ᒐᓔᑎᐊᒥᐅᓄᑦ 6:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑍᒤᒻᒪᑦ, ᐱᕕᒃᓴᖃᕐᓂᑦᑎᓐᓂ, ᐃᓅᖃᑎᓕᒫᑦᑎᓐᓂᒃ ᐱᓂᐊᕐᕕᖃᑦᓯᐊᕐᑐᒃᓴᐅᕗᒍᑦ, ᐅᒃᐱᕐᑑᖃᑎᕗᓪᓕ ᐱᓗᐊᕐᓗᒋᑦ.

ᒐᓔᑎᐊᒥᐅᓄᑦ 6:10 Iomraidhean Croise

ᐃᓐᖏᕈᑎᑦ 37:27

ᐱᐅᖏᑦᑐᓕᓂᖅ ᑐᓄᓕᕈᒃ, ᐱᐅᔪᒥᒡᓗ ᐱᓇᓱᐊᓕᕐᓗᑎᑦ; ᐃᓱᖃᖏᑦᑐᒧᑦ ᑕᕝᕙ ᐃᓅᓂᐊᕐᐳᑎᑦ.

ᐃᓐᖏᕈᑎᑦ 37:3

ᐊᑕᓂᖅ ᑕᑎᒋᒍᒃ, ᐱᐅᔪᓂᒡᓗ ᐱᓂᐊᕐᓗᑎᑦ; ᓄᓇᒥ ᐃᓂᖃᕐᑎᓪᓗᑎᑦ ᑲᑉᐱᐊᓇᖏᑦᑐᒥ ᐃᓅᖁᓪᓗᑎᑦ ᓱᖁᓯᔪᐃᑦᑑᓂᖓᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:27

ᐃᑲᔪᕆᐊᓕᖕᓂᒃ ᐃᑲᔪᖃᑦᑕᕐᓂᖅ ᓄᖅᑲᖓᑎᑦᑍᓕᒍᒃ, ᐱᔪᓐᓇᑐᐊᕈᕕᑦ ᐊᔪᖏᓪᓗᑎᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:12

ᖃᐅᔨᒪᕗᖓᓕ ᐱᐅᓂᕐᓴᒥᒃ ᐱᑕᖃᓐᖏᓚᖅ ᑖᒃᑯᐊ ᖁᕕᐊᓱᒋᐊᖃᕐᓂᖏᓐᓂᑦ, ᐱᐅᔪᒥᒡᓗ ᐱᓇᓱᐊᕆᐊᖃᕐᓂᖏᓐᓂᑦ ᐃᓅᓂᕐᒥᖕᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:10

ᐊᒡᒐᖕᓄᑦ ᓱᓕᐊᒃᓴᒥᒃ ᐱᓯᒪᒍᕕᑦ ᐱᓇᓱᐊᕈᒃ ᐊᒃᓱᕈᕐᓗᑎᑦ, ᓯᕗᓂᕆᔭᕐᓂ ᐃᓗᕕᕐᒥ ᓱᓕᐊᒃᓴᖃᖏᒻᒪᑦ, ᓱᓕᐊᒃᓴᒧᓪᓗ ᐸᕐᓇᖕᓂᖃᕋᓂ, ᖃᐅᔨᒪᓂᕐᑕᖃᕋᓂᓗ, ᓯᓚᑐᓂᕐᑕᖃᕋᓂᓗ.

ᒫᑎᐅᓯᐅᑉ ᐊᒡᓚᖏᑦ 10:25

ᑍᒤᒻᒪᑦ, ᐃᓕᓐᓂᐊᕐᑎ ᐃᓕᓐᓂᐊᕐᑎᑦᓯᔨᒥᑐᑦ ᑍᒤᓕᕈᓂ ᑕᕝᕙ ᓈᒻᒪᒃᓯᕗᖅ, ᐱᔨᓗ ᐊᖓᔪᖅᑳᖃᕐᑐᖅ ᑍᒫᑦᓮᓐᓇᖅ ᐊᖓᔪᖅᑳᒥᑑᓕᕈᓂ ᑕᕝᕙ ᓈᒻᒪᒃᓯᕗᖅ. ᐃᓚᒌᒃᑐᑦ ᐊᖓᔪᖅᑳᖓᑦ ᐱᐅᓪᓯᐹᐱᒥᒃ ᑍᔭᐅᖃᑦᑕᕐᓯᒪᒃᐸᑦ, ᑕᕝᕙ ᓇᖕᒥᓂᖏᑦ ᐊᑎᖃᕐᑎᑕᐅᓂᐊᕐᐳᑦ, ᐱᐅᖏᓐᓂᕐᓴᐅᒃᑲᓐᓂᕐᑐᒥᒃ!”

ᒫᑎᐅᓯᐅᑉ ᐊᒡᓚᖏᑦ 12:50

ᓇᓪᓕᐊᑦ ᐊᑖᑕᒪ ᕿᓚᖕᒦᑦᑑᑉ ᐱᓂᐊᕐᑕᐅᖁᔭᖓᓂᒃ ᐱᓇᓱᐊᕐᑐᖅ, ᑖᓐᓇ ᖃᑕᓐᖑᑎᒋᕙᕋ, ᓇᔭᒋᓪᓗᒍᓗ, ᐊᓈᓇᒋᕙᕋ.”

ᒫᑎᐅᓯᐅᑉ ᐊᒡᓚᖏᑦ 25:40

ᑕᕝᕙ ᐊᖓᔪᖅᑳᕐᔪᐊᑉ ᑭᐅᔪᒫᕐᐰᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᖃᑕᓐᖑᑎᒪ ᒥᑭᓐᓂᕐᐹᕆᔭᖏᓐᓄᑦ ᐱᓇᓱᐊᕐᕕᖃᕌᖓᑦᓯ, ᑕᒪᑐᒥᖓ ᐱᓇᓱᐊᕐᕕᒋᓚᐅᕐᐸᑦᓯᓐᖓ!’

ᒫᑎᐅᓯᐅᑉ ᐊᒡᓚᖏᑦ 5:43

“ᑐᓴᐅᒪᕗᓯ ᐅᖃᐅᓯᐅᕙᒃᑐᒥᒃ, ‘ᐃᓅᖃᑎᓯ ᓇᒡᓕᒋᓯᒋᒃ, ᐊᑭᕋᕐᑐᕐᑎᓯᓗ ᐆᒥᒋᓗᒋᑦ.’

ᒫᑯᓯᐅᑉ ᐊᒡᓚᖏᑦ 3:4

ᐃᓄᐃᑦ ᐅᖃᐅᑎᕔᑦ, “ᐱᖁᔭᕗᑦ ᓴᐸᑎᒥ ᐃᑲᔪᖁᔨᕚᑦ ᐋᓐᓂᕐᓯᖁᔨᕙᓪᓘᓐᓃᑦ? ᐃᓅᓯᕐᒥᒃ ᓴᐳᑦᔨᖁᔨᕚᑦ ᑐᖁᑦᓯᖁᔨᕙᓪᓘᓐᓃᑦ?” ᐃᓄᐃᓪᓕ ᓂᓪᓕᕐᑐᖃᓐᖏᓚᑦ.

ᓘᑲᓯᐅᑉ ᐊᒡᓚᖏᑦ 6:35

ᐊᑭᕋᕐᑐᕐᑎᓯ ᓇᒡᓕᒋᓯᐅᒃ, ᐱᑦᓯᐊᕐᕕᒋᓗᒋᓪᓗ, ᐊᑐᕐᑎᑉᐸᒡᓗᒋᓪᓗ ᐅᑎᕐᑎᑦᓯᕕᐅᓂᐊᕆᐊᒃᓴᖅ ᐃᓱᒪᖏᓪᓗᓯ; ᑕᕝᕙ ᐊᑭᓕᕐᑕᐅᓂᒃᓴᓯ ᐊᖏᔪᐊᓘᔪᒫᕐᐳᖅ, ᖁᑦᓯᖕᓂᕐᐹᖑᔫᑉ ᐃᕐᓂᕆᓂᐊᕐᐹᓯ; ᑖᓐᓇ ᐱᑦᓯᐊᕐᒪᑦ ᖁᔭᓕᖏᑦᑐᓄᑦ ᐱᐅᖏᑦᑐᓕᔪᓄᓪᓗ.

ᔪᐊᓇᓯᐅᑉ ᐊᒡᓚᖏᑦ 12:35

ᔩᓱᓯᐅᑉ ᐅᖃᐅᑎᕔᑦ, “ᖃᐅᒪᔫᑉ ᓱᓕ ᓯᕕᑭᑦᑐᒥᒃ ᓇᔪᕐᓂᐊᕐᐹᓯ. ᑲᔪᓯᑦᓯᐊᕆᑦᓯ ᐱᓇᓱᐊᕐᑕᑦᓯᓐᓂᒃ ᓇᔪᕐᑎᖃᕐᓂᑦᓯᓐᓂ ᖃᐅᒪᔪᒥᒃ, ᑖᕐᑐᕐᔪᐊᕐᒧᑦ ᑎᑭᑕᐅᖁᓇᓯ; ᑖᕐᑐᒥ ᐱᓇᓱᐊᕐᑐᖅ ᖃᐅᔨᒪᖏᒻᒪᑦ ᓇᒧᓐᖓᐅᖕᒪᖔᕐᒥ.

ᔪᐊᓇᓯᐅᑉ ᐊᒡᓚᖏᑦ 9:4

ᐅᓪᓘᓂᖓᓂ ᑎᓕᔨᒪ ᐱᓂᐊᕐᓂᖏᑦ ᐱᓂᐊᒐᒃᓴᕆᕙᕗᑦ; ᐅᓐᓄᐊᖑᔪᒫᕐᒪᑦ ᑭᐊᓘᓐᓃᑦ ᐱᓇᓱᐊᕐᕕᒋᔪᓐᓇᖏᑕᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 6:7

ᒎᑎᐅᑉ ᐅᖃᐅᓯᖏᑦ ᐅᒃᐱᕆᔭᐅᓕᕐᐸᓪᓕᐊᕗᑦ; ᐃᓕᓐᓂᐊᕐᑎᑦ ᔨᕉᓴᓕᒻᒥ ᐅᓄᕐᑐᐊᓘᓕᓚᐅᕐᐳᑦ ᐃᓚᕙᓪᓕᐊᓪᓗᑎᒃ, ᑐᓂᕐᕈᓯᕐᑎᑦᓯᔨᑦ ᐊᒥᓱᑦ ᓈᓚᒡᓗᑎᒃ ᐅᒃᐱᓕᓚᐅᕐᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:8

ᑕᕝᕙ ᐃᓇᑉᐸᑦᓯ ᑖᑦᓱᒥᖓ ᖃᐅᔨᑎᑦᓯᖁᓪᓗᓯ ᓇᒡᓕᒍᓱᓪᓚᕆᖕᓂᑦᓯᓐᓂᒃ.

ᒐᓔᑎᐊᒥᐅᓄᑦ 1:23

ᐅᖃᐅᓯᑐᐃᓐᓇᕐᑎᒍᓪᓕ ᖃᐅᔨᒪᔭᐅᓚᐅᕐᐳᖓ ᐅᖃᕐᑐᖃᖃᑦᑕᓚᐅᕐᒪᑦ, “ᐅᕙᑦᑎᓐᓂᒃ ᐊᑭᕋᕐᑐᓚᐅᕐᑐᖅ ᒫᓐᓇ ᐊᔪᕆᕐᑐᐃᕙᓕᕆᕗᖅ ᐅᒃᐱᕐᓂᕐᒥᒃ ᓄᖅᑲᕐᑎᓐᓇᓱᐊᓚᐅᕐᑕᒥᓂᒃ.”

ᐃᐱᓯᒥᐅᓄᑦ 2:19

ᑍᒤᒻᒪᑦ ᓄᓇᖃᑎᒋᔭᐅᖏᑦᑐᑎᑐᑦ ᑕᑯᓕᒪᓇᖏᑦᑐᑎᑐᓪᓗ ᑍᒤᑦᑑᓐᓃᕐᐳᓯ, ᐃᑦᔪᕐᓁᑎᑕᐅᓯᒪᔪᓄᓪᓕ ᐃᓚᒋᔭᐅᓕᕐᐳᓯ ᒎᑎᐅᑉ ᐃᒡᓗᒥᐅᖃᑎᖏᓐᓄᑦ.

ᐃᐱᓯᒥᐅᓄᑦ 3:15

ᐃᒡᓗᒥᐅᖃᑎᒌᓂ ᐃᓚᒌᒃᑐᓂᒃ ᑍᔭᐅᔪᓕᒫᑦ ᕿᓚᖕᒦᑦᑐᑦ ᓄᓇᒦᑦᑐᓪᓗ ᐊᑎᖃᕐᕕᒋᔭᖓᓐᓄᑦ.

ᐃᐱᓯᒥᐅᓄᑦ 4:28

ᑎᒡᓕᒃᐸᓚᐅᕐᑐᖅ ᑎᒡᓕᖃᑦᑕᕈᓐᓁᕐᓕ, ᓇᖕᒥᓂᕐᓕ ᐃᖅᑲᓁᔭᓕᕐᓕ, ᐱᐅᔪᒥᒃ ᐱᓇᓱᐊᕐᓗᓂ ᓇᖕᒥᓂᖅ ᐃᓅᑦᔪᑎᒃᓴᓕᐊᒥᓄᑦ ᒪᑭᑕᑎᒍᓐᓇᕐᓯᓂᐊᕐᒪᑦ, ᐊᓯᒥᓂᒡᓗ ᐊᔪᕐᓴᕐᑐᓂᒃ ᐃᑲᔪᕈᓐᓇᕐᓯᓗᓂ.

ᐃᐱᓯᒥᐅᓄᑦ 5:16

ᓇᐅᒃᑯᑐᐃᓐᓇᖅ ᐱᕕᒃᓴᕆᔭᓯ ᐊᑐᑦᓯᐊᕋᓱᐊᕐᓯᐅᒃ, ᐅᓪᓗᐃᑦ ᑖᒪᒃᑯᐊ ᐱᐅᖏᑦᑐᐊᓘᖕᒪᑕ.

ᐱᓕᐱᒥᐅᓄᑦ 4:10

ᐊᖏᔪᒥᒃ ᖁᕕᐊᓱᒃᐳᖓ ᐊᑕᓂᕐᒥ ᓱᓕ ᐃᖅᑲᐅᒪᒐᑦᓯᓐᖓ ᐅᕙᓐᓂᒡᓗ ᐃᑲᔪᕈᒪᓂᓯ ᓴᖅᑭᑎᓐᓇᑦᓯᐅᒃ; ᐅᕙᓐᓂᒡᓕ ᐃᑲᔪᕈᒤᓐᓇᓚᐅᕋᓗᐊᕐᑐᓯ, ᐱᕕᒃᓴᖃᓚᐅᓐᖏᓚᓯᓕ.

ᑯᓘᓯᐊᒥᐅᓄᑦ 4:5

ᓯᓚᑐᔪᒥᒃ ᐱᓂᐊᕐᓂᖃᕆᑦᓯ ᐅᒃᐱᖏᑦᑐᓄᑦ; ᐱᕕᒃᓴᓯᓗ ᐊᑐᑦᓯᐊᖃᑦᑕᕐᓗᒍ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:15

ᑲᒪᑦᓯᐊᕆᑦᓯ ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑑᖕᒥᔪᒧᑦ, ᐱᑦᓯᐊᕈᒪᓂᕐᒥᒡᓕ ᑍᒪᓐᖓᑦ ᐱᓇᓱᐊᕈᒪᔭᖃᕆᑦᓯ ᐃᓅᖃᑎᑦᓯᓐᓄᑦ ᐃᓄᓕᒫᓄᓪᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:21

ᑕᒤᑕᓕ ᖃᐅᔨᓴᕐᓯᒋᒃ; ᐱᐅᔪᑦ ᐱᓯᒪᑦᓯᐊᕐᓗᒋᑦ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᑍᑑᓯᒧᑦ 3:8

ᑕᒪᑦᔭ ᐅᖃᐅᓯᖅ ᓱᓕᔪᖅ. ᑕᒪᒃᑯᓂᖓ ᐃᒃᐱᒍᓱᑦᓯᐊᕐᓗᑎᑦ ᐊᔪᕆᕐᑐᐃᖁᕙᒋᑦ, ᒎᑎᒧᑦ ᐅᒃᐱᕐᑐᑦ ᐱᓇᓱᐊᑦᓯᐊᕈᒪᓂᕐᒥᒃ ᑲᔪᖏᓕᖁᓪᓗᒋᑦ ᐱᕕᖃᕐᓂᓕᒫᒥᒍᑦ; ᑍᒤᓕᐅᕐᓃᑦ ᑕᒪᒃᑯᐊ ᐱᐅᖕᒪᑕ ᐊᑐᕐᓇᕐᑑᓪᓗᑎᒡᓗ ᐃᓄᓕᒫᓄᑦ.

ᐄᑉᕈᐃᓄᑦ 13:16

ᓄᖅᑲᐅᑦᔨᓂᐊᕋᓯ ᐱᑦᓯᐊᕐᓂᕐᒥᒃ ᐱᖁᑎᑦᓯᓐᓂᒡᓗ ᑲᑐᑦᔨᖃᑎᖃᕐᓂᕐᒥᒃ, ᑕᒪᒃᑯᐊ ᑐᓂᕐᕈᑏᑦ ᒎᑎᐅᑉ ᖁᕕᐊᒋᖕᒪᒋᑦ.

ᐄᑉᕈᐃᓄᑦ 3:6

᙭ᔅᑑᓯᓕ ᓱᖁᓯᔪᐃᑦᑑᕗᖅ ᐃᕐᓂᐅᓪᓗᓂ ᐊᖓᔪᖅᑲᐅᔪᖅ ᒎᑎᐅᑉ ᐃᒡᓗᖓᓄᑦ. ᐅᕙᒍᑦ ᑖᑦᓱᒪ ᐃᒡᓗᒋᕚᑎᒍᑦ ᓴᐱᖏᑦᔪᑎᒃᓴᖅ ᓂᕆᐅᖕᓂᕐᓗ ᓂᕐᑐᕐᓇᐅᑎᒋᔭᕗᑦ ᐱᓯᒤᓐᓇᕐᓂᐊᕈᑦᑎᒍᑦ ᐃᓱᐊᓄᑦ.

ᐄᑉᕈᐃᓄᑦ 6:10

ᒎᑎ ᐊᑦᔨᒌᖏᑎᑦᓯᖏᒻᒪᑦ; ᐱᓇᓱᐊᕐᓯᒪᔭᑦᓯᓐᓂᒃ ᖄᖐᓐᓁᓂᐊᖏᓚᖅ ᑖᑦᓱᒥᖓᓗ ᐱᓪᓚᕆᖃᕐᓂᕐᒥᒃ ᓴᖅᑭᑎᓯᒪᔭᑦᓯᓐᓂᒃ ᐃᓄᖁᑎᖏᓐᓂᒃ ᐃᑲᔪᖃᑦᑕᕐᓯᒪᓂᑦᓯᒍᑦ ᓱᓕᓗ ᐃᑲᔪᖃᑦᑕᕋᑦᓯᒋᒃ.

ᐲᑦᑐᕉᓯ ᓯᕗᓪᓖᑦ 2:5

ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.

ᐲᑦᑐᕉᓯ ᓯᕗᓪᓖᑦ 4:17

ᒫᓐᓇ ᐃᖅᑲᕐᑐᕐᑕᐅᓂᖅ ᐱᒋᐊᕐᒪᑦ ᒎᑎᐅᑉ ᐃᓄᖁᑎᖏᓐᓂᑦ; ᐅᕙᑦᑎᓐᓂᓪᓗ ᐱᒋᐊᕐᓂᖃᕐᐸᑦ, ᖃᓄᕐᓕ ᒎᑎᐅᑉ ᐅᖃᐅᓯᖏᓐᓂᒃ ᑐᓴᕈᒥᓇᕐᑐᖁᑎᖏᓐᓂᑦ ᓈᓚᒍᒪᖏᑦᑐᑦ ᐃᓱᓕᑉᕕᖃᓛᕐᐸᑦ?

ᔪᐊᓇᓯ ᓯᕗᓪᓖᑦ 5:1

ᑕᒪᕐᒥᒃ ᐅᒃᐱᕐᑐᑦ ᔩᓱᓯ ᙭ᔅᑑᓯ ᒎᑎᒧᑦ ᐃᕐᓂᐊᖑᑎᑕᐅᓯᒪᕗᑦ, ᑕᒪᕐᒥᒡᓗ ᐊᑖᑕᒥᒃ ᓇᒡᓕᒍᓱᒃᑐᑦ ᑖᑦᓱᒪ ᕿᑐᕐᖓᖓᑦᑕᐅᖅ ᓇᒡᓕᒋᒋᕚ.

ᔪᐊᓇᓯᐅᑉ ᐱᖓᔪᖏᑦ 1:10

ᑎᑭᒃᑯᒪᓕ, ᐱᓂᐊᕐᓂᕆᓯᒪᔭᖏᑦ ᓴᖅᑭᑎᑦᓱᒫᕐᐸᒃᑲ, ᐅᕙᑦᑎᓐᓂᒃ ᐱᐅᖏᑦᑐᒥᒃ ᐅᖃᕐᓂᕐᓘᑎᖃᕐᓯᒪᖕᒪᑦ, ᓱᓕᓇᓂᓗ ᐅᖃᐅᓯᖃᖃᑦᑕᕐᓗᓂ, ᑍᒤᓕᐅᑐᐃᓐᓇᓐᖏᓚᕐᓕ; ᙭ᔅᑑᓯᒥᐅᑕᐅᖃᑎᕗᓪᓕ ᑎᑭᒃᑲᓗᐊᕐᒪᑕ ᐃᓚᓕᐅᓚᐅᓐᖏᓔᑦ, ᐃᓚᓕᐅᕐᓯᔪᒪᔫᒐᓗᐊᓪᓗ ᐃᓚᓕᐅᕐᓯᖁᓚᐅᓐᖏᓔᑦ ᐅᒃᐱᕐᑑᖃᑎᒌᓂᓪᓕ ᐊᓂᑎᓐᓇᓱᐊᓚᐅᕐᐰᑦ.

ᔪᐊᓇᓯᐅᑉ ᐱᖓᔪᖏᑦ 1:11

ᓇᒡᓕᖕᓇᕐᑐᑎᑦ, ᐱᐅᖏᑦᑐᑦ ᒪᓕᖕᓂᐊᕐᓇᒋᑦ ᐱᐅᔪᓪᓕ ᒪᓕᖔᒃᑭᑦ. ᐱᐅᔪᒥᒃ ᐱᓇᓱᐊᕐᑐᖅ ᒎᑎᒥᑦ ᐱᕗᖅ; ᐱᐅᖏᑦᑐᒥᒡᓕ ᐱᓇᓱᐊᕐᑐᖅ ᒎᑎᒥᒃ ᑕᑯᓯᒪᓐᖏᓚᖅ.

ᔪᐊᓇᓯᐅᑉ ᐱᖓᔪᖏᑦ 1:3

ᖁᕕᐊᓱᒻᒪᕆᓚᐅᕐᐳᖓ ᑐᓴᕐᑎᑕᐅᒐᒪ ᐅᒃᐱᖃᑎᕗᑦ ᑎᑭᓐᓇᒥᒃ ᐅᓂᒃᑳᓚᐅᕐᒪᑕ ᓱᓕᔪᒧᑦ ᐃᓅᓯᕐᓂ ᑲᔪᓯᑦᓯᐊᕐᓂᕋᕐᑕᐅᓪᓗᑎᑦ, ᐃᓛᒃ ᑍᒪᓐᖓᑦ ᓱᓕᓂᕐᒥ ᐃᓅᒐᕕᑦ.