ᒐᓔᑎᐊᒥᐅᓄᑦ 5:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐃᓕᑦᓯᓕ ᐅᒃᐱᕐᑑᖃᑎᒃᑲ, ᕿᓚᕈᑦᔮᕐᑕᐅᖁᓪᓗᓯ ᕾᖁᔭᐅᓯᒪᕗᓯ; ᕿᓚᕈᑦᔮᕐᑕᐅᓯᒪᓂᓯᓕ ᑎᒥᐅᑉ ᐱᔪᒪᔭᖓᓄᑦ ᐊᐅᓚᑕᐅᑦᔪᑎᒋᓕᕐᑍᓕᓯᐅᒃ, ᓇᒡᓕᖕᓂᒃᑯᓪᓕ ᐊᑐᓂᑦ ᐱᔨᑦᓯᖃᑦᑕᐅᑎᓕᕆᑦᓯ.

ᒐᓔᑎᐊᒥᐅᓄᑦ 5:13 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 61:1

ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᓘᑲᓯᐅᑉ ᐊᒡᓚᖏᑦ 4:18

“ᐊᑕᓂᐅᑉ ᐊᓂᕐᓂᖓᑕ ᓇᔪᕐᐹᖓ, ᓂᕈᐊᓚᐅᕐᐹᖓ ᐊᔪᕆᕐᑐᐃᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᒃᖢᔪᓄᑦ. ᑎᓕᕚᖓᓗ ᐅᖃᐅᑦᔨᖁᓪᓗᖓ ᑎᒍᔭᐅᓯᒪᔪᑦ ᐊᓂᑎᑕᐅᖁᓪᓗᒋᑦ, ᑕᐅᑐᖏᑦᑐᑦ ᑕᐅᑐᓕᕐᑎᑕᐅᖁᓪᓗᒋᑦ, ᓵᓚᒋᔭᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 20:35

ᓇᖕᒥᓂᖅ ᖃᐅᔨᑎᓚᐅᕐᐸᑦᓯ ᐊᒃᓱᕈᕐᓂᑦᑎᓐᓄᑦ ᐱᓇᓱᐊᕐᓗᑕ ᓴᓐᖐᑦᑐᓂᒃ ᐃᑲᔪᕆᐊᖃᕋᑦᑕ, ᐊᑕᓂᐅᑉ ᔩᓱᓯᐅᑉ ᐅᖃᐅᓯᖏᑦ ᐃᖅᑲᕐᓗᒋᑦ ᐅᖃᕐᓯᒪᖕᒪᑦ, ‘ᑐᓂᓯᓂᖅ ᓮᒻᒪᕐᑎᑕᐅᓇᕐᓂᕐᓴᐅᕗᖅ ᐂᑦᑐᕐᑕᐅᓂᕐᒥᑦ.’”

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:9

ᐃᒃᐱᒍᓱᑦᓯᐊᕆᑦᓯᓕ, ᑕᒪᓐᓇ ᕿᓚᒃᓱᕐᑕᐅᓯᒪᖏᓐᓂᖅ ᐱᓂᐊᕐᓂᒃᑯᑦ ᐊᒡᕕᐊᕈᑕᐅᓕᖁᓇᒍ ᐅᒃᐱᕐᓂᕐᒥ ᓴᓐᖐᑦᑐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:19

ᐃᓄᖕᒧᑦ ᑭᓇᒧᓪᓘᓐᓃᑦ ᓂᐅᕕᐊᕆᔭᐅᓯᒪᓗᖓ ᐱᒋᔭᐅᓐᖏᓚᖓ, ᐅᕙᓐᓂᒡᓕ ᑕᒤᓐᓄᑦ ᐱᒋᔭᐅᑎᑉᐳᖓ, ᐃᓄᐃᑦ ᐅᓄᕐᓂᕐᓮᑦ ᐱᐅᓕᔭᐅᖁᓪᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:15

ᖁᕕᐊᓱᒃᑲᔭᕐᐳᖓ ᓇᖕᒥᓂᖅ ᑐᓂᑦᔪᑎᒋᒍᒪ ᓱᓇᓕᒫᓐᓂᒡᓗ ᑕᕐᓂᓯ ᐱᑦᔪᑎᒋᓗᒋᑦ. ᓇᒡᓕᒋᖏᓐᓂᕐᓴᕆᒐᔭᕐᐱᓯᓐᖔ? ᓇᒡᓕᒋᓂᕐᓴᕆᒍᑦᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:8

ᑕᕝᕙ ᐃᓇᑉᐸᑦᓯ ᑖᑦᓱᒥᖓ ᖃᐅᔨᑎᑦᓯᖁᓪᓗᓯ ᓇᒡᓕᒍᓱᓪᓚᕆᖕᓂᑦᓯᓐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:17

ᐊᑕᓂᕐᓕ ᐊᓂᕐᓂᐅᖕᒪᑦ; ᐊᑕᓂᐅᓪᓗ ᐊᓂᕐᓂᖓ ᓇᔫᑎᓕᕌᖓᑦ, ᑕᕝᕙᓂ ᕿᓚᕈᑦᔮᕐᓯᒪᓂᖃᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:5

ᓇᖕᒥᓂᖅ ᐅᕙᑦᑎᓐᓂᒃ ᐊᔪᕆᕐᑐᐃᑦᔪᑎᒋᖏᓐᓇᑦᑕ, ᔩᓱᓯᐅᓪᓕ ᙭ᔅᑑᓯᐅᑉ ᐊᑕᓂᐅᓂᖓ ᐊᔪᕆᕐᑐᐃᑦᔪᑎᒋᕙᕗᑦ, ᐅᕙᑦᑎᓐᓂᒡᓗ ᐱᔨᐅᑎᓪᓗᑕ ᐃᓕᑦᓯᓐᓄᑦ ᔩᓱᓯ ᐱᑦᔪᑎᒋᓪᓗᒍ.

ᒐᓔᑎᐊᒥᐅᓄᑦ 2:4

ᐃᓚᖏᑦ ᐅᒃᐱᕐᑑᖃᑕᐅᓐᖑᐊᕐᑐᑦ ᐃᓚᓕᐅᑎᓚᐅᕐᒪᑕ, ᐅᕙᑦᑎᓐᓂᒃ ᖃᐅᔨᓴᕋᓱᐊᕐᓗᑎᒃ ᕿᓚᕈᔮᕐᑕᐅᓯᒪᓂᕆᔭᑦᑎᓐᓂᒃ ᔩᓱᓯ ᙭ᔅᑑᓯᒥᒃ ᐃᓚᖃᕐᓂᑦᑎᓐᓄᑦ, ᐅᕙᑦᑎᓐᓂᒃ ᐊᔪᓕᕐᑎᑦᓯᓗᑎᒃ ᓯᐊᓛᕐᑖᕈᒪᒧᑦ.

ᒐᓔᑎᐊᒥᐅᓄᑦ 4:22

ᐅᖃᕐᓯᒪᖕᒪᑕ ᐂᑉᕋᕼᐋᒻᒎᖅ ᐃᕐᓂᖃᓚᐅᕐᐳᖅ ᒪᕐᕉᖕᓂᒃ, ᐂᑉᐸᖓ ᓯᐊᓛᒃᑯᑦ ᐃᕐᓂᖓ, ᐂᑉᐸᖓᓕ ᓯᐊᓛᖑᖏᑦᑐᒃᑯᑦ ᐃᕐᓂᖓ.

ᒐᓔᑎᐊᒥᐅᓄᑦ 5:1

ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓯᒪᕗᒍᑦ ᙭ᔅᑑᓯᐅᑉ ᕿᓚᕈᑦᔮᓚᐅᕐᒪᑎᒍᑦ; ᑍᒤᒻᒪᑦ ᓂᑯᕕᖓᑦᓯᐊᕐᓗᓯ ᐃᓅᓕᕆᑦᓯ, ᐃᓕᑦᓯᓐᓂᒡᓗ ᓯᐊᓛᕆᔭᐅᓂᕐᒧᑦ ᑐᓂᒃᑲᓐᓂᕐᑍᓕᓕᕆᑦᓯ.

ᒐᓔᑎᐊᒥᐅᓄᑦ 5:14

ᐱᖁᔭᓕᒫᑦ ᓈᒻᒪᒃᓯᑎᑕᐅᖕᒪᑕ ᐅᖃᐅᓯᕐᒧᑦ ᐊᑕᐅᓯᕐᒧᑦ ᐃᒤᓕᔪᒧᑦ: “ᐃᓅᖃᑎᖕᓂᒃ ᓇᖕᒥᓂᕐᑐᑦ ᓇᒡᓕᒍᓱᒃᑐᒃᓴᐅᕗᑎᑦ.”

ᒐᓔᑎᐊᒥᐅᓄᑦ 5:22

ᐊᓂᕐᓂᐅᓪᓕ ᐱᕈᕐᑎᑕᖏᑦ ᑕᕝᕙ ᓇᒡᓕᖕᓂᖅ, ᖁᕕᐊᓱᖕᓂᖅ, ᖃᓄᐃᖏᑦᓯᐊᕐᓂᖅ, ᕿᓄᐃᓵᕐᓂᖅ, ᐱᑦᓯᐊᕐᓂᖅ, ᐃᓄᑦᓯᐊᕙᐅᓂᖅ, ᓱᖁᓯᕈᓐᓇᖏᓐᓂᖅ,

ᒐᓔᑎᐊᒥᐅᓄᑦ 6:2

ᐅᖁᒤᑦᑐᑎᒍᑦ ᐃᑲᔪᖃᑦᑕᐅᑎᖃᑦᑕᕆᑦᓯ, ᑍᒤᓕᐅᕈᑦᓯ ᑕᕝᕙ ᙭ᔅᑑᓯᐅᑉ ᐱᖁᔭᖓᓂᒃ ᓈᓚᖕᓂᐊᕐᐳᓯ.

ᐃᐱᓯᒥᐅᓄᑦ 5:21

ᐃᓕᑦᓯᓐᓄᑦ ᐊᑐᓂᑦ ᑐᓂᖃᑦᑕᐅᑎᓯᒪᑦᓯᐊᕆᑦᓯ ᙭ᔅᑑᓯᒧᑦ ᑐᓂᓯᒪᓂᕆᔭᑦᓯᑐᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:3

ᐃᖅᑲᐅᒪᒐᑦᑕ ᒎᑎᑦᑕ ᐊᑖᑕᑦᑕᓗ ᓵᖓᓂ ᐅᒃᐱᕐᓂᖃᕐᓗᓯ ᐱᓂᐊᕐᓂᑦᓯᒍᑦ ᓴᖅᑭᑎᑕᐅᖕᒪᑦ ᓇᒡᓕᖕᓂᕐᒧᓪᓗ ᐊᒃᓱᕈᕐᓗᓯ ᐱᓇᓱᐊᕐᓂᑦᓯᓐᓂᒃ, ᓂᕆᐅᖕᓂᓯᓗ ᓱᕐᕋᔪᐃᑦᑑᓂᖓ ᐊᑕᓂᑦᑎᓐᓂᒃ ᔩᓱᓯ ᙭ᔅᑑᓯᒥ.

ᐲᑦᑐᕉᓯ ᓯᕗᓪᓖᑦ 2:16

ᕿᓚᕈᑦᔮᕐᑕᐅᓯᒪᔪᑎᑐᑦ ᐃᓅᒋᑦᓯ, ᕿᓚᕈᑦᔮᕐᑕᐅᓯᒪᓂᓯᓕ ᐃᔨᕋᑦᑐᕈᑎᒋᑦᑍᓕᓯᐅᒃ ᐱᐅᖏᑦᑐᒥᒃ ᐱᓇᓱᐊᕈᑎᑖᕆᓗᒍ; ᐃᓅᓯᖃᕆᑦᓯᓕ ᒎᑎᐅᑉ ᐱᔨᖏᑎᑐᑦ.

ᐲᑦᑐᕉᓯ ᐂᑉᐸᖏᑦ 2:19

ᐅᖃᐅᑦᔪᕐᓗᒋᓪᓗ ᕿᓚᕈᑦᔮᕐᑕᐅᓂᐊᕐᓂᕋᓗᒋᑦ, ᓇᖕᒥᓂᕐᓗ ᐊᔪᓕᕐᕕᖃᕐᓯᒪᒋᕗᑦ ᐃᓅᓯᑎᐊᕙᐅᓐᖏᑐᒧᑦ ᐃᓕᖅᑯᓯᕾᓐᓇᕐᓇᕐᑐᒥᒃ; ᑖᑦᓱᒧᖓ ᓵᓚᒋᔨᒋᔭᒥᓄᑦ ᐱᔨᒋᔭᐅᓕᕐᒪᑦ.

ᔫᑎᐅᑉ ᐊᒡᓚᖏᑦ 1:4

ᐃᓚᖏᑦ ᐱᖏᑦᓯᕐᑐᕐᓗᑎᒃ ᐅᕙᑦᑎᓐᓄᑦ ᐃᓚᓕᐅᑎᓯᒪᖕᒪᑕ ᑍᑦᓱᒪᓂᐊᓗᖕᓂᑦ ᐅᖃᐅᓯᐅᔭᕇᕐᓯᒪᔪᑦ ᓱᒋᐊᕐᑕᐅᓛᕐᓂᕐᒥᖕᓂᒃ ᐱᓯᒪᓕᕇᕐᑐᑦ, ᑖᒃᑯᐊ ᐅᒃᐱᖏᑦᑐᑦ ᒎᑎᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᓇᕐᓯᑎᑉᐹᑦ ᐃᒃᓯᒎᕐᓂᕐᒥᖕᓂᒃ ᐊᑐᕐᓂᕐᒥᖕᓄᑦ ᓱᓇᐅᑎᓐᖏᓛᓪᓗ ᐊᖓᔪᖅᑳᑐᐊᕗᑦ ᐊᑕᓂᑐᐊᕗᓪᓗ ᔩᓱᓯ ᙭ᔅᑑᓯ.