂᖓᓪᓕ ᐱᕙᓪᓕᕐᓇᕐᑐᖃᓐᖏᓚᖅ. ᐱᕈᕐᑎᑕᕕᓂᕐᒥᓂᒃ ᑲᓐᖑᓲᑎᖃᕈᒫᕐᐳᑦ ᐊᑕᓂᐅᑉ ᓂᓐᖓᐅᓯᕐᒥᓄᑦ ᐱᓂᐊᕐᕕᒋᔪᒫᕐᒪᒋᑦ.

ᕼᐆᓯᐊᑉ ᐊᒡᓚᖏᑦ 10:13

ᐃᑎᕐᓴᓕᐅᕆᓚᐅᕐᐳᓯ ᐱᕈᕐᓰᕕᒃᓴᓂᒃ ᐱᐅᖏᑦᑐᓂᒃ, ᑲᑎᕐᓱᐃᓪᓗᓯᓗ ᓈᒻᒪᖏᑦᑐᓕᓂᕐᒥᒃ, ᓂᕆᓚᐅᕋᑦᓯ ᓴᒡᓗᓂᒃᑯᑦ ᐱᕈᕐᑐᓂᒃ. ᑕᑎᖃᓚᐅᕋᑦᓯ ᓇᖕᒥᓂᖅ ᐱᔪᓐᓇᕐᑐᖁᑎᑦᓯᓐᓂᒃ ᐅᓄᕐᑐᕐᔪᐊᓂᒡᓗ ᐅᓇᑕᕐᓂᕐᒧᑦ ᐱᔪᓐᓇᕐᑐᐊᓗᖕᓂᒃ.

ᕼᐆᓯᐊᑉ ᐊᒡᓚᖏᑦ 8:7

ᐊᓄᕆᒥᒃ ᑲᓐᖓᕐᓱᐃᒍᑎᒃ, ᐅᓚᔪᔭᕐᔪᐊᒥᒃ ᑲᑎᕐᓱᐃᔪᒫᕐᐳᑦ. ᓂᐊᖂᔭᒃᓮᑦ ᓂᐊᖁᖃᓐᖏᓚᑦ, ᓂᕆᔭᒃᓴᒥᒃ ᐱᕈᕐᕕᐅᓂᐊᓐᖏᓚᑦ; ᐱᕈᕐᕕᐅᒐᓗᐊᕐᐸᑕ ᓄᓇᖅᑲᑎᒋᓐᖏᑕᖏᑕ ᓂᕆᔪᒫᕐᐰᑦ.

ᒫᑎᐅᓯᐅᑉ ᐊᒡᓚᖏᑦ 19:29

ᑭᒃᑯᓕᒫᑦ ᐃᒡᓗᒥᖕᓂᒃ ᕿᒤᓯᒪᔪᑦ ᖃᑕᓐᖑᑎᒥᖕᓂᒡᓘᓐᓃᑦ ᓇᔭᒥᖕᓂᒡᓘᓐᓃᑦ ᐊᑖᑕᒥᖕᓂᒡᓘᓐᓃᑦ ᐊᓈᓇᒥᖕᓂᒡᓘᓐᓃᑦ ᕿᑐᕐᖓᒥᖕᓂᒡᓘᓐᓃᑦ ᓄᓇᒥᖕᓂᒡᓘᓐᓃᑦ, ᐅᕙᖓ ᐱᑦᔪᑎᒋᓗᖓ, ᑖᒃᑯᐊ ᐱᑎᑕᐅᒃᑲᓐᓂᕈᒫᕐᐳᑦ 100ᐃᕐᑐᓪᓗᐊᕐᑐᓂᒃ, ᑐᓂᓯᕕᐅᓗᑎᒡᓗ ᐃᓅᓯᕐᒥᒃ ᓄᖑᓱᐃᑦᑐᒥᒃ.

ᒫᑎᐅᓯᐅᑉ ᐊᒡᓚᖏᑦ 25:46

ᑖᒃᑯᐊ ᓱᒋᐊᕐᑕᐅᕕᖕᒧᑦ ᓄᖑᓱᐃᑦᑐᒧᑦ ᐱᑎᑕᐅᔪᒫᕐᐳᑦ, ᐃᓗᐊᕐᑐᓪᓕ ᐃᓅᓯᕐᒧᑦ ᓄᖑᓱᐃᑦᑐᒧᑦ ᐱᑎᑕᐅᓕᕐᑎᓪᓗᒋᑦ.”

ᓘᑲᓯᐅᑉ ᐊᒡᓚᖏᑦ 18:30

ᐊᖏᓂᕐᓴᒻᒪᕆᐊᓗᖕᒥᒃ ᑐᓂᓯᕕᐅᓛᕐᐳᖅ ᒫᓐᓇ ᐃᓅᑎᓪᓗᒍ, ᐃᓅᓯᒃᓴᒥᒡᓗ ᓄᖑᓱᐃᑦᑐᒥ ᐱᔪᒫᕐᑐᒥ.”

ᔪᐊᓇᓯᐅᑉ ᐊᒡᓚᖏᑦ 4:14

ᓇᓪᓕᐊᓪᓕ ᐃᒥᕐᒥᒃ ᑐᓂᔭᓐᓂᒃ ᐃᒥᕐᓂᐊᕐᑐᖅ ᐃᒥᕈᓕᒃᑲᓐᓂᕐᓂᐊᓐᖏᓚᖅ; ᐃᒥᖅ ᑐᓂᓂᐊᕐᑕᕋ ᑖᑦᓱᒧᖓ ᐃᓗᐊᓂᑦ ᑰᓕᕐᓂᐊᕐᐳᖅ ᐃᓅᓯᖃᕐᓇᕐᑐᒥᒃ ᓄᖑᓱᐃᑦᑐᒥᒃ.”

ᔪᐊᓇᓯᐅᑉ ᐊᒡᓚᖏᑦ 4:36

ᓇᑲᑎᕆᔪᕐᓕ ᐊᑭᓕᕐᑕᐅᓂᐊᕐᐳᖅ, ᑲᑎᕐᓱᐃᓪᓗᓂ ᐱᕈᕐᑐᓂᒃ ᐃᓅᓯᕐᒧᑦ ᓄᖑᓱᐃᑦᑐᒧᑦ; ᑕᕝᕙ ᑲᓐᖓᕐᓱᐃᔪᖅ ᑲᑎᕐᓱᐃᔪᕐᓗ ᑍᒫᒃ ᖁᕕᐊᓱᖃᑎᒌᖕᓂᐊᕐᐳᒃ.

ᔪᐊᓇᓯᐅᑉ ᐊᒡᓚᖏᑦ 6:27

ᓂᕿᒃᓴᒥᒃ ᓄᖑᓴᕅᑦᑐᒥᒃ ᐱᓇᓱᐊᕐᓂᐊᕋᓯ, ᓂᕿᒃᓴᒥᒡᓕ ᐱᓇᓱᐊᓕᕆᑦᓯ ᐃᓅᓯᕐᑖᕐᓇᕐᑐᒥᒃ ᓄᖑᓱᐃᑦᑐᒧᑦ, ᐃᓅᑉ ᐃᕐᓂᖓᑕ ᑐᓂᓂᐊᕐᑕᖓᓂᒃ ᐃᓕᑦᓯᓐᓄᑦ; ᑖᓐᓇ ᒎᑎᐅᑉ ᐊᑖᑕᐅᑉ ᓇᓗᓁᒃᑯᓯᕐᓯᒪᖕᒪᒍ ᓈᒻᒪᒃᓴᕐᓂᕐᒥᓂᒃ.”

ᕉᒪᒥᐅᓄᑦ 13:14

ᐊᑕᓂᖅ ᔩᓱᓯ ᙭ᔅᑑᓯ ᐊᑎᓕᕐᓯᐅᒃ, ᑎᒥᐅᑉ ᐃᓕᖅᑯᓯᖓ ᓈᓚᒍᓐᓃᕐᓯᐅᒃ, ᐱᔪᒪᓂᖓ ᓈᒻᒪᒃᓯᑎᓐᓇᓱᐊᕈᓐᓃᕐᓗᒍ.

ᕉᒪᒥᐅᓄᑦ 6:13

ᐊᕙᑎᓯᓗ ᐊᔪᕐᑐᓕᑦᑍᓕᑦᔪᑎᒋᓕᕐᓯᐅᒃ ᐱᐅᖏᑦᑐᒧᑦ ᐊᖅᑯᑕᐅᖁᓇᒋᑦ, ᐃᓕᑦᓯᓐᓂᒡᓕ ᑐᓂᓕᕆᑦᓯ ᒎᑎᒧᑦ ᑕᓯᐅᕐᑕᐅᓯᒪᔪᑎᑐᑦ ᑐᖁᒥᑦ ᐃᓅᓯᕐᒧᑦ, ᐊᕙᑎᓯᓗ ᑐᓂᓯᒋᒃ ᒎᑎᒧᑦ ᐊᑐᕐᑕᐅᖁᓪᓗᒋᑦ ᐃᓗᐊᕐᑐᓕᓂᕐᒧᑦ.

ᕉᒪᒥᐅᓄᑦ 6:23

ᐊᔪᕐᓂᐅᑉ ᐊᑭᓕᐅᑖ ᑕᕝᕙ ᑐᖁ, ᒎᑎᐅᓪᓕ ᑐᓂᕐᕈᑖ ᐊᑭᖃᖏᑦᑐᖅ ᑕᕝᕙ ᐃᓅᓯᖅ ᓄᖑᓱᐃᑦᑐᖅ ᙭ᔅᑑᓯ ᔩᓱᓯᒥ ᐊᑕᓂᑦᑎᓐᓂ.

ᕉᒪᒥᐅᓄᑦ 8:11

ᑖᑦᓱᒪᓕ ᐊᓂᕐᓂᖓᑕ ᔩᓱᓯᒥᒃ ᐆᒻᒪᕐᑎᑦᓯᔫᑉ ᑐᖁᒥᑦ ᐃᓂᒋᒃᐸᓯ, ᙭ᔅᑑᓯ ᔩᓱᓯᒥᒃ ᐆᒻᒪᕐᑎᑦᓯᓚᐅᕐᑑᑉ ᑐᖁᒥᑦ ᑎᒥᓯ ᑐᖁᔪᒃᓮᑦ ᐃᓅᓯᑖᕐᑎᓐᓂᐊᕆᕔᑦ ᑖᑦᓱᒪ ᐊᓂᕐᓂᖓᒍᑦ ᐃᓗᑦᓯᓐᓃᑦᑐᒧᑦ.

ᕉᒪᒥᐅᓄᑦ 8:13

ᑎᒥᐅᑉ ᐱᔪᒪᔭᖓ ᒪᓕᒡᓗᒍ ᐃᓄᒎᑦᓯ ᑐᖁᔪᒫᕐᐳᓯ, ᐊᓂᕐᓂᑯᓪᓕ ᑎᒥᐅᑉ ᐱᓂᐊᕐᓂᖏᑦ ᑐᖁᒃᑯᑦᓯᒋᑦ ᐃᓅᔪᒫᕐᐳᓯ.

ᕉᒪᒥᐅᓄᑦ 8:6

ᑎᒥᐅᑉ ᐱᔪᒪᔭᖓᓂᒃ ᓈᓚᖕᓂᖅ ᑐᖁᓐᓇᕐᒪᑦ, ᐊᓂᕐᓂᕐᒥᒡᓕ ᓈᓚᖕᓂᖅ ᐃᓅᓯᐅᕗᖅ ᐃᓱᒫᓗᓇᕐᑐᖃᕋᓂᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:42

ᑍᒤᑦᓱᒫᕐᐳᑦᑕᐅᖅ ᑐᖁᖓᔪᑦ ᒪᑭᓕᕈᑎᒃ. ᑎᒥ ᐃᓕᔭᐅᕗᖅ ᓄᓇᒧᑦ ᐱᑐᖄᓘᓕᓱᖑᓪᓗᓂ, ᒪᑭᓕᕈᓂ ᐱᑐᖃᕈᕈᓁᓕᔪᒫᕐᐳᖅ.

ᒐᓔᑎᐊᒥᐅᓄᑦ 6:7

ᐅᐃᕕᕐᕆᔭᐅᑦᑍᓕᒋᑦᓯ; ᒎᑎ ᒥᑕᐅᑎᒋᔭᒃᓴᐅᖏᒻᒪᑦ, ᐃᓄᒃ ᓇᖕᒥᓂᖅ ᑲᓐᖓᕐᓲᑎᒋᓚᐅᕐᑕᒥᓂᒃ ᑲᑎᕐᓱᐃᔪᒫᕐᒪᑦ.

ᑎᒧᑎᒧᑦ ᓯᕗᓪᓖᑦ 1:16

ᑍᒤᒻᒪᓪᓕ ᒎᑎᐅᑉ ᓂᑲᒋᓚᐅᕐᐹᖓ, ᓇᓗᓇᕈᓐᓃᖁᓪᓗᒍ ᔩᓱᓯ ᙭ᔅᑑᓯᐅᑉ ᕿᓄᐃᓵᕈᓐᓇᕐᓂᖓ ᐅᕙᓐᓂᑦ ᐱᒋᐊᕐᕕᖃᕐᓗᓂ ᐱᐅᖏᓐᓂᕐᐹᖑᔪᒥᒃ, ᑐᑭᓯᑦᔪᑎᒃᓴᐅᓕᖁᓪᓗᖓ ᑭᖑᓂᒃᑯᑦ ᙭ᔅᑑᓯᒧᑦ ᐅᒃᐱᕈᒫᕐᑐᓄᑦ ᐃᓅᓯᕐᑖᕐᓂᐊᕐᓗᑎᒡᓗ ᓄᖑᓱᐃᑦᑐᒥᒃ.

ᑍᑑᓯᒧᑦ 3:7

ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᓈᒻᒪᒋᔭᐅᓕᖁᓪᓗᑕ ᒎᑎᒧᑦ ᑭᖑᕐᖑᑦᔨᔪᓐᓇᖁᓪᓗᑕᓗ ᐱᐅᓕᔭᐅᓂᕐᒥᒃ ᓂᕆᐅᖕᓂᕐᑖᕆᓯᒪᔭᑦᑎᒃᓂᒃ.

ᔧᒥᓯᐅᑉ ᐊᒡᓚᖏᑦ 3:18

ᐃᓅᖃᑎᒌᑦᓯᐊᕈᑎᒃᓴᒥᒡᓗ ᑲᓐᖓᕐᓱᐃᕗᑦ ᓮᓕᓇᕐᑐᒥᒃ ᑖᒃᑯᐊ ᓮᓕᑎᑦᓯᔪᑦ.

ᐲᑦᑐᕉᓯ ᐂᑉᐸᖏᑦ 2:12

ᑖᒃᑯᐊᓕ ᐃᓄᐃᑦ ᐅᖃᕐᓂᕐᓘᑎᖃᕐᐸᒃᐳᑦ ᑐᑭᓯᓐᖏᑕᕋᓗᐊᒥᖕᓂᒃ, ᐆᒪᔪᑎᑐᑦ ᓄᔪᐊᕐᑐᑎᑐᑦ ᑍᒤᑉᐳᑦ, ᐃᕐᓂᐊᖑᓯᒪᔪᑎᑐᑦ ᑕᑯᔭᐅᓗᑎᒃ ᑐᖁᑕᐅᔪᒃᓴᑎᑐᑦ, ᐆᒪᔪᑎᑐᓪᓗ ᓄᔪᐊᕐᑐᑎᑐᑦ ᐊᓯᕈᕐᑕᐅᔪᒫᕐᐳᑦ.

ᐲᑦᑐᕉᓯ ᐂᑉᐸᖏᑦ 2:19

ᐅᖃᐅᑦᔪᕐᓗᒋᓪᓗ ᕿᓚᕈᑦᔮᕐᑕᐅᓂᐊᕐᓂᕋᓗᒋᑦ, ᓇᖕᒥᓂᕐᓗ ᐊᔪᓕᕐᕕᖃᕐᓯᒪᒋᕗᑦ ᐃᓅᓯᑎᐊᕙᐅᓐᖏᑐᒧᑦ ᐃᓕᖅᑯᓯᕾᓐᓇᕐᓇᕐᑐᒥᒃ; ᑖᑦᓱᒧᖓ ᓵᓚᒋᔨᒋᔭᒥᓄᑦ ᐱᔨᒋᔭᐅᓕᕐᒪᑦ.

ᔫᑎᐅᑉ ᐊᒡᓚᖏᑦ 1:21

ᒎᑎᐅᑉ ᓇᒡᓕᖕᓂᖓᓃᑦᓮᓐᓇᕆᑦᓯ; ᐅᑕᖅᑭᓗᓯ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓂᑲᒍᓱᖕᓂᕆᔪᒫᕐᑕᖓᓂᒃ ᐃᓅᓯᕐᒧᑦ ᓄᖑᓱᐃᑦᑐᒧᑦ ᑎᑭᐅᑎᔪᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:11

ᓇᓪᓕᐊᑦ ᐱᐅᖏᑦᑐᓕᔪᖅ ᐱᐅᖏᑦᑐᒥᒃ ᐱᓇᓱᐊᖏᓐᓇᕐᓕ, ᑲᓐᖑᓇᕐᑐᓕᔪᕐᓗ ᐱᐅᖏᑦᑐᓂᒃ ᑲᓐᖑᓇᕐᑐᓖᓐᓇᕐᓕ, ᐃᓗᐊᕐᑐᓕᔪᕐᓗ ᐱᑦᓯᐊᕐᓂᕐᒥᒃ ᐱᓇᓱᐊᖏᓐᓇᕐᓕ, ᐃᑦᔪᕐᓁᑦᑐᕐᓗ ᐃᑦᔪᕐᓁᖏᓐᓇᕐᓕ.”