ᒐᓔᑎᐊᒥᐅᓄᑦ 5:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᒎᑎᓐᖑᐊᖃᕐᓂᖅ, ᐊᖓᒃᑰᓇᓱᐊᕐᓂᖅ, ᐊᑭᕋᕐᑐᕐᑎᒌᖕᓂᖅ, ᐂᕙᖃᑦᑕᐅᑎᓂᖅ, ᐱᔪᑑᔪᒪᓂᖅ, ᓂᓐᖓᐅᒪᓂᖅ, ᐊᖏᖃᑎᒌᒍᓐᓇᖏᓐᓂᖅ, ᑕᐱᕇᓕᓪᓗᑎᒃ ᐊᕕᒃᑐᕐᓂᖅ;

ᒐᓔᑎᐊᒥᐅᓄᑦ 5:20 Iomraidhean Croise

ᑯᕉᓂᑲ ᐂᑉᐸᖏᑦ 33:6

ᐃᕐᓂᓂᓗ ᐃᑯᐊᓪᓚᒡᓗᒋᑦ ᑐᓂᕐᕈᑎᒋᕔᑦ ᓇᕐᓴᒥ ᕼᐃᓇᒻ ᐃᕐᓂᖓᓂᒃ ᐊᑎᓕᖕᒥ, ᐱᓇᓱᐊᖃᑦᑕᓚᐅᕐᐳᕐᓗ ᓇᓚᐅᑦᑍᓇᓱᐊᕈᑎᓂᒃ ᐊᖓᒃᑰᓇᓱᐊᕈᑎᓂᒡᓗ ᓯᕗᓂᒃᓴᒥᓗ ᖃᐅᔨᒪᓇᓱᐊᕈᑎᓂᒃ, ᖃᐅᔨᓇᓱᐊᕐᑎᑦᓯᖃᑦᑕᕐᓗᓂᓗ ᑐᖁᖓᔪᓂᒃ ᐊᓂᕐᓂᓕᕆᓲᓂᒃ. ᐱᐅᖏᑦᑐᒻᒪᕆᐊᓗᖕᓂᒃ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓂᓐᖓᒃᓮᑦᔪᑎᐅᔪᓂᒃ ᑖᑦᓱᒧᖓ.

ᐃᓯᑭᐊᓕᐅᑉ ᐊᒡᓚᖏᑦ 22:18

“ᐃᓅᑉ ᐃᕐᓂᖓ, ᐃᓴᕆᐊᓕᐅᑉ ᑭᖑᕚᖏᑦ ᐅᕙᓐᓄᑦ ᐱᐅᖏᓐᓂᕐᓗᑯᑐᐃᓐᓇᐅᓕᕐᐳᑦ; ᐃᓘᓐᓇᑎᒃ ᓯᐅᓪᕕᕆᑐᑦ ᑲᓐᓄᔭᑎᑐᓪᓗ ᓴᕕᕋᔭᒃᑐᑦ ᓵᑦᑐᑎᑐᑦ ᓴᕕᕋᔭᒃᑎᑐᓪᓗ ᑯᓯᕐᓯᐊᑎᑐᓪᓗ ᐊᐅᒃᑎᑕᐅᓚᐅᕐᑎᓪᓗᒋᑦ ᐊᐅᒃᑎᑦᓯᕕᖕᒥ ᐱᐅᖏᓐᓂᕐᓗᑯᖏᑎᑐᑦ ᑍᒤᓕᕐᐳᑦ.

ᕉᒪᒥᐅᓄᑦ 2:8

ᐊᓯᖏᓪᓕ ᐃᒻᒥᖕᓂᑐᐊᖅ ᐃᓱᒪᒋᓪᓗᑎᒃ ᐱᓇᓱᐊᕐᑐᑦ ᓱᓕᓂᕐᒥᒡᓗ ᓈᓚᖏᑦᑐᑦ, ᐊᔪᕐᓂᕐᒥᒃ ᒪᓕᖔᕐᓗᑎᒃ, ᑖᒃᑯᐊ ᓂᓐᖓᒡᕕᐅᓂᕐᒧᑦ ᓱᒋᐊᕐᑕᐅᓂᕐᒧᓪᓗ ᑎᑭᑦᓱᒫᕐᐳᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:19

ᓇᓗᓇᓐᖏᓚᖅ ᐊᕕᒃᓯᒪᓂᖃᕆᐊᖃᕋᑦᓯ ᓇᓛᒎᕐᑐᑦ ᐊᑯᓐᓇᑦᓯᓐᓂ ᓇᓗᓇᖏᑦᑐᒥᒃ ᓴᖅᑭᔮᑦᓯᐊᖁᓪᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:19

ᓯᓔᑦᑐᓂᒃ ᖃᓄᐃᒃᓴᓐᖏᓚᓯ, ᓇᖕᒥᓂᖅ ᓯᓚᑐᔫᒐᑦᓯ!

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:20

ᓯᕘᕋᒐᒪ ᐃᓱᒪᒋᔭᑦᑐᑦ ᑕᑯᓂᐊᕋᓱᒋᖏᓪᓗᓯ, ᐃᓱᒪᒋᔭᑦᓯᑐᓪᓗ ᑕᑯᔭᐅᓂᐊᕋᓱᒋᓇᖓ ᐃᓕᑦᓯᓐᓄ; ᓯᕘᕋᕗᖓ ᐂᕙᓂᖃᕐᓂᐊᕋᓱᒋᓪᓗᒍ ᐱᓂᕐᓴᐅᔪᒪᔪᖃᕐᓂᐊᕋᓱᒋᓪᓗᒍᓗ, ᓂᓐᖓᐅᒪᓂᕐᑕᖃᕐᓂᐊᕋᓱᒋᕙᕋ, ᓇᖕᒥᓂᕐᓯᐅᕐᓂᕐᑕᖃᕐᓂᐊᕋᓱᒋᓪᓗᒍ, ᐅᖃᕐᓂᕐᓘᑎᓂᖃᕐᓂᐊᕋᓱᒋᕙᕋ ᑎᕐᓕᐊᖃᑦᑕᐅᑎᓂᕐᑕᖃᕐᓂᐊᕋᓱᒋᓪᓗᒍᓗ, ᐃᒻᒥᓂᒃ ᓂᕐᑑᑎᓂᕐᑕᖃᕐᓂᐊᕋᓱᒋᕙᕋ, ᐋᖅᑭᒃᓯᒪᑦᓯᐊᖏᓐᓂᕐᑕᖃᕐᓂᐊᕋᓱᒋᓪᓗᒍᓗ.

ᒐᓔᑎᐊᒥᐅᓄᑦ 5:15

ᐃᓕᑦᓯᓐᓄᓪᓕ ᐆᒪᔪᑎᑐᑦ ᐹᑐᐃᓐᓇᖃᑦᑕᕈᑦᓯ ᐋᓂᕐᓯᖃᑕᐅᑎᓗᓯ ᐱᓂᕐᓕᖃᑕᐅᑎᓗᓯᓗ ᖃᐅᔨᒪᓕᕆᑦᓯ ᐃᓅᖃᑎᒌᖕᓂᓯ ᓱᕋᓛᐳᖅ.

ᒨᓯᓯ ᑕᓪᓕᒪᖏᑦ 18:10

ᑐᓂᕐᕈᓯᕐᕕᖕᒥ ᐃᑯᐊᓚᑦᓯᓂᒃᑯᑦ ᑐᓂᓯᓕᕐᑎᓪᓗᓯ ᕿᑐᕐᖓᑦᓯᓐᓂᒃ ᑐᓂᕐᕈᓯᕐᑐᒃᓴᐅᓐᖏᓚᓯ; ᐃᓄᖁᑎᓯ ᓇᓚᐅᑦᑍᓇᓱᐊᖃᑦᑕᕐᑐᒃᓴᐅᓐᖏᓚᑦ ᐅᕝᕙᓗ ᓯᕗᓂᕐᒧᑦ ᓇᓚᐅᑦᑍᑦᔪᑎᖃᕋᓱᒃᑐᒃᓴᐅᓐᖏᓚᑦ ᐅᕝᕙᓗ ᐃᓕᓰᕐᓯᓇᓱᒃᑐᒃᓴᐅᓇᑎᒃ ᓱᓇᑐᐃᓐᓇᕐᒥᒃ ᐊᑐᕐᓗᑎᒃ;

ᑍᑑᓯᒧᑦ 3:10

ᐃᓄᒃ ᐃᓅᖃᑎᒥᓂᒃ ᐊᕕᑎᑦᓯᔪᖅ ᐊᑕᐅᓯᐊᕐᓗᒍ ᒪᕐᕈᐃᕐᑐᕐᓗᒍᓘᓐᓃᑦ ᐃᓂᕐᑎᓚᐅᖅᑳᕐᓗᒍ, ᑭᖑᓂᖓᒍᑦ ᑲᒪᒋᓇᓱᐊᒃᑲᓐᓂᕈᓐᓃᕈᒃ.

ᔧᒥᓯᐅᑉ ᐊᒡᓚᖏᑦ 3:14

ᐆᒻᒪᑎᑦᓯᒍᑦ ᐊᓐᓂᕈᑦᔨᓂᕐᒥᒃ ᐱᔪᑑᔪᒪᓂᕐᒥᒡᓗ ᐱᖃᕈᑦᓯ, ᓂᕐᑑᑎᓂᐊᕋᓯ ᓴᒡᓗᖁᓇᓯ ᓱᓕᔪᒧᑦ.

ᐲᑦᑐᕉᓯ ᐂᑉᐸᖏᑦ 2:1

ᖄᖏᕐᓯᒪᓕᕐᑐᒥ ᓇᓚᐅᑦᑍᓂᕐᓗᒃᑐᑦ ᓴᕿᓛᐅᕐᒪᑕ ᐃᓄᖕᓄᑦ, ᑍᒫᒃᑕᐅᖅ ᐊᔪᕆᕐᓱᐃᓂᕐᓗᒃᑐᑦ ᐃᓕᑦᓯᓐᓄᑦ ᓴᖅᑭᑦᓱᒫᕆᕗᑦ, ᑖᒃᑯᐊ ᐊᓯᕈᕐᓇᕐᑐᒥᒃ ᓇᓛᒎᖏᑦᑐᒥᒃ ᐊᔪᕆᕐᓱᐃᔪᓯᖃᕈᒫᕐᐳᑦ, ᐊᒡᓛᑦ ᓱᓕᖏᒃᓂᕅᔪᒫᕐᐳᑦ ᐊᑕᓂᕐᒥᒃ ᐱᐅᓕᔨᒋᓚᐅᕐᑕᒥᖕᓂᑦ, ᐃᒻᒥᖕᓄᓪᓗ ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᔪᒫᕐᐳᑦ.

ᔪᐊᓇᓯ ᓯᕗᓪᓖᑦ 3:15

ᓇᓪᓕᐊᑦ ᐅᒃᐱᕐᑑᖃᑎᒥᓂᒃ ᐆᒥᓱᒃᑐᖅ ᑖᓐᓇ ᐃᓄᐊᕐᑎᐅᕗᖅ, ᖃᐅᔨᒪᕗᓯᓗ ᐃᓄᐊᕐᑎ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐃᓗᒥᐅᑕᖃᖏᒻᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᓴᒧᐃᓕ ᓯᕗᓪᓖᑦ 15:23

ᐊᑭᕋᕐᑐᕐᓂᖅ ᐊᔪᕐᓂᐅᕗᖅ ᐊᖓᒃᑰᓇᓱᐊᕐᑐᑎᑐᑦ, ᓯᑎᔫᓂᕐᓗ ᐱᐅᖏᑦᑐᓕᓂᐅᕗᖅ ᒎᑎᓐᖑᐊᖃᕐᑐᑎᑐᑦ. ᓇᕐᕈᓚᐅᕋᕕᑦ ᐊᑕᓂᐅᑉ ᐅᖃᐅᓯᖓᓂᒃ, ᑍᒫᒃᑕᐅᖅ ᓇᕐᕈᒋᓕᕐᐹᑎᑦ ᐊᖓᔪᖅᑳᕐᔪᐊᖑᓂᕐᓂᑦ.”