ᒐᓔᑎᐊᒥᐅᓄᑦ 5:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓯᒪᕗᒍᑦ ᙭ᔅᑑᓯᐅᑉ ᕿᓚᕈᑦᔮᓚᐅᕐᒪᑎᒍᑦ; ᑍᒤᒻᒪᑦ ᓂᑯᕕᖓᑦᓯᐊᕐᓗᓯ ᐃᓅᓕᕆᑦᓯ, ᐃᓕᑦᓯᓐᓂᒡᓗ ᓯᐊᓛᕆᔭᐅᓂᕐᒧᑦ ᑐᓂᒃᑲᓐᓂᕐᑍᓕᓕᕆᑦᓯ.

ᒐᓔᑎᐊᒥᐅᓄᑦ 5:1 Iomraidhean Croise

ᐃᓐᖏᕈᑎᑦ 51:12

ᐱᐅᓕᒃᓯᓂᕐᐱᑦ ᖁᕕᐊᓇᕐᓂᖓ ᐅᑎᕐᑎᓚᐅᕈᒃ ᐅᕙᓐᓄᑦ, ᑐᓂᓯᕕᒋᓗᖓᓗ ᐊᓂᕐᓂᕐᒥᒃ ᓈᓚᑦᓯᐊᕈᓐᓇᕐᑐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:23

ᓱᓕᔪᖅ ᓂᐅᕕᐊᕆᒍᒃ, ᓂᐅᕐᕈᑎᒋᓂᐊᕐᓇᒍᓗ; ᓯᓚᑐᓂᕐᓗ ᓂᐅᕕᐊᕆᒍᒃ, ᐃᓕᓐᓂᐊᕐᑎᑕᐅᓂᕐᓗ, ᑐᑭᓯᑦᓯᐊᕐᓂᕐᓗ.

ᐂᓮᐊᓯᐅᑉ ᐊᒡᓚᖏᑦ 61:1

ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᒫᑎᐅᓯᐅᑉ ᐊᒡᓚᖏᑦ 23:4

ᓇᖕᒪᒐᒃᓴᓂᒃ ᕿᓚᒃᓱᐃᕗᑦ ᐅᖁᒤᑦᑐᓂᒃ, ᐃᓄᐃᑦ ᓇᖕᒪᖕᓂᐊᕐᑕᖏᓐᓂᒃ; ᓇᖕᒥᓂᕐᓕ ᒥᑭᔪᒥᒡᓘᓐᓃᑦ ᐊᒃᑐᐃᔪᒪᓇᑎᒃ.

ᓘᑲᓯᐅᑉ ᐊᒡᓚᖏᑦ 5:38

ᐅᐂᓂᓕ ᓄᑖᖅ ᐊᒥᕐᒧᑦ ᓄᑖᒧᑦ ᐃᒻᒥᕐᓲᑎᔭᐅᔪᒃᓴᐅᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 15:10

ᒫᓐᓇᓕ ᓱᖕᒪᑦ ᒎᑎ ᐆᒃᑐᕋᓱᐊᕐᐱᓯᐅᒃ, ᐅᖁᒤᓐᓇᕐᑐᓂᒃ ᐃᓕᓯᔪᒪᓪᓗᓯ ᐃᓕᓐᓂᐊᕐᑎᓄᑦ ᓯᕗᓕᕕᓂᑦᑕᓘᓐᓃᑦ, ᐅᕙᒍᓪᓘᓐᓃᑦ ᐊᒡᔭᕈᓐᓇᓚᐅᖏᑕᑦᑎᓐᓃᒃ?

ᕉᒪᒥᐅᓄᑦ 6:14

ᐊᔪᕐᓂᖅ ᐱᔪᓐᓇᕐᓂᖃᕈᓐᓃᕐᒪᑦ ᐃᓕᑦᓯᓐᓄᑦ, ᐱᖁᔭᓄᑦ ᐱᓯᒪᔭᐅᔪᓐᓃᕋᑦᓯ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐱᓯᒪᔭᐅᓕᕐᐳᓯ.

ᕉᒪᒥᐅᓄᑦ 6:18

ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓯᒪᓂᑦᓯᓐᓄᑦ, ᐃᓗᐊᕐᑐᓕᓂᕐᒧᑦ ᑭᒡᒐᕆᔭᐅᓕᕐᓯᒪᒐᑦᓯ.

ᕉᒪᒥᐅᓄᑦ 7:3

ᐊᓯᓐᓂᐊᕐᑐᒥᒃ ᑍᔭᐅᒐᔭᕐᐳᖅ ᐊᖑᒻᒥᒃ ᐊᓯᐊᓂᒃ ᓇᔪᕐᑎᖃᕈᓂ ᐅᐃᖓ ᐃᓅᑎᓪᓗᒍ ᓱᓕ; ᐅᐃᖓᓕ ᑐᖁᒃᐸᑦ ᐱᖁᔭᒧᑦ ᕿᓚᒃᓱᕐᑕᐅᓯᒪᔪᓐᓃᕐᐳᖅ, ᐊᓯᐊᓂᒃ ᐅᐃᓂᒃᑲᓗᐊᕈᓂ ᐊᓯᓐᓂᐊᕐᑐᒥᒃ ᑍᔭᐅᓐᖏᓚᖅ.

ᕉᒪᒥᐅᓄᑦ 7:6

ᒫᓐᓇᓕ ᐱᖁᔭᒥᑦ ᐲᕐᑎᑕᐅᓯᒪᓕᕋᑦᑕ, ᑐᖁᖓᓕᕐᐳᒍᑦ ᑖᑦᓱᒧᖓ ᑎᒍᒥᐊᕐᑎᒋᓚᐅᕐᑕᑦᑎᓐᓄᑦ, ᑭᒡᒐᕐᑐᖁᓇᑕ ᐱᖁᔧᑦ ᑎᑎᕋᕐᓯᒪᔪᑐᕾᑦ ᒪᓕᒡᓗᒋᑦ, ᑭᒡᒐᕐᑐᖁᓪᓗᑕᓕ ᐃᓅᓯᕐᒥᒃ ᓄᑖᒥᒃ ᐊᓂᕐᓂᒃᑯᑦ.

ᕉᒪᒥᐅᓄᑦ 8:15

ᐊᓂᕐᓂᕐᒥᒃ ᐱᑎᑕᐅᓯᒪᖏᓐᓇᑦᓯ ᑭᒡᒐᐅᑎᑦᓯᔪᒥᒃ ᓯᕘᕋᓂᕐᒧᑦ, ᐊᓂᕐᓂᕐᒥᒡᓕ ᑐᓂᓯᕕᐅᕗᓯ ᒎᑎᒧᑦ ᕿᑐᕐᖓᕆᔭᐅᑎᑦᓯᔪᒥᒃ. ᑖᑦᓱᒨᓇ ᓂᓪᓕᐊᕗᒍᑦ, “ᐋᐸ ᐊᑖᑖᒃ!”

ᕉᒪᒥᐅᓄᑦ 8:2

᙭ᔅᑑᓯ ᔩᓱᓯᒃᑯᑦ ᐊᓂᕐᓂᐅᑉ ᐃᓅᓯᖃᕐᑎᑦᓯᔫᑉ ᐱᖁᔭᖏᑎᒍᑦ ᕿᓚᕈᑦᔮᕐᑕᐅᒐᒪ ᐊᔪᕐᓂᐅᑉ ᑐᖂᓪᓗ ᐱᖁᔭᖏᓐᓂᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:58

ᑍᒤᒻᒪᑦ ᐃᓚᒃᑳ, ᓱᕐᕋᔪᐃᑦᑑᓗᓯ ᓇᖏᕆᑦᓯ, ᓱᓇᑐᐃᓐᓇᕐᒧᑦ ᐊᐅᓚᑕᐅᓕᕐᑍᓕᓗᓯ, ᐃᓕᑦᓯᓐᓂᒃ ᑍᒪᓐᖓᑦ ᑐᓂᓯᒪᓗᓯ ᐊᑕᓂᐅᑉ ᐱᓇᓱᐊᕐᓂᖓᓄᑦ, ᖃᐅᔨᒪᒐᑦᓯ ᐱᓇᓱᐊᕐᓂᓯ ᐊᑕᓂᕐᒥ ᑕᒪᐅᖓᑐᐃᓐᓈᕐᑐᖃᕐᓂᐊᖏᒻᒪᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:13

ᖃᐅᔨᓴᑦᓯᐊᕆᑦᓯ, ᐅᒃᐱᕐᓂᕐᒥ ᓂᑯᕕᖓᑦᓯᐊᕐᓗᓯ, ᓯᕘᕋᖏᓪᓗᓯ, ᓴᓐᖏᔫᓗᓯᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:22

ᐃᓄᖕᒧᑦ ᓂᐅᕕᐊᖑᓯᒪᑎᓪᓗᒍ ᐊᑕᓂᕐᒧᑦ ᕾᖁᔭᐅᔪᖅ ᐊᑕᓂᐅᑉ ᐱᒋᔭᐅᔪᓐᓃᕐᑎᒻᒪᒍ. ᑍᒫᒃᑕᐅᖅ ᐃᓄᖕᒧᑦ ᓂᐅᕕᐊᖑᓯᒪᑎᓐᓇᒍ ᕾᖁᔭᐅᔪᖅ ᙭ᔅᑑᓯᐅᑉ ᓇᖕᒥᓂᕐᑖᕆᕚ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:20

ᐊᒡᓛᑦ ᖃᓄᐃᒃᓴᓐᖏᓚᓯ ᐃᓕᑦᓯᓐᓄᑦ ᐊᖓᔪᖅᑲᐅᓯᕐᑐᓂᒃ, ᐱᒋᔭᓯᓐᓂᒃ ᐊᕐᓵᕐᓯᔪᓂᒃ, ᐃᓕᑦᓯᓐᓂᒃ ᓵᓚᓯᐊᖃᕐᑐᓂᒃ, ᐃᒻᒥᖕᓂᒃ ᐊᖓᔪᖅᑳᖑᔪᒪᔪᓂᒃ, ᑮᓇᑦᓯᒍᓪᓘᓐᓃᑦ ᑎᒡᓗᒃᓯᔪᓂᒃ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:17

ᐊᑕᓂᕐᓕ ᐊᓂᕐᓂᐅᖕᒪᑦ; ᐊᑕᓂᐅᓪᓗ ᐊᓂᕐᓂᖓ ᓇᔫᑎᓕᕌᖓᑦ, ᑕᕝᕙᓂ ᕿᓚᕈᑦᔮᕐᓯᒪᓂᖃᕐᐳᖅ.

ᒐᓔᑎᐊᒥᐅᓄᑦ 2:4

ᐃᓚᖏᑦ ᐅᒃᐱᕐᑑᖃᑕᐅᓐᖑᐊᕐᑐᑦ ᐃᓚᓕᐅᑎᓚᐅᕐᒪᑕ, ᐅᕙᑦᑎᓐᓂᒃ ᖃᐅᔨᓴᕋᓱᐊᕐᓗᑎᒃ ᕿᓚᕈᔮᕐᑕᐅᓯᒪᓂᕆᔭᑦᑎᓐᓂᒃ ᔩᓱᓯ ᙭ᔅᑑᓯᒥᒃ ᐃᓚᖃᕐᓂᑦᑎᓐᓄᑦ, ᐅᕙᑦᑎᓐᓂᒃ ᐊᔪᓕᕐᑎᑦᓯᓗᑎᒃ ᓯᐊᓛᕐᑖᕈᒪᒧᑦ.

ᒐᓔᑎᐊᒥᐅᓄᑦ 3:25

ᒫᓐᓇᓕ ᐅᒃᐱᕐᓂᑰᕐᓂᖅ ᑎᑭᒻᒪᑦ, ᐱᖁᔭᓄᑦ ᐊᔪᓕᕐᑎᑕᐅᓯᒪᓗᑕ ᐱᓯᒪᔭᐅᔪᓐᓃᕐᐳᒍᑦ.

ᒐᓔᑎᐊᒥᐅᓄᑦ 4:26

ᕿᓚᖕᒥᓕ ᔨᕉᓴᓕᐅᔪᒫᕐᑐᖅ ᕿᓚᒃᓱᕐᑕᐅᓯᒪᓐᖏᓚᖅ, ᑖᓐᓇᓗ ᑕᕝᕙ ᐊᓈᓇᒋᕙᕗᑦ.

ᒐᓔᑎᐊᒥᐅᓄᑦ 4:31

ᑍᒤᒻᒪᑦ ᐅᒃᐱᕐᑑᖃᑎᒃᑲ, ᐊᕐᓇᒧᑦ ᓯᐊᓛᒧᑦ ᕿᑐᕐᖓᕆᔭᐅᓐᖏᓚᒍᑦ ᓯᐊᓛᖑᖏᑦᑐᒧᓪᓕ.

ᒐᓔᑎᐊᒥᐅᓄᑦ 4:9

ᒫᓐᓇᓕ ᒎᑎᒥᒃ ᖃᐅᔨᒪᓕᕋᑦᓯ, ᐅᕝᕙᓗ ᒎᑎᒧᑦ ᖃᐅᔨᒪᔭᐅᓕᕋᑦᓯ, ᓱᖕᒪᑦ ᐅᑎᕐᓯᒪᓕᕐᐱᓰ ᐊᓂᕐᓂᕐᓄᑦ ᐱᔪᓐᓇᕐᓂᖃᖏᑦᑐᓄᑦ? ᓯᐊᓛᕆᔭᐅᒃᑲᓐᓂᕈᒪᓕᕆᕕᓰ ᑍᒃᑯᓄᖓ?

ᒐᓔᑎᐊᒥᐅᓄᑦ 5:13

ᐃᓕᑦᓯᓕ ᐅᒃᐱᕐᑑᖃᑎᒃᑲ, ᕿᓚᕈᑦᔮᕐᑕᐅᖁᓪᓗᓯ ᕾᖁᔭᐅᓯᒪᕗᓯ; ᕿᓚᕈᑦᔮᕐᑕᐅᓯᒪᓂᓯᓕ ᑎᒥᐅᑉ ᐱᔪᒪᔭᖓᓄᑦ ᐊᐅᓚᑕᐅᑦᔪᑎᒋᓕᕐᑍᓕᓯᐅᒃ, ᓇᒡᓕᖕᓂᒃᑯᓪᓕ ᐊᑐᓂᑦ ᐱᔨᑦᓯᖃᑦᑕᐅᑎᓕᕆᑦᓯ.

ᐃᐱᓯᒥᐅᓄᑦ 6:14

ᑍᒤᒻᒪᑦ ᓇᖏᕐᓗᓯ ᐸᕐᓇᒃᓯᒪᓕᕆᑦᓯ, ᕿᑎᑦᓯᒍᑦ ᑕᑦᓯᕈᓯᔭᕐᓗᓯ ᓱᓕᓂᕐᒥᒃ, ᓴᒡᕕᖕᒥᐅᑕᖅ ᐊᑎᓗᒍ ᓇᓛᒎᕐᓂᖅ,

ᐱᓕᐱᒥᐅᓄᑦ 1:27

ᒫᓐᓇᓕ ᐱᔭᕆᐊᖃᕐᓂᕐᐹᖑᕗᖅ ᐃᓅᓯᓯ ᒪᓕᑦᓯᐊᖁᓪᓗᒍ ᙭ᔅᑑᓯᐅᑉ ᐅᖃᐅᓯᖏᑕ ᐊᑐᕐᑕᐅᖁᔭᖏᓐᓂᒃ, ᐃᓕᑦᓯᓐᓄᑦ ᑎᑭᑦᓱᓐᓇᕈᒪ ᑕᑯᓗᓯ, ᐃᓕᑦᓯᓅᕈᓐᓇᖏᒃᑲᓗᐊᕈᒪᓘᓐᓃᑦ, ᑐᓴᕈᓐᓇᖁᓪᓗᖓ ᑲᔪᓯᑦᓯᐊᕐᓂᑦᓯᓐᓂᒃ ᐊᑕᐅᓯᐅᑦᓯᐊᕐᓂᑦᓯᓐᓂᒡᓗ ᐆᒻᒪᑎᑦᓯᒍᑦ, ᐃᓱᒪᑦᓯᒍᓪᓗ ᐊᒃᓱᕉᑎᖃᓪᓚᕆᖕᓂᑦᓯᓐᓂᒃ ᑲᑐᑦᔨᑦᓯᐊᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᒃᐱᕈᓱᑦᓯᐊᕐᓂᕐᒧᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:8

ᒫᓐᓇ ᑕᕝᕙ ᐃᓱᒫᓗᐃᕐᐳᒍᑦ, ᓱᖁᓯᔪᐃᑦᑑᓕᕈᑦᓯ ᐊᑕᓂᕐᒥᒃ ᑐᓐᖓᕕᖃᑦᓯᐊᕐᓗᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:15

ᑍᒤᒻᒪᑦ, ᐅᒃᐱᕐᑑᖃᑎᕗᑦ, ᓱᖁᓯᕐᑍᓕᒋᑦᓯ ᐱᓯᒪᔭᑦᓯᓐᓂᒃ ᐊᔪᕆᕐᑐᐃᑦᔪᑎᒋᓚᐅᕐᑕᑦᑕᓗ ᐱᐅᓯᖏᓐᓂᒃ ᑎᒍᒥᐊᑦᓯᐊᕆᑦᓯ, ᐅᖃᐅᓯᑦᑎᒍᑦ, ᑎᑎᕋᓚᐅᕐᑕᑦᑎᒍᓪᓘᓐᓃᑦ.

ᐄᑉᕈᐃᓄᑦ 10:23

ᑍᒫᒃᑕᐅᖅ ᓂᕆᐅᖕᓂᕆᔭᑦᑎᓐᓂᒃ ᐅᖃᕆᒃᓴᐅᑦᔨᓂᕆᔭᕗᑦ ᐊᑕᕕᒌᓐᓇᕐᓚᕗᑦ ᒪᕐᕈᒍᓯᕈᑎᒋᖏᓪᓗᒍ, ᑖᓐᓇ ᐊᖏᕈᑎᒋᓯᒪᔭᒥᓂᒃ ᓴᖑᑎᑦᓯᓂᐅᓴᖏᒻᒪᑦ.

ᐄᑉᕈᐃᓄᑦ 3:14

᙭ᔅᑑᓯ ᐱᓇᓱᐊᖃᑎᒋᒐᑦᑎᒍᑦ, ᐱᒋᐊᓕᕐᓗᑕ ᑕᑎᖃᕐᓂᕆᓚᐅᕐᑕᕗᑦ ᑲᔪᓯᑎᓐᓂᐊᑐᐊᕈᑦᑎᒍᑦ ᐃᓱᐊᓄᑦ.

ᐄᑉᕈᐃᓄᑦ 3:6

᙭ᔅᑑᓯᓕ ᓱᖁᓯᔪᐃᑦᑑᕗᖅ ᐃᕐᓂᐅᓪᓗᓂ ᐊᖓᔪᖅᑲᐅᔪᖅ ᒎᑎᐅᑉ ᐃᒡᓗᖓᓄᑦ. ᐅᕙᒍᑦ ᑖᑦᓱᒪ ᐃᒡᓗᒋᕚᑎᒍᑦ ᓴᐱᖏᑦᔪᑎᒃᓴᖅ ᓂᕆᐅᖕᓂᕐᓗ ᓂᕐᑐᕐᓇᐅᑎᒋᔭᕗᑦ ᐱᓯᒤᓐᓇᕐᓂᐊᕈᑦᑎᒍᑦ ᐃᓱᐊᓄᑦ.

ᐄᑉᕈᐃᓄᑦ 4:14

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕐᔪᐊᖃᕋᑦᑕ ᒎᑎᐅᑉ ᓇᔪᒐᖓᓄᑦ ᐂᓯᒪᔪᒥᒃ ᔩᓱᓯᒥᒃ, ᒎᑎᐅᑉ ᐃᕐᓂᖓᓂᒃ, ᐅᒃᐱᕐᓂᕗᑦ ᑎᒍᒥᐊᑦᓯᐊᕐᓚᕗᑦ.

ᐲᑦᑐᕉᓯ ᓯᕗᓪᓖᑦ 2:16

ᕿᓚᕈᑦᔮᕐᑕᐅᓯᒪᔪᑎᑐᑦ ᐃᓅᒋᑦᓯ, ᕿᓚᕈᑦᔮᕐᑕᐅᓯᒪᓂᓯᓕ ᐃᔨᕋᑦᑐᕈᑎᒋᑦᑍᓕᓯᐅᒃ ᐱᐅᖏᑦᑐᒥᒃ ᐱᓇᓱᐊᕈᑎᑖᕆᓗᒍ; ᐃᓅᓯᖃᕆᑦᓯᓕ ᒎᑎᐅᑉ ᐱᔨᖏᑎᑐᑦ.

ᐲᑦᑐᕉᓯ ᐂᑉᐸᖏᑦ 2:19

ᐅᖃᐅᑦᔪᕐᓗᒋᓪᓗ ᕿᓚᕈᑦᔮᕐᑕᐅᓂᐊᕐᓂᕋᓗᒋᑦ, ᓇᖕᒥᓂᕐᓗ ᐊᔪᓕᕐᕕᖃᕐᓯᒪᒋᕗᑦ ᐃᓅᓯᑎᐊᕙᐅᓐᖏᑐᒧᑦ ᐃᓕᖅᑯᓯᕾᓐᓇᕐᓇᕐᑐᒥᒃ; ᑖᑦᓱᒧᖓ ᓵᓚᒋᔨᒋᔭᒥᓄᑦ ᐱᔨᒋᔭᐅᓕᕐᒪᑦ.

ᔫᑎᐅᑉ ᐊᒡᓚᖏᑦ 1:3

ᓇᒡᓕᖕᓇᕐᑐᓯ, ᑎᑎᕋᐅᓯᖃᕈᒪᓯᒪᒐᒪ ᐱᐅᓕᔭᐅᓯᒪᖃᑎᒌᖕᓂᑦᑎᓐᓂᒃ, ᐱᔭᕆᐊᖃᓪᓚᕆᒐᓱᒋᒐᒪ ᑎᑎᕋᕐᕕᒋᓗᓯ ᑕᒪᒃᑯᓂᖓ ᑲᔪᖏᕐᓴᕐᓗᓯ ᐅᒃᐱᕐᓂᒃᑯᑦ ᐃᑦᔪᕐᓁᑎᑕᐅᔪᓄᑦ ᑐᓂᔭᐅᓯᒪᔪᖅ ᑲᔪᓯᑦᔪᑎᒋᑦᓯᐊᕐᓗᒍ ᓯᕐᓂᒋᓗᒍᓗ ᐱᖁᓪᓗᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:25

ᑎᑭᓚᐅᖏᓐᓂᓐᓂ, ᐱᓯᒪᔭᑦᓯᓐᓂᒃ ᓴᑯᐃᑦᑍᓕᒋᑦᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:3

ᐃᖅᑬᓕᕆᑦ ᐃᓕᖕᓄᑦ ᐊᔪᕆᕐᑑᑕᐅᓯᒪᔪᓂᒃ ᑐᓴᕐᓯᒪᔭᕐᓂᒡᓗ; ᓈᓚᒡᓗᒋᑦ, ᖃᕿᐊᓕᕆᑦ. ᑐᐸᖕᓂᐊᖏᒃᑯᕕᑦ, ᑎᒡᓕᒃᑎᑐᑦ ᑎᑭᓐᓂᐊᕐᐸᒋᑦ, ᖃᐅᔨᒪᓂᐊᓐᖏᓚᑎᓪᓗ ᖃᖓ ᑎᑭᕝᕕᒋᓂᐊᕐᑕᓐᓂᒃ.