ᒐᓔᑎᐊᒥᐅᓄᑦ 5:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐱᖁᔭᓂᒃ ᒪᓕᑦᓯᐊᕐᓂᒃᑯᑦ ᒎᑎᒧᑦ ᐸᓯᔭᒃᓴᐅᔪᓐᓃᕋᓱᖕᓂᐊᕈᑦᓯ; ᑕᕝᕙ ᙭ᔅᑑᓯᒥᒃ ᐊᕕᑦᑎᕗᓯ, ᒎᑎᐅᓪᓗ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓯᓚᑖᓃᓕᕐᐳᓯ.

ᒐᓔᑎᐊᒥᐅᓄᑦ 5:4 Iomraidhean Croise

ᕉᒪᒥᐅᓄᑦ 11:6

ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ ᐱᓇᓱᐊᕈᓂ, ᑕᕝᕙ ᐱᓂᐊᕐᓂᕐᒥᒃ ᑐᓐᖓᕕᖃᕐᓗᓂ ᐱᓇᓱᐊᓐᖏᓚᖅ; ᑍᒤᓐᖏᑐᐊᕐᐸᓪᓕ ᑕᕝᕙ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐱᔪᓐᓇᕐᑎᑦᓯᓂᐅᔪᓐᓃᕋᔭᕐᐳᖅ.

ᕉᒪᒥᐅᓄᑦ 3:20

ᑍᒤᒻᒪᑦ ᒎᑎᐅᑉ ᓵᖓᓂ ᓈᒻᒪᒋᔭᐅᔪᓐᓇᕐᑐᖃᕐᓂᐊᓐᖏᓚᖅ ᐱᖁᔭᓂᒃ ᒪᓕᖕᓂᒃᑯᑦ, ᐱᖁᔭᑎᒍᑦ ᖃᐅᔨᑎᑕᐅᒐᑦᑕ ᐊᔪᕐᓂᕐᒥᒃ.

ᒐᓔᑎᐊᒥᐅᓄᑦ 2:21

ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᒋᓐᖏᓚᕋ, ᐱᖁᔭᑎᒍᓪᓕ ᐃᓗᐊᕐᓯᑎᑕᐅᔪᖃᕈᓐᓇᕐᐸᑦ, ᙭ᔅᑑᓯ ᑐᖁᓯᒪᒐᔭᕐᐳᖅ ᐊᑑᑎᖃᖏᑦᑐᒥᒃ.

ᒐᓔᑎᐊᒥᐅᓄᑦ 5:2

ᓇᖕᒥᓂᖅ ᐅᕙᖓ ᐸᐅᓗᓯ ᐅᖃᐅᑎᕙᑦᓯ ᓇᖕᒥᓂᖅ ᑭᐱᔭᐅᑎᒃᑯᑦᓯ ᐃᓕᑦᓯᓐᓂᒃ, ᑕᕝᕙ ᓴᖅᑭᑎᑦᓯᕗᓯ ᙭ᔅᑑᓯᐅᑉ ᐊᑑᑎᖃᖏᓐᓂᖓᓂᒃ ᐃᓕᑦᓯᓐᓄᑦ.

ᐄᑉᕈᐃᓄᑦ 12:15

ᖃᐅᔨᓴᕆᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᐊᓐᓁᔪᖃᖁᓇᒍ; ᐱᕈᕐᑐᑎᑐᑦ ᒪᒤᓕᔪᑎᑐᑦ ᑍᒤᓕᔪᖃᕐᑍᓕᓕ ᐊᑭᕋᕐᑐᕐᑎᒌᖕᓂᕐᒥᒃ ᓴᖅᑭᑎᑦᓯᔪᒥᒃ, ᐅᓄᕐᑐᓪᓗ ᑕᒪᑐᒧᖓ ᓱᒃᑯᑎᕐᑕᐅᖁᓇᒋᑦ.

ᐄᑉᕈᐃᓄᑦ 4:1

ᑍᒤᒻᒪᑦ, ᒎᑎᐅᑉ ᐊᖏᕐᕕᒋᓯᒪᕚᑎᒍᑦ ᑕᕾᕐᓯᕐᕕᒃᓴᖃᖁᓪᓗᑕ, ᐊᑏ ᑲᒪᑦᓯᐊᓕᕐᑕ ᐊᖏᕈᑕᐅᓯᒪᔪᒧᑦ ᓇᓪᓕᑦᓯᓐᓂᒃ ᐃᑎᕐᑎᑕᐅᔪᓐᓁᓪᓕᔪᖃᖁᓇᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:5

ᐃᖅᑬᓕᕆᑦ ᓇᑭᑦ ᑲᑕᒃᐸᓪᓕᐊᓕᕐᓂᕐᒪᖔᕐᐱᑦ, ᖃᕿᐊᓕᕐᓗᑎᑦ ᓯᕗᓪᓕᕐᒥᒃ ᐱᓇᓱᐊᕐᐸᓚᐅᕐᑕᑎᑦ ᐱᓇᓱᐊᓕᒃᑭᑦ. ᑍᒤᓐᓂᐊᖏᒃᑯᕕᑦ, ᕾᓗᖓ ᖃᐅᒻᒪᖅᑯᑎᕕᑦ ᐃᓂᖓ ᐲᕆᐊᕐᑐᕈᒫᕐᐸᕋ, ᖃᕿᐊᓕᖏᒃᑯᕕᑦ.