18 ᐊᓂᕐᓂᕐᒧᓪᓕ ᑕᓯᐅᕐᑕᐅᒍᑦᓯ ᐱᖁᔭᓄᑦ ᑕᑉᕙ ᐊᐅᓚᑕᐅᑐᐃᓐᓇᕐᓂᐊᖏᓚᓯ.
ᐱᓱᒃᐳᖓ ᐊᖅᑯᑎᒃᑯᑦ ᓇᓛᒎᕐᓂᒃᑯᑦ; ᐊᑦᔨᒌᒃᑎᑦᓯᓂᐅᓪᓗ ᐊᖅᑯᑎᖓᓂᒃ ᐊᑐᕐᓗᖓ.
ᐊᓂᕐᓂᕋᓗ ᐃᓗᑦᓯᓐᓄᐊᕈᒫᕐᐸᕋ, ᐃᓅᓯᕆᔭᐅᖁᔭᓐᓂᒃ ᐃᓅᔪᓐᓇᕐᓯᖁᓪᓗᓯ ᐊᑐᕐᑕᐅᖁᔭᒃᑲᓗ ᒪᓕᑦᓯᐊᕈᓐᓇᕐᓯᓗᓯᐅᒃ.
ᓱᓕᔫᓪᓕ ᐊᓂᕐᓂᖓ ᑎᑭᒃᑯᓂ, ᓱᓕᓂᕐᓄᑦ ᑕᒤᓐᓄᑦ ᑕᓯᐅᓛᕐᐹᓯ; ᓇᖕᒥᓂᖅ ᐱᔪᓐᓇᕐᓂᓂ ᒪᓕᒡᓗᒍ ᐅᖃᓪᓚᓛᖏᒻᒪᑦ, ᑐᓴᕐᑕᒥᓂᒡᓕ ᐅᖃᐅᑦᔨᔪᒫᕐᐳᖅ, ᓇᓪᓕᐅᑎᔪᒫᕐᑐᓂᒡᓗ ᐅᖃᐅᑎᔪᒫᕐᐹᓯ.
ᑍᒤᒃᑭᕗᓯᑦᑕᐅᖅ ᐃᓚᒃᑳ, ᐱᖁᔭᒧᑦ ᑐᖁᓯᒪᒐᑦᓯ ᙭ᔅᑑᓯᐅᑉ ᑎᒥᖓᒍᑦ, ᐊᓯᑦᓯᓐᓄᑦ ᐱᑖᕆᔭᐅᖁᓪᓗᓯ, ᑖᑦᓱᒧᖓ ᑐᖁᖓᔪᓂᑦ ᒪᑭᓚᐅᕐᑐᒧᑦ ᒎᑎᐅᑉ ᐱᓇᓱᐊᕐᓂᖓᓄᑦ ᐸᐅᕐᖓᕆᔭᐅᖁᓪᓗᑕ.
ᑍᒤᒻᒪᑦ ᐅᒃᐱᕐᑑᖃᑎᒃᑲ ᐱᓂᐊᒐᒃᓴᖃᕐᐳᒍᑦ, ᑎᒥᑦᑕ ᐱᔪᒪᔭᖓᓅᖏᑦᑐᖅ, ᑍᒫᒡᓗ ᐃᓅᔪᒪᓂᕐᒨᖏᑦᑐᖅ.
ᒎᑎᐅᑉ ᐊᓂᕐᓂᖓᑕ ᑕᓯᐅᕐᑕᓕᒫᖏᑦ ᒎᑎᐅᑉ ᕿᑐᕐᖓᕆᖕᒪᒋᑦ.
ᐅᖃᕐᐳᖓᓕ, ᐊᓂᕐᓂᒃᑯᑦ ᐃᓅᓚᐅᕆᑦᓯ, ᑕᕝᕙ ᑎᒥᐅᑉ ᐱᔪᒪᔭᖓᓄᑦ ᐊᐅᓚᑕᐅᓂᐊᓐᖏᓚᓯ.
ᐃᓅᖃᑎᒋᔭᕐᓂᕐᑑᓂᖅ, ᓇᖕᒥᓂᕆᔭᒥᒃ ᐱᓯᒪᑦᓯᐊᕈᓐᓇᕐᓂᖅ; ᑕᒪᒃᑯᓂᖓ ᐊᑐᕐᑍᓕᖁᔨᔪᓂᒃ ᐱᖁᔭᕐᑕᖃᓐᖏᓚᖅ.
ᐊᓂᕐᓂᕐᒥ ᐃᓅᒍᑦᑕ, ᐊᐅᓚᑕᐅᓚᐅᕐᒥᑕᑦᑕᐅᖅ ᐊᓂᕐᓂᕐᒧᑦ.
ᖃᐅᔨᒪᒋᕗᒍᑦ, ᐱᖁᔭᑦ ᐋᖅᑭᒃᑕᐅᓯᒪᖏᒻᒪᑕ ᓈᒪᑦᓯᐊᕐᑐᒥᒃ ᐃᓅᔪᓄᑦ ᐱᖁᔭᖃᖏᑦᑐᓄᓪᓕ ᓈᓚᖏᑦᑐᓄᓪᓗ, ᒎᑎᖃᖏᑦᑐᓄᑦ ᐊᔪᕐᑐᓕᔪᓄᓪᓗ, ᐅᒃᐱᕋᓱᐊᓐᖏᑦᑐᓄᑦ ᒎᑎᒥᒡᓗ ᓇᕐᕈᓇᕐᑎᑦᓯᔪᓄᑦ, ᐊᑖᑕᒥᖕᓂᒃ ᐊᓈᓇᒥᖕᓂᒡᓗ ᑐᖁᑦᓯᔪᓄᑦ, ᐃᓄᐊᕐᑎᐅᔪᓄᓪᓗ,
ᒎᑎᐅᑉ ᑐᓂᓯᕕᒋᓯᒪᖏᒻᒪᑎᒍᑦ ᐊᓂᕐᓂᕐᒥᒃ ᓯᕘᕋᔪᒥᒃ ᐊᓂᕐᓂᕐᒥᒡᓕ ᐃᓗᒻᒥᕐᑎᑉᐹᑎᒍᑦ ᐱᔪᓐᓇᕐᓂᕐᒥᒃ ᓇᒡᓕᖕᓂᕐᒥᒡᓗ ᓇᖕᒥᓂᕐᓗ ᐱᓯᒪᑦᓯᐊᕈᒃᓇᕐᑎᑦᓯᔪᒥᒃ.
