ᒐᓔᑎᐊᒥᐅᓄᑦ 6:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐅᐃᕕᕐᕆᔭᐅᑦᑍᓕᒋᑦᓯ; ᒎᑎ ᒥᑕᐅᑎᒋᔭᒃᓴᐅᖏᒻᒪᑦ, ᐃᓄᒃ ᓇᖕᒥᓂᖅ ᑲᓐᖓᕐᓲᑎᒋᓚᐅᕐᑕᒥᓂᒃ ᑲᑎᕐᓱᐃᔪᒫᕐᒪᑦ.

ᒐᓔᑎᐊᒥᐅᓄᑦ 6:7 Iomraidhean Croise

ᔫᐱᐅᑉ ᐊᒡᓚᖏᑦ 15:31

ᐃᒻᒥᓂᒃ ᓯᓔᕐᕆᓯᒪᕗᖅ; ᓱᓇᐅᖏᑦᑐᒥᒃ ᑕᑎᖃᕐᓯᒪᒐᒥ, ᑖᓐᓇ ᓱᓇᐅᖏᑦᑐᒥᒃ ᐊᑭᓕᕐᑕᐅᑦᔪᑎᖃᕈᒪᕐᐳᖅ.

ᔫᐱᐅᑉ ᐊᒡᓚᖏᑦ 4:8

ᑕᑯᖃᑦᑕᕐᓯᒪᕗᖓ ᐱᐅᖏᑦᑐᓂᒃ ᑲᓐᖓᕐᓱᐃᓯᒪᔪᓂᒃ ᐊᑲᐅᖏᑦᑐᓂᒡᓗ ᑲᓐᖓᕐᓱᐃᔪᑦ ᑍᒤᑦᑐᓂᒃᑕᐅᖅ ᑲᑎᕐᓱᐃᓕᕐᐸᖕᒪᑕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:31

ᑍᒤᒻᒪᑦ ᐱᕈᕐᑎᑕᒥᖕᓂᒃ ᓂᕆᔪᒫᕐᐳᑦ, ᓇᖕᒥᓂᕐᓗ ᐱᓂᐊᕐᓂᕐᒥᖕᓄᑦ ᐊᕿᐊᑦᑐᕈᒫᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:18

ᐊᖑᑦ ᐱᐅᖏᑦᑐᖅ ᓯᓔᕐᕆᒃᓯᓇᓱᐊᕐᓂᕐᒥᒃ ᐱᓂᐊᕐᓂᖃᕋᔪᒃᐳᖅ, ᐃᓱᐊᕐᓂᒥᒡᓕ ᐱᓂᐊᕈᑎᓕᒃ ᐱᑖᕐᑎᑕᐅᓗᓂ ᑭᓯᐊᓂᐅᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:14

ᐆᒻᒪᑎᒥᒍᑦ ᐱᓕᕆᕗᖅ ᐅᐃᕕᕆᒃᓯᑦᔪᑎᒃᓴᒥᓂᒃ, ᓈᒻᒪᖏᑦᑐᓂᒃ ᓇᓂᑐᐃᓐᓇᖅ ᐱᓂᐊᕐᓂᖃᕐᑎᑦᓯᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:19

ᖃᐅᔨᓯᒪᓐᖑᐊᕐᓗᓂ ᓱᓕᖏᑦᑐᓂᒃ ᐅᖃᐅᓯᖃᕐᑐᖅ, ᐃᓅᖃᑎᒥᓂᒃ ᐃᓅᖃᑎᒌᑦᓯᐊᕈᓐᓃᕐᓇᕐᑐᓂᒃ ᐱᒋᐊᕐᑎᑦᓯᖃᑦᑕᕐᑐᖅ.

ᔨᕆᒤᐊᐅᑉ ᐊᒡᓚᖏᑦ 37:9

ᐃᒫᒃ ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐅᐃᕕᕐᕆᑦᑍᓕᒋᑦᓯ ᐃᓱᒪᓗᓯ ᑲᐅᓪᑎᐊᒥᐅᑦ ᐊᐅᓪᓚᕈᑎᒃ ᐅᑎᕐᓂᐊᖏᓐᓇᓱᒋᓕᕐᓗᒋᑦ, ᑖᒃᑯᐊᓕ ᐅᑎᕐᓂᐊᕆᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 14:5

ᐅᕙᓐᓄᑦ ᓵᑦᑎᐊᖁᒐᓗᐊᕐᐸᒃᑲ ᐃᓴᕆᐊᓕᐅᑉ ᑭᖑᕚᖏᑦ, ᐅᕙᓐᓂᒃ ᐊᕕᑦᑎᓯᒪᖕᒪᑕ ᒎᑎᓐᖑᐊᓅᕐᓂᕐᒥᖕᓄᑦ.

ᕼᐆᓯᐊᑉ ᐊᒡᓚᖏᑦ 10:12

ᑲᓐᖓᕐᓱᐃᒋᑦᓯ ᓇᖕᒥᓂᑦᓯᓐᓄᑦ ᐃᓱᐊᕐᓂᕐᒥᒃ, ᑲᑎᕐᓱᐃᓗᓯᓗ ᓇᒡᓕᖕᓂᐅᑉ ᓱᖁᓯᔪᐃᑦᑑᑉ ᐱᕈᕐᑎᑕᖏᓐᓂᒃ; ᓄᓇᓯᓗ ᓱᕐᕋᒃᓯᒪᖏᑦᑐᖅ ᐃᑎᕐᓴᓕᐅᕐᓯᐅᒃ, ᐊᑕᓂᕐᒥᒃ ᕿᓂᕐᓂᖅ ᓇᓪᓕᐅᑎᕗᖅ, ᑖᓐᓇ ᕾᒍᓂ ᑯᕝᕕᓯᖁᓪᓗᒍ ᐱᐅᓕᔭᐅᓂᕐᒥᒃ.

ᕼᐆᓯᐊᑉ ᐊᒡᓚᖏᑦ 10:13

ᐃᑎᕐᓴᓕᐅᕆᓚᐅᕐᐳᓯ ᐱᕈᕐᓰᕕᒃᓴᓂᒃ ᐱᐅᖏᑦᑐᓂᒃ, ᑲᑎᕐᓱᐃᓪᓗᓯᓗ ᓈᒻᒪᖏᑦᑐᓕᓂᕐᒥᒃ, ᓂᕆᓚᐅᕋᑦᓯ ᓴᒡᓗᓂᒃᑯᑦ ᐱᕈᕐᑐᓂᒃ. ᑕᑎᖃᓚᐅᕋᑦᓯ ᓇᖕᒥᓂᖅ ᐱᔪᓐᓇᕐᑐᖁᑎᑦᓯᓐᓂᒃ ᐅᓄᕐᑐᕐᔪᐊᓂᒡᓗ ᐅᓇᑕᕐᓂᕐᒧᑦ ᐱᔪᓐᓇᕐᑐᐊᓗᖕᓂᒃ.

ᕼᐆᓯᐊᑉ ᐊᒡᓚᖏᑦ 8:7

ᐊᓄᕆᒥᒃ ᑲᓐᖓᕐᓱᐃᒍᑎᒃ, ᐅᓚᔪᔭᕐᔪᐊᒥᒃ ᑲᑎᕐᓱᐃᔪᒫᕐᐳᑦ. ᓂᐊᖂᔭᒃᓮᑦ ᓂᐊᖁᖃᓐᖏᓚᑦ, ᓂᕆᔭᒃᓴᒥᒃ ᐱᕈᕐᕕᐅᓂᐊᓐᖏᓚᑦ; ᐱᕈᕐᕕᐅᒐᓗᐊᕐᐸᑕ ᓄᓇᖅᑲᑎᒋᓐᖏᑕᖏᑕ ᓂᕆᔪᒫᕐᐰᑦ.

ᐅᐸᑍᐊᑉ ᐊᒡᓚᖏᑦ 1:3

ᐆᒻᒪᑎᕕᑦ ᐱᐅᔪᕆᓂᖓᑕ ᐅᐃᕕᕆᕚᑎᑦ, ᐃᕝᕕᑦ ᐃᓂᖃᕐᑐᑎᑦ ᕾᕐᑑᑉ ᖁᖕᓇᔪᖏᓐᓂ; ᐳᕐᑐᔪᒥ ᐃᓂᖃᕐᑐᑎᑦ; ᐆᒻᒪᑎᖕᓂ ᐅᖃᕐᑐᑎᑦ: ‘ᑭᐊ ᓄᓇᒧᑦ ᑲᑕᒃᑎᑦᓱᓐᓇᕐᐹᖔ?’

ᓘᑲᓯᐅᑉ ᐊᒡᓚᖏᑦ 16:25

ᐂᑉᕋᕼᐋᒻ ᐅᖃᐅᑎᕚ, ‘ᐃᕐᓃᒃ, ᐃᖅᑲᐅᒪᒋᑦ ᐃᓅᑎᓪᓗᑎᑦ ᐱᐅᔪᓂᒃ ᐱᖃᓚᐅᕋᕕᑦ, ᓛᓴᕉᓯᓕ ᐱᐅᖏᑦᑐᓂᒃ ᐱᑎᑕᐅᖃᑦᑕᓚᐅᕐᐳᖅ; ᒫᓐᓇ ᒫᓂ ᖁᕕᐊᓱᓕᕐᐳᖅ, ᐃᕝᕕᓪᓗ ᐋᓐᓂᐊᕐᑎᑕᐅᕗᑎᑦ.

ᓘᑲᓯᐅᑉ ᐊᒡᓚᖏᑦ 21:8

ᔩᓱᓯ ᐅᖃᕐᐳᖅ, “ᖃᐅᔨᓴᕆᑦᓯ ᓯᓔᕐᕆᔭᐅᖁᓇᓯ; ᐊᒥᓱᑦ ᑎᑭᑦᓱᒫᕐᒪᑕ ᐅᕙᓐᓄᑦ ᐱᔨᐅᓂᕋᕐᑐᑦ, ᐅᖃᕐᓗᑎᒃ, ‘ᑖᓐᓇᐅᕗᖓ ᙭ᔅᑑᓯ!’ ᐊᒻᒪᓗ, ‘ᒫᓐᓇ ᐱᕕᒃᓴᖓ ᓇᓪᓕᐅᑎᕗᖅ!’ ᑖᒃᑯᐊ ᒪᓕᖕᓂᐊᕋᓯᐅᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:33

ᑕᒻᒪᕐᑎᑕᐅᓂᐊᕋᓯ: “ᐱᐅᖏᑦᑐᓕᔪᓂᒃ ᐃᓚᖃᖃᑦᑕᕐᓂᖅ ᐃᓕᖅᑯᓯᑦᓯᐊᕙᖕᒥᒃ ᐊᓯᕈᐃᕗᖅ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:18

ᓇᓕᕐᓯ ᓇᖕᒥᓂᖅ ᐅᐃᕖᕐᕆᓂᐊᕋᓂ. ᐃᒻᒥᓂᒃ ᓯᓚᑐᓇᓱᒋᔪᖅ ᓯᓚᕐᔪᐊᕐᒥᐅᑦ ᓯᓚᑐᓂᖓ ᒪᓕᒡᓗᒍ, ᓯᓔᑦᑐᓐᖑᕐᑐᒃᓴᐅᕗᖅ ᓯᓚᑐᔪᓐᖑᓪᓚᕆᖁᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:9

ᖃᐅᔨᒪᓐᖏᓚᓰ ᐊᑲᐅᖏᑦᑐᓕᔪᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᖏᒻᒪᑕ? ᓯᓔᕐᕆᔭᐅᑦᑍᓕᒋᑦᓯ; ᐊᖑᓐᓂᐊᕐᐸᒃᑐᑦ ᐊᕐᓇᕐᓂᐊᕐᐸᒃᑐᓪᓗ ᒎᑎᐅᖏᑦᑐᓂᒡᓗ ᒎᑎᖃᕐᑐᑦ, ᐂᑉᐸᓖᓪᓗ ᐊᓯᓐᓂᐊᕐᐸᒃᑐᑦ, ᐊᖑᑏᑦ ᐊᕐᓁᓪᓗ ᑍᒤᑦᑑᖃᑎᒥᖕᓅᕐᐸᒃᑐᑦ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:6

ᐅᓇ ᐃᖅᑲᐅᒪᓯᐅᒃ; ᐅᓄᖏᑦᑐᓂᒃ ᑲᓐᖓᕐᓱᐃᔪᖅ ᐅᓄᖏᑦᑐᓂᒃ ᑲᑎᕐᓱᐃᔪᒫᕐᐳᖅ, ᐅᓄᕐᑐᓂᒡᓗ ᑲᓐᖓᕐᓱᐃᔪᖅ ᐊᒥᓱᓂᒃ ᑲᑎᕐᓱᐃᔪᒫᕆᕗᖅ.

ᒐᓔᑎᐊᒥᐅᓄᑦ 6:3

ᐱᐅᔪᕆᔪᖃᕐᐸᓪᓕ ᓱᓇᐅᖏᑦᑑᒐᓗᐊᕐᓗᓂ, ᑖᓐᓇ ᓇᖕᒥᓂᕐᒥᓂᒃ ᐅᐃᕕᕐᕆᕗᖅ.

ᐃᐱᓯᒥᐅᓄᑦ 5:6

ᑭᓇᒃᑯᑐᐃᓐᓇᕐᓄᑦ ᓯᓔᕐᕆᔭᐅᓂᐊᕋᓯ ᐅᖃᐅᓯᕐᓄᑦ ᓱᓕᖏᑦᑐᓄᑦ, ᑍᒤᑦᑐᑦ ᐱᓪᓗᒋᑦ ᒎᑎᐅᑉ ᓂᓐᖓᐅᓯᖓ ᑎᑭᓐᓂᐊᕐᒪᑦ ᑖᑦᓱᒥᖓ ᓈᓚᖏᑦᑐᓄᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:3

ᓇᓪᓕᐊᓐᓄᑐᐃᓐᓇᖅ ᐅᐃᕕᕆᔭᐅᑦᑍᓕᒋᑦᓯ ᖃᓄᑐᐃᓐᓇᖅ; ᐅᓪᓗᖅ ᑖᓐᓇ ᓇᓪᓕᐅᑎᔪᒫᕐᒪᑦ ᐃᓄᐃᑦ ᑭᓯᐊᓂ ᐅᒃᐱᕈᒪᖏᓐᓂᖃᓚᐅᕐᑎᓪᓗᒋᑦ, ᐱᖁᔭᖃᖏᑦᑐᕐᔪᐊᖅ ᓴᖅᑭᓚᐅᕐᑎᓪᓗᒍ, ᐊᓯᕈᕐᑕᐅᓂᕐᔫᑉ ᕿᑐᕐᖓᖓ.

ᔧᒥᓯᐅᑉ ᐊᒡᓚᖏᑦ 1:22

ᐅᖃᐅᓯᕐᓕ ᐱᓇᓱᐊᕈᑎᒋᓯᐅᒃ, ᑐᓵᑐᐃᓐᓇᖏᓪᓗᒍ, ᑐᓵᑐᐃᓐᓇᕈᑦᓯ ᓇᖕᒥᓂᖅ ᐅᐃᕕᕆᒐᑦᓯ.

ᔧᒥᓯᐅᑉ ᐊᒡᓚᖏᑦ 1:26

ᐅᒃᐱᕋᓱᒋᔪᒥᒃ ᐃᓕᑦᓯᓐᓃᑦᑐᖃᕐᐸᑦ, ᐅᖃᓂᓗ ᐊᑐᕐᓂᕐᓗᒃᑍᓕᓂᕐᒧᑦ ᐱᓯᒪᔪᓐᓇᖏᒃᑯᓂᐅᒃ ᐆᒻᒪᑎᓂ ᐅᐃᕕᕆᕚ, ᑕᑉᕙ ᐅᒃᐱᕐᓂᖓ ᐊᑑᑎᖃᓐᖏᓚᖅ.

ᔪᐊᓇᓯ ᓯᕗᓪᓖᑦ 1:8

ᐊᔪᕐᓂᖃᖏᓐᓂᕋᕈᑦᑕᓕ, ᐅᕙᑦᑎᓐᓂᒃ ᓇᖕᒥᓂᖅ ᐅᐃᕕᕆᕗᒍᑦ, ᓱᓕᔪᕐᓗ ᐃᓗᑦᑎᓐᓃᓐᖏᓚᖅ.

ᔪᐊᓇᓯ ᓯᕗᓪᓖᑦ 3:7

ᕿᑐᕐᖓᑯᓗᒃᑲ, ᑭᓇᒧᓪᓘᓐᓃᑦ ᑕᒻᒪᕐᑎᑕᐅᑦᑍᓕᒋᑦᓯ. ᓇᓪᓕᐊᑦ ᓈᒻᒪᒃᑐᒥᒃ ᐱᓇᓱᐊᕐᑐᖅ ᑖᓐᓇ ᐃᓗᐊᕐᑑᕗᖅ, ᓲᕐᓗ ᑖᓐᓇ ᐃᓗᐊᕐᑑᖕᒪᑦ.

ᔫᑎᐅᑉ ᐊᒡᓚᖏᑦ 1:18

ᐅᖃᐅᑎᓚᐅᕐᒪᓯ, “ᐅᓪᓗᐃᑦ ᑭᖑᓪᓕᖏᓐᓂ ᒥᑕᐅᑎᒃᓴᕐᑎᑕᖃᕈᒫᕐᐳᖅ, ᒎᑎ ᑲᒪᒋᓇᒍ ᐃᒃᖠᒎᕐᓂᕐᒥᖕᓂᒃ ᒪᓕᑐᐃᓐᓇᕐᑐᓂᒃ.”