ᒐᓔᑎᐊᒥᐅᓄᑦ 6:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑍᒃᑯᐊ ᑎᒥᒃᑯᑦ ᖁᕕᐊᒋᔭᐅᔪᒪᔪᑦ ᐃᓕᑦᓯᓐᓂᒃ ᑭᐱᔭᐅᖁᔨᕗᑦ, ᑍᒤᓕᐅᕐᐳᓪᓕ ᐊᑭᕋᕐᑐᕐᑕᐅᔪᒪᓇᑎᒃ ᙭ᔅᑑᓯᐅᑉ ᓴᓐᓂᖓᔪᓕᖓ ᐱᓪᓗᒍ.

ᒐᓔᑎᐊᒥᐅᓄᑦ 6:12 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 23:27

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᐃᓗᕕᕐᑎᑐᑦ ᖃᑯᕐᑕᒥᒃ ᓯᓚᑖᒍᑦ ᐊᒥᐊᕆᔪᑎᑐᑦ ᑍᒤᑉᐳᓯ, ᓯᓚᑎᖏᑦ ᑕᑯᒥᓇᕐᑐᐊᓘᕗᑦ, ᐃᓗᖏᓪᓕ ᑕᑕᑉᐳᑦ ᓴᐅᓂᕕᓂᕐᓂᒃ ᒪᒤᑦᑐᐊᓗᖕᓂᒡᓗ.

ᒫᑎᐅᓯᐅᑉ ᐊᒡᓚᖏᑦ 23:28

ᑍᒫᑦᓮᓐᓇᑦᑕᐅᖅ, ᓯᓚᑎᑦᓯᒍᑦ ᒎᑎᐅᑉ ᐱᖁᔭᖏᓐᓂᒃ ᒪᓕᑦᓯᐊᕐᑑᔮᕐᐳᓯ, ᐃᓗᑦᓯᒍᓪᓕ ᑕᑕᑉᐳᓯ ᑕᒃᑯᕐᒨᕐᓂᕐᒥᒃ ᐊᔪᕐᓂᕐᒥᒡᓗ.”

ᒫᑎᐅᓯᐅᑉ ᐊᒡᓚᖏᑦ 23:5

ᓱᓇᑐᐃᓐᓇᕐᓂᒃ ᐱᓇᓱᐊᖃᑦᑕᕐᐳᑦ ᐃᓄᖕᓄᑦ ᑕᑯᔭᐅᔪᒪᑐᐃᓐᓇᕐᓗᑎᒃ; ᒎᑎᐅᑉ ᐅᖃᐅᓯᖏᓐᓂᒃ ᑎᑎᕋᕐᕕᒋᓯᒪᔪᑦ ᖃᐅᕈᑎᖏᑦ ᑕᓕᕐᒥᐅᑕᖏᓪᓗ, ᑕᑯᓚᐅᕐᓯᐅᒃ ᐊᖏᔫᑎᐊᓗᐃᑦ! ᐅᓕᒡᔪᐊᖏᑕᓗ ᓂᒡᔭᖏᑦ ᑕᑭᔫᑎᐊᓗᐃᑦ!

ᒫᑎᐅᓯᐅᑉ ᐊᒡᓚᖏᑦ 5:10

ᓮᒪᓇᕐᑐᒦᑉᐳᑦ ᐊᑭᕋᕐᑐᕐᑕᐅᔪᑦ ᓇᓛᒎᕐᓂᖅ ᐱᓪᓗᒍ; ᒎᑎᐅᑉ ᐊᑕᓂᐅᕕᖓᓂᒃ ᐱᖃᓕᕐᒪᑕ.

ᒫᑎᐅᓯᐅᑉ ᐊᒡᓚᖏᑦ 6:16

“ᓂᕆᑦᑍᓕᔭᕌᖓᑦᓯ, ᑕᒃᑯᕐᒨᕐᑐᑎᑐ ᑍᒤᑦᑐᒃᓴᐅᓐᖏᓚᓯ ᑮᓇᕐᒥᖕᓂᒃ ᑕᑯᒥᓇᕈᓐᓃᕐᑎᑦᓯᔪᑎᑐᑦ, ᑕᐅᑦᑐᒥᒍᑦ ᑕᑯᒃᓴᐅᓇᓱᐊᕐᐸᖕᒪᑕ ᓂᕆᑦᑍᓕᓂᕐᒥᖕᓂᒃ ᖃᐅᔨᔭᐅᔪᒪᓪᓗᑎᒃ. ᓱᓕᔪᒥᒃ ᐅᖃᐅᑎᕙᑦᓯ, ᐊᑭᓕᕐᑕᐅᔭᕇᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 6:2

“ᑍᒤᒻᒪᑦ ᑐᓂᕐᕈᓯᕈᑦᓯ, ᑐᓂᓯᓂᓯ ᖃᐅᔨᔭᐅᓇᓱᐊᕐᓗᓯ ᑎᑦᑐᓚᐅᑎᒥᒃ ᓂᓪᓕᕐᑎᑦᓯᔭᕆᐊᖃᓐᖏᓚᓯ, ᑕᒃᑯᕐᒨᕐᑐᑎᑐᑦ ᑖᒃᑯᐊ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᖅᑯᑎᓂᓗ, ᑍᒤᓕᐅᕐᐸᖕᒪᑕ ᐃᓄᖕᓄᑦ ᓂᕐᑐᕐᑕᐅᔪᒪᓪᓗᑎᒃ. ᓱᓕᔪᒥᒃ ᐅᖃᐅᑎᕙᑦᓯ, ᐊᑭᓕᕐᑕᐅᔭᕇᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 6:5

“ᑐᒃᓯᐊᓕᕌᖓᑦᓯ ᑕᒃᑯᕐᒨᕐᑐᑎᑐᑦ ᑍᒤᑦᑐᒃᓴᐅᓐᖏᓚᓯ; ᑍᒃᑯᐊ ᐃᓄᖕᓄᑦ ᑕᑯᓐᓇᕐᑕᐅᔪᒪᑐᐃᓐᓇᕐᖢᑎᒃ ᑐᒃᓯᐊᓲᖑᖕᒪᑕ ᓇᖏᕐᓗᑎᒃ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᖅᑯᑎᓂᓗ. ᓱᓕᔪᒥᒃ ᐅᖃᐅᑎᕙᑦᓯ, ᑖᒃᑯᐊ ᐊᑭᓕᕐᑕᐅᔭᕇᕐᐳᑦ.

ᓘᑲᓯᐅᑉ ᐊᒡᓚᖏᑦ 16:15

ᔩᓱᓯᐅᑉ ᐅᖃᐅᑎᕔᑦ, “ᐃᓕᑦᓯ ᑕᕝᕙ ᐃᓄᖕᓄᑦ ᓈᒻᒪᒋᔭᐅᑦᓯᐊᕋᓱᐊᕐᐳᓯ, ᒎᑎᐅᓪᓕ ᐆᒻᒪᑎᓯ ᖃᐅᔨᒪᕔᑦ; ᐃᓄᖕᓄᑦ ᓂᕐᑐᕐᑕᐅᔪᑦ ᒎᑎᒧᑦ ᐊᑑᑎᖃᖏᒻᒪᑕ.

ᓘᑲᓯᐅᑉ ᐊᒡᓚᖏᑦ 20:47

ᓯᓔᕐᕆᒃᓯᕙᒃᓗᑎᒃ ᐅᐃᒡᒐᕐᓂᕐᓂᒃ ᑎᒡᓕᒐᕐᕕᒋᔪᒪᓪᓗᒋᑦ ᐊᖏᕐᕋᖏᓐᓂᑦ, ᑕᑯᓐᓇᕐᑕᐅᓇᓱᐊᕐᓗᑎᒡᓗ ᑐᒃᓯᐅᑦᔨᓕᕐᐸᒃᓗᑎᒃ ᑕᑭᔪᐊᓗᖕᓂᒃ. ᑖᒃᑯᐊ ᓱᒋᐊᕐᑕᐅᓂᖏᑦ ᐱᐅᖏᓐᓂᕐᓴᓪᓚᕆᐊᓘᔪᒫᕐᐳᑦ.”

ᔪᐊᓇᓯᐅᑉ ᐊᒡᓚᖏᑦ 7:18

ᓇᓪᓕᐊᑦ ᐱᔪᓐᓇᕐᓂᑐᐃᓐᓇᕐᒥᒍᑦ ᐅᖃᓪᓚᒃᑐᖅ ᐃᒻᒥᓂᒃ ᓂᕐᑐᕐᑕᐅᑦᔪᑎᒃᓴᒥᓂᒃ ᐱᓇᓱᐊᕐᐳᖅ; ᓇᓪᓕᐊᓪᓕ ᑎᓕᔨᒥᓂᒃ ᓂᕐᑐᕐᑕᐅᑎᑦᓯᓇᓱᐊᕐᑐᖅ ᓱᓕᑦᓯᐊᕐᐳᖅ, ᑖᑦᓱᒪᓂᓗ ᓴᒡᓗᓂᕐᑕᖃᕋᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 15:1

ᐊᖑᑏᑦ ᐃᓚᖏᑦ ᑎᑭᓚᐅᕐᐳᑦ ᔫᑎᐊᒥᑦ ᐊᔪᕆᕐᑐᐃᓕᕐᓗᑎᒃ ᐅᒃᐱᕐᑑᖃᑎᒌᓂᒃ ᐃᒫᒃ, “ᑭᐱᔭᐅᖏᒃᑯᑦᓯ ᒨᓯᓯᐅᑉ ᐱᖁᔭᖏᑦ ᒪᓕᒡᓗᒋᑦ ᐱᐅᓕᔭᐅᔪᓐᓇᓐᖏᓚᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 15:5

ᐅᒃᐱᕐᑐᓪᓕ ᐃᓚᖏᑦ ᐹᕆᓯᓄᑦ ᐃᓚᒋᔭᐅᔪᑦ ᐅᖃᓕᕐᐳᑦ, “ᑍᒃᑯᐊ ᑭᐱᔭᐅᔭᕆᐊᖃᕐᐳᑦ ᒨᓯᓯᐅᓪᓗ ᐱᖁᔭᖏᓐᓂᒃ ᒪᓕᖁᔭᐅᓗᑎᒃ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:12

ᐅᕙᑦᑎᓐᓂᒃ ᐱᐅᔪᕆᓐᖏᓐᓇᑦᑕ ᐊᑦᔨᐅᑎᑦᑐᒪᓐᖏᓚᒍᓪᓘᓐᓃᑦ ᐃᒻᒥᖕᓂᒃ ᐱᐅᔪᕆᔪᓄᑦ. ᑍᒃᑯᐊ ᐆᒃᑑᑎᒋᖃᑦᑕᐅᑎᕙᖕᒪᑕ ᐃᒻᒥᖕᓄᑦ, ᐊᑦᔨᐅᑎᖃᑦᑕᐅᑎᕙᒃᓗᑎᒡᓗ ᐃᒻᒥᖕᓄᑦ, ᑍᒤᓕᐅᕐᓗᑎᒃ ᑖᒃᑯᐊ ᓯᓔᑦᑑᕗᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:13

ᑍᒤᓕᐅᕐᑐᑦ ᐋᐴᓯᑕᓕᐅᓐᖑᐊᕐᒪᑕ, ᓱᓕᖏᑦᑐᒥᒃ ᐱᓇᓱᐊᕐᓗᑎᒃ, ᙭ᔅᑑᓯᐅᑉ ᐋᐴᓯᑕᓕᖏᑎᑐᑦ ᐃᒻᒥᖕᓂᒃ ᑕᐅᑦᑐᖃᕋᓱᐊᕐᓗᑎᒃ.

ᒐᓔᑎᐊᒥᐅᓄᑦ 2:14

ᑕᒪᑐᒥᖓᓕ ᖃᐅᔨᒐᒪ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓇᓛᒎᑦ ᒪᓕᒍᓐᓃᕐᓂᖏᓐᓂᒃ, ᓰᐸᓯ ᐅᖃᐅᑎᓚᐅᕐᐸᕋ, ᐃᓄᐃᑦ ᑐᓵᔪᐃᓐᓇᐅᑎᓪᓗᒋᑦ, “ᔫᑎᐅᓪᓗᑎᑦ, ᔫᑎᐅᖏᑦᑐᑎᑐᑦ ᐃᓅᖃᑕᐅᓕᓚᐅᕐᐳᑎᑦ ᔫᑎᑎᑑᖏᑦᑐᖅ. ᓱᖕᒪᑦ ᔫᑎᐅᖏᑦᑐᑦ ᔫᑎᑎᑐᑦ ᐃᓄᓯᕐᑖᕐᑎᓐᓇᓱᐊᕐᐱᒌᑦ?”

ᒐᓔᑎᐊᒥᐅᓄᑦ 2:3

ᐱᖃᑎᒋᖃᑦᑕᕐᑕᕋ ᑍᑑᓯ, ᒍᕇᑭᐅᒐᓗᐊᕐᑎᓪᓗᒍ, ᑭᐱᔭᐅᑎᑕᐅᓚᐅᓐᖏᓚᖅ,

ᒐᓔᑎᐊᒥᐅᓄᑦ 5:11

ᐅᕙᖓᓕ ᐅᒃᐱᕐᑑᖃᑎᒃᑲ, ᓱᓕ ᐊᔪᕆᕐᑐᐃᖃᑦᑕᕈᒪ ᑭᐱᔭᐅᓂᖅ ᐊᑐᕐᑕᐅᔭᕆᐊᖃᕐᓂᕋᕐᓗᒍ, ᓱᖕᒪᓕ ᓱᓕ ᐊᑭᕋᕐᑐᕐᑕᐅᕗᖔ? ᑕᒪᓐᓇ ᓱᓕᒃᐸᑦ ᐊᔪᕆᕐᑐᐃᓂᕋ ᓴᓐᓂᖓᔪᓕᖕᒥᒃ ᐊᒡᕕᐊᕈᑕᐅᔪᓐᓃᕋᔭᕐᐳᖅ.

ᒐᓔᑎᐊᒥᐅᓄᑦ 6:13

ᑭᐱᔭᐅᓯᒪᔫᒐᓗᐊᑦ ᐱᖁᔭᓂᒃ ᓈᓚᒃᐸᖏᒻᒥᖕᒪᑕ; ᑭᐱᔭᐅᓯᒪᖁᕚᓯᓗ ᓂᕐᑐᕐᓇᐅᑎᖃᕈᒪᓪᓗᑎᒃ ᑭᐱᔭᐅᓂᐅᑉ ᐊᑐᕐᑕᐅᔭᕆᐊᖃᕐᓂᖓᓂᒃ ᐊᑐᕐᑎᑦᓯᓂᕐᒥᖕᓂᒃ ᐃᓕᑦᓯᓐᓂᒃ.

ᐱᓕᐱᒥᐅᓄᑦ 1:15

ᐃᓚᖏᓪᓕ ᙭ᔅᑑᓯᒥᒃ ᐊᔪᕆᕐᑐᐃᑦᔪᑎᖃᕐᐳᑦ ᓵᓐᖓᔭᑐᐊᖑᔪᒪᓂᕐᒧᑦ ᐊᑭᕋᕐᑐᕈᒪᓂᕐᒧᓪᓗ, ᐃᓚᖏᑕᓕ ᙭ᔅᑑᓯ ᐊᔪᕆᕐᑐᐃᑦᔪᑎᒋᕚᑦ ᐱᐅᔪᒥᒃ ᐃᓱᒪᖃᕐᑎᑕᐅᑦᓯᐊᕐᓗᑎᒃ.

ᐱᓕᐱᒥᐅᓄᑦ 2:4

ᐃᓕᑦᓯᓕ ᐊᑐᓂᑦ ᖁᕕᐊᒋᔭᑐᐊᑦᓯᓐᓂᒃ ᕿᓂᕐᓂᐊᕋᓯ, ᐊᓯᑦᓯᓕ ᖁᕕᐊᒋᔭᖏᓐᓂᒃᑕᐅᖅ ᐃᓱᒪᖃᕆᑦᓯ.

ᐱᓕᐱᒥᐅᓄᑦ 3:18

ᑕᒪᑐᒥᖓ ᐅᓄᕐᑐᐃᕐᓱᕐᓗᖓ ᐅᖃᐅᑎᖃᑦᑕᓚᐅᕐᐸᑦᓯ, ᒫᓐᓇᓕ ᐅᖃᐅᓯᕆᒃᑲᓐᓂᕐᐸᕋ ᖁᕝᕕᐅᕐᓗᖓ, ᐅᓄᕐᒪᑕ ᐃᓅᓯᕐᒥᒍᑦ ᐊᑭᕋᕐᑐᕐᑐᑦ ᙭ᔅᑑᓯᐅᑉ ᓴᓐᓂᖓᔪᓕᖕᒥ ᑐᖁᓂᖓᓂᒃ.

ᑯᓘᓯᐊᒥᐅᓄᑦ 2:23

ᑕᒪᒃᑯᐊ ᓯᓚᑐᓂᕐᒧᑦ ᐱᓯᒪᔫᔭᕐᒪᑕ ᑐᒃᓯᐊᖃᑦᑕᕐᓗᑎᒡᓗ ᓇᖕᒥᓂᖅ ᐋᖅᑭᒃᓯᒪᔭᒥᖕᓂᒃ, ᓱᓕᓇᑎᒡᓗ ᒥᑭᒡᓕᑎᕐᓯᒪᔫᔮᕐᐳᑦ, ᑎᒥᒥᒡᓗ ᐊᒃᓱᕈᕐᑎᑦᓯᒻᒪᕆᒃᓗᑎᒃ; ᐱᓪᓚᕆᖕᒥᒡᓕ ᐱᓯᒪᓐᖏᓚᑦ ᑎᒥᐅᓪᓗ ᐱᔪᒪᓂᕐᔪᐊᖏᓐᓂᒃ ᓄᖅᑲᖓᑎᑦᓯᔪᓐᓇᕋᑎᒃ.