ᒐᓔᑎᐊᒥᐅᓄᑦ 4:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᒫᓐᓇᓕ ᒎᑎᒥᒃ ᖃᐅᔨᒪᓕᕋᑦᓯ, ᐅᕝᕙᓗ ᒎᑎᒧᑦ ᖃᐅᔨᒪᔭᐅᓕᕋᑦᓯ, ᓱᖕᒪᑦ ᐅᑎᕐᓯᒪᓕᕐᐱᓰ ᐊᓂᕐᓂᕐᓄᑦ ᐱᔪᓐᓇᕐᓂᖃᖏᑦᑐᓄᑦ? ᓯᐊᓛᕆᔭᐅᒃᑲᓐᓂᕈᒪᓕᕆᕕᓰ ᑍᒃᑯᓄᖓ?

ᒐᓔᑎᐊᒥᐅᓄᑦ 4:9 Iomraidhean Croise

ᐊᑕᓃᑦ ᓯᕗᓪᓖᑦ 8:43

ᑐᒃᓯᐊᓂᖏᑦ ᑐᓴᒃᑭᑦ, ᕿᓚᖕᒥᑦ ᐃᓂᒋᔭᕐᓂᑦ, ᐱᓇᓱᐊᕐᓗᑎᓪᓗ ᓄᓇᓕᑐᖃᐅᖏᑦᑐᑦ ᓂᓪᓕᐊᑦᔪᑎᒋᔭᓕᒫᖏᓐᓂᒃ; ᓄᓇᕐᔪᐊᕐᒥᐅᓕᒫᑦ ᐃᓄᐃᑦ ᐊᑎᕐᓂᒃ ᖃᐅᔨᓕᖁᓗᒋᑦ ᐃᓕᖕᓂᒡᓗ ᐃᓕᕋᒋᔭᖃᓕᕐᓗᑎᒃ ᐃᓴᕆᐊᓕᒥᐅᑎᑐᑦ, ᖃᐅᔨᒪᖁᓪᓗᒋᑦ ᐅᓇ ᐃᒡᓗᓕᐊᕋ ᐊᑎᕐᓂᒃ ᑐᓐᖓᕕᖃᕐᒪᑦ.

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 1:6

ᐱᓇᓱᐊᑦᓯᐊᕐᑐᑦ ᐱᓂᐊᕐᓂᖏᑦ ᐊᑕᓂᐅᑉ ᖃᐅᔨᒪᕔᑦ, ᐱᐅᖏᑦᑐᓕᔪᓪᓕ ᐱᓂᐊᕐᓂᖏᑦ ᓄᖑᔪᒫᕐᐳᑦ.

ᐃᓐᖏᕈᑎᑦ 9:10

ᐊᑎᕐᓂᒡᓗ ᖃᐅᔨᒪᔪᑦ ᐃᓕᖕᓂᒃ ᑕᑎᖃᕐᓂᐊᕐᐳᑦ: ᐃᕝᕕᑦ ᐊᑕᓃᖅ ᕿᒪᖏᓐᓇᕕᒋᑦ ᐃᓕᖕᓂᒃ ᕿᓂᕐᑐᑦ.

ᒨᓯᓯ ᐂᑉᐸᖏᑦ 33:17

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐅᖃᐅᓯᕆᔭᕐᑐᑦᓯᐊᖅ ᐱᓇᓱᐊᕐᓂᐊᕐᐳᖓ; ᖃᐅᔨᒪᑦᓯᐊᕋᒃᑭᑦ ᖁᕕᐊᒋᑦᓯᐊᕐᓗᑎᓪᓗ ᐊᑏᓪᓗ ᖃᐅᔨᒪᑦᓯᐊᕐᐸᕋ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:5

ᑕᕝᕙ ᑐᑭᓯᓕᕐᓂᐊᕐᐳᑎᑦ ᐊᑕᓂᕐᒥᒃ ᐃᓕᕋᒋᔭᖃᕐᓂᕐᒥᒃ ᒎᑎᒥᒡᓗ ᖃᐅᔨᕙᓪᓕᐊᓂᕐᒥᒃ ᓇᓂᓯᓂᐊᕐᐳᑎᑦ.

ᔨᕆᒤᐊᐅᑉ ᐊᒡᓚᖏᑦ 31:34

ᐃᓅᖃᑎᒥᖕᓂᒃ ᐊᔪᕆᕐᑐᐃᔭᕆᐊᖃᕈᓐᓃᕈᒫᕐᐳᑦ ᖃᑕᓐᖑᑎᒥᖕᓂᒡᓘᓐᓃᑦ ᐅᖃᐅᑦᔨᔪᖃᕐᐸᒍᓐᓃᕐᓗᓂ, ᐊᑕᓂᖅ ᖃᐅᔨᓕᕈᒃ, ᐅᕙᓐᓂᒃ ᖃᐅᔨᒪᔪᐃᓐᓇᐅᓕᕈᒫᕐᐳᑦ ᓱᓇᐅᖏᓐᓂᕐᐹᒥᑦ ᐱᓪᓚᕆᐅᓂᕐᐹᒧᑦ, ᐊᑕᓂᖅ ᐅᖃᕐᐳᖅ; ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓃᕈᒫᕋᒃᑭᑦ ᐃᖅᑲᐅᒪᔪᓐᓃᕐᓗᒋᓪᓗ.”

ᕼᐊᐸᑲᐅᑉ ᐊᒡᓚᖏᑦ 2:14

ᓄᓇᕐᔪᐊᖅ ᑕᑕᑕᐅᔪᒫᕐᐳᖅ ᐃᓕᑕᕐᓯᓂᕐᒥᒃ ᐊᑕᓂᐅᑉ ᐱᓐᓇᕐᓇᕐᓂᖓᓂᒃ, ᐃᒪᐅᑉ ᐃᒪᕕᖕᒥᒃ ᐅᓕᒃᓯᓯᒪᓂᖓᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 11:27

“ᐊᑖᑕᒪ ᑕᒤᓐᓂᒃ ᑐᓂᓯᕕᒋᓚᐅᕐᒪᖓ; ᐃᕐᓂᖅ ᖃᐅᔨᒪᔭᐅᓐᖏᓚᖅ ᐊᑖᑕᐅᑉ ᑭᓯᒥ ᖃᐅᔨᒪᕚ, ᐊᑖᑕᑦᑕᐅᖅ ᖃᐅᔨᒪᔭᐅᖏᓐᓂᕗᖅ ᐃᕐᓂᐅᑉ ᑭᓯᒥ ᖃᐅᔨᒪᕚ, ᑖᒃᑯᓄᖓᓗ ᐃᕐᓂᐅᑉ ᖃᐅᔨᑎᑦᓱᒪᔭᖏᑕ ᑭᓯᒥ ᖃᐅᔨᒪᕚᑦ.

ᓘᑲᓯᐅᑉ ᐊᒡᓚᖏᑦ 5:38

ᐅᐂᓂᓕ ᓄᑖᖅ ᐊᒥᕐᒧᑦ ᓄᑖᒧᑦ ᐃᒻᒥᕐᓲᑎᔭᐅᔪᒃᓴᐅᕗᖅ.

ᔪᐊᓇᓯᐅᑉ ᐊᒡᓚᖏᑦ 10:14

ᐅᕙᖓ ᐰᕐᓯᔨᑦᓯᐊᖑᕗᖓ; ᓇᖕᒥᓂᒃᑲ ᐃᓕᑕᕆᕙᒃᑲ ᐃᓕᑕᕆᔭᐅᓪᓗᖓᓗ ᑖᒃᑯᓄᖓ.

ᔪᐊᓇᓯᐅᑉ ᐊᒡᓚᖏᑦ 10:27

ᓰᐱᖁᑎᒪ ᓂᐱᒐ ᑐᓴᕐᐹᑦ, ᖃᐅᔨᒪᒐᒃᑭᑦ, ᒪᓕᒃᐹᖓ.

ᔪᐊᓇᓯᐅᑉ ᐊᒡᓚᖏᑦ 17:3

ᐃᓅᓯᖅ ᓄᖑᓱᐃᑦᑐᖅ ᐃᒤᓕᖓᕗᖅ, ᐃᓕᖕᓂᒃ ᖃᐅᔨᓗᓂ ᓇᓛᒍᑦ ᓱᓕᔪᒥᒃ ᒎᑎᑐᐊᖑᓂᕐᓂᒃ, ᑎᓕᓚᐅᕐᑕᕐᓂᒡᓗ ᔩᓱᓯ ᙭ᔅᑑᓯᒥᒃ.

ᕉᒪᒥᐅᓄᑦ 8:29

ᓯᕗᓂᖓᒍᑦ ᓂᕈᐊᕐᓯᒪᔭᓂ ᒎᑎᐅᑉ ᕾᖁᓯᒪᖕᒪᒋᑦᑕᐅᖅ ᐃᕐᓂᕐᒥᓄᑦ ᐊᑦᔨᒋᔭᐅᓕᖁᓪᓗᒋᑦ, ᑖᓐᓇ ᐊᖓᔪᒃᖠᕐᐹᖑᖁᓪᓗᒍ ᐅᒃᐱᕐᑑᖃᑎᒌᑦ ᐊᒥᓱᑦ ᐊᑯᕐᖓᓐᓂ.

ᕉᒪᒥᐅᓄᑦ 8:3

ᒎᑎ ᐱᓂᐊᕐᓯᒪᖕᒪᑦ ᐱᖁᔧᑦ ᐊᔪᕐᑕᖓᓂᒃ, ᑎᒥᐅᑉ ᐃᓕᖅᑯᓯᖓᓄᑦ ᓴᓐᖐᓕᑎᑕᐅᓯᒪᔪᓂᒃ, ᐃᕐᓂᓂ ᓇᖕᒥᓂᓂ ᑎᓕᓚᐅᕐᒪᒍ ᐃᓄᒃ ᐊᔪᕐᓂᓕᒃ ᐊᑦᔨᒋᓕᕐᓗᒍ ᐊᔪᕐᓂᒧᑦ ᑐᓂᕐᕈᑎᒃᓴᐅᖁᓪᓗᒍ, ᑍᒤᒻᒪᑦ ᐃᒋᑕᒃᓴᓐᖑᕐᑎᓚᐅᕐᐹ ᐃᓅᑉ ᐊᔪᕐᓂᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:12

ᒫᓐᓇ ᑕᕐᕋᕐᑑᑎᒃᑯᑦ ᑕᑯᑦᓯᐊᕈᓐᓇᕐᓇᑕ ᑕᑯᓐᓇᕐᐳᒍᑦ; ᐱᔪᒫᕐᑐᒥᓕ ᑕᑯᓐᓇᓕᕈᒫᕐᐳᒍᑦ ᑮᓇᕐᒥᑦ ᑮᓇᕐᒧᑦ. ᒫᓐᓇ ᐃᓔᓐᓇᖓᓂᒃ ᖃᐅᔨᒪᕗᖓ; ᐱᔪᒫᕐᑐᒥᓕ ᑕᒤᓐᓂᑦᓯᐊᖅ ᑐᑭᓯᔪᒫᕐᐳᖓ, ᓲᕐᓗ ᒎᑎᒧᑦ ᖃᐅᔨᒪᔭᐅᒐᒪ ᐃᓘᓐᓇᒃᑯᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:34

ᐃᓱᒪᑖᑦᓯᐊᓚᐅᕆᑦᓯ, ᐊᔪᕐᑐᓕᔪᓐᓃᕐᓗᓯᓗ. ᐃᓚᖏᑦ ᒎᑎᒥᒃ ᖃᐅᔨᒪᖏᒻᒪᑕ. ᑍᒤᓕᕗᖓ ᑲᓐᖑᓱᒃᑎᑕᐅᖁᓪᓗᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:3

ᒎᑎᒥᒡᓕ ᐱᓐᓇᕆᔭᖃᕐᑐᖅ ᑖᓐᓇ ᒎᑎᐅᑉ ᖃᐅᔨᒪᕚ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:20

ᐊᒡᓛᑦ ᖃᓄᐃᒃᓴᓐᖏᓚᓯ ᐃᓕᑦᓯᓐᓄᑦ ᐊᖓᔪᖅᑲᐅᓯᕐᑐᓂᒃ, ᐱᒋᔭᓯᓐᓂᒃ ᐊᕐᓵᕐᓯᔪᓂᒃ, ᐃᓕᑦᓯᓐᓂᒃ ᓵᓚᓯᐊᖃᕐᑐᓂᒃ, ᐃᒻᒥᖕᓂᒃ ᐊᖓᔪᖅᑳᖑᔪᒪᔪᓂᒃ, ᑮᓇᑦᓯᒍᓪᓘᓐᓃᑦ ᑎᒡᓗᒃᓯᔪᓂᒃ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᒐᓔᑎᐊᒥᐅᓄᑦ 3:3

ᖃᓄᐃᒻᒪᑦ ᓯᓔᑦᑐᒻᒪᕆᐊᓘᕕᓯ? ᒎᑎᐅᑉ ᐊᓂᕐᓂᖓᓄᑦ ᐱᒋᐊᓚᐅᕐᐳᓯ, ᒫᓐᓇᓕ ᑎᒥᐅᑉ ᐱᓇᓱᐊᕐᓂᖓᓄᑦ ᐱᔭᕇᕋᓱᐊᓕᕐᐱᓰ?

ᒐᓔᑎᐊᒥᐅᓄᑦ 4:3

ᑍᒫᒃᑕᐅᖅ ᐅᕙᒍᑦ; ᓄᑕᕋᐅᑎᓪᓗᑕ ᓯᐊᓛᕆᔭᐅᓚᐅᕐᐳᒍᑦ ᓯᓚᕐᔪᐊᑦᑎᓐᓂ ᐊᓂᕐᓂᕐᓄᑦ ᑕᑯᒃᓴᐅᖏᑦᑐᓄᑦ ᐊᐅᓚᑕᐅᑎᓪᓗᑕ.

ᐃᐱᓯᒥᐅᓄᑦ 1:17

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᒎᑎᖓ, ᐱᓐᓇᕐᓇᕐᓂᐅᑉ ᐊᑖᑕᖓ, ᑐᒃᓯᐊᕐᕕᒋᖃᑦᑕᕐᐸᕋ, ᑐᓂᓯᕕᐅᖁᓪᓗᓯ ᐊᓂᕐᓂᕐᒥᒃ ᓯᓚᑐᑎᑦᓯᔪᒥᒃ ᑐᑭᓯᑎᑦᓯᔪᒥᒡᓗ ᑖᑦᓱᒥᖓ ᖃᐅᔨᑦᓯᐊᖁᓪᓗᓯ.

ᑎᒧᑎᒧᑦ ᐂᑉᐸᖏᑦ 2:19

ᒎᑎᐅᓪᓕ ᑐᓐᖓᕕᓕᐊᕆᓯᒪᔭᖓ ᐊᐅᓚᖏᑦᑐᖅ ᓱᕐᕋᒃᑕᐅᔪᓐᓇᓐᖏᓚᖅ; ᐃᒤᑦᑐᓂᒃ ᓇᓗᓁᒃᑯᑕᓕᒃ: “ᐊᑕᓂᐅᑉ ᐃᓄᖁᑎᓂ ᖃᐅᔨᒪᕔᑦ,” ᐊᒻᒪᓗ, “ᑕᒪᕐᒥᒃ ᐊᑕᓂᕐᒧᑦ ᐃᓄᖁᑕᐅᔪᑦ ᐱᐅᖏᑦᑐᓕᓂᕐᓂᒃ ᐊᑐᕈᓐᓁᕐᓕᑦ.”

ᐄᑉᕈᐃᓄᑦ 7:18

ᑕᕝᕙ ᐱᖁᔭᑐᖃᖅ ᐊᑐᕈᓐᓃᕐᑎᑕᐅᕗᖅ ᓴᓐᖏᑦᑑᓪᓗᓂ ᐊᑑᑎᒃᓴᖃᖏᒻᒪᑦ.

ᐲᑦᑐᕉᓯ ᐂᑉᐸᖏᑦ 2:20

ᐃᓄᒃ ᕿᒤᓯᒪᓕᕐᑐᖅ ᓯᓚᕐᔫᑉ ᓴᓗᒤᓕᓇᕐᓂᖓᓂᒃ ᖃᐅᔨᑎᑕᐅᓂᕐᒥᒍᑦ ᐊᑕᓂᑦᑎᒍᑦ ᐱᐅᓕᔨᑦᑎᒍᓪᓗ ᔩᓱᓯ ᙭ᔅᑑᓯᒃᑯᑦ, ᓵᓚᒋᔭᐅᒍᓂᓕ ᕿᓚᒃᑕᐅᒃᑲᓐᓂᕐᓗᓂᓗ ᑕᒪᒃᑯᓄᖓ, ᐱᐅᖏᑦᑐᒦᓐᓂᕐᓴᐅᓕᕐᓂᐊᕐᐳᖅ ᓯᕗᓪᓕᕐᒥᑦ.

ᔪᐊᓇᓯ ᓯᕗᓪᓖᑦ 5:20

ᖃᐅᔨᒪᕗᒍᓪᓗ ᒎᑎᐅᑉ ᐃᕐᓂᖓ ᑎᑭᓯᒪᖕᒪᑦ ᑖᑦᓱᒪᓗ ᑐᑭᓯᐊᓕᕐᑎᑉᐹᑎᒍᑦ, ᖃᐅᔨᖁᓪᓗᑕ ᑭᓇ ᓱᓕᖕᒪᖔᑦ; ᑖᑦᓱᒪᓃᑉᐳᒍᓪᓗ ᓱᓕᔪᒥ, ᐃᕐᓂᖓᓂ ᔩᓱᓯ ᙭ᔅᑑᓯᒥ. ᑖᓐᓇ ᒎᑎ ᓱᓕᔫᕗᖅ ᐃᓅᓯᐅᓪᓗᓂᓗ ᓄᖑᓱᐃᑦᑐᖅ.