ᒐᓔᑎᐊᒥᐅᓄᑦ 4:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᕿᑐᕐᖓᕆᔭᐅᓕᕋᑦᓯᓗ, ᒎᑎᐅᑉ ᐃᕐᓂᕐᒥ ᐊᓂᕐᓂᖓ ᐃᓗᑦᓯᓐᓄᐊᕐᑎᑉᐹ, ᑖᓐᓇ ᓂᓪᓕᐊᔪᖅ, “ᐋᐸ, ᐊᑖᑖᒃ!”

ᒐᓔᑎᐊᒥᐅᓄᑦ 4:6 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 3:19

ᐊᑕᓂᖅ ᐅᖃᕐᐳᖅ, “ᐅᖃᓚᐅᕐᐳᖓᓕ, ᖁᕕᐊᓱᒃᑲᔭᓚᐅᕐᐳᖓ ᐃᕐᓂᑦᑐᑦ ᐱᔪᒪᓗᓯ, ᓄᓇᒃᑯᒥᓇᕐᑐᒥᓗ ᓄᓇᖃᕐᑎᓪᓗᓯ. ᐃᓅᖃᑎᒌᒡᔪᐊᓄᑦ ᑭᖑᕐᖑᑎᔭᐅᕙᒃᑐᓂᑦ ᐱᐅᓂᕐᐹᒥᒃ. ᐊᑖᑕᒥᒡᓗ ᑍᔭᐅᕙᖕᓂᐊᕈᒪᓪᓗᖓ, ᖁᔭᓈᕐᑕᐅᓂᐊᕋᓱᒋᓇᖓᓗ.

ᔨᕆᒤᐊᐅᑉ ᐊᒡᓚᖏᑦ 3:4

ᐅᖃᕐᕕᒋᕋᑖᓚᐅᓐᖏᓚᕐᒫ? ᐊᑖᑕᒋᓂᕋᕐᓗᖓ, ᐃᓚᓐᓈᕆᓂᕋᕐᓗᖓᓗ ᐃᓅᓱᒃᑑᓂᕐᓂᑦ.

ᒫᑯᓯᐅᑉ ᐊᒡᓚᖏᑦ 14:36

ᐃᒫᒃ ᑐᒃᓯᐊᕐᐳᖅ, “ᐋᐸ ᐊᑖᑖᒃ, ᓱᓇᓕᒫᓂᒃ ᐃᓕᖕᓄᑦ ᐊᔪᕐᓇᕐᑐᖃᖏᒻᒪᑦ; ᐃᒥᐅᑦ ᐅᓇ ᐲᕐᑎᓚᐅᕈᒃ ᐅᕙᓐᓂᑦ; ᐱᔪᒪᔭᕋᐅᖏᑦᑐᕐᓕ, ᐱᔪᒪᔧᓪᓕ ᐱᓕ.”

ᓘᑲᓯᐅᑉ ᐊᒡᓚᖏᑦ 11:13

ᐃᓕᑦᓯ ᐱᐅᖏᑦᑑᒐᓗᐊᕐᑐᓯ, ᐱᐅᔪᒥᒃ ᑐᓂᓯᔭᕆᐊᒃᓴᖅ ᕿᑐᕐᖓᑦᓯᓐᓄᑦ ᖃᐅᔨᒪᒐᑦᓯ, ᐊᖏᓂᕐᓴᒥᒡᓕ ᐊᑖᑕᓯ ᕿᓚᖕᒦᑦᑐᖅ ᑐᓂᓯᔪᓐᓇᕐᓂᕐᓴᐅᕗᖅ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᔪᒪᕕᒋᔨᒥᓄᑦ!”

ᓘᑲᓯᐅᑉ ᐊᒡᓚᖏᑦ 11:2

ᔩᓱᓯᐅᑉ ᐅᖃᐅᑎᕔᑦ, “ᑐᒃᓯᐊᓕᕌᖓᑦᓯ ᐃᒫᒃ ᐅᖃᖃᑦᑕᕆᑦᓯ: ᐊᑖᑖᒃ, ᐊᑎᕐᐱᑦ ᐃᑦᔪᕐᓁᓐᓂᖓ ᐃᓱᒪᒋᔭᐅᑦᓯᐊᕐᓕ; ᐊᑕᓂᐅᓃᑦ ᕾᓚᐅᕐᓕ,

ᔪᐊᓇᓯᐅᑉ ᐊᒡᓚᖏᑦ 14:16

ᐊᑖᑕᓗ ᑐᒃᓯᐊᕐᕕᒋᓂᐊᕐᐸᕋ, ᐃᑲᔪᕐᑎᒋᑲᓐᓂᕐᓂᐊᕐᑕᑦᓯᓐᓂᒃ ᑐᓂᓯᖁᓪᓗᒍ ᐃᓕᑦᓯᓐᓄᑦ, ᐃᓕᑦᓯᓐᓃᑦᓮᓐᓇᕐᓂᐊᕐᑐᒥᒃ ᐃᓱᖃᖏᑦᑐᒧᑦ,

ᔪᐊᓇᓯᐅᑉ ᐊᒡᓚᖏᑦ 15:26

“ᐃᑲᔪᕐᑎᒃᓴᕐᓕ ᑎᑭᒍᓂ, ᐊᑖᑕᓐᓂᑦ ᑎᓕᔪᒫᕐᑕᕋ ᐃᓕᑦᓯᓐᓄᑦ, ᓱᓕᔫᑉ ᐊᓂᕐᓂᖓ ᐊᑖᑕᒥᓐᖔᕐᑐᖅ, ᑖᓐᓇ ᐅᕙᓐᓂᒃ ᓇᓗᓁᕐᓯᔪᒫᕐᐳᖅ;

ᔪᐊᓇᓯᐅᑉ ᐊᒡᓚᖏᑦ 16:7

ᓱᓕᔪᒥᒃ ᐅᖃᐅᑎᕙᑦᓯ: ᐃᓕᑦᓯᓐᓄᑦ ᐱᕙᓪᓕᕐᓇᕐᓂᕐᓴᐅᕗᖅ ᐊᐅᓪᓚᕈᒪ, ᐊᐅᓪᓚᖏᒃᑯᒪ, ᐃᑲᔪᕐᑎᐅᑉ ᑎᑭᓐᓂᐊᖏᒻᒪᓯ; ᐊᐅᓪᓚᕈᒪᓕ, ᐃᓕᑦᓯᓐᓄᑦ ᑎᓕᓛᕐᐸᕋ.

ᔪᐊᓇᓯᐅᑉ ᐊᒡᓚᖏᑦ 3:34

ᒎᑎᐅᑉ ᑎᓕᓯᒪᔭᖓ ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᐳᖅ, ᒎᑎᐅᑉ ᐊᓂᕐᓂᕐᒥᓂᒃ ᑐᓂᓯᕕᒋᖕᒪᒍ ᐊᒥᒐᖏᑦᑐᒥᒃ;

ᔪᐊᓇᓯᐅᑉ ᐊᒡᓚᖏᑦ 7:39

ᔩᓱᓯᓕ ᑕᒪᑐᒥᖓ ᐅᖃᕐᐳᖅ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐅᖃᐅᓯᖃᕐᓗᓂ, ᑖᑦᓱᒧᖓ ᐅᒃᐱᕐᑐᓄᑦ ᑐᓂᔭᐅᔪᒫᕐᑐᒥᒃ; ᑍᑦᓱᒪᓂ ᓱᓕ ᒎᑎᐅᑉ ᐊᓂᕐᓂᖓ ᑐᓂᔭᐅᓚᐅᖏᒻᒪᑦ, ᔩᓱᓯ ᓱᓕ ᓂᕐᑐᕐᓇᕐᓯᑎᑕᐅᕕᒃᓴᒥᓄᑦ ᑎᑭᐅᑎᓯᒪᓚᐅᖏᒻᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 16:7

ᒦᓯᐊᑉ ᓴᓂᐊᓄᑦ ᑎᑭᓐᓇᒥᒃ, ᐱᑎᓂᐊᒧᑦ ᓄᓇᒧᑦ ᑎᑭᓐᓇᓱᐊᕈᒪᓕᕐᐳᑦ, ᔩᓱᓯᐅᓪᓕ ᐊᓂᕐᓂᖓᑕ ᐃᓂᕐᑎᕐᐹᒃ;

ᕉᒪᒥᐅᓄᑦ 5:5

ᓂᕆᐅᖕᓂᐅᓪᓗ ᑕᒪᑐᒪ ᐅᒡᒍᐊᕐᑎᓐᖏᓛᑎᒍᑦ, ᒎᑎᐅᑉ ᓇᒡᓕᖕᓂᓂ ᐃᓗᑦᑎᓐᓄᑦ ᑯᕕᖕᒪᒍ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᑖᑦᓱᒨᓇ ᑐᓂᕐᕈᓯᐊᕆᔭᑦᑎᒍᑦ.

ᕉᒪᒥᐅᓄᑦ 8:9

ᐃᓕᑦᓯᓕ ᑎᒥᐅᑉ ᐱᔪᒪᔭᖓᓃᓐᖏᓚᓯ, ᐊᓂᕐᓂᕐᒦᑉᐳᓯᓕ, ᒎᑎᐅᑉ ᐊᓂᕐᓂᖓ ᐃᓂᖃᕐᐸᑦ ᐃᓕᑦᓯᓐᓂ. ᙭ᔅᑑᓯᐅᑉ ᐊᓂᕐᓂᖓᓂᒃ ᐱᖃᖏᑦᑐᖅ ᑖᑦᓱᒧᖓ ᐱᖁᑎᒋᔭᐅᓐᖏᓚᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:45

ᐃᒫᒃ ᑎᑎᕋᕐᓯᒪᖕᒪᑦ, “ᐋᑕᒥ ᓯᕗᓪᓕᖅ ᐆᒻᒪᕐᑎᑕᐅᓚᐅᕐᐳᖅ ᑎᒥᖃᕐᓗᓂ”; ᐋᑕᒥᓕ ᑭᖑᓪᓕᖅ ᐊᓂᕐᓂᒃᑯᑦ ᐃᓅᓯᕐᑖᕐᑎᑦᓯᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:22

ᓇᓗᓁᒃᑯᓯᕐᐹᑎᒍᓪᓗ ᓇᕿᑦᔪᑎᒥᓄᑦ ᐅᕙᑦᑎᓐᓂᒃ ᐱᖃᕐᓂᕐᒥᓂᒃ ᓇᓗᓁᕐᓯᔪᒥᒃ, ᐊᓂᕐᓂᕐᓗ ᐃᑦᔪᕐᓁᑦᑐᖅ ᐃᓗᑦᑎᓐᓄᑦ ᐱᑎᑉᐹ, ᓇᓗᓇᖁᓇᒍ ᐊᖏᕈᑎᒋᓯᒪᔭᖏᓐᓂᒃ ᐱᑖᓛᕐᓂᕗᑦ ᑖᑦᓱᒪᓐᖓᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:17

ᐊᑕᓂᕐᓕ ᐊᓂᕐᓂᐅᖕᒪᑦ; ᐊᑕᓂᐅᓪᓗ ᐊᓂᕐᓂᖓ ᓇᔫᑎᓕᕌᖓᑦ, ᑕᕝᕙᓂ ᕿᓚᕈᑦᔮᕐᓯᒪᓂᖃᕐᐳᖅ.

ᐃᐱᓯᒥᐅᓄᑦ 1:13

ᑖᑦᓱᒨᓇ ᐃᓕᑦᓯᑦᑕᐅᖅ ᑍᒤᒃᑭᕗᓯ, ᓱᓕᔫᑉ ᐅᖃᐅᓯᐅᓂᖓᓂᒃ ᑐᓴᕐᓯᒪᔪᓯ, ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᐱᐅᓕᔭᐅᕕᒃᓴᕐᑖᑎᑕᐅᓯᒪᕗᓯ, ᑖᑦᓱᒧᖓᓗ ᐅᒃᐱᓕᕋᑦᓯ, ᑕᕝᕙ ᒎᑎᐅᑉ ᓇᓗᓁᒃᑯᓯᓚᐅᕐᐹᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐊᖏᕈᑕᐅᓯᒪᔪᒥᒃ.

ᐃᐱᓯᒥᐅᓄᑦ 2:18

ᑖᑦᓱᒨᓇ ᑕᒪᑦᑕ ᐊᑐᓂᑦ ᐊᖅᑯᑎᒃᓴᖃᓕᕐᐳᒍᑦ ᐊᑖᑕᒧᑦ ᐊᓂᕐᓂᒃᑯᑦ ᐊᑕᐅᓯᒃᑯᑦ.

ᐃᐱᓯᒥᐅᓄᑦ 4:30

ᒎᑎᐅᓪᓗ ᐊᓂᕐᓂᖓ ᐃᑦᔪᕐᓁᑦᑐᖅ ᕿᒃᓵᒃᑎᓐᓂᐊᕋᓯᐅᒃ, ᑖᑦᓱᒧᖓ ᓇᓗᓁᒃᑯᓯᕐᑕᐅᓯᒪᒐᑦᓯ ᐅᓪᓗᒧᑦ ᐱᐅᓕᔭᐅᕕᒃᓴᒧᑦ.

ᐃᐱᓯᒥᐅᓄᑦ 6:18

ᑐᒃᓯᐊᑦᓮᓐᓇᕆᑦᓯ ᐊᓂᕐᓂᒃᑯᑦ, ᑐᒃᓯᐊᕈᑎᖃᕐᓗᓯ ᓱᓇᑐᐃᓐᓇᕐᓂᒃ ᕿᓄᓗᓯᓗ. ᐃᒃᐱᒍᓱᑦᓯᐊᕆᑦᓯ ᓴᐱᓕᕐᑍᓕᓗᓯ, ᑐᒃᓯᐅᑦᔨᕙᒡᓗᓯ ᐃᑦᔪᕐᓁᑎᑕᐅᓯᒪᔪᓂᒃ ᑕᒤᓐᓂᒃ,

ᐱᓕᐱᒥᐅᓄᑦ 1:19

ᖃᐅᔨᒪᒐᒪ, ᑐᒃᓯᐅᑦᔨᓂᑦᓯᓐᓄᑦ ᐃᑲᔪᕐᓂᑦᓯᓐᓄᓪᓗ ᔩᓱᓯ ᙭ᔅᑑᓯᐅᑉ ᐊᓂᕐᓂᖓᓂᑦ ᐱᔪᒧᑦ ᐊᓂᑎᑕᐅᓂᐊᕋᒪ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:8

ᑍᒤᒻᒪᑦ ᑕᒪᑐᒥᖓ ᐊᔪᕆᕐᑑᓯᕐᒥᒃ ᓇᕐᕈᔪᖅ, ᐃᓄᖕᒥᒃ ᓇᕐᕈᖏᓚᖅ ᒎᑎᒥᒡᓕ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓕᑦᓯᓐᓄᑦ ᑐᓂᓯᔪᒥᒃ.

ᐲᑦᑐᕉᓯ ᓯᕗᓪᓖᑦ 1:11

ᖃᐅᔨᓇᓱᐊᓚᐅᕐᐳᑦ ᖃᖓᐅᓂᐊᕐᒪᖔᑦ ᖃᓄᕐᓗ ᓴᖅᑭᓐᓂᐊᕐᒪᖔᑦ ᙭ᔅᑑᓯᐅᑉ ᐊᓂᕐᓂᖓ ᑖᒃᑯᓇᓃᑦᑐᖅ ᑕᒪᑐᒥᖓ ᓇᓗᓁᕐᓯᓚᐅᕐᐳᖅ; ᙭ᔅᑑᓯᐅᑉ ᐋᓐᓂᐊᑎᑕᐅᓂᕐᒥᒃ ᐊᑐᕈᒫᕐᓂᖓᓂᒃ ᖁᕕᐊᓇᕐᑐᕐᔪᐊᒥᒡᓗ ᑭᖑᓂᖃᕈᒫᕐᓂᖓᓂᒃ.

ᔫᑎᐅᑉ ᐊᒡᓚᖏᑦ 1:20

ᐃᓕᑦᓯᓕ ᓇᒡᓕᒋᔭᒃᑲ, ᐃᓕᑦᓯᓐᓂᒃ ᐱᕙᓪᓕᐊᑎᓕᕆᑦᓯ ᐅᒃᐱᕐᓂᑯᑦ ᐃᑦᔪᕐᓁᑦᑐᒃᑯᑦ; ᑐᒃᓯᐊᕐᓗᓯ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:10

ᑕᕝᕙ ᐃᑎᒐᖏᓐᓄᑦ ᐹᒻᒪᒃᐳᖓ ᒥᑭᒡᓕᑎᕐᓗᖓ ᐅᐱᒋᕕᒃᔪᐊᕈᒪᓪᓗᒍ, ᑖᑦᓱᒪᓕ ᐅᖃᐅᑎᕚᖓ, “ᑍᒤᓕᐅᕆᐊᖃᓐᖏᓚᑎᑦ! ᐱᔨᑐᐃᓐᓇᐅᖃᑕᐅᕗᖓ ᐃᓕᒃᑐᑦ ᐅᒃᐱᖃᑎᒃᑐᓪᓗ ᐅᖅᑲᕆᒃᓴᐅᑦᔨᔪᓄᑦ ᔩᓱᓯᒥᒃ. ᒎᑎᓕ ᐅᐱᒋᕕᒃᔪᐊᕆᐊᖃᕐᐸᑦ.” ᔩᓱᓯᐅᑉ ᓇᓗᓁᔭᓚᐅᕐᑕᖓ ᐊᓂᕐᓂᐅᕗᖅ ᓇᓚᐅᑦᑍᔪᑦ ᐱᔪᓐᓇᐅᑎᒋᓚᐅᕐᑕᖓᑦ.